ໂດຍເປັນປະທານຂອງທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາແຂວງ ໂດຍການເປັນກຽດເຂົ້າ ຮ່ວມຂອງ ທ່ານ ຄຳພັດ ເພັດລາສີ ຮອງຫົວໜ້າກົມກິລາມວນຊົນ ຕາງໜ້າກະຊວງສຶກສາທິການ ແລະ ກິລາ, ມີຮອງຫົວໜ້າພະ ແນກ, ຫົວໜ້າຫ້ອງການສຶກສາທິການ ແລະ ກິລາເມືອງ, ຜູ່ອຳນວຍການໂຮງຮຽນອ້ອມຂ້າງແຂວງ, ຫົວໜ້າ, ຮອງຫົວໜ້າຂະແໜງ, ຜູ່ອຳນວຍການສູນ, ຮອງຜູ້ອຳນວຍການສູນ ພ້ອມດ້ວຍພະນັກງານວິຊາການພາຍໃນພະແນກເຂົ້າຮ່ວມ.

          ໃນກອງປະຊຸມທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາແຂວງ ກໍ່ໄດ້ເປີດກອງປະຊຸມຢ່າງເປັນ ທາງການ ພ້ອມທັງເຜີຍແຜ່ມະຕິກອງປະຊຸມຜູ່ບໍລິຫານການສຶກສາ ແລະ ກິລາທົ່ວປະເທດ ປະຈຳປີ 2018 ຈາກນັ້ນຜູ້ເຂົ້າຮ່ວມກອງ ປະຊຸມ ກໍ່ໄດ້ຮັບຟັງການລາຍງານການກະກຽມໄຂສົກຮຽນ ໃໝ່ 2018-2019 ຂອງບັນດາເມືອງ ແລະ ໂຮງຮຽນອ້ອມຂ້າງແຂວງ, ຮັບຟັງການລາຍງານກະກຽມແຂ່ງຂັນກິລາແຫ່ງຊາດທີ່ແຂວງຊຽງຂວາງ, ທາບທາມຮ່າງລາຍງານສາມສ້າງຂອງຂະແໜງການສຶກສາ ແລະ ກິລາ,ຜ່ານຂໍ້ແຂ່ງຂັນປະຈຳປີ ຂອງຂະແໜງການສຶກສາ ແລະ ກິລາ , ຄົ້ນຄວ້າ ປະກອບຄຳຄິດ,ເຫັນການບັນຈຸຄູອາສາສະໝັກ ໃໝ່, ຈຸດປະສົງໃນກອງປະຊຸມໃນຄັ້ງນີ້ກໍ່ເພື່ອຍົກໃຫ້ເຫັນຜົນສຳເລັດຂອງກອງປະຊຸມຜູ້ບໍລິຫານການສຶກສາແລະ ກິລາ ທົ່ວປະເທດ ແລະ ເຫັນໄດ້ການກຽມຄວາມພ້ອມຂອງບັນດາເມືອງ, ໂຮງຮຽນອ້ອມຂ້າງໃນການກະກຽມໄຂສົກຮຽນໃໝ່ທີ່ຈະມາເຖິງນີ້ ເພື່ອຊອກ ໃຫ້ ເຫັນຂໍ້ສະດວກ, ຂໍ້ຫຍຸ້ງຍາກ ແລະ ພ້ອມກັນຊອກທິດທາງແກ້ໄຂໃຫ້ທັນການ ແລະ ໃຫ້ມີຜົນສຳເລັດສູງ.

                                                                   ຂ່າວໂດຍ: ນາງນົວລະພາ ໄຊຍະຫາ

                                                                020 ​9626 7890