ປ່ຽນ​ພາ​ສາ

ກິດຈະກຳ
ກິດຈະກຳ

ບໍລິຄຳໄຊ ລະນຶກວັນຄູແຫ່ງຊາດ ຄົບຮອບ 24 ປີ

ມີ​ບັນດາ​ຄະນະປະຈຳພັກແຂວງ, ກຳມະການພັກແຂວງ, ພະນັກງານ, ທະຫານ-​ຕຳ​ຫຼວດ, ນັກຮຽນ-​ນັກ​ສຶກສາ​ເຂົ້າ​ຮ່ວມ​ຮັບ​ຟັງ.

  ທ່ານ ບຸນ​ມາ ບຸ​ຈະ​ເລີ​ນ ​ໄດ້​ຍົກ​ໃຫ້​ເຫັນ​ວ່າ: ​ປະເທດລາວຂອງເຮົາໃນ​ຊຸມ​ປີ 1905 ຄົນ​ລາວ​ທີ່​ໄດ້​ເຂົ້າ​ໂຮງຮຽນ​ແມ່ນ​ໜ້ອຍ​ທີ່​ສຸດ, ​ໃນ​ນັ້ນ​ ໄດ້​ມີ​ຜູ້​ໜຶ່ງ​ຊື່ວ່າ​ທ້າວ ຄຳ ​ໄດ້​ຮຽນ​ຮອດ​ຫ້ອງ​ທີ I ຫຼື ຈົບ ປ.6 ​ໄດ້​ເຂົ້າ​ຮ່ວ​ມຝຶກ​ອົບຮົມ​ຄູ​ເປັນ​ຄົນ​ທຳ​ອິດ​ຂອງ​ລາວ ພາຍຫຼັງສຳ​ເລັດ​ການ​ຝຶກ​ອົບຮົມ​ແລ້ວ ທ້າວ ຄຳ ​ໄດ້​ເຂົ້າ​ຮັບ​ລາຊະການ​ເປັນຄູ​ສອນຢູນະຄອນຫຼວງວຽງຈັນ ໃນເວລານັ້ນປະເທດຂອງພວກເຮົາ ໄດ້ຕົກເປັນຫົວເມືອງຂື້ນຂອງຈັກກະພັດຝຣັ່ງ ປະຊາຊົນລາວຕົກເປັນຂ້ອຍຂ້າມ້າໃຊ້ ຝຣັ່ງເອີ້ນວ່າກູລີ ເຮັດໃຫ້ປະຊາຊົນມີຄວາມທຸກທໍລະມານ ບໍ່ມີອິດສາລະພາບ, ຍ້ອນຕົກເປັນຂ້າທາດຂອງພວກເຂົາ ນາຍຄູຄຳ ຈື່ງໄດ້ຕັດສິນໃຈ ​ເຂົ້າ​ຮ່ວມ​ຂະ​ບວນການ​ນຳພາ​ປະຊາຊົນ​ລາວ​ລຸກ​ຮື້​ຂຶ້ນ​ ຕໍ່ສູ້​ຕ້ານ​ການ​ຮຸກ​ຮານ​ຂອງ​ພວກ​ລ່າ​ເມືອງ​ຂຶ້ນຝຣັ່ງ. ປະຫວັດ​ສາດ​ຂະ​ບວນການ​ຕໍ່ສູ້​ຂອງ​ປະຊາຊົນ​ລາ​ວບັນດາ​ເຜົ່າ ຕ້ານ​ການ​ຮຸກ​ຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່ໄດ້ຜ່ານໄລຍະອັນຍືດເຍື້ອຍາວນານ ແລະ ໄດ້ຮັບໄຊຊະນະເປັນແຕ່ລະໄລຍະ ຈົນເຮັດໃຫ້ປະເທດລາວໄດ້ສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວຂຶ້ນໃນວັນທີ 02 ທັນວາ 1975 ຊຶ່ງໄດ້ເປັນເງື່ອນໄຂອັນສະດວກໃນການພັດທະນາການສຶກສາຂອງລາວ ການພັດທະນາຖັນແຖວຄູ-ອາຈານໄດ້ເພີ່ມຂຶ້ນ ແລະ ຄູ-ອາຈານ ຈຳນວນເຫຼົ່ານັ້ນ ລ້ວນແຕ່ມີນ້ຳໃຈຮັກຫອມປະເທດຊາດ, ມີຄວາມຮູ້, ຄວາມສາມາດ, ຊື່ສຽງຂອງຄູໄດ້ຕິດພັນກັບຂະບວນວິວັດ ແຫ່ງການພັດທະນາປະເທດຊາດແຕ່ລະສະໄໝ ຈົນເຖີງປັດຈຸບັນນີ້, ປະເທດຊາດຂອງພວກເຮົາໄດ້ມີນັກວິຊາການ, ນາຍທະຫານ, ນາຍຕຳຫຼວດ, ນັກການເມືອງ ແລະ ນັກທຸລະກິດຈຳນວນບໍ່ໜ້ອຍ ລ້ວນແຕ່ມີຄວາມຮູ້ຈາກຄູສອນ, ປະເທດຊາດມີການພັດທະນາເທົ່າໃດ ກໍ່ຍິ່ງເຮັດໃຫ້ສັງຄົມມີຄວາມສຳນຶກ ເຖິງບຸນຄຸນອັນລ້ຳເລີດຂອງຄູ-ອາຈານຫຼາຍຂຶ້ນເທົ່ານັ້ນ. ເພື່ອເຮັດໃຫ້ຄວາມຮູ້ບຸນຄຸນຕໍ່ຄູ-ອາຈານໃນທົ່ວສັງຄົມ ລັດຖະບານຈຶ່ງໄດ້ກຳນົດເອົາວັນທີ 07 ເດືອນ ຕຸລາ ຂອງທຸກໆປີ ເປັນວັນຄູແຫ່ງຊາດລາວ, ນອກຈາກການຫວນຄືນມູນເຊື້້ອແລ້ວ ທ່ານຮອງເຈົ້າແຂວງ ພ້ອມດ້ວຍບັນດາພະແນກການ ກໍ່ໄດ້ມອບກະຕ່າຂອງຂວັນໃຫ້ແກ່ໃຫ້ຄູ-ອາຈານ ຕາງໜ້າຮັບໂດຍທ່ານ ຄຳສີ ຍົມມະລາດ ຫົວໜ້າພະແນກສຶກສາທິການ ແລະ ກິລາແຂວງ.

ວັນ​ເວ​ລາ

ເຂົ້າ​ສູ່​ລະ​ບົບ

ປະ​ຕິ​ທິນ

October 2019
Mo Tu We Th Fr Sa Su
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະ​ຖິ​ຕິ​ເຂົ້​າ​ຊົມ

070519
ມື້ນີ້
ມື້​ວານນີ້
ອາ​ທິດນີ້
ອາ​ທີດ​ແລ້ວ
ເດືອນນີ້
ເດືອນ​ແລ້ວ
ທັງ​ໝົດ
52
54
106
68262
3730
2503
70519

ໄອ​ພີ: 34.204.191.31
2019-10-21 19:01
Visitors Counter