previous arrow
next arrow
Slider

ເວບໄຊສູນໄອຊີທີ

ເວບໄຊໂຮງຮຽນ ມ ສ

ປ່ຽນພາສາ

Facebook

facebook logo

ສະຖິຕິການເຂົ້າຊົມ

177935
ມື້ນີ້
ມື້ວານນີ້
ອາທິດນີ້
ອາທິດແລ້ວນີ້
ເດືອນນີ້
ເດືອນແລ້ວ
ລວມທັງໝົດ
35
183
2664
173204
5519
6996
177935

ລະຫັດທ້ອງຖີ່ນ: 34.204.189.171
2019-10-19 03:17

ເວລາປັດຈຸບັນ

Europe, London

ປະຕິທີນ

ຕຸລາ 2019
12345
6789101112
13141516171819
20212223242526
2728293031

ຂ່າວການເຄື່ອນໄຫວ

ບ້ານລ້ອງນາຍເກົ່າໄດ້ຈັດຕັ້ງພິທີເປີດໂຮງຮຽນມັດທະຍົມຕົ້ນ ເປັນໂຮງຮຽນມັດທະຍົມສົມບູນ

ບ້ານລ້ອງນາຍເກົ່າໄດ້ຈັດຕັ້ງພິທີເປີດໂຮງຮຽນມັດທະຍົມຕົ້ນ ເປັນໂຮງຮຽນມັດທະຍົມສົມບູນ

fff    (ພາບ ທ່ານ ສານວັນໄຊ ແສງມະນີ ເປີດປ້າຍໂຮງຮຽນມັດທະຍົມສົມບູນ)
ໃນຕ້ອນເຊົ້າຂອງວັນທີ 4.5.2017 ນີ້ ໂຮງຮຽນມັດທະຍົມຕົ້ນບ້ານລ້ອງນາຍເກົ່າ ເມືອງບຸນໃຕ້ ໄດ້ຈັດພິທີເປີດໂຮງຮຽນມັດທະຍົມຕົ້ນເປັນໂຮງຮຽນມັດທະຍົມສົມບູນຂຶ້ນຢ່າງເປັນທາງການພາຍໃຕ້ການເປັນປະທານຂອງ ທ່ານ ສານວັນໄຊ ແສງມະນີ ກຳມະການພັກແຂວງ,ສະມາຊິກສະພາປະຊາຊົນຂັ້ນແຂວງ,ຫົວໜ້າພະແນກສຶກສາທິການ ແລະ ກິລາແຂວງ. ໃນພິທີມີທ່ານ ດຣ ກຳເປັນ ແສງອິນທອງ ຄະນະປະຈຳພັກເມຶອງ ຮອງເຈົ້າເມຶອງ ຜູ້ຊີ້ນຳວຽກ ຂົງເຂດວັດທະນະທຳ-ສັງຄົມ ເປັນກຽດເຂົ້າຮ່ວມ,ມີທ່ານ ອຸ່ນແປງ ທຳມະໂນໄຊ ກຳມະການພັກເມຶອງ,ຫົວໜ້າຫ້ອງການສຶກສາທິການ ແລະ ກິລາ

