ປ່ຽນ​ພາ​ສາ

ກິດຈະກຳ
ກິດຈະກຳ

ສູນ ICT ພະແນກສຶກສາທິການ ແລະ ກິລາແຂວງບໍລິຄຳໄຊ ແລະ ມສ ສາທິດ(ວິທະຍາເຂດດົງໂດກ) ໄດ້ເປີດກອງປະຊຸມແລກປ່ຽນບົດຮຽນ ແລະ ຈັດກິດຈະກຳຮ່ວມກັນ

ທ່ານ ພູວົງ ປະກົດຜົນ ຜູ້ອຳນວຍການສູນ ICT, ມີຕາງໜ້າ​ໜ່ວຍ​ງານ​ວິຊາ​ການ ມ. ປາຍ ປາກ​ຊັນ, ຈຸ​ງານ ICT ຂອງ​ໂຮງຮຽນ ມ.ປາຍ ປາກ​ຊັນ, ມ.ສ ສີ​ທ່າ​ນາ​ໄຊ ​ແລະ ມ.ສ ປາກ​ງຽບ, ຄູປະຈຳຫ້ອງ ແລະ ຕາງໜ້າຄູຝຶກຫັດຈາກມະຫາວິທະຍາໄລແຫ່ງຊາດ, ຂະບວນ ມ.ປາຍ ປາກຊັນ​ເຂົ້າ​ຮ່ວມ​, ນອກ​ນີ້ ຍັງ​ມີ ຄູ-ອາຈານ ແລະ ນ້ອງນັກຮຽນທັງສອງໂຮງຮຽນ ເຂົ້າຮ່ວມຢ່າງ​ເປັນ​ຂະ​ບວນຟົດ​ຟື້ນ.

