ທ່ານ ນາງ ບຸນ​ພັກ ອິນທະ​ປັນຍາ ກຳມະການ​ປະຈຳ​ພັກ​ແຂວງ, ຮອງ​ເຈົ້າ​ແຂວງ ​ໄຊ​ຍະ​ບູລີກໍ່​ໄດ້​ຂຶ້ນ​ກ່າວ​ຕ້ອນຮັບ​ແຂກ ​ແລະ ກ່າວ​ເປີດ​ກອງ​ປະຊຸມ​ຢ່າງ​ເປັນ​ທາງ​ການ ທ່ານ​ໄດ້​ກ່າວ​ວ່າ:

ວຽກງາ​ນກິລາ - ກາ​ຍຍະ​ກຳມວນຊົນ​ແມ່ນ​ວຽກໜື່ງທີ່​ສຳຄັນ​ຕໍ່​ກັບ​ການ​ພັດທະນາ​ຊັບພະຍາກອນ​ມະນຸດ​ທີ່​ພັກ - ລັດຖະບານ​ໄດ້​ກຳ​ນົດ​ໄວ້​ເພື່ອ​​ເຮັດ​ໃຫ້​ມວນ​ຊົນ​ທຸກ​ເພດ, ທຸກ​ໄວ​ໄດ້​ປະກອບສ່ວນ​ເຂົ້າ​ໃນ​ການ​ຫັດກາ​ຍຍະ​ບໍລິຫານ, ອອກກຳລັງ​ກາຍ, ການຫຼີ້ນກິລາ​ເພື່ອ​ສຸຂະພາບ, ຄວາມ​ເບີກບານ​ມ່ວນ​ຊື່ນ ​ແລະ ພ້ອມ​ພາກັນ​ຈັດ​ຕັ້ງ​ປະຕິບັດ​ຜັນ​ຂະຫຍາຍ​ບັນດາ 7 ຄາດໝາຍຕົວ​ຊີ້​ບອກ ​ແລະ ​ແຜນ​ຈຸດ​ສຸມ​ໃນ​ການ​ສ້າງ​ຂະ​ບວນການ​ຈັດ​ກິດຈະກຳ​ການ​ແຂ່ງຂັນ​ກິລາ ​ແຕ່ລະ​ປະ​ເພດ​ໃຫ້​ເປັນ​ຂະ​ບວນ. ຈາກ​ນັ້ນ​ໃຫ້​ກອງ​ປະຊຸມ ​ທ່ານ ສີທາດ ຈັນທະ​ບູລີ ​ເປັນ​ຫົວໜ້າກົມ​ກິລາ​ມວນ​ຊົນ​ກະຊວງ​ສຶກສາ​ທິການ ​ແລະ ກິລາ ທີ່​ໄດ້​ຂື້ນ​ຜ່ານ​ບົດ​ສະຫຼຸບລາຍ​ງານ​ວຽກງານ​ກິລາ - ກາຍຍະ​ກໍາ​ມວນ​ຊົນ​ປະຈຳ​ປີ 2018 ​ແລະ ​ແຜນ​ຈຸດ​ສຸມ​ປະຈຳ​ປີ 2019 ​ໂດຍທ່ານ​ໃຫ້​ຮູ້​ວ່າ: ຕະຫຼອດ​ເວລາ​ໄລ​ຍະ​ທີ່​ຜ່ານ​ມາ​ການ​ເຄື່ອນ​ໄຫວ​ຈັດ​ກິດຈະກຳ, ການ​ແຂ່ງຂັນ​ກິລາ - ກາຍຍະ​ກໍາ​ມວນ​ຊົນ​ປະຈຳ​ປີ, ງານ​ບຸນ​ປະ​ເພນີ ​ແລະ ວັນ​ບຸນ​ສຳຄັນ​ຕ່າງ​ຂອງ​ຊາດ ​ແລະ ສາກົນ​ໃນ​ທົ່ວ​ປະ​ເທດ​ມີ​ມວນ​ຊົນ​ເຂົ້າ​ຮ່ວມ​ທັງໝົດ 1,400,000 ກວ່າ​ຄົນ​ ຍິງ 700,000 ກວ່າ​ຄົນ ​ເທົ່າ​ກັບ 22% ຂອງ​ພົນລະ​ເມືອງ​ລາວ​ທັງໝົດ, ອັດຕາ​ການ​ສົ່ງ​ເສີມ ການ​ເຄື່ອນ​ໄຫວ​ສະ​ໂມ​ສອນ​ກິລາ​ຂັ້ນ​ເມືອງ​ມີ 27 ​ແຫ່ງ , ຂັ້ນ​ບ້ານ 1,531 ​ແຫ່ງ, ບັນລຸ​ໄດ້ 18% ​ໃນ​ທົ່ວ​ປະ​ເທດ, ພ້ອມ​ນັ້ນ​ໃນ​ກອງ​ປະຊຸມ​ບັນດາ​ຫົວໜ້າພ​ະ​ແນ​ກ, ຕາງໜ້າຫົວໜ້າພະ​ແນ​ກສຶກສາ​ທິການ ​ແລະ ກິລາ​ແຕ່ລະ​ແຂວງ​ກໍ່​ໄດ້​ຂຶ້ນ​ຜ່ານ​ບົດ​ສະຫຼຸບ​ລາຍ​ງານ​ການ​ຊີ້​ນຳ ນຳພາ​ການຈັດ​ຕັ້ງ​ປະຕິບັດ​ແຜນ​ພັດທະນາ​ກິລາ - ກາ​ຍະ​ກຳ​ມວນ​ຊົນ​ປະຈຳ​ປີ 2018 ​ແລະ ​ແຜນ​ຈຸດ​ສຸມ​ປະຈຳ​ປີ 2019 ຂອງ​ແຕ່ລະ​ແຂວງ, ພ້ອມ​ທັງ​ປະກອບ​ຄຳ​ຄິດ​ຄຳ​ເຫັນ​ໃສ່​ບົດ​ສະຫຼຸບ​ດັ່ງກ່າວ​ເພື່ອ​ພ້ອມ​ກັນ​ຈັດ​ຕັ້ງ​ປະຕິບັດ ​ແລະ ພັດທະນາ​ກິລາ - ກາຍຍະກຳ​ມວນ​ຊົນ​ຂອງ​ລາວ​ເຮົາ​ໃຫ້​ດີ​ຂື້ນ​ເປັນ​ກ້າວໆ.

                                                                          

 

                                                                                  ຂ່າວ​ໂດຍ: ນາງ ບົວລະພາ ​ໄຊ​ຍະ​ຫາ

                                                                                  ​ໂທ: 020 9626 7890