ໃນພິທີພາຍຫຼັງ ທ່ານ ນາງ ບຸນ​ພັກ ອິນທະ​ປັນຍາ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ ໄດ້ໃຫ້ກຽດເປີດຫົວບົດສອບເສັງແລ້ວ ທ່ານຍັງໄດ້ເນັ້ນໜັກໃຫ້ນັກສອບເສັງໝົດທຸກຄົນຈົ່ງພະຍາຍາມຄົ້ນຄິດ, ຕຶກຕອງ ເພື່ອຊອກຫາຄຳຕອບມາຕອບຄຳຖາມໃຫ້ໄດ້ແລະ ອວຍພອນໃຫ້ທຸກຄົນຈົ່ງປະສົບຜົນສໍາເລັດໃນການສອບເສັງຈົບຊັ້ນມ 7ໃຫ້ໄດ້ຄະແນນທີ່ສູງ ແລະ ໄດ້ສົມບູນໝົດທຸກຄົນ.

ທ່ານ ຈັນທະວີ ວັນນະພາຜົນ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ ເມືອງໄຊຍະບູລີໄດ້ໃຫ້ຮູ້ຕື່ມວ່າ: ໂດຍປະຕິບັດຕາມແຜນການຮຽນ-ການສອນ ແລະການສອບສອບເສັງຈົບຊັ້ນມ 7ທີ່ກະຊວງສຶກສາທິການ ແລະກິລາ ກໍ່ຄືພະແນກສຶກສາທິການແລະ ກິລາແຂວງ ວາງອອກ ເຊິ່ງເມືອງໄຊຍະບູລີ ໄດ້ຈັດຕັ້ງການສອບເສັງຈົບຊັ້ນ ມ7ໃນທົ່ວເມືອງ ປີນິ້ ມີນ້ອງນັກຮຽນເຂົ້າຮ່ວມສອບເສັງທັງໝົດ 832ກ່ວານ້ອງ, ຍິງ377ກ່ວານ້ອງ, ປະກອບມີ 3ສູນສອບເສັງຄື: ສູນສອບເສັງ ມ ສ ໄຊຍະບູລີ, ສູນສອບເສັງມສ ເອກະພາບ ແລະສູນສອບເສັງ ມສ ສົງໄຊຍະບູລີ, ເສັງ 4 ວິຊາຄື:ວິຊາພາສາລາວ-ວັນນະຄະດີ, ວິຊາ​ເຄມີ​ສາດ, ວິຊາຄະນິດສາດ, ປະຫວັດສາດສຳລັບສູນສອບເສັງ ມສ ​ໄຊ​ຍະ​ບູລີ ມີນັກຮຽນເຂົ້າຮ່ວມສອບເສັງທັງໝົດ 401ນ້ອງ, ຍິງ 181ນ້ອງ ທີ່ມາຈາກ 5 ໂຮງຮຽນຄື: ໂຮງຮຽນ ມສ ​ໄຊ​ຍະ​ບູລີ, ມສ ນາຍາວ, ມສ ນາມ​ອນ, ມສ ນາ​ຕາກ ແລະ ມສ ກວາງ​ຄຳ ການສອບເສັງຈົບຊັ້ນ ມ7ຈະດໍາເນີນໄປເປັນເວລາ 2ວັນຈຶ່ງສໍາເລັດ.

ໂດຍ: ນາລີ ແພງວິໄລ

020 9999 4226