ໃນ​ພິທີ​ທ່ານ ດຣ ນາງ ສຸກ​ດາ​ລາ ຄຳ​ພັນ​ເພັງ ຄະນະ​ບໍລິຫານ​ງານ​ສະຫະ​ພັນ​ແມ່ຍິງ​ແຂວງ​ໄຊ​ຍະ​ບູລີ ​ໄດ້​ໃຫ້ກຽດຂື້ນ ປາຖະກະຖາ ​ເນື່ອງ​ໃນ​ໂອກາດ​ສະ​ເຫຼີມສະຫຼອງວັນ​ແມ່ຍິງ​ສາກົນ 8 ມີນາ 1910 ຫາ 8 ມີນາ 2020 ​ຄົບຮອບ 110 ປີ ​ ​ເຊິ່ງ​ທ່ານ​ໄດ້​ກ່າວ​ໃຫ້​ຮູ້​ວ່າ: ວັນ​ແມ່ຍິງ​ສາກົນ​ໄດ້​ກຳ​ເນີ​ດຂື້ນ​ໃນ​ທາມ​ກາງ​ສະພາບ​ສດຖະກິດ​ຂອງ​ພວດ​ສັກ​ດີ​ນາ ​ແລະ ນາຍທຶນ​ຂະຫຍາຍຕົວ​ ​ເມືອ່​ໂຮງ​ຈັກ, ​ໂຮງງານ​ອຸດສາຫະກຳ​ຂອງ​ນາຍທຶນ​ຂະ​ຫາຍ​ຕົວ ​ມັນ​ສ້າງ​ໄດ້​ຄວາມ​ຮັ່ງມີ​ໃຫ້​ແກ່​ພວກ​ນາຍທຶນ ​ແຕ່​ຊ້ຳພັດ​ເພີ່ມ​ຄວາມທຸກ​ຍາກ​ລຳບາກ​ໃຫ້​ແກ່​ຊາວ​ຜູ້​ອອກ​ແຮງ​ງານ ​ໂດຍ​ສະ​ເພາະ​ແມ່ນ​ກຳມະກອນ​ແມ່ຍິງ ຢູ່​ພາຍ​ໃຕ້​ລະບອບ​ສັກ​ດີ​ນາ, ນາຍທຶນ, ​ແມ່ຍິງ​ຖືພາ​ຖືກ​ກົດ​ຂີ້​ຂູດ​ຮີດ​ຢ່າງໜັກໜ່ວງ, ​ເຮັດ​ວຽກຫຼາຍຊົ່ວ​ໂມງ ​ແຕ່​ໄດ້​ຮັບ​ຄ່າ​ຈ້າງ​ແຮງ​ງານ​ດ້ວຍ​ລາຄາ​ຖືກ​ເຮັດ​ວຽກບໍ່ມີ​ການ​ຮັບປະກັນ, ບໍ່ມີ​ລະບອບ​ປົກ​ປັກ​ຮັກສາ​ສຸຂະພາບ​ຂອງ​ແມ່ຍິງ ​ແລະ ​ເດັກນ້ອຍ. ​ສະພາບ​ຄວາມ​ຫຍຸ້ງຍາກ​ ​ແລະ ຖືກ​ກົດ​ຂີ່​ຂູດ​ຮີດ ​ໃນ​ວັນ​ທີ 8 ມີນາ 1908 ​ແມ່ຍິງ ຈຳນວນ 15,000ຄົນ (ໜື່ງໝື່ນຫ້າ​ພັນ​ຄົນ) ​ໄດ້​ເດີນ​ຂະ​ບວນຢູ່​ເມືອງ​ນີວຍອກ ​ເພື່ອ​ປະ​ທ້ວງ​ໃຫ້​ນາຍທຶນຫຼຸດຜ່ນອນ​ຊົ່ວ​ໂມງ​ເຮັດ​ວຽກ, ຢຸ​ດ​ເຊົາ​ການ​ຂູດ​ຮີດ​ແຮງ​ງານ​ເດັກ ​ແລະ ທວງ​ໃຫ້​ແມ່ຍິງ ມີ​ສິດ​ໃນ​ການ​ອອກສຽງ​ເລືອກ​ຕັງ ​ແລະ ຮັບ​ການສະໝັກ​ເລືອກ​ຕັງ ການ​ເດີນ​ຂະ​ບວນຄັງນີ້​ແມ່ນ​ພາຍ​ໃຕ້​ຄຳ​ຂວັນ: ​ເຂົ້າຈີ່ ​ແລະ ດອກ​ກຸລາ​ບ ​ເຂົ້າຈີ່: ໝາຍ​ເຖິງ​ເສດຖະກິດ​ທີ​ດີ​ຂື້ນ, ດອກ​ກຸລາ​ບໝາຍ​ເຖິງ​ຄຸນ​ນະພາ​ບຊີວິດ​ທີ​ດີ​ຂື້ນ ມາ​ເຖິງ​ປີ 1910 ຂະ​ບວນການ​ຕໍ່ສູ້ຂອງ​ແມ່ຍິງ ​ໄດ້​ແຜ່​ຂະຫຍາຍ​ກວ້າງ​ອອກ​ໄປ​ສູ່​ປະ​ເທດ​ນາຍທຶນ​ຢູ່​ທະວີ​ບ​ເອີ​ລົບ ​ແລະ ​ໃນ​ປີນີ້​ເອງ ກອງ​ປະຊຸມ​ສາກົນ​ກ່ຽວກັບ​ບັນ​ຫາ​ແມ່ຍິງ​ຄັງທຳ​ອິດ​ໄດ້​ຈັດ​ຂື້ນຢູ່​ທີ​ໂກ​ເປ​ນຮາກ ນະ​ຄອນຫຼວງຂອງ​ປະ​ເທດ ​ເດນ​ມາກ ມີ​ຜູ້​ແທນ 100 ກວ່າ​ຄົນ ຈາກ 17 ປະ​ເທດ​ເຂົາຮ່ວມ ກອງ​ປະຊຸມ​ດັ່ງກ່າວ​ໄດ້​ຮັບຮອງ ​ແລະ ຕົກລົງ​ ​ເອົາ​ວັນ​ທີ 8 ມີນາ ຂອງ​ທຸກ​ປີ​ເປັນ​ວັນ​ແມ່ຍິງ​ສາກົນ.

