ທ່ານ ພັນ​ ດວງ​ຕາ ຮອງ​ຫົວໜ້າພະ​ແນ​ກສຶກສາ​ທິການ ​ແລະ ກິລາ​ແຂວງ​ໄຊ​ຍະ​ບູລີ ​ໄດ້ກ່າວລາຍງານວ່າ: ມາຮອດປັດຈຸບັນ​​​ ວຽກງານຂອງ​ກຳມະການ​ເຕັກນິກ​ຈັດການ​ແຂ່ງຂັນ​ກິລາ​ແຫ່ງ​ຊາດຄັ້ງທີ 11 ທີ່​ແຂວງ​ຊຽງຂວາງ ​ເປັນ​​ເຈົ້າພາບ​ເຫັນວ່າມີຄວາມກຽມພ້ອມແລ້ວໃນທຸກສະໜາມແຂ່ງຂັນ ສຳເລັດໂດຍພື້ນຖານ ເພື່ອຮອງຮັບໃຫ້ແກ່ການແຂ່ງຂັນ ພິທີເປີດ-ປິດ ​​ງານ​ມະຫາ​ກຳ​ກິລາ​ແຫ່ງ​ຊາດ​ຄັ້ງທີ 11 ທີ່​ແຂວງ​ຊຽງຂວາງ ​ໃນຄັ້ງນີ້ໄດ້ກຳນົດ​​ວັນ​ທີ 22 ມີນາ ຫາ 01 ​ເມສາ 2020 ​ໃນ​ການ​ແຂ່ງຂັນລວມທັງໝົດ 28 ປະ​ເພດ​ກິລາ ​ໃນ​ນີ້​ແຂວງ​ໄຊ​ຍະ​ບູລີສົ່ງ 14 ປະ​ເພດ​ກິລາ​​ເຂົ້າຮ່ວມຄື: ບານ​ເຕະ,  ບານ​ສົ່ງ-ບານສົ່ງຫາດຊາຍ, ກະຕໍ້, ​ແລ່ນ​ລານ, ​ເປ​ຕັງ, ​ເຮືອ​ຊ່ວງ, ໜາກ​ແລ້, ໜ້າ​ເກັກ, ໜາກຂ່າງ, ລົດຖີບ, ສະນຸກ​ເກີ, ມວຍ, ກ໊ອຟ, ດອກ​ປີ​ກ​ໄກ່ ​ ​ຈາກ​ນັ້ນກໍ່​ໄດ້​ຮັບ​ຟັງລາຍ​ງານຄວາມ​ພ້ອມ​ຂອງ​ການ​ອອກສະຫຼາກຊິງ​ໂຊກ ​ເພື່ອ​ລະດົມ​ທຶນ​ເປັນ​ງົບປະມານ​ຊ່ວຍ​ນັກ​ກິລາ​ ເຂົ້າຮ່ວມ​ງານ​ມະຫາ​ກຳ​ກິລາ​ແຫ່ງ​ຊາດ​ຄັ້ງທີ 11 ທີ່​ແຂວງ​ຊຽງຂວາງ ​ເຊິ່ງຈະ​ໄດ້ອອກ​ສະຫຼາກຊິງ​ໂຊກ​ໃນວັນ​ທີ 19 ກຸມພາ 2020 ແຕ່ລະສະຫະພັນກິລາ​ຍັງ​ໄດ້ພ້ອມກັນ​ປະກອບ​ຄຳ​ຄິດ​ຄຳ​ເຫັນ ​ເພື່ອ​ກະກຽມຄວາມ​ພ້ອມ​​ເຂົ້າສູນ​ຝຶກ​ຊ້ອມ​ຕົວ​ນັກ​ກິລາແຕ່ລະປະເພດອີກດ້ວຍ.
​ໂດຍ: ນາລີ ​ແພງ​ວິ​ໄລ
020 9999 4226