ເມຶອງບຸນໃຕ້ມີກຽດເຂົ້າຮ່ວມ,ມີບັນດາພະນັກງານວິຊາການພະແນກສຶກສາ,ມີເລຂາບ້ານ 4 ບ້ານ,ມີສະມາຄົມພໍ່ແມ່ນັກຮຽນ,ມີຜູ້ອຳນວຍການໂຮງຮຽນ,ຄູ-ອາຈານ ແລະ ນັກຮຽນເຂົ້າຮ່ວມທັງໝົດ 243 ຄົນ. ຍິງ173ຄົນ.ກ່ອນອື່ນທ່ານ ຄຳພັດ ບຸນດີ ຜູ້ອຳນວຍການໂຮງຮຽນບ້ານລ້ອງນາຍເກົ່າໄດ້ຜ່ານປະຫວັດຫຍໍ້ຂອງໂຮງຮຽນມັດທະຍົມຕົ້ນບ້ານລ້ອງນາຍເກົ່າ ເມືອງ ບຸນໃຕ້ ແຂວງຜົ້ງສາລີຄື: ໂຮງຮຽນ ມ ສ ບ້ານລ້ອງນາຍເກົ່າ ສ້າງຕັ້ງຂຶ້ນປີ 2003 ຫ່າງຈາກຫ້ອງການສຶກສາເມຶອງບຸນໃຕ້ປະມານ27 ກິໂລຕາແມັດ, ມີເນື້ອທີ່ 432 ຕາແມັດ, ເປັນໂຮງຮຽນກຸ່ມ ລວມມີ 8 ບ້ານທີ່ຂຶ້ນກັບກຸ່ມດັ່ງກ່າວ ແລະ ມີ 3 ກຸ່ມພາສາ. ທິດເໜຶອຕິດກັບເສັ້ນທາງ,ທິດໃຕ້ຕິດກັບບ້ານລ້ອງນາຍໃໝ່,ທິດຕາເວັນຕົກຕິດກັບທົ່ງນາ ແລະ ທິດຕາເວັນອອກຕິດກັບເສັ້ນທາງຜ່ານ. ມີຜູ້ອຳນວຍການໂຮງຮຽນປະຈຳການແຕ່ລະໄລຍະດັ່ງນີ້:
1 ອາຈານ ຄຳນວນ  ແຕ່ປີ 2003-2007
2 ອາຈານ ໄຊສະຫວາດ ພອນປະເສີດ  ແຕ່ ປີ2008 - 2010
3 ອາຈານ ຄຳສຸວົງ ບົວລິດທອງ ແຕ່ປີ 2011 – 2015
   ໃນສົກຮຽນ 2014- 2015 ມີອາຈານສອນທັງໝົດ 17 ຄົນ,ຍິງ 9 ຄົນ. ແລະນັກຮຽນ 221 ຄົນ,ຍິງ 112 ຄົນ, ສົກປີ 2015 – 2016 ມີຈຳນວນຄູສອນທັງໝົດ 22 ຄົນ,ຍິງ 11 ຄົນ ແລະ ນັກຮຽນ 279 ຄົນ130ຄົນ,ສົກປີ2016 – 2017 ມີຈຳນວນຄູສອນທັງໝົດ 25 ຍິງ 13 ຄົນ. ມີອາຄານຮຽນ 3 ຫຼັງ 11 ຫ້ອງ ແລະ ຫໍພັກຄູ 2 ຫຼັງ. ທັງມົດນັ້ນມີຂໍ້ສະດວກແລະຂໍ້ຫຍຸ້ງຍາກຄຶ:
ຂໍ້ສະດວກ:
ມີພະແນກສຶກສາ ແລະ ຫ້ອງການສຶກສາເມຶອງໃກ້ຊິດຕິດແທດ ແລະ ຊີ້ທິດແຕ່ລະໄລຍະ ,ມີການແບ່ງປັນຄວາມຮັບຜິດຊອບລະຫວ່າງໂຮງຮຽນກຸ່ມ ແລະ ຊຸມຊົນ,ມີແຜນປະຕິບັດວຽງານໃນແຕ່ລະໄລຍະ,ແບ່ງຄວາມຮັບຜິດຊອບໃຫ້ຄູອາຈານແຕ່ລະຄົນ,ມີນ້ຳໃຊ້,ໄຟຟ້າປົກກະຕິ ແລະ ຊຸມຊົນໃຫ້ຄວາມຮ່ວມມຶ.ຂໍ້ຫຍຸ້ງຍາກສະຖານທີ່ຄັບແຄບ,ຫ້ອງຮຽນແອອັດ,ບໍ່ມີຫໍພັກກຸ່ມນັກຮຽນ,ອຸປະກອນບໍ່ພຽງພໍ ເຊັ່ນ: ປຶ້ມແບບຮຽນ,ອຸປະກອນກິລາ ແລະ ງົບປະມານບໍ່ພຽງພໍກັບໜ້າວຽກຕົວຈິງ.