facebook

facebook

ແຈ້ງການ

ສະຖິຕິການເຂົ້າຊົມ

076510
ມື້ນີ້
ມື້ວານນີ້
ອາທິດນິ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
95
56
265
75879
492
1837
76510

Your IP: 3.233.220.21
2020-04-08 18:15

ຈັດຕັ້ງພະນັກງານ

1. ໜ້າທີ່ຮັບຜິດຊອບ: 
1.  ວາງ​ແຜນ​ພັດທະນາ​ວຽກ​ງານ​ຕ່າງໆ​ຂອງ​ຂະ​ແໜງ;
2.  ສັງ​ລວມ​ແຜນ​ຄວາມ​ຕ້ອງ​ການ​, ແຜນ​ຝຶກ​ອົບ​ຮົມ, ຍົກ​ລະ​ດັບ ​ແລະ ພັດ​ທະ​ນາ​ບຸກ​ຄະ​ລາ​ກອນ​ສຶກ​ສາ​ ແລະ ກິລາໃນ​ທົ່ວແຂວງ ;
3.  ຄຸ້ມ​ຄອງ​ບຸກ​ຄະ​ລາ​ກອນສຶກ​ສາ ແລະ​ ກິລາ ​ຕາມ​ລະ​ບຽບ​ຫຼັກ​ການ;
4.  ຄົ້ນ​ຄວ້າ​ ແລະ​ ນຳ​ສະ​ເໜີ​ການ​ປັບ​ປຸງ​​ກົງ​ຈັກ​ການ​ຈັດ​ຕັ້ງ​ຂອງ​ພະ​ແນກ;
5.  ຄົ້ນ​ຄ້ວາ ​ແລະ ຈັດ​ຕັ້ງການ​​ປະ​ຕິ​ບັດ​ນະ​ໂຍ​ບາຍ​ສະ​ຫວັດ​ດີ​ການ​ຕໍ່​ພະ​ນັກ​ງານ​ ແລະ​ ລັດ​ຖະ​ກ​ອນ​ສຶກ​ສາ​​ ແລະ​ ກິລາ ພາຍໃນ​ແຂວງ,ນະຄອນຫຼວງ;
6.  ຈັດ​ຕັ້ງ​ ແລະ​ ຊີ້​ນຳການ​ປະ​ຕິ​ບັດ​ລະ​ບຽບ​ການ​ຄຸ້ມ​ຄອງ​ລັດ​ຖະ​ກອນ;
7.  ຮັບ​ຜິດ​ຊອບ​ການສອບ​ເສັງເລື່ອນ​ຊັ້ນ​ລັດ​ຖະ​ກອນ​ສຶກ​ສາ ແລະ ກິລາ;
8.  ຮັບ​ຜິດ​ຊອບ​ວຽກ​ງານກອງ​ທຶນ​ ສະ​ຫວັດ​ດີ​ການ​ຄູ​ແຫ່ງ​ຊາດ​ໃນ​ຂັ້ນ​ຂອງ​ຕົນ;
9.  ຄົ້ນ​ຄ້ວາ ​ແລະ​ສະ​ເໜີ ການບັນ​ຈຸ,  ສັບ​ຊ້ອນ,  ຍົກ​ຍ້າຍ, ແຕ່ງ​ຕັ້ງ​ ແລະເລື່ອນ​ຊັ້ນ-​ຂັ້ນ​ເງິນ​ເດືອນ ​ໃຫ້​ແກ່​ພະ​ນັກ​ງານໃນ​ແຂວງ, ນະຄອນຫຼວງ 
10. ຮັບ​ຜິດ​ຊອບ​ວຽກ​ງານກໍ່ສ້າງ​ພັກ​ ແລະ ​ວຽກ​ງານ​ອົງ​ການ​ຈັດ​ຕັ້ງ​ມະ​ຫາ​ຊົນ​ຂອງ​​ພະ​ແນກ; 
11. ຄຸ້ມ​ຄອງຂໍ້​ມູນ​ຂ່າວສານ ແລະ ​ສຳ​ນວນເອກະສານບຸກຄະລາ​ກອນພາຍ​ໃນ​ແຂວງ/ນະຄ​ອນຫຼວງ; 
12. ຈັດ​ຕັ້ງ​ການ​ເຜີຍ​ແຜ່​ມະ​ຕິ, ຂໍ້​ກຳ​ນົດ​, ລະ​ບຽບ​ການ ແລະ ນິຕິ​ກຳ​ຕ່າງໆ​ຕາມ​ການມອບ​ໝາຍຂອງ​ຫົວ​ໜ້າ​ພະ​ແນກສຶກ​ສາ ທິການ ​ແລະ ກິລາ​ແຂວງ​ແຂວງ, ນະຄອນຫຼວງ.     
13. ຄົ້ນ​ຄວ້າ ​ແລະ ປະ​ກອບ​ຄຳ​ເຫັນ​ໃສ່​ລະ​ບຽບ​ການ​ຕ່າງໆ​ຂອງ​ພະແນກສຶກສາທິການແລະກິລາແຂວງ,ນະຄອນຫຼວງ,ຫ້ອງການ​ສຶກ​ສາທິການ ແລະກິລາເມືອງເທດສະບານ ແລະ​ ໂຮງ​ຮຽ​ນ​ຕ່າງໆທີ່​ຂຶ້ນ​ກັບພະ​ແນກ.

