ໃນພິທີດັ່ງກ່າວ ທ່ານ ອອ່ນຕາ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ ຂື້ນຜ່ານຮ່າງບົດສະຫຼຸບພາກຮຽນທີ I ແລະ ແຜນພາກຮຽນທີ II ສົກຮຽນ 2018-2019ເຊິ່ງທ່ານໄດ້ກ່າວວ່າ: ​ແຂວງ​ໄຊ​ຍະ​ບູລີ ​ມີໂຮງຮຽນລ້ຽງ​ເດັກ-​ອະນຸບານ 303​​ແຫ່ງ, ​ໂຮງຮຽນປະຖົມ​ສຶກສາ 389 ​ແຫ່ງ, ​ໂຮງຮຽນມັດທະຍົມ​ສຶກສາ​ຕອນ​ຕົ້ນ 38 ​ແຫ່ງ ​ແລະ ​ໂຮງຮຽນມັດທະຍົມ​ສຶກສາ​ສົມບູນ 62 ​ແຫ່ງ ​, ປັດຈຸບັນ​ ມີ​ລັດຖະກອນ​ສຶກສາ ​ແລະ ກິລາ​ ທັງໝົດ 5,448 ຄົນ, ຍິງ 2,747 ຄົນ , ​ໃນ​ນີ້ລັດຖະກອນ​ບໍ​ລິ​ຫານ 539 ຄົນ, ຍິງ 187 ຄົນ ຜົນສຳ​ເລັດ​ຂອງ​ວຽກງານ​ການ​ສຶກສາ ​ແລະ ກິລາ​ທີ່​ປະຕິບັດ​ໄດ້​ຕະຫຼອດໄລຍະ​ຜ່ານ​ມາ ວຽກງານລ້ຽງ​ເດັກ-ອະນຸບານ 0-2 ປີ ປະຕິບັດ​ໄດ້ 8,5%, ອັດຕາ​ເຂົ້າຮຽນ 3-5 ປີ ປະຕິບັດ​​ໄດ້79,9%, ອັດຕາ​ເດັກ​ເຂົ້າຮຽນ 5 ປີ ​ປະຕິບັດ​ໄດ້ 93,3%, ວຽກງານປະຖົມ​ສຶກສາ​ ມີ​ນັກ​ຮຽນທັງໝົດ 38,317 ຄົນ, ຍິງ 18,581 ຄົນ, ອັດຕາ​ເຂົ້າຮຽນປະຖົມ​ສຸດທິ(6-10ປີ)ປະຕິບັດ​ໄດ້ 99,5%, ອັດຕາ​ປະລະຊັນປະຖົມ 0,7%, ອັດຕາ​ປະລະ ປ. 1 ປະຕິບັດ​ໄດ້0,3%, ອັດຕາ​ຄ້າງ​ຫ້ອງ​ປະຕິບັດ​ໄດ້ 3%, ຜົນ​ການ​ສອບ​ເສັງ​ມີ​ນັກສອບທັງໝົດ 37,466 ຄົນ, ຍິງ 18,235 ຄົນ, ສອບ​​ເສັງໄດ້ 35,012 ຄົນ, ຍິງ 17,409 ຄົນ,​ເທົ່າ​ກັບ 93%, ວຽງານມັດທະຍົ​ມສຶກສາ​ຕອນ​ຕົ້ນ ມີ​ນັກຮຽນທັງໝົດ25,321 ຄົນ, ຍິງ 12,506ຄົນອັດຕາ​ເຂົ້າຮຽນລວມ​ໄດ້ 88%,ອັດຕາ​ປະລະ​ ປະຕິບັດ​ໄດ້ 6,1%, ອັດຕາ​ຄ້າງ​ຫ້ອງ 0,5%, ຜົນ​ການ​ສອບ​ເສັງ​ມີ​ນັກ​ສອບ​ທັງໝົດ 24,14 ຄົນ, ຍິງ 11,955 ຄົນ, ສອບ​ເສັງ​ໄດ້ 21,577 ຄົນ, ຍິງ 11,088 ຄົນ, ​ເທົ່າ​ກັບ 89% ​ແລະ ​ວຽກງານ​ມັດທະຍົມ​ສຶກສາ​ສົມບູນ​ມີ​ນັກຮຽນທັງໝົດ 25,321 ຄົນ, ຍິງ 5,785 ຄົນ, ອັດຕາ​ເຂົ້າຮຽນລວມ​ໄດ້ 59%, ອັດຕາ​ປະລະ ​ໄດ້7,1%, ອັດຕາ​ຄ້າງ​ຫ້ອງ ​ໄດ້ 0,4%, ຜົນ​ການ​ສອບ​ເສັງ​ມີ​ນັກ​ສອບ​ເສັງ​ທັງໝົດ 10,870 ຄົນ, ຍິງ 5,189 ຄົນ, ສອບ​ເສັງ​ໄດ້ 10,145 ຄົນ, ຍິງ4,977 ຄົນ​ເທົ່າ​ກັບ 93% ໃນ​ກອງ​ປະຊຸ​ມຜູ້​ເຂົ້າຮ່ວມ​ຍັງ​ໄດ້​ຮັບ​ຟັງ​ລາຍ​ງານ​ຜົນ​ການ​ວິ​ເຄາະ15 ຄາດໝາຍ(17 ຕົວ​ຊີ້​ບອກ) ຂອງ​ສະພາ​ປະຊາຊົນ​ແຂວງ ​ແລະ ການ​ວິ​ເຄາະ​ສະພາບການ​ປະລະ​ການ​ຮຽນຂອງ​ນັກຮຽນພາກຮຽນທີ 1 , ການຈັດຕັ້ງປະຕິບັດ​ກອງ​ທຶນ​ກິລາກາ​ຍະ​ກຳ​ແຂວງ ການ​ແຂ່ງຂັນ​ປະຈຳ​ປີ, ການ​ກະກຽມຄວາມ​ພ້ອມ​ເຂົ້າຮ່ວມ​ງານມະຫາ​ກຳ​ກິລາ​ແຫ່ງຊາດ​ທີ່​ແຂວງ​ຊຽງຂວາງ, ສະພາບ​ການ​ສຶກສາ, ຂໍ້​ສະດວກ, ວິທີ​ແກ້​ໄຂ, ບັນດາ​ຂະ​ແໜງການ​ຈຳນວນໝື່ງ ​ແນ​ະນຳ​ກ່ຽວກັບ​ການ​ໃຊ້​ຈ່າຍ​ງົບປະມານ​ປະຈຳ​ປີ 2019 , ສະ​ເໜີ​ແນະ​ການ​ກະກຽມສອບ​ເສັ່ງ​ເລື່ອນ​ຂັ້ນ-ຈົບ​ຊັ້ນ ​ແລະ ມາດ​ຕະການ​ປັບປຸງ​ຄຸນ​ນະພາ​ບການ​ຮຽນ ກອງ​ປະຊຸມ​ຈະ​ໄດ້​ດຳ​ເນີນ​ເປັນ​ເວລາ 2 ວັນ ຈຶ່ງສຳ​ເລັດ​ຜົນ.

ໂດຍ: ນາລີ ແພງວິໄລ

02099994226