ພິທີທ່ານ ກາບແກ້ວ ສີບຸນມາ ເລຂາຄະນະພັກຮາກຖານ, ຫົວໜ້າພະແນກສຶກສາທິການ ແລະ ກິລາ ແຂວງໄຊຍະບູລີ ຂື້ນຜ່ານບົດລາຍງານໂຄງການ ເປີດການຮຽນທິດສະດີການເມືອງ ແລະ ການປົກຄອງ ຊັ້ນຕົ້ນຮຸ່ນທີ 1 ຂອງພະແນກສຶກສາທິການ ແລະ ກິລາ ແຂວງໄຊຍະບູລີ ເຊີ່ງເພິ່ນໄດ້ກ່າວວ່າ: ເພື່ອຈັດຕັ້ງຜັນຂະຫຍາຍເນື້ອໃນຈິດໃຈ, ຄຳສັ່ງແນະນຳຂອງກົມກອງການເມືອງສູນກາງພັກ ສະບັບເລກທີ 09/ກມສພ ແລະ ມະຕິກອງປະຊຸມໃຫ່ຍຄັ້ງທີ 6 ຂອງອົງຄະນະພັກແຂວງໄຊຍະບູລີ ວ່າດ້ວຍການສ້າງພະນັກງານ, ສະມາຊິກພັກ, ວິຊາການສຶບທອດປ່ຽນແທນເປັນຕົ້ນແມ່ນບັນດາຫົວໜ້າ-ຮອງຫົວໜ້າພະແນກ, ຫົວໜ້າ-ຮອງຫົວໜ້າຂະແໜງການ-ສູນ, ຜອຳນວຍການ-ຮອງອຳນວຍການພວມດຳລົງຕຳແໜ່ງ ຫຼື ດຳລົງຕຳແໜງຢູ່ໃນອົງການພັກລັດ, ອົງການຈັດຕັ້ງມະຫາຊົນ ໃຫ້ມີຄວາມຮູ້ພຶ້ນຖານດ້ານທິດສະດີການເມືອງ ແລະ ການປົກຄອງແນວທາງຂອງພັກ, ທັງເປັນການຍົກລະດັບຄວາມຮູ້ທິດສະດີການເມືອງ-ການປົກຄອງຊັ້ນຕົ້ນດ້ວຍການປະກອບຄວາມຮູ້, ຄວາມເຂົ້າໃຈກ່ຽວກັບຫຼັກມູນພື້ນຖານຂອງທິດສະດີມາກ-ເລນິນ, ແນວທາງນະໂຍບາຍຂອງພັກ, ກົດໝາຍຂອງລັດ ແລະ ວຽກງານຄຸ້ມຄອງບໍລິຫານການສຶກສາ ແລະ ກິລາ ໃຫ້ແກ່ຜູ້ບໍລິຫານການສຶກສາ ແລະ ກິລາ ຢູ່ຂັ້ນແຂວງ, ໂຮງຮຽນອ້ອມຂ້າງແຂວງ ມີແນວຄິດຫຼກໝັ້ນຊົນຊັ້ນກຳມະກອນ ແລະ ການນຳພາຂອງພັກ, ອຸດົມການປ່ຽນແປງໃໝ່ຢ່າງມີຫຼັກການຂອງພັກ, ມີຄວາມຈົ່ງຮັກພັກດີຕໍ່ປະເທດຊາດ, ມີຄວາມຫ້າວຫັນເປັນແບບຢ່າງໃນວຽກງານ ເຮັດໃຫ້ໜ້າທີ່ວຽກງານນັບມື້ມີຄຸນນະພາບສູງຂື້ນ ໃນການເປີດຮຽນທິດສະດີການ ແລະ ການປົກຄອງຊັ້ນຕົ້ນຊຸດນີ້ ມີຜູ້ເຂົ້າຮຽນທັງໝົດ 45 ທ່ານ, ຍິງ 21 ສະຫາຍ ເຊິ່ງແມ່ນພະນັກງານເປົ້າໜາຍສືບທອດປ່ຽນແທນ, ເປັນພະນັກງານຫຼັກແຫຼ່ງທີ່ພວມດຳລົງຕໍາແໜ່ງ, ກະກຽມດຳລົງຕຳແໜ່ງ ແລະ ກຽມດຳລົງຕຳແໜ່ງຢູ່ພາຍໃນພະແນກສຶກສາທິການ ແລະ ກິລາແຂວງ, ໂຮງຮຽນອ້ອມຂ້າງ ໃຊ້ເວລາທັງໝົດ 3ເດືອນ, ຈຳນວນ 10 ພາກວິຊາລວມ 14 ໜ່ວຍກິດ 352 ຊົ່ວໂມງເລີ່ມຕົ້ນເປີດຮຽນວັນທີ 4 ມິຖຸນາ 2019 ສຳເລັດລົງວັນທີ 23 ສິງຫາ 2019.

            ໃນຕອນທ້າຍພິທີ ຍັງໄດ້ຮັບຟັງການໂອ້ລົມຂອງທ່ານ ເພັງນິລັນ ຄຳພັນເພັງ ຄະນະປະຈຳພັກແຂວງ, ຮອງເຈົ້າແຂວງໄຊຍະບູລີ ຕື່ມອີກ.

ໂດຍ: ນາລີ ແພງວິໄລ

020 9999 4226