14. ຕິດຕາມ, ​ປະ​ເມີນ​ຜົນ ແລະ​ສະຫຼຸບ​ລາຍ​ງານການ​ປະຕິບັດທຸກ​ວຽກ​ງານພາຍ​ໃນ​ຂະ​ແໜງ;

15. ປະຕິບັດໜ້າທີ່​ອື່ນໆຕາມ​ການ​ມອບໝາຍ.

.2. ກິດ​ຈະ​ກຳ​:

1. ເກັບ​ກຳ​ຂໍ້​ມູນກ່ຽວ​ກັບ​ພະ​ນັກ​ງານ​ ແລະ ​ລັດ​ຖະ​ກອນ​ສຶກ​ສາ ແລະ ກິລາ  ແລະ ສັງ​ລວມ​ແຜນ​ຄວາມ​ຕ້ອງ​ການ​ບຸກ​ຄະ​ລາ​ກອນ ​ຈາກ​ພາກ​ສ່ວນຕ່າງໆ ​ແລ້ວສ້າງ​ເປັນ​ແຜນ​ຄວາມຕ້ອງການ;
2. ຄົ້ນ​ຄວ້າ​ ແລະ ​ນຳ​ສະ​ເໜີ​ແຜນ​ການ​ຝຶກ​ອົບ​ຮົມ, ຍົກ​ລະ​ດັບ​ ແລະ​ ພັດ​ທະ​ນາ​ບຸກ​ຄະ​ລາ​ກອນ​; 
3. ຄົ້ນ​ຄ້ວາ, ຄັດ​ເລືອກ, ບັນ​ຈຸ​ ແລະ ​ສັບ​ຊ້ອນ​ ລັດ​ຖະ​ກອນ​ຕາມ​ລະ​ບຽບ​ຫຼັກ​ການ;
4. ຕິດ​ຕາມ, ຊີ້​ນຳ​ ແລະ ​ເກັບ​ກຳ​ ການປະ​ເມີນ​ຜົນ​ ການ​ປະ​ຕິ​ບັດ​ໜ້າ​ທີ່​ວຽກ​ງານ​ຂອງ​ລັດ​ຖະ​ກອນ;
5. ຄົ້ນ​ຄວ້າ​ ການ​ເລື່ອນ​ລັດ​ຖະ​ກອນ​ຝຶກ​ງານ​ ຂຶ້ນ​ເປັນ​ລັດ​ຖະ​ກອນ​ສົມ​ບູນ ແລະ ​ການ​ເລື່ອນ​ຊັ້ນ-​ຂັ້ນ​ເງິນ​ເດືອນໃຫ້ ລັດ​ຖະ​ກອນ​ສຶກ​ສາ​ຕາມ​ລະ​ບຽບ​ຫຼັກ​ການ;
6. ນຳສະ​ເໜີຫົວ​ໜ້າ​ພະ​ແນກ​ເພື່ອ​ພິ​ຈາ​ລະ​ນາ​ ແລະ ​ອະ​ນຸ​ມັດການ​ເລື່ອນ​ລັດ​ຖະ​ກອນ​ຝຶກ​ງານ​ ຂຶ້ນ​ເປັນ​ລັດ​ຖະ​ກອນ​ສົມ​ບູນ ແລະ ​ການ​ເລື່ອນ​ຊັ້ນ-​ຂັ້ນ​ເງິນ​ເດືອນໃຫ້​ລັດ​ຖະ​ກອນ​ສຶກ​ສາ;
7. ຈັດ​ຕັ້ງ​ການ​ສອບ​ເສັງ​ເລື່ອນ​ຊັ້ນ​ເງິນ​ເດືອນ ໃຫ້​​ລັດ​ຖະ​ກອນ​ສຶກ​ສາ​ຕາມ​ຄຳ​ແນະ​ນຳ​ຂອງ​ກະ​ຊວງ;
