ແຂວງໄຊຍະບູລີ ຈັດການສອບເສັງຮັບທຶນການສຶກສາ ເພື່ອໄປສຶກສາຕໍ່ ສສຫວຽດນາມ ສົກຮຽນ2019-2020

A1A2A3

ພິທີຈັດການສອບເສັງຮັບທຶນການສຶກສາ ເພື່ອໄປສຶກສາຕໍ່ ສສຫວຽດນາມ ໃນຕອນເຊົ້າຂອງວັນທີ 30 ກໍລະກົດ2019ນີ້ ທີ່ສະໂມສອນພະແນກສຶກສາທິການ ແລະກິລາແຂວງໄຊຍະບູລີໂດຍການໃຫ້ກຽດເຂົ້າຮ່ວມແລະໄຂຫົວບົດຂອງທ່ານນາງບຸນພັກ ອິນທະປັນຍາຮອງເຈົ້າແຂວງໄຊຍະບູລີ ຜູ້ຊີ້ນຳວຽກງານຂົງເຂດວັດທະນາທຳ-ສັງຄົມ,ມີທ່ານອ່ອນຕາ ພົມມະຈິດຮອງຫົວໜ້າພະ ແນກສຶກສາທິການແລະ ກິລາ ແຂວງໄຊຍະບູລີ, ຫົວໜ້າຂະແໜງອາຊີວະສຶກສາ, ພະນັກງານທີກ່ຽວຂ້ອງ, ຄະນະກໍາມະການສອບ ເສັງພ້ອມດ້ວຍນັກສອບເສັງເຂົ້າຮ່ວມ.

ອ່ານເພີ່ມເຕີມ...

ພິທີສອບເສັງຈົບຊັ້ນປະຖົມສຶກສາ ຂັ້ນປ 5ທົ່ວເມືອງໄຊຍະບູລີ ປະຈໍາສົກປີ 2018-2019 ປີນີ້ຄາດໝາຍຈະໃຫ້ບັນລຸ78%

1

ພິທີສອບເສັງຈົບຊັ້ນປະຖົມສຶກສາ ຂັ້ນ ປ5ທົ່ວເມືອງໄຊຍະບູລີ ແຂວງໄຊຍະບູລີ ປະຈໍາສົກປີ 2018-2019 ໄດ້ຈັດຂື້ນຢ່າງເປັນທາງການ ໃນຕອນເຊົ້າວັນທີ 28ພຶດສະພາ 2019ທີ່ສູນສອບເສັງໂຮງຮຽນປະຖົມສົມບູນໄຊຍະບູລີ ໃຫ້ກຽດເຂົ້າຮ່ວມເປີດຫົວບົດສອບເສັງໂດຍ ທ່ານ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງໄຊຍະບູລີ, ທ່ານ ຈັນທະວີ ວັນນະພາຜົນຫົວໜ້າຫ້ອງການສຶກສາທິການ ແລະ ກິລາ ເມືອງໄຊຍະບູລີ, ພະນັກງານທີ່ກຽ່ວຂ້ອງ, ອໍານວຍການໂຮງຮຽນ, ຄູ-ອາຈານ, ຄະນະກໍາມະການພ້ອມດ້ວຍນັກສອບເສັງເຂົ້າຮ່ວມ 274 ຄົນ.

ອ່ານເພີ່ມເຕີມ...

