ໃນ​ພິທີ ທ່ານ ປະນົມ​ພອນ ມະຫາ​ໄຊ ຮອງ​ຫົວໜ້າ​ຂະ​ແໜງ​ຈັດ​ຕັ້ງ​-ພະນັກງານ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ໄດ້​ຂຶ້ນ​ຜ່ານ​ຂໍ້​ຕົກລົງ​ຂອງ​ທ່ານ​ເຈົ້າ​ແຂວງ ວ່າ​ດ້ວຍ​ການ​​ແຕ່​ຕັ້ງຫົວໜ້າຂະ​ແໜງ - ຮອງ​ຫົວໜ້າຂະ​ແໜງ ພາຍ​ໃນພະ​ແນ​ກສຶກສາ​ທິການ ​ແລະ ກິລາ​ແຂວງ​ຈຳນວນ 6 ສະບັບ ​ເຊີ່ງ​ມີ​ເນື້ອ​ໃນ​ລາຍ​ລະອຽດ​ດັ່ງ​ນີ້: ​ແຕ່ງ​ຕັ້ງ ທ່າ​ນ ປອ ຂັນ​ແກ້ວ ພິພັດ​ເສລີ ຫົວໜ້າ​ຂະ​ແໜງ​ບໍລິຫານ ​ເປັນ​ຫົວໜ້າ​ຂະ​ແໜງ​ຈັດ​ຕັ້ງ - ພະນັກງານ, ​ແຕ່ງ​ຕັ້ງ ທ່ານ ປອ ຄຳຄ່ອງ ສີ​ບົວ​ຄຳ ຫົວໜ້າ​ຂະ​ແໜງ​ມັດທະຍົມ​ສຶກສາ ​ເປັນ​ຫົວໜ້າ​ຂະ​ແໜງ​ພັດທະນາ​ຄູ, ​ແຕ່ງ​ຕັ້ງ ທ່າ​ນ ບຸນ​ເພັງ ມາ​ຖາ ຫົວໜ້າ​ຂະ​ແໜງ​ອາຊີວະ​ສຶກສາ ​ເປັນ​ຫົວໜ້າ​ຂະ​ແໜງ​ບໍລິຫານ, ​ແຕ່ງ​ຕັ້ງ ທ່າ​ນ ທອງພັນ ສິງ​ແກ້ວ ຮອງ​ຫົວໜ້າ​ຂະ​ແໜງ​ມັດທະຍົມ​ສຶກສາ ​ເປັນ​ຫົວໜ້າ​ຂະ​ແໜງ​ມັດທະຍົມ​ສຶກສາ, ​ແຕ່ງ​ຕັ້ງ ທ່າ​ນ ສົມ​ພອນ ທຳ​ມະ​ກຸນ ຮອງ​ຂະ​ແໜງ​ອາຊີວະ​ສຶກສາ ​ເປັນ​ຫົວໜ້າ​ຂະ​ແໜງ ອາຊີວະ​ສຶກສາ ​ແລະ ​ແຕ່ງ​ຕັ້ງ ທ່ານ ຕູ້ ສົມ​ບັດ ວິຊາ​ການ​ຂະ​​ແໜງ​ມັດທະຍົມ​ສຶກສາ ​ເປັນ​ຮອງ​ຫົວໜ້າ​ຂະ ​ແໜງ​ມັດທະຍົມ​ສຶກສາ.

    ​ໃນ​ໂອກາດ​ທີ່​ມີ​ຄວາມ​ໝາຍ​ຄວາມ​ສຳຄັນ​ນີ້ ທ່ານ ກາບ​ແກ້ວ ສີ​ບຸນ​ມາ ​ເລຂາ​ຄະນະ​ພັກ​ຮາກ​ຖານ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ກໍ່​ໄດ້​ໃຫ້​ກຽດ​ໂອ້​ລົມ​ຕໍ່​ພິທີ​ດັ່ງກ່າວ ​ເຊີ່ງ​ທ່ານ​ໄດ້​ເນັ້ນ​ໜັກ​ໃຫ້​ຜູ້​ທີ່​ໄດ້​ຮັບ​ການ​ແຕ່ງ​ຕັ້ງໜ້າ​ທີ່​ໃໝ່​ຈົ່ງ​ເອົາ​ໃຈ​ໃສ່​ເພີ່ມ​ທະວີ​ໃນ​ການ​ສຶກສາ​ອົບຮົມ​ການ​ເມືອງ​ແນວ​ຄິດ,ກຳ​ແໜ້ນ​ນິຕິ​ກຳ, ມະຕິ​ຄຳ​ສັ່ງ, ດຸ​ໝັ່ນ​ຄົ້ນ​ຄວ້າ​ຮໍ່າຮຽນ​ໃຫ້​ກາຍ​ເປັນ​ມື​ອາຊີບ, ພ້ອມ​ນັ້ນ​ກໍ່​ຕ້ອງ​ໄດ້ຝຶກ​ຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄວາ​ມໜັກ​ແໜ້ນ​ເຂັ້ມ​ແຂງ​ຂຶ້ນ​ກວ່າ​ເກົ່າ ແລະ ສຸມທຸກສະຕິປັນຍາເຂົ້າໃນວິຊາສະເພາະທີ່ການຈັດຕັ້ງພັກ - ລັດມອບໝາຍໃຫ້ມີຜົນສຳເລັດ.

 

ຂ່າວ​ໂດຍ: ນາງ ບົວລະພາ ​ໄຊ​ຍະ​ຫາ

020 9626 7890