8. ນຳ​ສະ​ເໜີ​​ ການແຕ່ງ​ຕັ້ງ​ພະ​ນັກ​ງານ​ ດຳລົງ​ແໜ່ງ​ບໍ​ລິ​ຫານ​ປະ​ເພດ​ຕ່າງໆ ​ຕາມການ​ແບ່ງ​ຂັ້ນ​ຄຸ້ມຄອງ
9. ຄົ້ນ​ຄ້​ວາ​ ແລະ​ ນຳ​ສະ​ເໜີ ການ​ໂອນ​ຍ້າຍ​ພະ​ນັກ​ງານ​ພາຍ​ໃນ ຫຼື ຕ່າງ​ແຂວງ ຫຼື​ ໄປ​ຂະ​ແໜງ​ການ​ອື່ນ;
10. ກວດ​ກາ​ບັນ​ຊີ​ພະ​ນັກ​ງານ​,  ບັນ​ຊີ​ຈຳ​ນວນ​ພົນຫຼຸດ/ເພີ່ມ  ໃນແຕ່​ລະ​ງວດ​ຂອງ​ສົກ​ປີ​ງົບ​ປະ​ມານ ເພື່ອ​ຕິດ​ຕາມ​ຄຸ້ມ​ຄອງ​ສະ​ຖິ​ຕິ​ພະ​ນັກ​ງານ​ໃນ​ແຕ່​ລະ 3 ເດືອນ, 6 ເດືອນ ແລະ 1 ປີ;
11. ເກັບ​ກຳ, ສະ​ຫຼຸບ, ​ລາຍ​ງານ​ສະ​ຖິ​ຕິ​ພະ​ນັກ​ງານ,  ພັກ, ອົງ​ການຈັດຕັ້ງ​ມະ​ຫາ​ຊົນ​ໃຫ້​ແຕ່​ລະ​ພາກ​ສ່ວນ​ທີ່​ຕ້ອງ​ການ;
12. ເກັບ​ກຳ, ສ້າງ ແລະ ຄຸ້ມ​ຄອງ​ສຳ​ນວນ (ຊີ​ວະ​ປະ​ຫວັດ) ລັດ​ຖະ​ກອນ​ໃນ​ທົ່ວ​ແຂວງ/ນະຄອນຫຼວງ ແລະ ປະ​ກອບ​ສຳ​ນວນ​ໃຫ້​ແຕ່​ລະ​ພາກ​ສ່ວນ​ທີ່​ຕ້ອງ​ການ;
13. ຄົ້ນ​ຄວ້າ​ ແລະ ​ສັບ​ຊ້ອນ​ພະ​ນັກ​ງານ​ ແລະ​ ນັກ​ຮຽນ​ເພື່ອ​ໄປ​ຝຶກ​ອົບ​ຮົມ, ຍົກ​ລະ​ດັບ​ ແລະ ​ຮຽນ​ຕໍ່​ທັງ​ພາຍ​ໃນ​ ແລະຕ່າງ​ປະ​ເທດ;
14. ຮ່າງ​ໜັງ​ສື​ແຈ້ງ​ການ​ຕ່າງໆ​ກ່ຽວ​ກັບ​ການ​ປະ​ຕິ​ບັດ​ນະ​ໂຍ​ບາຍ​ຕໍ່​ພະ​ນັກ​ງານ-​ລັດ​ຖະ​ກອນ​ສຶກ​ສາ​​;
15. ອອກ​ໜັງ​ສື​ຢັ້ງ​ຢືນ​ເຖິງ​ຄວາມ​ເປັນ​ພະ​ນັກ​ງານ​ໃຫ້​ແກ່​ລັດ​ຖະ​ກອນ​ສຶກ​ສາແລະກິລາພາຍ​ໃນ​ແຂວງ, ນະຄອນ​ຫຼວງ;
