ໂອກາດດັ່ງກ່າວ ທ່ານນາງ ບຸນພັກ ອິນທະປັນຍາ ກຳມະການປະຈຳພັກແຂວງ, ຮອງເຈົ້າແຂວງໄຊຍະບູລີ, ຜູ້ຊີ້ ນໍາວຽກງານ ຂົງເຂດວັດທະນາທໍາ-ສັງຄົມໄດ້ໃຫ້ກຽດ​ເຜີຍ​ແຜ່ເຊື່ອມຊື່ມມະຕິກອງປະຊຸມຄົບຄະນະບໍລິຫານງານສູນກາງ ພັກຄັ້ງທີ 7 ສະໄໝທີ 10 ມະຕິເລກທີ057/ຄບສພ ວ່າດ້ວຍການເພີ່ມທະວີການນຳພາແກ້ໄຂຄວາມຫຍຸ້ງຍາກທາງດ້ານເສດຖະ ກິດ-ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ, ມະຕິ ເລກທີ 056/ ຄບສພ ວ່າດ້ວຍການປັບປຸງຮາກຖານ ການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ ແລະໜັກແໜ້ນ,ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 12 ສະໄໝ 4 ແລະ ວຽກງານຈຸດສຸມປີ 2019 ຂອງຄະນະບໍລິຫານງານພັກແຂວງ,ຄຳແນະນຳສະບັບເລກທີ 192/ຈຂ.ຊຍ, ລົງ ວັນທີ 8 ພະຈິກ 2018 ກ່ຽວກັບການຈັດຕັງປະຕິບັດດຳລັດ 384/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ຢູ່ແຂວງໄຊຍະບູລີ ໂອກາດດຽວກັນນີ້ຜູ້ເຂົ້າຮ່ວມກອງປະຊຸມຍັງໄດ້ມີຄຳເຫັນເຈາະຈິ້ມ ແລະ ປະກອບຄຳຄິດຄຳເຫັນແລກປ່ຽນ.

ຕອນທ້າຍທ່ານນາງ ບຸນພັກ ອິນທະປັນຍາ ກຳມະການປະຈຳພັກແຂວງ, ຮອງເຈົ້າແຂວງໄຊຍະບູລີ, ຜູ້ຊີ້ນໍາວຽກງານຂົງເຂດວັດທະນາທໍາ-ສັງຄົມ ຍັງໄດ້ໃຫ້ກຽດໂອ້ລົມ ເຊີ່ງທ່ານໄດ້ເໜັ້ນໜັກໃຫ້ບັນດາພະນັກງານຄູ-ອາຈານ ຈົ່ງພ້ອມກັນນຳເອົາບົດຮຽນ ທີ່ໄດ້ເຊື່ອມຊຶມໃນຄັ້ງນິ້ ໄປຈັດຕັ້ງປະຕິບັດ, ຜັນຂະຫຍາຍ ເນຶ້ອໃນຈິດໃຈຂອງ ມະຕິວ່າດ້ວຍ ການເພີ່ມທະວີການນຳພາແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ແລະ ສ້າງຄວາມເຂັ້ມແຂງ ຂອງການຄຸ້ມຄອງມະຫາພາກ ແລະ ມະຕິວ່າດ້ວຍການປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ ແລະ ໜັກແໜ້ນໃຫ້ເລິກເຊິ່ງ ເພື່ອເຮັດໃຫ້ການຈັດຕັ້ງປະຕິບັດວຽກງານຕົວຈິງໃຫ້ ໄດ້ຮັບຜົນສຳເລັດ, ມີປະສິດທິພາບ, ມີຄວາມຊັດເຈນ ແລະ ບັນລຸຕາມລະດັບຄາດໝາຍທີ່ວາງໄວ້.

                                                                                                       ໂດຍ: ນາລີ ແພງວິໄລ

                                                                                                     020 9999 4226