previous arrow
next arrow
Slider

ເວບໄຊສູນໄອຊີທີ

ເວບໄຊໂຮງຮຽນ ມ ສ

ປ່ຽນພາສາ

Facebook

facebook logo

ສະຖິຕິການເຂົ້າຊົມ

178003
ມື້ນີ້
ມື້ວານນີ້
ອາທິດນີ້
ອາທິດແລ້ວນີ້
ເດືອນນີ້
ເດືອນແລ້ວ
ລວມທັງໝົດ
103
183
2732
173204
5587
6996
178003

ລະຫັດທ້ອງຖີ່ນ: 34.204.189.171
2019-10-19 03:28

ເວລາປັດຈຸບັນ

Europe, London

ປະຕິທີນ

ຕຸລາ 2019
12345
6789101112
13141516171819
20212223242526
2728293031

ຂ່າວການເຄື່ອນໄຫວ

ພະແນກສຶກສາທິການ ແລະ ກິລາແຂວງ ສໍາເລັດການສອບເສັງຄັດເລືອກນັກຮຽນເກັ່ງ ຊັ້ນປະຖົມ ປ5, ມ4 ແລະ ມ7

ພະແນກສຶກສາທິການ ແລະ ກິລາແຂວງ ສໍາເລັດການສອບເສັງຄັດເລືອກນັກຮຽນເກັ່ງ

ຊັ້ນປະຖົມ ປ5, ມ4 ແລະ ມ7

 

IMG 1360IMG 1407IMG 1412

          ໃນຕອນເຊົ້າຂອງວັນທີ 23 ມີນາ 2017 ທາງພະແນກສຶກສາທິການ  ແລະ ກິລາແຂວງ ໄດ້ຈັດຕັ້ງພິທີສອບເສັງຄັດເລືອກນັກຮຽນເກັ່ງ ຊັ້ນປະຖົມ ປ5, ມ4 ແລະ ມ7 ຂຶ້ນ ນະທີ່ຫ້ອງປະຊຸມຂອງພະແນກສຶກສາທິການ ແລະ ກິລາແຂວງ. ໂດຍພາຍໃຕ້ການເປັນປະທານຂອງທ່ານ ສານວັນໄຊ ແສງມະນີ  ກໍາມະການພັກແຂວງ,  ເລຂາຄະນະພັກຮາກຖານ, ຫົວໜ້າພະແນກສຶກສາທິການ  ແລະ  ກິລາແຂວງ. ມີຄະນະພະແນກ, ວິຊາການຂັ້ນແຂວງ,  ຕະຫຼອດຮອດມີບັນດາຜູ້ນໍາພາ ແລະ ນ້ອງນັກຮຽນຈາກ 7 ເມືອງໃນທົ່ວແຂວງຄື: ເມືອງ ຜົ້ງສາລີ,  ບຸນເໜືອ, ຍອດອູ, ບຸນໃຕ້, ຂວາ, ໃໝ່  ແລະ  ເມືອງ ສຳພັນ ເຂົ້າຮ່ວມທັງໝົດ 104 ທ່ານ ຍິງ  44  ທ່ານ.

 

