ໃນພິທີ ທ່ານທອງສາ ຢາງນຸໄຄ ຮອງອຳນວຍການໂຮງຮຽນ ມັດທະຍົມສົມບູນຊົນເຜົ່າຂື້ນຜ່ານບົດສະຫຼຸບ ສົກຮຽນ 2017- 2018  ແລະ ທິດທາງແຜນການສົກຮຽນ 2017-2018  ຂອງ ໂຮງຮຽນມັດທະຍົມສົມບູນຊົນເຜົ່າ ແຂວງ ໄຊຍະບູລີ ເຊີ່ງທ່ານໄດ້ ກ່າວວ່າ: ໂຮງຮຽນມັດທະຍົມສົມບູນຊົນ​ເຜົ່າເປັນໂຮງຮຽນລະບົບສາມັນກິນນອນ ນັກຮຽນສ່ວນຫຼາຍ ເປັນນັກຮຽນໃນແຜນໄດ້ຮັບ ເບ້ຍລ້ຽງງົບປະມານຂອງລັດ ເປັນເດັກຊົນເຜົ່າດ້ອຍໂອກາດ, ຫ່າງໄກສອກຫຼີກ, ກ່ໍ່າພ້າ, ກໍ່າພອຍ ເຊີ່ງມາຈາກບັນດາເມືອງຕ່າງໆຂອງ ແຂວງໄຊຍະບູລີ, ມີຄວາມແຕກຕ່າງທາງດ້ານວິຖີການດໍາລົງຊີວິດ, ພາສາປາກເວົ້າ, ຮີດຄອງປະເພນີ, ນອກຈາກນີ້ຍັງຮັບເອົານັກຮຽນ 2 ບ້ານໃກ້ຄຽງເຂົ້າຮ່ວມຮຽນນໍາ, ກວມເອົາແປດເຜົ່າ 3 ກຸ່ມພາສາ, ໂຮງຮຽນ ມສ ຊົນເຜົ່າ ມີຄະນະອໍານວຍການໂຮງຮຽນ 3 ທ່ານ, ຍິງ 1 ທ່ານ ມີຄູອາຈານທັງໝົດ 77 ທ່ານ, ຍິງ 51 ທ່ານ, ມີນັກຮຽນທັງໝົດ  485  ນ້ອງ, ຍິງ 233 ນ້ອງ, ໃນນີ້ ນັກຮຽນໃນແຜນ 335 ນ້ອງ, ຍິງ 149 ນ້ອງ ໂຮງຮຽນ ມສ ຊົນເຜົ່າມີເນື້ອທີທັງໝົດ 6,4 ເຮັກຕາ, ມີອາຄານຮຽນ 4 ລັງ ເປັນອາຄານຮຽນ 2 ຊັ້ນ 1 ຫຼັງ, ຫ້ອງສະໝຸດ 1 ຫຼັງ, ຫໍພັກ 4 ຫຼັງ ເປັນອາຄານ 2 ຊັ້ນ 3 ຫຼັງ, ມີສະໂມສອນ 1 ຫຼັງ, ຫໍພັກນັກຮຽນ 2 ຫຼັງ, ຫ້ອງກິນເຂົ້າ 1 ຫ້ອງ, ມີຫ້ອງຮຽນ ທັງໝົດ 29  ຫ້ອງ;​ ແຕ່ ມໍ1-ມໍ7ໃນສົກຮຽນທີ່ຜ່ານມາຄູ - ອາຈານໄດ້ເອົາໃຈໃສ່ຕໍ່ໜ້າທີ່ວຽກງານມີແນວຄິດອຸ່ນ ອ່ຽງທຸ່ນທ່ຽງນັກຮຽນແຕ່ລະນ້ອງກໍ່ໄດ້ເອົາໃຈໃສ່ຕັ້ງ ໃຈຮຽນຢ່າງຕັ້ງໜ້າ. ພ້ອມນີ້ກໍຍັງຍົກໃຫ້ເຫັນດ້ານດີ, ດ້ານອ່ອນ   ຂໍ້ຄົງຄ້າງ ແລະ ທິດທາງແກ້ໄຂໃນຕໍ່ໜ້າ ແລະ ພ້ອມດຽວກັນນີ້ ຄູ-ອາຈານກໍໍ່ຍັງໄດ້ຈັບມືຜ່ານຂໍ້ແຂ່ງຂັນຮັກຊາດ ແລະ ພັດທະນາຂອງໂຮງຮຽນ ມ.ສ ຊົນເຜົ່າ.

       ໃນຕອນທ້າຍພິທີ ທ່ານ ກາບແກ້ວ ສີບຸນມາ ຫົວໜ້າພະແນກສືກສາທິການ ແລະ ກິລາແຂວງ ກໍ່ໄດ້ໃຫ້ກຽດໂອ້ລົມຕໍ່ຄູ - ອາ ຈານ ແລະ ນ້ອງນັກຮຽນ,ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານຫຼາຍດ້ານທີ່ຍາດມາໄດ້ໃນສົກຮຽນທີ່ຜ່ານມາ, ເຊີ່ງທ່ານກໍ່ໄດ້ຮຽກຮ້ອງມາຍັງທຸກພາກສ່ວນໃຫ້ພ້ອມກັນເອົາໃຈໃສ່ເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ສູງຂື້ນ, ປະຕິບັດລະບຽບການດ້ານການສືກສາຢ່າງເຂັ້ມງວດ,ພັດທະນາໂຮງຮຽນຂອງຕົນໃຫ້ມີຄຸນນະພາບ ແລະ ໄດ້ມາດຖານເອົາໃຈໃສ່ຕ້ານ ທຸກປະກົດການຫຍໍ້ທໍ້ໃນໂຮງຮຽນຂອງຕົນ  ກໍ່ຄືປະກົດການຫຍໍ້ທໍ້ ໃນຂະແໜງການສືກສາໃຫ້ຕົກໄປ ແລະ ສ້າງໃຫ້ມີບາດກ້າວໃໝ່ ໃຫ້ນັບມື້ມີຄຸນນະພາບ ປອດໃສ ແລະ ກ້າວໜ້າທັນສະໄໝ ປະຕິບັດໜ້າທີ່ເປັນແມ່ພີມທີ່ດີ ຂອງຊາດດ້ວຍຄວາມຊັດຊື່ບໍລິສຸດ ແລະ ມີຈັນຍາບັນຝຶກຝົນພັດທະນາຕົນເອງດ້ານວິຊາສະເພາະເຕັກນິກວິທີການສອນທີ່ສ້າງສັນໃຫ້ທັນກັບສະພາບການ ແລະ ເຕັກໂນໂລຊີ ສ້າງໃຫ້ນັກຮຽນມີປະສິດທິຜົນ.