16. ສ້າງລະ​ບຽບ​ການ​ປະ​ຕິ​ບັດ​ນະ​ໂຍ​ບາຍ​ສະ​ເພາະ​ຂອງ​ພະ​ແນກ​ສຶກ​ສາ​ທິການ​ ແລະກິລາແຂວງ, ນະຄອນຫຼວງ;
17. ຄົ້ນຄວ້າ ແລະ ສະ​ເໜີ​ການ​ປະ​ຕິ​ບັດນະ​ໂຍ​ບາຍ: ບຳ​ເນັດ,  ບຳ​ນານ,  ລາ​ພັກ, ສ້າງ​ຄອບ​ຄົວ, ເສຍຊີວິດ ແລະ ອື່ນໆ ໃຫ້​ພະ​ນັກ​ງານ​ລັດ​ຖະ​ກອນ​ສຶກ​ສາ ​ແລະ​ກິລາ ພາຍ​ໃນ​ພະ​ແນກ;
18. ເຮັດ​ໜັງ​ສື​ສະ​ເໜີ​ຂໍ​ໃບຍ້ອງ​ຍໍ, ຫຼຽນ​ໄຊ, ຫຼຽນ​ກາ ແລະຈັດຕັ້ງພິທີມອບຢ່າງເປັນທາງການ
19. ຄົ້ນ​ຄ້​ວາ ແລະ ​ຄັດ​ເລືອກພະ​ນັກ​ງານ​ຄູ​ດີ​ເດັ່ນ​;
20. ສັງ​ລວມ​ ແລະ ສ້າງ​ແຜນການ​ຝຶກ​ອົບ​ຮົມ​ ແລະ​ຍົກ​ລະ​ດັບ​ພະ​ນັກ​ງານ​ ແລະ ​ລັດ​ຖະ​ກອນສຶກ​ສາ​ພາຍ​ໃນ​ແຂວງ​ທັງ​ໄລ​ຍະ​ສັ້ນ​ ແລະໄລ​ຍະ​ຍາວ;
21. ສັບ​ຊ້ອນ​ ແລະ ​ນຳ​ສົ່ງພະ​ນັກ​ງານ, ຄູ-​ອາ​ຈານທີ່​ຍົກຍ້າຍ​ຕ່າງໆ​ໃຫ້​ແກ່​ເມືອງ ແລະ ໂຮງ​ຮຽນເພື່ອສັບ​ຊ້ອນ​ວຽກ​ງານ
22. ຈັດ​ຕັ້ງ​ການ​ເຜີຍ​ແຜ່​ມະ​ຕິ, ຂໍ້​ກຳ​ນົດ​, ລະ​ບຽບ​ການ​ ​ແລະ​ນິຕິ​ກຳຕ່າງໆ​  ຕາມ​ການມອບ​ໝາຍ​ຂອງ​ຫົວ​ໜ້າ​ພະ​ແນກ;
23. ຄົ້ນ​ຄວ້າ ​ແລະປະ​ກອບ​ຄຳ​ເຫັນ ​ໃສ່​ລະ​ບຽບ​ການ​ຕ່າງໆ​ ຂອງ​ພະ​ແນກສຶກ​ສາທິການແຂວງ,ນະຄອນ, ຫ້ອງການ​ສຶກ​ສາທິການ ແລະ ກິລາເມືອງ/ເທດສະບານ ແລະ​ໂຮງ​ຮຽ​ນ​ຕ່າງໆ​ທີ່​ຂຶ້ນ​ກັບ​ພະ​ແນກ;
24 ຕິດ​ຕາມ,  ຊຸ​ກ​ຍູ້​,  ກວດ​ກາ ແລະ ​ປະ​ເມີນ​ຜົນ​ ການ​ຈັດ​ຕັ້ງ​ປະ​ຕິ​ບັດ​ລະ​ບຽບ​ການ​ຄຸ້ມ​ຄອງ​ລັດ​ຖະ​ກອນ​ສຶກສາ ​ແລະ​ ກິລາ.