ໃນພິທີພາຍຫຼັງທ່ານ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງໄຊຍະບູລີ ໄດ້ໃຫ້ກຽດເປີດຫົວບົດສອບເສັງແລ້ວ ທ່ານຍັງໄດ້ເນັ້ນໜັກໃຫ້ນັກສອບເສັງທຸກໆຄົນຈົ່ງພະຍາຍາມຄົ້ນຄິດ, ຕຶກຕອງ ເພື່ອຊອກຫາຄຳຕອບມາຕອບຄຳຖາມໃຫ້ໄດ້ແລະ ອວຍພອນໃຫ້ທຸກຄົນຈົ່ງປະສົບຜົນສໍາເລັດໃນການສອບເສັງຈົບຊັ້ນປະຖົມສຶກສາ ຂັ້ນປ5ປີນີ້ໃຫ້ໄປຕໍ່ມັດທະຍົມຕອນຕົ້ນ ໃຫ້ໄດ້ຄະແນນທີ່ສູງ ແລະ ໄດ້ສົມບູນໝົດທຸກຄົນ.

ທ່ານ ຈັນທະວີ ວັນນະພາຜົນຫົວໜ້າຫ້ອງການສຶກສາທິການ ແລະ ກິລາ ເມືອງໄຊຍະບູລີ ໄດ້ໃຫ້ຮູ້ຕື່ມວ່າ: ໂດຍປະຕິບັດຕາມແຜນການຮຽນ-ການສອນ ແລະການສອບສອບເສັງຈົບຊັ້ນປະຖົມສຶກສາຂັ້ນ ປ5ທີ່ກະຊວງສຶກສາທິການ ແລະກິລາ ກໍ່ຄືພະແນກສຶກສາທິການແລະ ກິລາແຂວງ ວາງອອກ ເຊິ່ງເມືອງໄຊຍະບູລີ ໄດ້ຈັດຕັ້ງການສອບເສັງຈົບຊັ້ນປະຖົມສຶກສາຂັ້ນ ປ5ໃນທົ່ວເມືອງ ປີນິ້ ມີນ້ອງນັກຮຽນເຂົ້າຮ່ວມສອບເສັງທັງໝົດ 1426ນ້ອງ, ຍິງ675ນ້ອງ, ປະກອບມີ 12ສູນສອບເສັງຄື: ສູນສອບເສັງ ປະຖົມໄຊຍະບູລີ, ສູນສອບເສັງປະຖົມນາຕໍນ້ອຍ, ສູນສອບເສັງ ປະຖົມທ່ານາ, ສູນສອບເສັງ ປະຖົມນາຫຼາ ແລະສູນສອບເສັງ ປະຖົມນາຕາກ, ສູນສອບເສັງ ປະຖົມນາມອນ, ສູນສອບເສັງ ປະຖົມຫ້ວຍສະແງມ, ສູນສອບເສັງ ປະຖົມຫຼັກ 18, ສູນສອບເສັງ ປະຖົມປາກທັງ, ສູນສອບເສັງ ປະຖົມຫ້ວຍດົກ, ສູນສອບເສັງ ປະຖົມຫ້ວຍຂົວຫຼວງ, ສູນສອບເສັງ ປະຖົມຫ້ວຍຈີດ ມີຫ້ອງສອບເສັງທັງໝົດ 71ຫ້ອງ, ເສັງ 4ວິຊາຄື:ວິຊາພາສາລາວ(ຫັດແຕ່ງ), ວິຊາພາສາລາວ(ຂຽນທວາຍ+ຄຳຖາມ),ວິຊາຄະນິດສາດ, ໂລກອອ້ມຕົວເຮົາ, ສຳລັບສູນສອບເສັງ ປະຖົມໄຊຍະບູລີ ມີນັກຮຽນເຂົ້າຮ່ວມສອບເສັງທັງໝົດ 274ນ້ອງ, ຍິງ122ນ້ອງ, ມີ 13 ຫ້ອງສອບເສັງທີ່ມາຈາກ 6ໂຮງຮຽນຄື: ໂຮງຮຽນ ປະຖົມໄຊຍະບູລີ, ໂຮງຮຽນ ປະຖົມສີມຸງຄຸນ, ໂຮງຮຽນ ປະຖົມນາໄຮ, ໂຮງຮຽນ ປະຖົມດອນເງິນໂຮງຮຽນ ປະຖົມບ້ານບຸ່ງ ແລະ ໂຮງຮຽນ ປະຖົມບ້ານແກ້ງ.ການສອບເສັງຈົບຊັ້ນປະຖົມ ປ5ໃນປີນີ້ຄາດໝາຍຈະໃຫ້ບັນລຸ 78% ຂອງແຜນການທີ່ວາງໄວ້ ແລະ ຈະດໍາເນີນໄປເປັນເວລາ 2ວັນຈຶ່ງສໍາເລັດ.

ໂດຍ: ນາລີ ແພງວິໄລ

020 9999 4226