ປ່ຽນ​ພາ​ສາ

ກິດຈະກຳ
ກິດຈະກຳ

ພະແນກສຶກສາທິການ ແລະ ກິລາແຂວງ ໄດ້ຈັດການແຂ່ງຂັນປະກວດການເຕັ້ນເອໂຣບິກ

ປະກອບສຽງເພັງຂຶ້ນ ຢູ່ທີ່ເດີ່ນເປຕັງແຂວງ ໂດຍເປັນກຽດເຂົ້າຮ່ວມຂອງທ່ານນາງ ຄຳຮັກ ໄລວັນ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານນາງ ແອງ ໄຊສົງຄາມ ປະທານກອງທຶນໜຶ່ງດວງໃຈ ບໍລິຄຳໄຊ ຊ່ວຍເຫຼືອສັງຄົມ, ມີບັນດາຄູອາຈານ, ຄູຝຶກສອນ, ນ້ອງນັກຮຽນ ຕະຫຼອດຮອດຜູ້ປົກຄອງ ເຂົ້າຮ່ວມຢ່າງເປັນຂະບວນຟົດຟື້ນ.

  ການແຂ່ງຂື້ນໃນຄັ້ງນີ້ ມີພາກສ່ວນເຂົ້າຮ່ວມທັງໝົດ 12 ໂຮງຮຽນ ແລະ ໄດ້ຈັດແບ່ງການແຂ່ງຂັນອອກເປັນ 3 ລະດັບ ຄື: ລະດັບອະນຸບານ, ປະຖົມ ແລະ ມັດທະຍົມ, ໃນນັ້ນ ມີໂຮງຮຽນອະນຸບານ 3 ແຫ່ງ ຄື: ໂຮງຮຽນອະນຸບານ ເມລີ່, ອະນຸບານ ສວນສະຫວັນ, ອະນຸບານ ເອກະພາບ, ໂຮງຮຽນປະຖົມ 4 ໂຮງຮຽນ ຄື: ໂຮງຮຽນປະຖົມ ສວນສະຫວັນ, ປະຖົມ ສີສະອາດ, ປະຖົມປາກຊັນໃຕ້, ປະຖົມ ໂພນໄຊ ແລະ ຊັ້ນມັດທະຍົມມີ 5 ໂຮງຮຽນ ຄື: ມ.ສ ບົວແວງຄຳ, ມ.ສ ສີທ່ານາໄຊ, ມ.ຕ ໂພສີ, ມ.ຕ ແຕ່ງທອງ ແລະ ມ.ປ ປາກຊັນການແຂ່ງຂັນນີ້ ຈະມີ 6 ເງື່ອນໄຂໃນການແຂ່ງຂັນ ຄື: ຄວາມພ້ອມຂອງທີມ, ຄວາມຄິດສ້າງສັນຂອງທ່າເຕັ້ນ, ຄວາມແຂງແຮງຂອງນັກເຕັ້ນ, ຈັງຫວະການເຕັ້ນຂອງທ່າເອໂຣບິກຕ້ອງປະສານສຽງເພງ, ການແຕ່ງກາຍ, ອຸປະກອນປະກອບ ແລະ ບົດເພງທີ່ນຳມາໃຊ້ໃນການແຂ່ງຂັນຕ້ອງເປັນເພງມ່ວນຊື່ນ.

 ຜ່ານການແຂ່ງຂັນ ທີມທີ່ຊະນະໃຈກຳມະການ ແລະ ຜ່ານທັງ 6 ເງື່ອນໄຂ ສາມາດຍາດລາງວັນທີ 1 ໄປໄດ້ ຊັ້ນອະນຸບານ ໄດ້ແກ່ ອະນຸບານເອກະພາບ, ອັນດັບ 2 ອະນຸບານ ເມລີຊັ້ນປະຖົມ ອັນດັບ 1 ໄດ້ແກ່ ໂຮງຮຽນປະຖົມ ໂພນໄຊເໜືອ, ອັນດັບ ປະຖົມປາກຊັນໃຕ້, ອັນດັບ ປະຖົມສີສະອາດ ແລະ ຊັ້ນມັດທະຍົມ ອັນດັບ 1 ໄດ້ແກ່ ມ.ສ ບົວແວງຄຳ​, ອັນດັບ ມ.ຕ ແຕ່ງທອງ ແລະ ອັນດັບ ມ.ຕ ໂພສີ. ສຳລັບປະເພດລາງວັນອັນດັບ 1 ໄດ້ຮັບເງິນສົດ 4 ແສນກີບ ພ້ອມຂອງຂວັນຈາກກອງທຶນໜຶ່ງດວງໃຈ, ລາງວັນທີ 2 ໄດ້ຮັບ 3 ແສນກີບ ພ້ອມຂອງຂວັນ ແລະ ລາງວັນທີ 3 ໄດ້ຮັບ 2 ແສນກີບ ພ້ອມຂອງຂວັນ ເປັນກຽດມອບລາງວັນໂດຍທ່ານນາງ ຄໍາຮັກ ໄລວັນ ແລະ ມອບຂອງຂວັນໂດຍແມ່ນທ່ານນາງ ແອງ ໄຊສົງຄາມ.

ວັນ​ເວ​ລາ

ເຂົ້າ​ສູ່​ລະ​ບົບ

ປະ​ຕິ​ທິນ

October 2019
Mo Tu We Th Fr Sa Su
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະ​ຖິ​ຕິ​ເຂົ້​າ​ຊົມ

070537
ມື້ນີ້
ມື້​ວານນີ້
ອາ​ທິດນີ້
ອາ​ທີດ​ແລ້ວ
ເດືອນນີ້
ເດືອນ​ແລ້ວ
ທັງ​ໝົດ
70
54
124
68262
3748
2503
70537

ໄອ​ພີ: 34.204.191.31
2019-10-21 19:08
Visitors Counter