ໃນພິທີ ທ່ານ ທອງເລື່ອນ ອິນປັນຍາ ໄດ້ກ່າວເປີດກອງປະຊຸມຄັ້ງນີ້ຢ່າງເປັນທາງການ ເຊິ່ງທ່ານຍັງໄດ້ໃຫ້ຮູ້ວ່າ: ເພື່ອຍົກລະດັບ ຄວາມຮູ້ດ້ານທິດສະດີການເມືອງ ໃຫ້ຖັນແຖວຄູ-ອາຈານ ສອນວິຊາສັງຄົມ-ການເມືອງໃນຖັນແຖວຄູ-ອາຈານຂື້ນອີກຕື່ມບາດກ້າວ ໜື່ງ ແລະ ນຳເອົາບົດຮຽນ ດັ່ງກ່າວໄປໝູນໃຊ້ເຂົ້າໃນການສິດສອນຂອງຕົນຢູ່ແຕ່ລະໂຮງຮຽນໃຫ້ມີປະສິດທິຜົນຖືກຕ້ອງຕາມແນວ ທາງຂອງພັກ, ມີແນວຄິດທັດສະນະຊົນຊັ້ນກຳມະກອນເຊື່ອໝັ້ນຕໍ່ການນຳພາຂອງພັກ, ປັບປຸງຄຸນສົມບັດສິນທຳປະຕິວັດ, ເຫັນແຈ້ງ ມິດສັດຕູ ແລະ ປະກົດການຫຍໍ້ທໍ້ຕ່າງໆ ມີຄວາມເປັນເອກະພາບກັບແນວທາງນະໂຍບາຍຂອງພັກ ເຊື່ອໝັ້ນຕໍ່ອຸດົມການ ແລະ ຫ້າວ ຫັນເຮັດວຽກງານວິຊາສະເພາະຂອງຕົນຢ່າງມີຜົນສຳເລັດ. ການຝຶກອົບຮົມໃນຄັ້ງນີ້ ແມ່ນມີຄວາມໝາຍຄວາມສຳຄັນຍິ່ງ ຜູ້ເຂົ້າຮ່ວມ ຈະໄດ້ຄົ້ນຄວ້າເຊື່ອມຊື່ມກ່ຽວກັບທິດສະດີ ມາກ-ເລນິນ, ພື້ນຖານທິດສະດີຊີ້ນຳ ພາລະກິດປະຕິວັດຂອງພັກ ກອງປະຊຸມຈະໄດ້ ດຳເນີນເປັນເວລາ 3 ວັນ ລະຫວ່າງ ວັນ 5 ສິງຫາ 2019.