previous arrow
next arrow
Slider

Search

ເວບໄຊສູນໄອຊີທີ

Switch Language

ເວບໄຊໂຮງຮຽນ ມ ສ

Vinaora Visitors Counter

186353
Today
Yesterday
This Week
Last Week
This Month
Last Month
All days
170
528
722
183345
6140
7797
186353

Your IP: 34.204.203.142
2019-11-21 20:13

MiniCalendar

November 2019
SMTWTFS
12
3456789
10111213141516
17181920212223
24252627282930

Facebook

facebook logo

LeoClock

Europe, London

ພະແນກສຶກສາທິການ ແລະ ກິລາ ແຂວງຜົ້ງສາລີສຳເລັດການດຳເນີນກອງປະຊູມຜູ້ບໍລີຫານ

39023232 1827618684018304 4711028985646022656 nພະແນກສຶກສາທິການ ແລະ ກິລາ ແຂວງຜົ້ງສາລີ ສຳເລັດການດຳເນີນກອງປະຊຸມຜູ້ບໍລິຫານການສຶກສາ ແລະ ກິລາຂັ້ນແຂວງປະຈຳສົກຮຽນ 2017-2018 ຢ່າງເປັນທາງການ ກອງປະຊຸມດັ່ງກ່າວໄດ້ຈັດຂື້ນ ໃນທ້າຍອາທິດທີ່ຜ່ານມານີ້ ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງຜົ້ົງສາລີ ໂດຍການເຂົ້າຮ່ວມຂອງທ່ານ ຄຳເຈນ ວົງໂພສີ ກຳມະ ການສູນກາງພັກ,ເລຂາຄະນະບໍລິຫານງານພັກແຂວງ,ເຈົ້າແຂວງຜົ້ງສາລີ,ມີທ່ານ ອິນຕອງ ເລີດສິນໄຊ ຄະນະພັກກະ ຊວງສຶກສາທິການ ແລະ ກິລາ ຜູ້ອຳນວຍການໂຮງຮຽນວິທະຍາໄລພະລະສຶກສາ,ມີທ່ານ ສານວັນໄຊ ແສງມະນີ ກຳ ມະການພັກແຂວງ,ສະມາຊິກສະພາປະຊາຊົນແຂວງ,ຫົວໜ້າພະແນກສຶກສາທິການ ແລະ ກິລາແຂວງ,ມີຄະນະພັກ, ຄະນະນຳພະແນກການອ້ອມຂ້າງ,ເຈົ້າເມືອງ,ຮອງເຈົ້າເມືອງ,ຫົວໜ້າ ແລະ ຮອງຫົວໜ້າຫ້ອງການສຶກສາທິການ ແລະ ກິລາ 7 ເມືອງ,ຜູ້ອຳນວນການ,ຫົວໜ້າຂະແໜງການ ແລະ ວິຊາການພາຍໃນພະແນກເຂົ້າຮ່ວມທັງໝົດ 65 ທ່ານ ຍິງ 8 ທ່ານ