ໜ່ວຍຊາວໜຸ່ມກິລາ​ຕີ​ລາການ​ເຄື່ອນ​ໄຫວ​ໄລຍະ​ຜ່ານ​ມາ

2

         ກອງປະຊຸມໃຫ່ຍຄັ້ງທີ I ຂອງໜ່ວຍຊາວໜຸ່ມກິລາ ພະແນກສຶກສາທິການ ແລະ ກິລາ ແຂວງໄຊຍະບູລີ ໄດ້ຈັດຂື້ນຢ່າງເປັນ ທາງການ ເມື່ອຕອນ​ແລງວັນທີ 24 ພຶດສະພາ 2019 ຜ່ານ​ມາ ທີ່ຫ້ອງປະຊຸມພະແນກແນກສຶກສາທິການ ແລະ ກິລາແຂວງໄຊຍະບູ ລີ ໂດຍການເປັນກຽດເຂົ້າຮ່ວມຂອງສະຫາຍ ຈັນທະບູລີ ຄຳພູມີ ຄະນະບໍລິຫານງານຊາວໜຸ່ມແຂວງ, ເລຂາຮາກຖານຊາວ ໜຸ່ມພະແນກ ສຶກສາທິການ ແລະ ກິລາແຂວງ​ໄຊ​ຍະ​ບູລີ, ສະຫາຍ ບຸນ​ເຖິງ ສາຍ​ຄຳ​ທອນ ​ເລຂາໜ່ວຍພັກ​ກິລາ​ພະ​ແນ​ກສຶກສາ​ທິການ ​ແລະ ກິລາ ​ແຂວງ, ມີແຂກທີ​ຖືກ​ເຊີນຕາງໜ້າມາຈາກໜ່ວຍຊາວໜຸ່ມອອ້ມຂ້າງພະແນກ ແລະ ຕາງໜ້າອົງການຈັດຕັ້ງກໍາມະບານ, ແມ່ຍິງ ຕະຫຼອດຮອດສະມາຊິກຊາວໜຸ່ມພາຍໃນໜ່ວຍກໍ່ໃຫ້ກຽດເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ...

ໜ່ວຍພັກ​ໂຮງຮຽນ​ເຕັກນິກ​-ວິຊາ​ຊີບ​ແບບ​ປະສົມ​ແຂວງ​ໄຊ​ຍະ​ບູລີ ​ຈັດ​ພິທີ​​ເລື່ອນ​ສະມາຊິກ​ພັກສໍາຮອງ​ເຂົ້າ​ເປັນ​ສະມາຊິກ​ພັກສົມບູນ

12

ໜ່ວຍພັກ​ໂຮງຮຽນ​ເຕັກນິກ-​ວິຊາ​ຊີບ​ແບບ​ປະສົມ​ແຂວງ​ໄຊ​ຍະ​ບູລີ ຈັດພິທີ​ເລື່ອນ​ສະມາຊິກ​ພັກ​ສຳຮອງ ເຂົ້າເປັນສະມາຊິກພັກສົມບູນ ​ເມື່ອວັນທີ 10 ​ເມສາ 2018 ຜ່ານມາ ທີ່ຫ້ອງປະຊຸມ​ໂຮງຮຽນດັ່ງກ່າວ ໂດຍການເປັນປະທານຂອງ ສະຫາຍ ກາບ​ແກ້ວ ​ສີ​ບຸນ​ມາ ​ເລຂາ​ຄະນະພັກ​ຮາກ​ຖານ,​ ຫົວໜ້າພະ​ແນ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ໄຊ​ຍະ​ບູລີ ,ມີເລຂາໜ່ວຍພັກ, ຄະນະ​ໜ່ວຍ​ພັກ ພ້ອມດ້ວຍສະມາຊິກພັກສົມບູນ ແລະ ມະຫາຊົນຜູ້ກ້າວໜ້າເຂົ້າຮ່ວມ.

