ພະແນກສຶກສາທິການ ແລະ ກິລາ ແຂວງໄຊຍະບູລີ ເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ
ໃນຕອນແລງຂອງວັນທີ 1 ສິງຫາ 2018 ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ໄຊຍະບູລີ ໄດ້ຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ຈາກ 2 ໜ່ວຍພັກຄື: ໜ່ວຍພັກວິຊາການ ແລະ ໜ່ວຍພັກໂຮງຮຽນ ມສ ສົງ. ໂດຍການໃຫ້ກຽດເປັນປະທານ ຂອງ ສະຫາຍ ອ່ອນຕາ ພົມມະຈິດ ຮອງເລຂາຄະນະພັກຮາກຖານ, ຮອງຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ, ມີບັນດາ ສະຫາຍຄະນະພັກຮາກຖານ, ເລຂາ-ຮອງເລຂາ, ຄະນະໜ່ວຍພັກ, ແຂກທີ່ຖືກເຊີນ, ມີຕາງໜ້າຈາກອົງການຈັດຕັ້ງມະຫາຊົນ, ສະມາຊິກພັກ ທີ່ຂື້ນກັບຮາກຖານພະແນກສຶກສາທິການ ແລະ ກິລາແຂວງໄຊຍະບູລີເຂົ້າຮ່ວມ.