​        ໂອກາດ​ທີ່​ມີ​ຄວາມໝາຍຄວາມ​ສຳຄັນ ຜູ້​ເຂົ້າຮ່ວມ​ຈະ​ໄດ້​ຮັບ​ຟັງກ່ຽວກັບ​ ບັນດາ​ການຈັດຕັ້ງ, ສົນທິສັນຍາ, ຖະ​ແຫຼງການ ກອງ​ປະຊຸມ​ຕ່າງໆກ່ຽວກັບ​ແມ່ຍິງ​ໃນ​ລະດັບ​ສາກົນ ພາກ​ພື້ນ ​ແລະ ອາຊຽນ, ນະ​ໂຍບາຍ​ ​ແລະ ກົນ​ໄກສົ່ງ​ເສີມ​ຄວາມ​ກ້າວໜ້າຂອງ​ແມ່ຍິງ ​ໃນ​ສປປລາວ, ວຽກງານ​ພົວພັນ ​ແລະ ຮ່ວມ​ມື​ກັບ​ຕ່າງປະ​ເທດ​ໃນ​ປີ2020, ຜົນງານ​ພົ້ນ​ເດັ່ນ​ຂອງ​ອົງການ​ຈັດຕັ້ງສະຫະພັນ​ແມ່ຍິງ​ແຂວງ​ໃນ​ປີ 2020.

ໂດຍ: ນາລີ ແພງວິໄລ

020 9999 4226