ການຈັດຕັ້ງສອບເສັງຄັດເລືອກນັກຮຽນເກັ່ງລະດັບແຂວງ ປະຈໍາສົກຮຽນ 2016-2017  ຄັ້ງນີ້  ກໍເພື່ອຄັດເລືອກນັກ ຮຽນເກັ່ງທີ່ຈະເປັນຕົວແທນຂອງແຂວງເຂົ້າແຂ່ງຂັນໃນລະດັບຊາດທີ່ໃກ້ຈະມາເຖິງໃນມໍ່ໆນີ້ ແລະ ທາງເປັນການກະຕຸກຊຸກຍູ້ໃຫ້ແກ່ການຈັດຕັ້ງການຮຽນ-ການສອນ ໃນຊັ້ນປະຖົມສຶກສາ ແລະ ມັດທະຍົມຕົ້ນ ແລະ ມັດທະຍົມປາຍ ໃຫ້ມີຄວາມເຂັ້ມແຂງ  ແລະ  ມີປະສິດທິພາບປະສິດຕິຜົນ. ພ້ອມທັງສົ່ງເສີມນັກຮຽນທີ່ມີພອນສະຫວັນໃນແຕ່ລະດ້ານ ໄດ້ມີໂອກາດສະແດງຄວາມສາມາດ   ແລະ   ສ້າງພື້ນຖານຄວາມພ້ອມອອກສູ່ສັງຄົມກໍຄືໃນເວທີສາກົນເທື່ອລະກ້າວ.  ກ່ອນເລີ່ມການຈັດຕັ້ງສອບເສັງກໍໄດ້ຮັບຟັງການໂອ້ລົມຈາກ ທ່ານ ສານວັນໄຊ ແສງມະນີ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກສຶກສາທິການ ແລະ  ກິລາແຂວງ.  ເຊິ່ງກ່ອນອື່ນ ທ່ານກໍໄດ້ຍ້ອງຍໍຊົມເຊີຍບັນດາຜົນງານຂອງຄູອາຈານທີ່ສິດສອນໃນແຕ່ລະແຫ່ງ ແລະ  ນ້ອງນັກຮຽນທຸກຄົນທີ່ໄດ້ຜ່ານການຄັດເລືອກເປັນຕົວແທນຈາກຂັ້ນເມືອງ ມາສອບເສັງໃນລະດັບແຂວງ. ສໍາລັບຊັ້ນປະຖົມສຶກສາ ວິຊາທີ່ສອບເສັງໃນຄັ້ງນີ້ປະກອບ ມີ 3 ວິຊາຄື: ວິຊາພາສາລາວ, ຄະນິດສາດ  ແລະ ໂລກອ້ອມຕົວ. ຜ່ານຈາກການສອບເສັງໃນແຕ່ລະວິຊາກໍສາມາດຄັດເລືອກນັກເກັ່ງອັນດາທີ່ 1 ທີ່ເປັນຕົວແທນຂອງແຂວງໄປສອບເສັງໃນລະດັບຊາດມີຄື:  ວິຊາ ພາສາລາວ ແມ່ນ  ນາງ ແຈ່ນນີ່ ແມັກກີ່  ມາຈາກໂຮງຮຽນປະຖົມສົມບູນ ນາໄຊ ເມືອງ ສໍາພັນ, ວິຊາ ຄະນິດສາດ ແມ່ນ ທ້າວ ອາຢູ ອວນດາລາ ມາຈາກໂຮງຮຽນປະຖົມສົມບູນ ນໍ້າງາ ເມືອງ ໃໝ່, ວິຊາ ໂລກອ້ອມຕົວ  ແມ່ນ ນາງ  ຈັນນະລີ ມາຈາກໂຮງຮຽນປະຖົມສົມບຸນ ໂພນແກ້ວ ເມືອງ ຜົ້ງສາລີ. ຊັ້ນມັດທະຍົມຕອນຕົ້ນ ມ4 ອັນດັບທີ່ 1 ວິຊາ: ພາສາລາວ-ວັນນະຄະດີ ແມ່ນ ທ້າວ ທອງວັນ ແດງວິລະເສນ ມາຈາກໂຮງຮຽນ ມຕ ສົບກາຍ, ວິຊາ: ເຄມີສາດ ແມ່ນ ທ້າວ ວຽງແກ້ວຫວັງ ມາຈາກໂຮງຮຽນ ມສ ພູຟ້າ, ວິຊາ: ຟິຊີກສາດ ແມ່ນ ທ້າວ ອາເມີງ ວືລີຢາງ ມາຈາກໂຮງຮຽນ ມສ ນາໄຊ ແລະ ວິຊາ: ຄະນິດສາດ ແມ່ນ ທ້າວ ບູນໄຊ ບຸນທະນນ ມາຈາກໂຮງຮຽນ ມສ ອູໃຕ້. ຊັ້ນມັດທະຍົມຕອນປາຍ ມ7 ອັນດັບທີ່ 1 ວິຊາ: ພາສາລາວ-ວັນນະຄະດີ ແມ່ນ ນາງ ດາວມີນາ ຫຼ້າສຸກັນ ມາຈາກໂຮງຮຽນ ມສ ບ້ານໃຫມ່ ເມືອງ ບູນເໜືອ, ວິຊາ: ເຄມີສາດ ແມ່ນ ທ້າວ ຄໍາສຸກ ເຢຍເຈັງວາ ມາຈາກໂຮງຮຽນ ມສ ນາໄຊ ເມືອງ ສໍາພັນ, ວິຊາ:​ ຟິຊີກສາດ ແມ່ນ ຄໍາແພງ ເຫຼ່ຍຢໍ້ຫວັງ ມາຈາກໂຮງຮຽນ ມສ ບູນໃຕ້ ແລະ ວິຊາ: ຄະນິດສາດ ແມ່ນ ທ້າວ ສົມຈັນ ລາວຟັງ ມາຈາກໂຮງຮຽນ ມສ ບ້ານໃຫມ່. ຕໍ່ກັບຜົນສອບເສັງດັ່ງກ່າວໄດ້ຊີ້ບອກໃຫ້ເຮົາເຫັນເຖິງຄວາມເອົາໃຈໃສ່, ຄວາມພະຍາຍາມ ໃນການສິດສອນຂອງບັນດາຄູອາຈານໃນຊັ້ນປະຖົມສຶກສາ ແລະ ມັດທະຍົມໂດຍສະເພາະກໍຄືຊັ້ນ ປ5, ມ4 ແລະ ມ7.ຄຽງຄູ່ກັນນັ້ນ, ສໍາລັບນັກສອບເສັງຊັ້ນມັດທະຍົມ ມ4 ແລະ ມ7 ແມ່ນຍັງໄດ້ເຂົ້າຫ້ອງທົດລອງ ແລະ ທົດລອງຕົວຈິງໃນການໂດຍສະເພາະແມ່ນການປຸງແຕ່ງທາດເຄມີ, ການປະຕິກິລິຍາ, ການປ່ຽນສີຂອງທາດ, ການຕໍ່ລຽນຕໍ່ຂະໜານ, ຈຸລັງຂອງພືດຊະນິດຕ່າງໆ ແລະ ການຈໍາລອງຈຸລັງຂອງສັດ.
ຕອນທ້າຍໄດ້ຮັບຟັງການໂອ້ລົມຈາກທ່ານ ສານວັນໄຊ ແສງມະນີ ກໍາມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກສຶກສາທິການ ແລະ ກິລາແຂວງ ເຊິ່ງກ່ອນອື່ນທ່ານ ກໍໄດ້ຍ້ອງຍໍຊົມເຊີຍ ຕໍ່ກັບຜົນສໍາເລັບທີ່ທາງຄະນະຮັບຜິດຊອບບັ້ນດໍາເນີນການສອບເສັງ ແລະ ນ້ອງໆນັກຮຽນທີ່ໄດ້ເອົາໃຈໃສ່ຄົ້ນຄວ້າຮໍ່າຈົນສາມາດກາຍເປັນນັກຮຽນເກັ່ງ ແລະ ສາມາດຍາດໄດ້ອັນດັບທີ່ 1​ ຂອງແຂວງ. ບາງນ້ອງກໍໄດ້ເປັນຕົວແທນຂອງແຂວງ ໄປສອບເສັງໃນລະດັບຊາດ.  ຄຽງຄູ່ກັບຜົນສໍາເລັດດັ່ງກ່າວ ທ່ານກໍໄດ້ຮຽກຮ້ອງມາຍັງບັນດາຄູອາຈານ ຈົ່ງສຶບຕໍ່ບໍາລຸງ ແລະ ນ້ອງນັກຮຽນທຸກຄົນ ຈົ່ງສຶບຕໍ່ຮັກສາມູນເຊື້ອທີ່ດີດັ່ງກ່າວ  ເພື່ອໃຫ້ສາມາດຍາດໄດ້ອັນດັບທີ່ 1 ຂອງລະດັບຊາດ ເພື່ອເປັນໃບໜ້າໃບຕາຂອງປະເທດຊາດ ໂດຍສະເພາະກໍຄືຂອງຊາວແຂວງ ຜົ້ງສາລີ.ບັ້ນດໍາເນີນການສອບເສັງໄດ້ດໍາເນີນໄປເປັນເວລາ 2 ວັນກໍໄດ້ປິດລົງດ້ວຍຜົນສໍາເລັດ.

ຂ່າວ-ພາບໂດຍ: ພອນໄຊ ຫຼ້າຈັນເພັດ ( ນັກຂ່າວ ພະແນກສຶກສາແຂວງ ຜົ້ງສາລີ ) 020 98097791