ພິທີເປີດການແຂ່ງຂັນກິລາປະຈຳປີ 2019 ຊິງຂັນທ່ານເຈົ້າແຂວງໄຊຍະບູລີ
ໃນຕອນແລງຂອງວັນທີ 3 ພຶດສະພາ 2019 ທີ່ເດີ່ນກິລາບານເຕະຂອງແຂວງໄຊຍະບູລີ ໄດ້ຈັດພິທີເປີດການແຂ່ງຂັນກິລາປະຈຳປີ 2019 ຊິງຂັນທ່ານເຈົ້າແຂວງໄຊຍະບູລີ ໂດຍການໃຫ້ກຽດເຂົ້າຮ່ວມຂອງທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ, ຜູ້ຊີ້ນຳວຽກງານຂົງເຂດວັດທະນານທຳ-ສັງຄົມ, ທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາແຂວງໄຊຍະບູ ລີ, ມີການນຳຂອງແຂວງ, ການນຳຂອງເມືອງໄຊຍະບູລີ, ຫົວໜ້າພະແນກການອ້ອມຂ້າງແຂວງ, ມີບັນດາຄະນະນຳ, ນັກກິລາທີ່ມາ ຈາກພະແນກການ, ກົມກອງເຂົ້າຮ່ວມ.
ໄຊຍະບູລີ ປຶກສາຫາລືວຽກງານກິລາປະຈຳປີ 2019
ຕອນເຊົ້າຂອງວັນທີ 4 ເມສາ 2019 ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງໄຊຍະບູລີ ໄດ້ຈັດກອງປະຊຸມປຶກສາຫາລືວຽກງານກິລາ ປະຈຳປີ 2019 ຊີງຂັນທ່ານເຈົ້າແຂວງໄຊຍະບູລີ ໂດຍການໃຫ້ກຽດເຂົ້າຮ່ວມຂອງທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ,ທ່ານ ອຸດົມ ວິໄລສັກ ຫົວໜ້າພະແນກກິລາມວນຊົນ ເພື່ອສຸຂະພາບ, ກົມກິລາມວນຊົນ , ຫົວໜ້າຂະແໜງບໍລິຫານ, ຮອງຫົວໜ້າຂະແໜງລະດັບສູງ, ຄະນະສະຫະພັນກິລາຂອງແຂວງ, ມີບັນດາຕ່າງໜ້າຄະນະຮັບຜິດຊອບວຽກງານກິລາຂອງພະແນກການ, ກົມກອງ, ໂຮງຮຽນບໍລິສັດ, ນັກທຸລະກິດຊາວຄ້າຂາຍ, ກໍ່ໃຫ້ກຽດເຂົ້າຮ່ວມ.
ການແຂ່ງຂັນກິລາແກ່ວງຈານ ຊິງຂັນຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ
ການແຂ່ງຂັນກິລາແກ່ວງຈານ ຊິງຂັນຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີເນື່ອງໃນໂອກາດສະເຫຼີມ ສະຫຼອງວັນແມ່ຍິງສາກົນວັນທີ 8 ມີນາ 1910 - 8 ມີນາ 2019 ຄົບຮອບ 109 ໃຫ້ເປັນຂະບວນຟົດຟື້ນມ່ວນຊື່ນ, ພ້ອມທັງເປັນການສ້າງຂະບວນການຕ້ອນຮັບກອງປະຊຸມໃຫ່ຍຄັ້ງທີ 1 ຂອງຮາກຖານສະຫະພັນແມ່ຍິງພວມຈະໄຂຂື້ນໃນມໍ່ໆນີ້ ແລະ ເປັນການ ສ້າງຄວາມສາມັກຄີ ລະຫວ່າງພະນັກງານພະແນກສຶກສາທິການ ແລະ ກິລາແຂວງ ກັບຄູ-ອາຈານໃນແຕ່ລະໂຮງຮຽນ, ສະຫະພັນແມ່ ຍິງໜ່ວຍກໍ່ຄືນັກກິລາດ້ວຍກັນ ພ້ອມທັງເປັນການອອກກຳລັງກາຍເພື່ອສຸຂະພາບ.
ອອກຂ່າວ ພະແນກສຶກສາທິການ ແລະ ກິລາແຂວງ ໄຊຍະບູລີ
ການແຂ່ງຂັນກິລາປະເພດບານສົ່ງຍິງ - ຊາຍ ຊິງຂັນທ່ານ ເຈົ້າແຂວງ ໄຊຍະບູລີ ປະຈຳປີ 2018 ໄດ້ສຳເລັດລົງຢ່າງເປັນທາງການໃນຕອນແລງຂອງວັນທີ 14 ສິງຫາ 2018 ທີ່ເດີ່ນກິລາໃນຮົ່ມຂອງພະແນກສຶກສາທິການ ແລະ ກິລາ ໃຫ້ກຽດຮັບຊົມຂອງ ທ່ານ ແພງຊ້ອຍ ແພງເມືອງ ປະທານສະຫະພັນບານສົ່ງແຂວງ ແລະ ໄດ້ຮັບກຽດຢ່າງສູງໃນການເຂົ້າຊົມຄັ້ງນີ້ມີ ທ່ານ ພັອ ຄຳແພງ ເພັດ ຫົວໜ້າກອງບັນຊາການ ປກສ ແຂວງໄຊຍະບູລີ, ທ່ານ ພັອ ກູດ ພົມມາ ຫົວໜ້າກອງບັນຊາການທະຫານແຂວງໄຊຍະບູລີ, ມີທ່ານ ຫົວໜ້າ, ຮອງຫົວໜ້າພະແນກການ, ກົມກອງ, ນັກທຸລະກິດ ພ້ອມດ້ວຍມວນຊົນຊາວໄຊຍະບູລີເຂົ້າຮ່ວມຊົມ ແລະ ເຊຍຢ່າງເບີກບານມ່ວນຊື່ນ.