ໃນພິທີສະຫາຍ ທອງ​ດີ ​ເນົາ​ວັນ​ເພັງ ຮອງ​ເລຂາໜ່ວຍພັກ​​ໂຮງຮຽນ​ເຕັກນິກ-​ວິຊາ​ຊີບ​ແບບ​ປະສົມ​ແຂວງ​ໄຊ​ຍະ​ບູລີ ໄດ້ຜ່ານມະຕິຕົກລົງຂອງຄະນະປະຈໍາພັກແຂວງ​ໄຊ​ຍະ​ບູລີ ວ່າດ້ວຍການອະນຸມັດຮັບ​ເລື່ອນ​ສະມາຊິກ​ພັກ​ສຳຮອງເຂົ້າເປັນສະມາຊິກພັກສົມບູນ ໂດຍອີງຕາມກົດລະບຽບຂອງພັກປະຊາຊົນປະຕິວັດລາວ ສະໄໝທີ X ທີ່​ໄດ້​ກຳນົດ​ໄວ້​ໃນໝວດ 1 ກ່ຽວກັບ​ສະມາຊິກ​ພັກ ​ແລະ ມາດຕາ 2 ວ່າດ້ວຍລະບຽບການ​ຂະຫຍາຍ​ພັກ ອີງຕາມ​ ​ໃບ​ສະ​ເໜີຂອງ​ຄະນະ​ພັກ​ຮາກ​ຖານ​ພະ​ແນ​ກສຶກສາ​ທິການ ​ແລະ ກິລາ​ແຂວງສະບັບ​ເລກທີ 23/ຄພຖ.ສກຂ ​ແລະ ​ຜົນງານການເຄື່ອນໄຫວຂອງສະມາຊິກ​ພັກ​ສະ​ໄໜສຳຮອງ ຄະນະປະຈໍາພັກແຂວງໄຊຍະບູລີ ຈຶ່ງເຫັນດີຕົກລົງອະນຸມັດ​ເລື່ອນສະມາຊິກ​ພັກ​ສະ​ໄໝສຳຮອງຈໍານວນ 5 ສະຫາຍ, ຍິງ 1 ສະຫາຍ ເຂົ້າເປັນສະມາຊິກສົມບູນຂອງຄະນະພັກຮາກຖານພະແນກສຶກສາທິການ ແລະ ກິລາແຂວງ ໃນນີ້ສັງກັດຢູ່ໜ່ວຍພັກວິຊາການ 3 ຄົນ, ຍິງ 1 ຄົນ, ໜ່ວຍພັກ ໂຮງຮຽນມສ ຊົນເຜົ່າ 1 ຄົນ.

ຕອນ​ທ້າຍ​ຂອງ​ພິທີ ສະຫາຍ ກາບ​ແກ້ວ ​ສີ​ບຸນ​ມາ ​ເລຂາຄະນະ​ພັກ​ຮາກ​ຖານ​, ຫົວໜ້າພະ​ແນ​ກສຶກສາ​ທິການ ​ແລະ ກິລາ ​ແຂວງ​ໄຊ​ຍະ​ບູລີ, ​ໄດ້​ມີ​ຄໍາ​ເຫັນ​ໂອ້​ລົມ ​ແລະ ​​ເນັ້ນ​ໜັກໃຫ້​ສະມາຊິກ​ສະ​ໄໜສຳຮອງ​ທີ່​ເລື່ອນ​ເຂົ້າ​ເປັນ​ສະມາຊິກສົມບູນ ຈົ່ງ​ເອົາ​ໃຈ​ໃສ່​ໃນ​ການ​ເຝິກຝົນ​ຫລໍ່​ຫອມ​ຕົນ​ເອງ​ ທາງ​ດ້ານ​ຄຸນ​ທາດ​ການ​ເມືອງ, ການ​ປະຕິບັດ​ໜ້າ​ທີ່​ວິຊາ​ສະ​ເພາະ ແລະ    ປະຕິບັດ​ວຽກ​ງານ​ທີ່​ໄດ້​ຮັບ​ການ​ມອບ​ໝາຍ​ໃຫ້​ມີ​ຜົນ​ສໍາ​ເລັດ, ພັດທະນາ​ຕົນ​ເອງ​ໃຫ້​ກາຍ​ເປັນ​ສະມາຊິກ​ພັກ​ຜູ້ດີ​ເດັ່ນ,​ເປັນ​ແບບຢ່າງ​ທີ່​ດີ​ໃຫ້​​ແກ່​ມະຫາຊົນ​ໃນ​ອະນາຄົດ.

​ໂດຍ: ນາລີ ​ແພງວິ​ໄລ

020 9999 4226