3 ອົງການຈັດຕັ້ງ

ເຂົ້າສູ່ລະບົບ

ຄົ້ນຫາ

Social Media

ຈົດໝາຍຂ່າວ

Publication1

ສະຖິຕິເຂົ້າຊົມ

043702
Today
Yesterday
This Week
Last Week
This Month
Last Month
All days
42
111
342
42658
1134
3827
43702

Your IP: 54.159.51.118
2018-12-12 04:20

ກອງປະຊຸມສະຫຼຸບຜົນງານການເຄື່ອນໄຫວວຽກງານ ຂອງໜ່ວຍສະຫະພັນແມ່ຍິງກົມການສຶກສາຊັ້ນສູງ
ໄລຍະ 03 ປີ (2013-2016) ແລະ ວາງທິດທາງແຜນການໄລຍະ 03 ປີ (2017-2020)

2

ກອງປະຊຸມສະຫຼຸບຜົນງານການເຄື່ອນໄຫວວຽກງານ ຂອງໜ່ວຍສະຫະພັນແມ່ຍິງກົມການສຶກສາຊັ້ນສູງໄລຍະ 03 ປີ (2013-2016) ແລະ ວາງທິດທາງແຜນການໄລຍະ 03 ປີ (2017-2020) ພິທີດັ່ງກ່າວ, ໄດ້ຈັດຂຶ້ນໃນວັນທີ  07 ກໍລະກົດ 2017 ທີ່ ຫ້ອງປະຊຸມ​ໂຄງການ SSHEP ກະຊວງສຶກສາທິການ ແລະ ກິລາ, ໂດຍໃຫ້ກຽດເປັນປະທານຂອງ ທ່ານ ຮສ ປອ ສາຍຂອງສາຍນາສິນ ຄະນະພັກກະຊວງສຶກສາທິການແລະ ກິລາ ເລຂາໜ່ວຍພັກກົມການສຶກສາຊັ້ນສູງ , ຫົວໜ້າກົມການສຶກສາຊັ້ນສູງ, ທ່ານ ປອ ນ. ດາລາວອນ ກິດຕິພັນ ຄະນະບໍລິຫານງານສະຫະພັນແມ່ຍິງກະຊວງສຶກສາທິການ ແລະ ກິລາ ພ້ອມທັງເປັນປະທານກວດກາສະຫະພັນແມ່ຍິງຮາກຖານສຳນັກກະຊວງສຶກສາທິການ ແລະ ກິລາ

3

ໃນໄລຍະຜ່ານມາໜ່ວຍສະຫະພັນແມ່ຍິງກົມການສຶກສາຊັ້ນສູງໄດ້ຮັບການແຕ່ງຕັ້ງຂຶ້ນເປັນທາງການຈາກຮາກຖານສະຫະພັນແມ່ຍິງສຳນັກກະຊວງສຶກສາທິການ ແລະ ກິລາ ນັບແຕ່ເດືອນ ກັນຍາ ປີ 2013 ເປັນຕົ້ນມາ. ຊຶ່ງປະກອບມີ 02 ຄົນຄື : ຫົວໜ້າໜ່ວຍ ແລະ ຮອງຫົວໜ້າໜ່ວຍ ແລະ ລວມມີສະມະຊິກທັງໝົດ 12 ຄົນ. ຊຶ່ງໄດ້ແບ່ງເປັນ 02 ຈຸ ແຕ່ລະຈຸປະກອບມີ 06 ຄົນ. ມາຮອດປະຈຸບັນໜ່ວຍສະຫະພັນແມ່ຍິງກົມການສຶກສາຊັ້ນສູງມີສະມະຊິກທັງໝົດ 11 ຄົນ. ເນື່ອງຈາກວ່າມີສະມະຊິກຈຳນວນ 01 ຄົນໄດ້ຍົກຍ້າຍໄປຮັບໜ້າທີ່ໃໝ່ຢູ່ສະພາແຫ່ງຊາດ (ທ່ານ ປອ ນາງ ພອນເພັດ ບຸບຜາ)

4

I.          ສັງເກດຕີລາຄາການເຄຶ່ອນໄຫວວຽກງານແຕ່ລະດ້ານ :

1.          ວຽກງານສຶກສາອົບຮົມການເມືອງແນວຄິດ :

           -   ເອື້ອຍນ້ອງສະມາຊິກສະຫະພັນແມ່ຍິງທຸກຄົນມີຄວາມເຊື່ອໝັ້ນຕໍ່ການນຳພາຂອງພັກລັດ ແລະ ເຊື່ອມຊຶມຕໍ່ແນວທາງນະໂຍບາຍຂອງພັກວາງອອກ.