ໃນພິທີທີ່ມີຄວາມໝາຍຄວາມສຳຄັນນັ້ນຍັງໄດ້ຮັບຟັງການໂອ້ລົມຂອງ ທ່ານ ສານວັນໄຊ ແສງມະນີ ກຳມະການພັກແຂວງ,ສະມາຊິກສະພາປະຊາຊົນຂັ້ນແຂວງ,ຫົວໜ້າພະແນກສຶກສາທິການ ແລະ ກິລາ ແຂວງ. ກ່ອນອື່ນທ່ານ ໄດ້ສະແດງຄວາມດີອົກດີໃຈທີ່ໄດ້ມີໂອກາດລົງມາພົບພໍ້ກັບພໍ່ແມ່ປະຊາຊົນ ແລະ ບັນດາຄູອານຈານທີ່ບ້ານລ້ອງນາຍເກົ່າ,ແລະ ຮູ້ສຶກເປັນກຽດຢ່າງສູງທີ່ໄດ້ລົງໄປເປັນປະທານໃນການເປີດໂຮງຮຽນມັດທະຍົມຕົ້ນເປັນໂຮງຮຽນມັດທະຍົມສົມບູນ.ຕາມທິດຊີ້ນຳຂອງກະຊວງສຶກສາທິການ ແລະ ກິລາ.ຕໍ່ຈາກນັ້ນທ່ານ ຍັງໄດ້ກ່າວເຖິງຄະນະພັກຮາກຖານວ່າ: ຄະນະພັກຮາກຖານຕ້ອງໄດ້ເອົາໃຈໃສ່ວຽກງານພັກໃຫ້ມີຄວາມເຂັ້ມແຂງ,ເຊີດຊູບົດບາດຂອງຕົນເອງ,ແຂງຂັນກັບໜ່ວຍພັກອຶ່ນໆ,ມີຄວາມເປັນແບບຢ່າງນຳໜ້າໃຫ້ແກ່ມະຫານຊົນ,ຕ້ອງເຊື່ອມຊຶມແນວທາງນະໂຍບາຍຂອງພັກ - ລັດທີ່ວາງອອກ,ຕ້ອງມີສະຕິຕໍ່ການຈັດຕັ້ງ,ເຊື່ອໝັ້ນຕໍ່ການນຳພາຂອງພັກ - ລັດ,ຍຶດຖືອຸດົມການຂອງພັກ ແລະ ຕ້ອງມີແບບແຜນວິທີເຮັດວຽກ. ຈານັ້ນທ່ານກໍໄດ້ເໜັ້ນໜັກເຖິງ ຄູ - ອາຈານ, ກ່ຽວກັບການປະຕິບັດໂຄງການຫຼັກສູດຕ້ອງເປັນຂະບວນການ,ສອນດີຮຽນເກັ່ງ ຕ້ອງເປັນໄປຕາມ 3 ລັກສະນະ 5 ຫຼັກມູນ ແລະ 3ຂໍ້ແຂງຂັນຂອງກະຊວງສຶກສາທິການ ແລະ ກິລາ ວາງອອກ, ຜູ້ອຳນວຍການຕ້ອງມີແບບແຜນວິທີເຮັດວຽກ ແລະ ລະອຽດ.ຕ້ອງມອບໝາຍວຽກງານໃຫ້ແກ່ບັນດາຄູ-ອາຈານປະຕິບັດການປະຕິບັດກົດລະບຽບວິໄນຂອງຄູ ແລະ ນັກຮຽນ. ຈາກນັ້ນເປັນກຽດຮຽນເຊີນ ທ່ານ ສານວັນໄຊ ແສງມະນີ ກຳມະການພັກແຂວງ,ສະມາຊິກສະພາປະຊາຊົນຂັ້ນແຂວງ,ຫົວໜ້າພະແນກສຶກສາທິການ ແລະ ກິລາ ພ້ອມດ້ວຍຄະນະນຳຂັ້ນເມືອງ ແລະ ທີມງານກໍໄດ້ເປີດປ້າຍໂຮງຮຽນມັດທະຍົມສົມບູນບ້ານລ້ອງນາຍຢ່າງເປັນທາງການ.

ພິທີໄດ້ດຳເນີນໄປເປັນເວລາໜຶ່ງຕອນກໍໄດ້ອັດລົງຢ່າງເປັນທາງການ         

     ຂຽນໂດຍ: ສົມສະໜິດ ຕັນສະຄອນ