ທ່ານ ບຸນແທນ ທິແກ້ວເຈົ້າເມືອງໄຊຍະບູລີ ໄດ້ໃຫ້ກຽດເປີດຫົວບົດສອບເສັງແລ້ວ ທ່ານຍັງໄດ້ເນັ້ນໜັກໃຫ້ນັກສອບເສັງທຸກໆຄົນຈົ່ງພະຍາຍາມຄົ້ນຄິດ, ຕຶກຕອງ ເພື່ອຊອກຫາຄຳຕອບມາຕອບຄຳຖາມໃຫ້ໄດ້ແລະ ອວຍພອນໃຫ້ທຸກຄົນຈົ່ງປະສົບຜົນສໍາເລັດໃນການສອບເສັງຈົບຊັ້ນມ 4 ປີນີ້ໃຫ້ໄປຕໍ່ມັດທະຍົມຕອນປາຍ ໃຫ້ໄດ້ຄະແນນທີ່ສູງ ແລະ ໄດ້ສົມບູນໝົດທຸກຄົນ.

ການສອບສອບເສັງຈົບຊັ້ນມັດທະຍົມສຶກສາຕອນຕົ້ນ ມ 4  ສົກຮຽນ 2019-2020 ທີ່ກະຊວງສຶກສາທິການ ແລະກິລາ ກໍ່ຄືພະແນກສຶກສາທິການແລະ ກິລາແຂວງ ວາງອອກ ເຊິ່ງເມືອງໄຊຍະບູລີ ໄດ້ຈັດຕັ້ງການສອບເສັງຈົບຊັ້ນມັດທະຍົມສຶກສາຕອນຕົ້ນ ມ4  ໃນທົ່ວເມືອງ ປີນິ້ ມີນ້ອງນັກຮຽນເຂົ້າຮ່ວມສອບເສັງທັງໝົດ 1163ນ້ອງ, ຍິງ586 ນ້ອງ, ປະກອບມີ 8ສູນສອບເສັງຄື: ສອບເສັງມຕ ມິດຕະພາບ, ສອບເສັງມສ ເອກະພາບ, ສູນສອບເສັງ ມສ ນາຕາກ, ສູນສອບເສັງ ມສ ພັດທະນາ, ສູນສອບເສັງ ມສ ສົງ ໄຊຍະບູລີ, ສູນສອບເສັງ ມສ ຫ້ວຍຈີດ, ສູນສອບເສັງ ມຕ ຫ້ວຍຂົວຫຼວງ, ສູນສອບເສັງ ມສ ກວາງຄຳ ມີ6 ວິຊາສອບເສັງຄື:ວິຊາພາສາລາວ-ວັນນະຄະດີ, ວິຊາສຶກສາພົນລະເມືອງ, ວິຊາວິທະຍາສາດທໍາມະຊາດ, ວິຊາວິທະຍາສາດສັງຄົມ, ວິຊາຄະນິດສາດ ແລະ ວິຊາພາສາອັງກິດ, ສຳລັບສູນສອບເສັງ ມສ ເອກະພາບ ມີນັກຮຽນເຂົ້າຮ່ວມສອບເສັງທັງໝົດ 350ນ້ອງ, ຍິງ 182ນ້ອງ ທີ່ມາຈາກ 4ໂຮງຮຽນເຂົ້າຮ່ວມຄື: ໂຮງຮຽນ ມສ ເອກະພາບ, ໂຮງຮຽນ ມສ ຊົນເຜົ່າ, ໂຮງຮຽນ ມສ ນາຍາວ, ແລະ ໂຮງຮຽນ ມສ ຜາຊ້າງ ການສອບເສັງຈົບຊັ້ນ ມ4 ຈະດໍາເນີນໄປເປັນເວລາ 3 ວັນຈຶ່ງສໍາເລັດ.

ໂດຍ: ນາລີ ແພງວິໄລ

020 9999 4226