ກອງປະຊຸມໄດ້ນຳສະເໜີເນື້ອໃນເອກະສານຕ່າງໆທັງໝົດ 12 ຫົວຂໍ້ໃຫຍ່ທີ່ກ່ຽວຂ້ອງຂອງຂະ ແໜງການຍ່ອຍພາຍໃນພະແນກສຶກສາທິການ ແລະ ກິລາແຂວງພ້ອມທັງສະຫຼຸບຕີລາຄາຄືນຜົນແຫ່ງການຈັດຕັ້ງປະຕິບັດໃນໄລຍະຜ່ານມາຂອງພະແນກສຶກສາທິການ ແລະ ກິລາ ແຂວງ ຈາກນັ້ນກໍຍັງໄດ້ມີການສະເໜີ ແລະ ປະກອບຄຳຄິດຄຳເຫັນຂອງຜູ້ແທນກອງປະຊຸມຈາກທຸກພາກສ່ວນຢ່າງກົງໄປກົງມາເພື່ອເອກະພາບ ແລະ ເຮັດໃຫ້ເນື້ອໃນຂອງບົດສະຫຼຸບດັ່ງກ່າວມີເນື້ອໃນຄົບຖ້ວນ ແລະ ສົມບູນໃນວາລະຂອງກອງປະຊຸມພະແນກສຶກສາທິການ ແລະ ກິລາແຂວງຜົ້ງສາລີກໍ່ຍັງໄດ້ຖືເອົາໂອກາດນີ້ຈັດພິທີເປີດປ້າຍການນຳໃຊ້ເວບໄຊ້ຂອງພະແນກສຶກສາທິການ ແລະ ກິລາແຂວຜົ້ງສາລີຢ່າງເປັນທາງການ ໂດຍການໃຫ້ກຽດຂອງທ່ານ ອິນຕອງ ເລີດສິນໄຊ ຄະນະພັກກະຊວງສຶກສາທິການ ແລະ ກິລາ ແລະ ທ່ານ ສານວັນໄຊ ແສງມະນີ ຫົວໜ້າພະແນກສຶກສາທິການ ແລະ ກິລາ ເປັນຜູ້ເປີດປ້າຍດັ່ງກ່າວ
ໃນໂອກາດດັ່ງກ່າວນີ້ຍັງໄດ້ຮັບຟັງການໂອ້ລົມຂອງ ທ່ານ ຄຳເຈນ ວົງໂພສີ ເຈົ້າແຂວງຜົ້ງສາລີ ເຊີ່ງທ່ານໄດ້ກ່າວວ່າ:ໃນສົກຮຽນ2017-2018 ເຖິງວ່າແຂວງພວກເຮົາຈະປະເຊີນໜ້າກັບສິ່ງທ້າທາຍ ແລະ ທົດສອບໃນຫຼາຍດ້ານ,ແຕ່ໂດຍຍຶດໝັ້ນແນວທາງກໍ່ຄືມະຕິ ຄັ້ງທີ X ຂອງພັກ ແລະ ຄັ້ງທີ X ຂອງອົງຄະນະພັກແຂວງ,ແຜນພັດທະນາການສຶກສາ ກະຊວງສຶກສາທິການ ແລະ ກິລາ,ແຜນເສດຖະກິດສັງຄົມ 5ປີຄັ້ງ VIII ຂອງແຂວງ ແລະ ແຜນພັດທະນາການສຶກສາ ແລະ ກິລາຂອງພວກເຮົາ,ພວກສະຫາຍກໍໄດ້ຈັດຕັ້ງຜັນຂະຫຍາຍໃຫ້ເປັນແຜນງານຍ່ອຍຢ່າງລະອຽດທີ່ສອດຄ່ອງກັບສະພາບຈຸດພິເສດຂອງແຂວງພວກເຮົາ ໂດຍເໜັ້ນໃສ່ຄຸນນະພາບ ແລະ ປະສິດທິຜົນຂອງການ ຮຽນ-ການສອນ,ການຝຶກແອບ ແລະ ແນະນຳຕົວຈິງໃນແຕ່ລະແຜນງານຍ່ອຍ. ຜ່ານການຈັດຕັ້ງປະຕິບັດຕົວຈິງເຫັນວ່າ:ການສຶກສາຢູ່ແຂວງພວກເຮົານັບມື້ນັບເຂົ້າເຖິງທຸກກຸ່ມເປົ້າໝາຍຫຼາຍຂື້ນ,ດ້ານຄຸນນະພາບຂອງການສຶກສາ ແລະ ກິລາກໍດີຂື້ນເປັນກ້າວໆ. ຜົນງານດັ່ງກ່າວແມ່ນຍາດມາໄດ້ຍ້ອນການປະກອບສ່ວນຂອງທຸກພາກສ່ວນ,ທຸກຂັ້ນ ຊຶ່ງກ່ອນອື່ນແມ່ນຍ້ອນການຊີ້ນຳ-ແນະນຳ,ສ້າງເງື່ອນໄຂດ້ານຕ່າງໆຈາກກະຊວງສຶກສາທິການ ແລະ ກິລາ,ຍ້ອນການນຳພາຂອງອົງຄະນະພັກ,ອົງການປົກຄອງ ແລະ ຜູ້ບໍລິຫານການສຶກສາ ແລະ ກິລາທຸກຂັ້ນ.