ພິທີທ່ານ ທອງດີ ເນົາວັນເພັງ ເລຂາຊາວໜຸ່ມໂຮງຮຽນເຕັກນິກ-ວິຊາແບບປະສົມ ແຂວງໄຊຍະບູລີ ຂື້ນກ່າວເປີດກອງປະຊຸມຢ່າງ ເປັນທາງການພ້ອມທັງຜ່ານບົດລາຍງານການເມືອງທັງສອງພາກໃນໄລຍະ 5 ປີຜ່ານມາ ເຊີ່ງສະຫາຍໄດ້ກ່າວວ່າ: ຊາວໜຸ່ມໜ່ວຍໂຮງ ຮຽນເຕັກນິກວິຊາຊີບແບບປະສົມແຂວງໄຊຍະບູລີ  ມີສະມາຊິກທັງໝົດ 514 ສະຫາຍ, ຍິງ 250 ສະຫາຍ, ພະນັກງານ 96 ສະ ຫາຍ  ຍິງ 16 ສະຫາຍ, ນັກຮຽນ 418 ສະຫາຍ, ຍິງ 219 ສະຫາຍ ຕະຫຼອດໄລຍະຜ່ານມາສະມາຊິກຊາວໜຸ່ມໂຮງຮຽນເຕັກນິກ- ວິຊາຊີບແບບປະສົມ ແຂວງໄຊຍະບູລີ ໄດ້ນຳເອົານະໂຍບາຍຂອງພັກ-ລັດ, ຂໍ້ກຳນົດ, ກົດລະບຽບຂອງຊາວໜຸ່ມ, ຈັດຕັ້ງເຜີຍແຜ່, ສຶກສາອົບຮົມໃຫ້ສະມາຊິກພາຍໃນໜ່ວຍ ມີຄວາມຮູ້ເຊື່ອມຊືມກຳແໜ້ນນະໂຍບາຍຂອງພັກ, ຂອງຊາດ, ວັນສ້າງຕັ້ງຊາວໜຸ່ມ ແລະ ວັນສຳຄັນອື່ນໆ ໂດຍຕິດພັນກັບຂໍ້ແຂ່ງຂັນ4ບຸກເຮັດໃຫ້ສະມາຊິກມີຄວາມອຸ່ນອ່ຽງທຸ່ນທ່ຽງ,ຕັ້ງໜ້າປະຕິບັດວຽກງານວິຊາສະເພາະ ໃຫ້ຫຼ້ອນໜ້າທີ່ ຕາມທີ່ໄດ້ຮັບມອບໝາຍ ເຊິ່ງສະແດງອອກໃນການຈັດແບ່ງປະເພດສະມາຊາວໜຸ່ມ 4 ບຸກ ທີ່ໄດ້ປະເພດແຂງມີຈຳ ນວນ 90 ສະຫາຍ, ຍິງ 29 ສະຫາຍ, ປະເພດກາງ 6 ສະຫາຍ, ຍິງ 2 ສະຫາຍ ແລະ ຈັດຕັ້ງນຳພາຂະບວນການແຂ່ງຂັນ 4 ບຸກໃຫ້ ເປັນຂະບວນການກວ້າງຂວາງ ແລະ ຟົດຟື້ນ ບຸກດ້ານແນວຄິດ ໄດ້ 90 %, ບຸກ ດ້ານຝຶກ ຝົນຫຼໍ່ແຫຼມຕົນເອງໄດ້ 89% , ບຸກດ້ານ ການຈັດຕັ້ງໄດ້ 93%, ບຸກດ້ານ ວິຊາຊີບ-ສ້າງວຽກເຮັດງານທຳ ໄດ້ 92% ຈາກນັ້ນຄະນະຊຸດເກົ່າ ກໍ່ໄດ້ຂື້ນຜ່ານບົດສຳຫຼວດ ແລະ ກ່າວລາໜ້າທີ່ໃນກອງປະຊຸມກໍ່ໄດ້ປ່ອນບັດເລືອກເອົາເລຂາຊາວໜຸ່ມໜ່ວຍໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ຊຸດໃໝ່ ເຊິ່ງມີຜູ້ສະໝັກ 7 ສະຫາຍ, ເລືອກເອົາ 5 ສະຫາຍ ກອງປະຊຸມຄັ້ງປະຖົມມະລືກ ໄດ້ເລືອກເອົາ ສະຫາຍບຸນທອນ ກຸມປະ ສິດ ເປັນເລຂາຊາວໜຸ່ມໜ່ວຍ, ສະຫາຍນາງ ສົມພອນ ແກ້ວວິໄລວົງ ເປັນຮອງເລຂາໜ່ວຍ, ສະຫາຍ ນາງ ພັດທະນາ ໃຈເລີດ ເປັນ ຄະນະ, ສະຫາຍອາໂນ ບຸດຕະລາດ ເປັນຄະນະ, ສະຫາຍ ໄຊສະຫວັນ ວົງສີ ເປັນຄະນະ.

ໂດຍ: ນາລີ ແພງວິໄລ

020 9999 4226