ໃນພິທີທ່ານ ພັນ ດວງຕາຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ ໄດ້ຂື້ນຜ່ານທິດທາງແຜນການຈັດ ການແຂ່ງຂັນກິລາບານເຕະ, ບານສົ່ງປະຈຳປີ 2019 ສຳລັບອ້ອມຂ້າງແຂວງ ແລະ ເມືອງໄຊຍະບູລີເຊິ່ງທ່ານໄດ້ກ່າວວ່າ: ເພື່ອເຮັດໃຫ້ ແຜນພັດທະນາການສຶກສາ-ກິລາສົກຮຽນ 2018-2019 ໄດ້ຈັດຕັ້ງປະຕິບັດ ແລະ ເຄື່ອນໄຫວຢ່າງຕໍ່ເນື່ອງ ເພື່ຶອເປັນສ້າງຂະບວນ ການຂໍ່ານັບຮັບຕ້ອນກອງປະຊຸມໃຫ່ຍຂອງອົງຄະນະພັກແຂວງໄຊຍະບູລີ ຄັ້ງທີ 7 ເຕັມໄປດ້ວຍບັນຍາກາດເບີກບານມ່ວນຊື່ນ ແລະ ຟົດຟື້ນ ທັງເປັນການຄັດເລືອກຕົວນັກກິລາ ທີ່ມີພອນສະຫວັນ ທີ່ດີເດັ່ນແຕ່ລະປະເພດ, ແຕ່ລະທີມເຂົ້າມາເປັນທີມຂອງແຂວງກຽມ ພ້ອມເຂົ້າຮ່ວມງານມະຫາກຳກິລາ ແຫ່ງຊາດຄັ້ງທີ 11 ຢູ່ທີ່ແຂວງຊຽງຂວງເປັນເຈົ້າພາບ ການຈັດການແຂ່ງຂັນກິລາບານເຕະບານສົ່ງປີ 2019ນີ້ແມ່ນຈະໄດ້ຈັດແບບພົບກັນໝົດໃນແຕ່ລະສາຍ ແລ້ວເອົາທີ່1 ຂອງແຕ່ລະສາຍເຂົ້າມາແຂ່ງຂັນໃນຮອບຊິງຊະນະເລີດໃນ​ນີ້ກິ ລາທີ່ຈະໄດ້ແຂ່ງຂັນປະກອບມີ 2 ປະ​ເພດ​ຄື: ກິລາ​ບານ​ເຕະລຸ້ນທົ່ວ​ໄປ​ຍິງ-ຊາຍ​, ກິລາ​ບານ​ສົ່ງທົ່ວ​ໄປ​ຍິງ-ຊາຍ​ ກິລາ​ບານ​ເຕະລຸ້ນທົ່ວ​ໄປ​ຍິງ ປະກອບ​ມີ 4 ທີ​ມ, ກິລາ​ບານ​ເຕະລຸ້ນທົ່ວ​ໄປ​ຊາຍ​ປະກອບ​ມີ 10 ທີ​ມ, ກິລາ​ບານ​ສົ່ງທົ່ວ​ໄປ​ຍິງ ປະກອບ​ມີ 8 ທີ​ມ ກິລາ​ບານ​ສົ່ງທົ່ວ​ໄປ​ຊາຍ​ປະກອບ​ມີ 8 ທີ​ມ.

ຫຼັງຈາກ​ນັ້ນທ່ານ ນາງ​ ບຸນ​ພັກ ​ອິນທະ​ປັນຍາ ຮອງ​ເຈົ້າ​ແຂວງ​ໄຊ​ຍະ​ບູລີ ຜູ້ຊີ້ນຳ ວຽກງານຂົງເຂດວັດທະນານທຳ-ສັງຄົມ, ຂື້ນກ່າວ​ເປີດ​ງານການ​ແຂ່ງຂັນ​ກິລາ​ປະຈຳ​ປີ 2019 ຊີງ​ຂັນ​ທ່ານ ​ເຈົ້າ​ແຂວງ​ໄຊ​ຍະ​ບູລີ ​ເຊິ່ງທ່ານ​ໄດ້​ກ່າວ​ວ່າ: ການແຂ່ງຂັນກິລາບານ ເຕະຍິງ-ຊາຍ, ບານສົ່ງຍິງ-ຊາຍປະຈຳປີ 2019 ເພື່ອ​ເຮັດ​ໃຫ້​ງານ​ແຂ່ງຂັນ​ໃນ​ຄັ້ງນີ້​ເຕັມ​ໄປ​ດ້ວຍ​ບັນຍາກາດ​ອັນ​ເບີກບານ​ມ່ວນ​ຊື່ນ​ສ້າງ​ໃຫ້​ໄດ້​ຄວາມ​ສາມັກຄີ ທ່ານ​ຍັງ​ໄດ້​ຮຽກຮ້ອງ​ມາ​ຍັງ​ຄະນະ​ກຳມະການ​ຕັດສິນ, ຈົ່ງ​ພ້ອມ​ກັນ​ຕັດສິນ​ດ້ວຍ​ຄວາມ​ຍຸດຕິ​ທຳ​ຄວບ​ຄຸມ​ການ​ແຂ່ງຂັນ​ໃຫ້​ໄປ​ຕາມ​ກະຕິ​ກາ, ຄະນະ​ນຳ, ຄູ​ຝຶກ​ນັກ​ກິລາ​ຈົ່ງ​ພ້ອມ​ກັນ​ລົງ​ແຂ່ງຂັນ​ໃຫ້​ສຸດ​ກົກ​ສຸດ​ປາຍ, ປະຕິບັດ​ຕາມ​ຕາຕະລາງ, ຂໍ້​ກຳ ນົດ, ກົດ​ລະບຽບທີ່​ທາງ​ຄະນະ​ກຳມະ​ການ​ໄດ້​ກຳນົດ​ໄວ້, ຫຼີ້ນດ້ວຍ​ນ້ຳ​ໃຈ​ນັກ​ກິລາ​ອັນ​ແທ້​ຈິງ, ຮູ້​ໄດ້,ຮູ້​ເສຍ​,ຮູ້​ໃຫ້​ອະ​ໄພ​ເຊິ່ງກັນ ແລະ ກັນ ຫຼີ້ນຕາມ​ເຕັກນິກ​ຍຸດ​ທະວີ​ທີ​ຂອງ​ຕົນ, ຮັບປະກັນ​ບັນຍາກາດ, ຄວາມ​ສາມັກ​ຄີ​ມິດຕະພາບ​ ​ແລະ ສຸພາບ​ທີ່​ແທ້​ຈິ່ງ.

ໂດຍ: ນາລີ ແພງວິໄລ

020 9999 4226