ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ສກຂ ອັດຕະປື ຕີລາຄາການຈັດຕັ້ງປະຕິບັດແຜນ ພັດທະນາ ການສຶກສາ ແລະ ກິລາ ພາກຮຽນທີ Iພ້ອມວາງທິດທາງ ແຜນການພາກທີ II

photo91ສກຂ ອັດຕະປື ຕີລາຄາການຈັດຕັ້ງປະຕິບັດແຜນ ພັດທະນາ ການສຶກສາ ແລະ ກິລາ ພາກຮຽນທີ Iພ້ອມວາງທິດທາງ ແຜນການພາກທີ II. ພະແນກສຶກສາທິການ ແລະ ກິລາແຂວງ( ສກຂ) ອັດຕະປື ຈັດຕັ້ງປະຕິບັດບັນດາວຽກຈຸດສຸມ,ນະໂຍບາຍ ແລະ ຍຸດທະສາດຕ່າງໆ ທີ່ກຳນົດໄວ້ໃນສົກຮຽນ 2019-2020 ໃນໄລຍະ ພາກຮຽນທີ 1

 

 

 

photo92ໃນຈຳນວນ 15 ຄາດໝາຍຫຼັກ ທີ່ກໍານົດໃນແຜນປີ ມີ ຫລາຍຄາດໝາຍ ທີ່ມີລັກສະນະ ເພີ່ມຂື້ນ, ມີຫລາຍຄາດໝາຍທີ່ໃກ້ຈະບັນລຸ ແລະ ມີຄາດໝາຍ ທີ່ຈະຕ້ອງໄດ້ ສູ້ຊົນຫລາຍຂື້ນ. ໃນວັນທີ 18 ກຸມພາ 2020 ຜ່ານມານີ້ ພະແນກສຶກສາທິການ ແລະ ກິລາແຂວງ ( ສກຂ) ອັດຕະປື ໄດ້ຈັດກອງປະຊຸມ ສະຫລຸບ-ຕີລາຄາຄືນຜົນການ ຈັດຕັ້ງ ປະຕິບັດ ແຜນພັດທະນາວຽກງານສຶກສາ ແລະ ກິລາ ປະຈຳພາກຮຽນທີ 1 ສົກຮຽນ 2019-2020, ພ້ອມທິດທາງ ແຜນວຽກ ສືບຕໍ່ຈັດຕັ້ງປະຕິບັດ ໃນພາກຮຽນທີ 2, ກອງປະຊຸມ ໄດ້ຈັດຂື້ນທີ່ພະແນກດັ່ງກ່າວ, ໂດຍພາຍໃຕ້ການ ເປັນປະທານຂອງ ທ່ານ ຄຳພູນ ແກ້ວມາລາ ຫົວໜ້າພະແນກ ສຶກສາທິການ ແລະ ກິລາແຂວງ, ມີຄະນະຜູ້ບໍລິຫານການສຶກສາ ແລະ ກິລາ ຂັ້ນແຂວງ , ຂັ້ນເມືອງ 5 ເມືອງ, ຂັ້ນໂຮງຮຽນ ວິຊາຊີບ ແລະ ຊັ້ນມັດທະຍົມສຶກສາ ທັງພາກລັດ ແລະ ເອກະຊົນທີ່ຂື້ນກັບ ພ້ອມດ້ວຍພາກສ່ວນ ທີ່ກ່ຽວຂ້ອງເຂົ້າຮ່ວມຢ່າງຄົບຖ້ວນ.

 

 

ບົດຂ່າວໂດຍ: ພົມວິຫານ ໄຊຊະນະ
ລົງເວັບໂດຍ: ນິດນີລັນ ສຸວັນນະໄລ