previous arrow
next arrow
Slider

ເວບໄຊສູນໄອຊີທີ

ເວບໄຊໂຮງຮຽນ ມ ສ

ປ່ຽນພາສາ

Facebook

facebook logo

ສະຖິຕິການເຂົ້າຊົມ

218130
ມື້ນີ້
ມື້ວານນີ້
ອາທິດນີ້
ອາທິດແລ້ວນີ້
ເດືອນນີ້
ເດືອນແລ້ວ
ລວມທັງໝົດ
10
146
623
216499
283
9949
218130

ລະຫັດທ້ອງຖີ່ນ: 3.226.243.36
2020-04-03 01:11

ເວລາປັດຈຸບັນ

Europe, London

ປະຕິທີນ

ເມສາ 2020
1234
567891011
12131415161718
19202122232425
2627282930

ຂ່າວການເຄື່ອນໄຫວ

ແຂວງຜົ້ງສາລີ ຄັດເລືອກໄດ້ນັກຮຽນເກັ່ງຜູ້ທີ່ຈະເປັນຕົວແທນເຂົ້າຮ່ວມສອບເສັງໃນທົ່ວປະເທດ.

1249856  

ພະແນກສຶກສາທິການ ແລະ ກິລາ ແຂວງຜົ້ງສາລີ ຄັດເລືອກໄດ້ນັກຮຽນເກັ່ງຜູ້ທີ່ຈະເປັນຕົວແທນເຂົ້າຮ່ວມສອບເສັງໃນທົ່ວປະເທດ.
                                        ******************************************
ເພື່ອປະຕິບັດຕາມຄຳສັ່ງແນະນຳຂອງທ່ານ ລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການຈັດຕັ້ງປະຕິບັດຫຼັກສູດຂອງສາຍສາມັນສຶກສາປະຈຳສົກຮຽນ 2019-2020 ສະບັບເລກທີ 6082/ສສກ,ລົງວັນທີ 21 ຕຸລາ 2019ນັ້ນ ພະແນກສຶກສາທິການ ແລະ ກິລາ ແຂວງຜົ້ງສາລີໄດ້ຈັດຕັ້ງການສອບເສັງແຂ່ງຂັນນັກຮຽນເກັ່ງສາຍສາມັນສຶກສາ ຄື: ຊັ້ນປະຖົມສຶກສາ ປ5,ຊັ້ນມັດທະຍົມສຶກສາຕອນຕົ້ນ ມ4 ແລະ ຊັ້ນມັດທະຍົມສຶກສາຕອນປາຍ ມ7 ຂື້ນຢ່າງເປັນທາງການໃນລະຫວ່າງວັນທີ 24-26 ກຸມພາ 2020 ນີ້ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງຜົ້ງສາລີ ໂດຍ ການເປັນປະທານຂອງ ທ່ານ ຊາຍຄຳ ຍິນສົມບັດ ຮອງຫົວໜ້າພະແນກສຶກສາທິການ ແລະ ກິລາ,ມີ ທ່ານ ສິດ ປິຕິສັກ ຫົວໜ້າຂະແໜງ ສາມັນສຶກສາ,ມີພະນັກງານວິຊາການ,ຄະນະຮັບຜິດຊອບ,ຄູອາຈານ,ຜູ້ນຳພານັກຮຽນ ແລະ ນັກຮຽນຜູ້ຕາງໜ້າໃຫ້ແຕ່ລະລາຍວິຊາ ໃນ 7ເມືອງທົ່ວແຂວງຜົ້ງສາລີເຂົ້າຮ່ວມ.


