ໂອກາດ​ນີ້​ທ່ານ ກາບ​ແກ້ວ ​ສີ​ບຸນ​ມາ ຫົວໜ້າພະ​ແນ​ກສຶກສາ​ທິການ ​ແລະ ກິລາ ​ແຂວ​ງ​ໄຊ​ຍະ​ບູລີ​ໄດ້​ມີ​ຄຳ​ເຫັນຕໍ່ກອງ​ປະຊຸມ ເຊິ່ງທ່ານໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນປະກອບຄຳຄິດຄຳເຫັນຢ່າງມີເນື້ອໃນ ຍົກຕົວຈິ່ງມາຢັ້ງຢືນ ແລະ ຊອກຫາວິທີແກ້ໄຂຢ່າງຖືກຕ້ອງ ເພຶ່ອພັດທະນາວຽກງານການສຶກສາ ກໍຄືວຽກງານປັບປຸງຄຸນະພາບການສຶກສາ ແລະ ກິລາຂອງແຂວງ ໃຫ້ສູງຂື້ນເລື້ອຍໆ ແລະ ສຶບຕໍ່ຢືນຢັນຢູ່ແຖວໜ້າຂອງປະເທດໃນຫຼາຍໆດ້ານ ໄປຕາມທິດພັດທະນາແບບຢືນຢົງ ​ແລະ ກ່າວ​ເປີດກອງ​ປະຊຸມ​ຢ່າງ​ເປັນ​ທາງ​ການ  ຈາກ​ນັ້ນທ່ານ ຕູ້​ ສົມບັດ ຮອງ​ຫົວໜ້າຂະ​ແໜງສາມັນສຶກສາ ພະ​ແນ​ກສຶກສາ​ທິການ ​ແລະ ກິລາ ​ແຂວງ​ໄຊ​ຍະ​ບູລີ ​ໄດ້​ຜ່ານ​ບົດ​ສະຫຼຸບການຈັດຕັ້ງສອບ​ເສັງ​ຈົບ​ຊັ້ນສາຍ​ສາມັນ​ສຶກສາ​ສຶກສາ ​ແລະ ກິລາ ຜ່ານ​ບົດ​ວິ​ໄຈ​ຄະ​ແນນ​ສອບ​ເສັງ (ປ5, ມ4 ​ແລະ ມ 7) ສົກຮຽນ 2018-2019 ພ້ອມ​ນີ້​ຜູ້​ແທນ​ກອງ​ປະຊຸມ​ຍັງ​ໄດ້​ສຸມ​ທຸກ​ສະຕິ​ປັນຍາ​ເຂົ້າ​ໃນ​ຮ່າງ​ບົດ​ສະຫຼຸບປະກອບ​ຄຳ​ຄິດ​ຄຳ​ເຫັນ​ໃສ​ຮ່າງ​ບົດ​ສະຫຼຸບພາກຮຽນ ທີ I  ແລະ ແຜນພາກຮຽນທີ II ສົກຮຽນ 2019-2020, ຮັບຟັງການລາຍງານ ຜົນການກວດກາການສຶກສາຮອບດ້ານພາກຮຽນ I , ການຈັດຕັ້ງປະຕິບັດແຜນການລົງທຶນ ແລະ ງົບປະມານສົກປີ 2019 ແລະ ແຜນງົບປະມານ ສົກປີ 2020 ກອງປະຊຸມດັ່ງກ່າວແມ່ນດຳເນີນເປັນເວລາ 2 ວັນ ລະຫວ່າງວັນທີ 10-11 ກຸມພາ 2019 ຈຶ່ງສໍາເລັດຜົນ.

ໂດຍ: ນາລີ ແພງວິໄລ

020 9999 4226