ເວົ້າຕາມຕົວຈິງແລ້ວແນວທາງຂອງພັກພວກເຮົາຕໍ່ວຽກງານການສຶກສາ ແລະ ກິລາໃນແຕ່ລະໄລຍະແມ່ນຖືກຕ້ອງຊຶ່ງໃນມະຕິກອງປະຊຸມໃຫຍ່ຄັ້ງທີ X ຂອງພັກກໍ່ໄດ້ເໜັ້ນວ່າ: ວຽກງານການສຶກສາ ແລະ ກິລາ ກໍ່ແມ່ນໃຈກາງຂອງການສ້າງຊັບພະຍາກອນມະນຸດຢູ່ໃນປະເທດເຮົາ.
ວາລະຕອນທ້າຍຂອງກອງປະຊຸມທ່ານ ສານວັນໄຊ ແສງມະນີ ຫົວໜ້າພະແນກສຶກສາທິການ ແລະ ກິລາ ໄດ້ເໜັ້ນໜັກບາງບັນຫາທີ່ຖອດຖອນໄດ້ໃນກອງປະຊຸມ,ແລະ ກ່າວເຖິງບັນຫາກ່ຽວກັບບັນຫາ 10 ຫົວຂໍ້ໃຫຍ່ຂອງທ່ານເຈົ້າແຂວງທີ່ໄດ້ຕັ້ງໄວ້ໃນກອງປະຊຸມທີ່ເປັນສິ່ງທ້າຍທາຍໃຫ້ການສຶກສາ ແລະ ກິລາພາຍໃນແຂວງພວກເຮົາ ແລະ ເໜັ້ນໜັກເຖິງການວາງທິດທາງແຜນການທີ່ຈະຈັດຕັ້ງປະຕິບັດໃນສົກຮຽນຕໍ່ໜ້າຂອງຂະແໜງການສຶກສາ ແລະ ກິລາພາຍໃນແຂວງຜົ້ງສາລີ ໂດຍສະເພາະກໍແມ່ນບັນຫາການເມືອງແນວຄິດ,ຄວາມຮັບຜິດຊອບວຽກງານຂອງພະນັກງານ,ຄູ-ອານຈານ ທັງໝົດນັ້ນແມ່ນມອບໃຫ້ຜູ້ບໍລິຫານການສຶກສາ ແລະ ກິລາແຕ່ລະຂັ້ນມີຄວາມຮັບຜິດຊອບສູງ,ສືບຕໍ່ຊີ້ນຳ-ນຳພາມີຄວາມຕຶ່ນຕົວແລະຕັ້ງໜ້າພັດທະນາການສຶກສາແລະກິລາໃຫ້ສູງກ່ວາເກົ່າ ແລະ ບຸກທະລຸໃຫ້ໄດ້ແນວຄິດຈິນຕະນາການເກົ່າ ແລະ ບຸກທະລຸໃຫ້ໄດ້ການແກ້ໄຂບັນຫາຂອງຄູຍົກສູງບົດບາດ ແລະ ຄວາມຮັບຜິດຊອບຂອງຄູ ແລະ ບຸກທະລຸໃຫ້ໄດ້ກົນໄກການບໍລິຫານ ແລະ ຄຸ້ມຄອງການບໍລິຫານໃນການແບ່ງຂັ້ນຄຸ້ມຄອງການສຶກສາໃຫ້ໄປລວງດຽວກັນແລະສຸດທ້າຍຕ້ອງບຸກທະລຸໃຫ້ໄດ້ 10 ຫົວຂໍ້ຂອງທ່ານເຈົ້າແຂວງທີ່ຕັ້ງໄວ້ພ້ອມທັງຄາດໝາຍຕ່າງໆທີ່ຕັ້ງໄວ້ ພ້ອມທັງກ່າວປິດພິທີຢ່າງເປັນທາງການ
ກອງປະຊຸມດັ່ງກ່າວໄດ້ດຳເນີນໄປເປັນເວລາ 2 ວັນເຕັມລະຫວ່າງວັນທີ10-11ສິງຫານີ້ກໍ່ໄດ້ປິດລົງຢ່າງເປັນທາງການ

39099101 1827640244016148 7421745084246261760 n

39040906 1827622170684622 5118673170752077824 n39080833 1827636127349893 2516031712178208768 n39017812 1827627057350800 2158899142791790592 n39023248 1827619154018257 1187907036889743360 n39147795 1827618957351610 4553122502963888128 n