ການສອບເສັງແຂ່ງຂັນນັກຮຽນເກັ່ງແມ່ນເປັນກິດຈະກຳສຳຄັນ ແລະ ເປັນບູລິມະສິດໜຶ່ງຂອງຂະແໜງການສຶກສາເຊີ່ງມີການປະຕິບັດມາຢ່າງຕໍ່ເນື່ອງໃນແຕ່ລະສົກຮຽນ ກິດຈະກຳດັ່ງກ່າວກໍເພື່ອເປັນການກະຕຸກສຸກຍູ້ ແລະ ສົ່ງເສີມຂະບວນການຮຽນການສອນຂອງຄູ-ອາຈານ ແລະ ນັກຮຽນໃນໂຮງຮຽນຕາມ 3 ລັກສະນະ 5 ຫຼັກມູນ ໃຫ້ມີຄວາມເບີກບານມ່ວນຊື່ນ,ຫ້າວຫັນຕັ້ງໜ້າເອົາໃຈໃສ່ຕໍ່ໜ້າທີ່ວິຊາສະເພາະຢ່າງຂະຫຍັນຂັນແຂ່ງ,ສ້າງໃຫ້ນັກຮຽນມີພອນສະຫວັນໄດ້ສະແດງອອກໃນດ້ານຄວາມຮູ້ ແລະ ຄວາມສາມາດຄວາມຄິດປະດິດສ້າງ ແລະ ຮັບປະກັນໃນການປະຕິບັດໂຄງການຫຼັກສູດໃຫ້ສຳເລັດຕາມລະດັບຄາດໝາຍ ແລະ ປັບປຸງຄຸນນະພາບການສຶກສາໃຫ້ສູງຂື້ນເທື່ອລະກ້າວ.
ສຳລັບວິຊາທີ່ຈັດເຂົ້າໃນການສອບເສັງແຂ່ງຂັນນັກຮຽນຮຽນເກັ່ງຄັ້ງນີ້ວິຊາຄື: ຊັ້ນປະຖົມສຶກສາ ປ5 ມີວິຊາ ພາສາລາວ-ວັນນະຄະດີ,ວິຊາຄະນິດສາດ ແລະ ວິຊາໂລກອ້ອມຕົວ ແລະ ສຳລັບຊັ້ນມັດທະຍົມສຶກສາຕອນຕົ້ນ ມ4 ແລະ ມັດທະຍົມສຶກສາຕອນປາຍ ມ7 ມີ4 ວິຊາຄື: ພາສາລາວ-ວັນນະຄະດີ,ວິຊາຄະນິດສາດ,ວິຊາເຄມີສາດ ແລະ ວິຊາຝິຊິກສາດ.
ເຊີ່ງຜົນການສອບເສັງດັ່ງກ່າວສາມາດກວດ ແລະ ສະຫຼຸບໄດ້ດັ່ງນີ້: ຊັ້ນປະຖົມສຶກສາ ປ 5 ທີ 1 ວິຊາພາສາລາວ-ວັນນະຄະດີ ນ ກັນຍາ ຄອນທະນີ ຈາກໂຮງຮຽນປະຖົມ ນາຕຸ່ນ ເມືອງຂວາ ທີ 2 ແມ່ນ ນ ບົວວັນ ບຸນວິວັນ ປະຖົມນ້ຳງາ ເມືອງໃໝ່ ທີ 3 ໄດ້ແກ່ ສຸນາລີ ປະຖົມຈອມເມືອງ ເມືອງຜົ້ງສາລີ,ສ່ວນວິຊາ ຄະນິດສາດ ທີ 1 ໄດ້ແກ່ ທ້າວ ຕືເກຍ ປະຖົມເພຍລໍເກົ່າ ເມືອງໃໝ່,ທີ 2 ທ້າວ ແສງຄຳ ໄຊຍະສີ ປະຖົມຈີ່ໂຈະ ເມ່ືອງຜົ້ງສາລີ, ທີ 3 ນ ນ້ຳຝົນ ສີສະຫວັດ ປະຖົມສົບກ່າຍ ເມືອງຂວາ, ສຳລັບວິຊາໂລກອ້ອມຕົວ ທີ 1 ໄດ້ແກ່ ນ ທຽນພະໜອມ ສີທະວົງ ປະຖົມໂຮມສະຫວ່າງ ເມືອງຜົ້ງສາລີ,ທີ 2 ນ ສີອຳພອນ ເກັງໄຂ ປະຖົມບ້ານຢໍ້ ເມືອງບຸນເໜືອ; ທີ 3 ນ ນັດດາວ ພິລາລົງ ຈາກໂຮງຮຽນປະຖົມໂພທອງ ເມືອງບຸນໃຕ້; ສ່ວນຜູ້ທີ່ຍາດໄດ້ອັນດັບຂອງຊັ້ນມັດທະຍົມສຶກສາຕອນຕົ້ນ ມ4ຄື: ວິຊາ ພາສາລາວ-ວັນນະຄະດີ ທີ 1 ໄດ້ແກ່ ນ ອ່ອນແກ້ວ ປັນອ່ອນ ມສ ບ້ານໃໝ່ ເມືອງບຸນເໜືອ; ທີ 2 ນ ເພັງພອນ ສຸທິພອນ ມສ ນາຕຸ່ນ ເມືອງຂວາ; ທີ 3 ນ ພວງ ຄຳພະຈັນ ມສ ໂຮມສ້າງ ເມືອງຜົ້ງສາລີ; ວິຊາ ຄະນິດສາດ ທີ 1 ໄດ້ແກ່ ທ ຄໍາ ຈັນມີໄຊ ມສ ນາໄຊ ເມືອງສໍາພັນ,ທີ 2 ທ ສົມພອນ ໄຊສີຫວັນ ມສ ຊົນເຜົ່າ ເມືອງບຸນເໜືອ, ທີ 3 ໄດ້ແກ່ ນ ສີວອນ ພົມມະນີ ມສ ບ້ານລ່າ ເມືອງຍອດອູ; ວິຊາເຄມີສາດ ທີ 1 ໄດ້ແກ່ ຢາມົວ ເຢຍມີຢ່າ ມສ ນ້ຳຮາງ ເມືອງສຳພັນ,ທີ 2 ໄດ້ແກ່ ທ ຈາສາ ລາວປື ມສ ນາຕຸ່ນ ເມືອງຂວາ,ທີ 3 ທ ອາໄພ ໄຟຢືຊົງ ມຕ ນໍ້າຮາງ ເມືອງສໍາພັນ ແລະ ວິຊາ ຝິຊິກສາດ ທີ 1 ໄດ້ແກ່ ທ ອາໄທ ຈືເຢັງຢາງ ມຕນ້ຳຮາງ ເມືອງສຳພັນ, ທີ 2 ໄດ້ແກ່ ນ ບົວຈັນ ເລືອງວັນໄຊ ມສ ບ້ານໃໝ່ ເມືອງບຸນເໜືອ, ທີ 3 ນ ແອັດເຊີລີ ສິທິວົງ ມສ ອູເໜືອ ເມືອງຍອດອູ. ສ່ວນຊັ້ນ ມ7 ວິຊາ ພາສາລາວ-ວັນນະຄະດີ ທີ 1 ໄດ້ແກ່ ສຸພາລີ ສຸຈັນ ມສບ້ານໃໝ່ ເມືອງບຸນເໜືອ;ທີ 2 ໄດ້ແກ່ ນ ສຳແກ້ວ ດາລາລິນ ມສ ນາໄຊ ເມືອງສຳພັນ, ທີ 3 ໄດ້ແກ່ ນ ສາຍຝົນ ພອນນະຈັນ ມສ ເມືອງໃໝ່; ວິຊາ ຄະນິດສາດ ທີ 1 ໄດ້ແກ່ ທ ຈັນທະບູນ ລີລາວົງ ມສ ບ້ານໃໝ່ ເມືອງບຸນເໜືອ, ທີ 2 ທ ບຸນຄຳ ນໍເພຍວ່າ ມສ ນາໄຊ ເມືອງສຳພັນ,ທີ 3 ຈັນໄຊ ລາວຟາງ ມສ ນໄຊ ເມືອງສຳພັນ;ວິຊາ ເຄມີສາດ ທີ 1 ໄດ້ແກ່ ທ ບຸນໄຊ ໜໍ່ຊົວເຮີ ມສ ບຸນໃຕ້ ທີ 2 ສຸບັນດິດ ແສນນະວົງ ທີ 3 ອາຊື ວາລາວມົວ ມສ ບ້ານໃໝ່ ເມືອງບຸນເໜືອ ແລະ ວິຊາ ຝິຊິດສາດ ທີ 1 ໄດ້ແກ່ ທ ແມວລູ ມສ ນາຕຸ່ນ ເມືອງຂວາ; ທີ 2 ໄດ້ແກ່ ທ ອາມີ ສີສົມພົງ ມສ ບ້ານໃໝ່ ເມືອງບຸນເໜືອ ແລະ ທີ 3 ໄດ້ແກ່ ທ ລາວເອີ້ ອຸລາ ມສ ສຳພັນໄຊ ເມືອງບຸນໃຕ້.
ໃນໂອກາດດັ່ງກ່າວ ທ່ານ ຊາຍຄຳ ຍິນສົມບັດ ກໍໄດ້ມີຄຳເຫັນໂອ້ລົມຕໍ່ບັນດາຄູ-ອາຈານຜູ້ນຳພາ ແລະ ນັກຮຽນເຊີ່ງກ່ອນອື່ນ ທ່ານ ກໍ່ໄດ້ສະແດງຄວາມຍ້ອງຍໍ ແລະ ຊົມເຊີຍ ຜົນສຳເລັດຂອງການຈັດຕັ້ງການສອບເສັງຄັດເລືອກນັກຮຽນເກັ່ງໃນຄັ້ງນີ້ວ່າ: ໃຫ້ເອົາໃຈໃສ່ສ້າງຂະບວນການແຂ່ງຂັນປະຕິບັດຕາມຄຳຂວັນຄື 3ລັກສະນະ 5 ຫຼັກມູນ ແລະ 3 ຂໍ້ແຂ່ງຂັນຂອງກະຊວງສຶກສາວາງອອກນັ້ນໃຫ້ປະກົດຜົນເປັນຈິງໃຫ້ຫຼາຍຂື້ນ,ຍ້ອງຍໍຊົມເຊີຍຕໍ່ນັກຮຽນຜູ້ທີ່ເຂົ້າຮ່ວມແຂ່ງຂັນໃນຂັ້ນແຂວງຄັ້ງນີ້ພ້ອມທັງມອບໃບຢັ້ງຢືນ ແລະ ໃບຍ້ອງຍໍໃຫ້ຜູ້ນຳພານັກຮຽນ ແລະ ນັກຮຽນ ເພື່ອເປັນຫຼັກຖານ ນອກນັ້ນ ທ່ານ ຍັງເໜັ້ນໜັກບາງບັນຫາ ສະເພາະຜູ້ທີ່ ຍາດໄດ້ອັນດັບ 1 ຂອງແຕ່ລະວິຊາ ທີ່ຈະເປັນຕົວແທນນັກຮຽນເກັ່ງສາຍສາມັນສຶກສາຂອງແຂວງຜົ້ງສາລີອີກຕື່ມວ່າ: ໃຫ້ສືບຕໍ່ສຶກສາຮ່ຳຮຽນ ແລະ ເອົາໃຈໃສ່ຄົ້ນຄ້ວາ ແລະ ຮັກສາສຸຂະພາບເພື່ອກະກຽມຄວາມພ້ອມໃນການເຂົ້າຮ່ວມສອບເສັງແຂ່ງຂັນກັບນັກຮຽນຂອງແຕ່ລະແຂວງໃນທົ່ວປະເທດທີ່ຈະຈັດຂື້ນໃນຕໍ່ໜ້ານີ້ທີ່ນະຄອນຫຼວງວຽງຈັນທັງນີ້ກໍເພື່ອຍາດໃຫ້ໄດ້ອັນດັບຕົ້ນໆຂອງທົ່ວປະເທດ