              ໃນພິທີ ທ່ານ ພູວົງ ປະກົດຜົນ ໄດ້ກ່າວ​ຕ້ອນຮັບ ພ້ອມ​ທັງລາຍງານກ່ຽວກັບສະພາບລວມ ແລະ ບາງຜົນສຳເລັດຂອງ​ສູນ ທີ່ຍາດມາໄດ້ໃນໄລຍະຜ່ານມາວ່າ: ສູນ ICT ພະແນກສຶກສາທິການ ແລະ ກິລາແຂວງບໍລິຄຳໄຊ ໄດ້ເລີ່ມສ້າງຕັ້ງຂຶ້ນໃນປີ 2011 ຈຸດປະສົງ ເພື່ອຕອບໂຈດທີ່ກຳລັງເປັນບັນຫາໃຫຍ່ ແລະ ທ້າທາຍທີ່ສຸດ ໃນຂົງເຂດວຽກງານການສຶກສາ ແລະ ກິລາ ນອກນີ້ ຍັງມີຈຸດປະສົງ​ເພື່ອປັບປຸງຄຸນນະພາບການສຶກສາ ແລະ ຂະຫຍາຍໂອກາດການສຶກສາໃຫ້ທົ່ວເຖິງ, ມີພາລະບົດບາດເປັນເສນາທິການໃຫ້ພະແນກ  ທາງດ້ານວຽກງານ ICT,  ມີໜ້າທີ່ຕົ້ນຕໍຄື: ສະໜັບສະໜຸນການຮຽນ-ການສອນ ຫ້ອງຮຽນ E-Learning ຈຳນວນ 6 ຫ້ອງ, ​​ເຖິງຢ່າງໃດກໍ່ຕາມ ໄລຍະ​ຜ່ານ​ມາ ສູນ​ຂອງ​ພວກ​ເຮົາ ​ເຄີຍ​ສົ່ງ​ນັກຮຽນ​ເກ່ງຄອມພີວເຕີ​ເຂົ້ນຮ່ວມ​ແຂ່ງຂັນ ການ​ນຳ​ໃຊ້ Microsoft ທີ່ ສູນ ICT ພະ​ແນ​ກສຶກສາ​ທິການ ​ແລະ ກິລາແຂວງສະຫວັນ​ນະ​ເຂດ ​ເຊິ່ງມີ​ຜົນສຳ​ເລັດ​​ເປັນໜ້າ​ເພິ່ງ​ພໍ​ໃຈ, ​ໄດ້​ຈັດ​ຕັ້ງ​ການ​ຮຽນ-ການ​ສອນ ນອກ​ໂມງ​ການ ​ໃຫ້​ແກ່ ພະນັກງານ -ລັດຖະກອນ, ນັກຮຽນ​ຮູ້​ປັນຍາ​ຊົນ ​ແລະ ສັງຄົມ​ທົ່ວ​ໄປ ອ້ອມ​ຂ້າງ​ສູນ ຫຼາຍ​ຄັ້ງ, ໃນ​ປັດຈຸບັນນັກຮຽນ​ໃນ​ຫ້ອງ​ຮຽນ E-Learning ຂອງ​ສູນ​ພວກ​ເຮົາ ມີ​ທັງ​ໝົດ 172 ຄົນ, ຍິງ 86 ຄົນ, ໄດ້ຮຽນຄອມພີວເຕີອາທິດລະ 4 ຊົ່ວໂມງ, ນັກຮຽນ​ທີ່​ຮຽນຈົບຊັ້ນ ມ.5 ​​ແມ່ນໄດ້​ຮັບໃບຢັ້ງຢືນການນຳໃຊ້ຄອມພີວເຕີຂັ້ນພື້ນຖານ, ສ່ວນ .6 ​ແລະ .7 ຮຽນລະດັບສູງຂຶ້ນຕາມລຳດັບ, ບົດສອນທີ່​ນຳ​ໃຊ້​ສອນ ມ,5 ແມ່ນໄດ້ຈັດສົ່ງ ໃຫ້ໂຮງຮຽນມ.ສ ຊົນເຜົ່າຂອງແຂວງບໍລິ​ຄຳ​ໄຊຕາມ​ຄວາມ​ຕ້ອງການ ​ເພື່ອ​​ນຳໃຊ້​ເຂົ້າໃນການຮຽນ-ການສອນ ​ເພີ່ມ​ເຕີມຄຽງ​ຄູ່​ກັບ​ວິຊາ ICT ທີ່​ໂຄງການ​ຫຼັກສູດ​ກຳນົດ​ໃຫ້, ພ້ອມດຽວກັນນັ້ນ ໄດ້ສອນວິຊາ ICT ຊັ້ນ ມ.2, ມ.3 ​ແລະ ມ.4 ຂອງໂຮງຮຽນ ມ.ຕ ປາກຊັນຫ້ອງລະ 2 ຊົ່ວໂມງຕໍ່ອາທິດ, ນອກນີ້ຍັງໄດ້ຈັດຝຶກອົບຮົມ ການ​ນຳ​ໃຊ້​ຄອມ​ພີ​ວ​ເຕີ​ຂັ້ນ​ພື້ນຖານ ​ແລະ ການ​ນຳ​ໃຊ້​ອິນ​ເຕີ​ເນັດ ໃຫ້ບັນດາຄູອາຈານທີ່​ສອນຊັ້ນມັດທະຍົມຂອງເມືອງປາກກະດິງແລະ ເມືອງບໍລິຄັນ ເຊິ່ງເປັນເມືອງທີ່ໄດ້ຮັບການສະໜັບສະໜຸນຈາກໂຄງການ IACD ຂອງ ສ.ເກົາຫຼີຕື່ມ​ອີກ. ​ເຊັ່ນ​ດຽວ​ກັນ​ນີ້ ທ່ານ ກອງ​ຕາ ​ແພງ​ຄຳ​ຮັກ ກໍ​ໄດ້​ກ່າວ​ສະ​ແດງ​ຄວາມພູມໃຈໃນການເຂົາຮ່ວມພິທີຄັ້ງນີ້ ທ່ານໄດ້ກ່າວຕໍ່ພິທີວ່າ: ​ໂຮງຮຽນ ມ.ສ ສາທິດແມ່ນເປັນໂຮງຮຽນໃຫຍ່ ມີນັກຮຽນຫຼາຍ ສ່ວນຫຼາຍແມ່ນລູກຫຼານ ພະນັກງານ, ຄູ​-ອາຈານ ທີ່ສອນຢູ່ ມ.  ​ຜົນງານການຮຽນ ຂ້ອນຂ້າງດີ, ​ວຽກງານ ICT ​ເຫັນ​ວ່າ​ນັກຮຽນ​ມີ​ຄວາມ​ຮູ້​ສ່ວນ​ໃດ​ສ່ວນ​ໜຶ່ງ​ແລ້ວ ​ເຊິ່ງສະ​ແດງ​ອອກ ​ໃນ​ການ ນຳ​ໃຊ້ ຄອມ​ພິວເຕີເຂົ້າໃນການເຄື່ອນໄຫວກິດຈະກຳຕ່າງໆແມ່ນມີຄວາມຄ່ອງແຄ້ວ ສາມາດສະແດງລະຄອນ, ​ເລື່ອງສັ້ນແລະ ອື່ນໆ ທີ່ຕິດພັນກັບການຮຽນ ແຕ່ວ່າ ຄູ ທີ່ຮຽນຈົບວິຊາ IT ​ແມ່ນ​ມີ​ຄົນ​ດຽວ, ຄອມ​ພິວ​ເຕີ ກໍ່​ມີ​ຈຳນວນ​ຈຳກັດ ສະ​ນັ້ນ ນັກຮຽນ ​ແຕ່ ມ.1 ຮອດ ມ.6 ​ແມ່ນ​ໄດ້​ຮຽນ ວິຊາ ICT  ຫ້ອງ​ລະ 1 ຊົ່ວ​ໂມງ​ຕໍ່ ອາທິດ, ສຳລັບ ມ.7 ​ໄດ້​ຮຽນຫ້ອງ​ລະ 2 ຊົ່ວ​ໂມງ​ຕໍ່​ອາທິດ(ຕາມ​ໂຄງການ​ຫຼັກສູດ).

            ສຳລັບ​ນັກຮຽນ​ທັງ2 ພາກສ່ວນ ​ແມ່ນ​ໄດ້​ສະ​ແດງ​ຄວາມ​ສາມາດ ສ່ວນ​ຕົວຢ່າງ​ເຕັມທີ່ ​ແຕ່​ລະ​ພາກສ່ວນ​ໄດ້​ສະ​ແດງ​ສີ​ລະ​ປະ,​ກິລາ ​ແລະ ​ຫຼິ້ນ​ເກ​ມຮ່ວມກັນ ຢ່າງ​ເປັນ​ຂະ​ບວນຟົດ​ຟື້ນ.

 

 

ວັນ​ເວ​ລາ

ເຂົ້າ​ສູ່​ລະ​ບົບ

ປະ​ຕິ​ທິນ

October 2019
Mo Tu We Th Fr Sa Su
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະ​ຖິ​ຕິ​ເຂົ້​າ​ຊົມ

070545
ມື້ນີ້
ມື້​ວານນີ້
ອາ​ທິດນີ້
ອາ​ທີດ​ແລ້ວ
ເດືອນນີ້
ເດືອນ​ແລ້ວ
ທັງ​ໝົດ
78
54
132
68262
3756
2503
70545

ໄອ​ພີ: 34.204.191.31
2019-10-21 19:10
Visitors Counter