            -   ເອື້ອຍນ້ອງສະມາຊິກສະຫະພັນແມ່ຍິງທຸກຄົນໄດ້ເອົາໃຈໃສ່ປະຕິບັດລະບຽບກົດໝາຍຂອງບ້ານເມືອງ  ແລະເອົາໃຈໃສ່ປະຕິບັດຄຳສັ່ງຂອງ ປະທານສະຫະພັນແມ່ຍິງສຳນັກກະຊວງສຶກສາວາງອອກຢ່າງເຄັ່ງຄັດ.

            -   ເອື້ອຍນ້ອງສະມາຊິກສະຫະພັນແມ່ຍິງທຸກຄົນມີແນວຄິດອຸ່ນອ່ຽນທຸ່ນທ່ຽງຕໍ່ສະພາບການຕ່າງໆທີ່ເກີດຂື້ນ.

2.         ດ້ານຈຳນວນພົນປະກອບມີ:

           -   ຈຳນວນແມ່ຍິງຂອງກົມການສຶກສາຊັ້ນສູງປະຈຸບັນ ມີທັງໝົດ 11  ຄົນ, ດ້ານວຸດທິການສຶກສາມີ:  ປະລິນຍາໂທ 08 ຄົນ, ປະລິນຍາຕີ 03 ຄົນ, ຮອງຫົວໜ້າພະແນກ 02 ຄົນ ແລະ ເປັນສະມາຊິກພັກ 06 ຄົນ. ໃນນັ້ນເປັນສະມາຊິກພັກ ສຳຮອງ 02 ຄົນ ສະມາຊິກກຳມະບານ 11 ຄົນ, ສະມະຊິກຊາວໜຸ່ມ 10 ຄົນ.

3.         ວຽກງານປັບປຸງ ແລະ ຂະຫຍາຍສະມະຊິກ:

-    ໜ່ວຍສະຫະພັນແມ່ຍິງກົມການສຶກສາຊັ້ນສູງ ບໍ່ໄດ້ມີການຂະຫຍາຍສະມາຊິກໃໝ່, ເພາະວ່າໜ່ວຍສະຫະພັນແມ່ຍິງກົມພວກເຮົາບໍ່ມີມະຫາຊົນ.

4.         ວຽກງານກໍ່ສ້າງພະນັກງານ:

            - ກົມໄດ້ມີນະໂຍບາຍກໍ່ສ້າງພະນັກງານໃນລະດັບປະລິນຍາໂທ ຊື່ງໄດ້ຮັບການສະໜັບສະໜູນຈາກໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງ (SHEP) ໂດຍໄດ້ຄັດເລືອກເອື້ອຍນ້ອງແມ່ຍິງຜູ້ທີ່ມີການບຸກບືນຕົວ  ແລະ  ມີຄວາມກະຕືລືລົ້ນໃນການກໍ່ສ້າງ  ແລະ  ພັດທະນາຕົນເອງໄປສຶກສາຕໍ່  ທັງພາຍໃນແລະ ຕ່າງປະເທດໃຫ້ມີຄວາມຮູ້ຄວາມສາມາດຂຶ້ນໄປຢ່າງບໍ່ຢຸດຢັ້ງ, ມາຮອດປະຈຸບັນເອື້ອຍນ້ອງແມ່ຍິງໄດ້ຈົບການສຶກສາ  ໃນລະດັບປະລິນຍາໂທມີ ຈຳນວນ 08 ຄົນ.

5.         ວຽກງານປົກປ້ອງສິດຜົນປະໂຫຍດອັນເປັນທຳຂອງແມ່ຍິງ ແລະ ເດັກນ້ອຍ:

            -  ໄດ້ສຶກສາອົບຮົມລູກຫລານກ່ຽວກັບຜົນຮ້າຍ ຂອງຢາເສບຕິດ

            -  ໄດ້ເບິ່ງແຍງຊ່ວຍເຫລືອຊຶ່ງກັນແລະກັນທາງດ້ານວັດຖຸ, ຈິດໃຈເວລາເກີດລູກ, ເຈັບເປັນນອນໂຮງໝໍ ແລະ ອື່ນໆ.

            ໄດ້ໄປຢ້ຽມຢາມຖາມຂ່າວຈຳນວນເອື້ອຍນ້ອງທີ່ບ່ໍສະບາຍເພື່ອສ້າງຂັວນແລະ ກຳລັງໃຈໃຫ້ເຊົາໄວໆ.

            ໄດ້ມີການຢື້ຢາມຖາມຂ່າວຊຶ່ງກັນແລະ ກັນຢ່າງເປັນປົກະຕິ.

            - ໄດ້ຮັບເງິນນະໂຍບາຍຈາກສະຫະພັນແມ່ຍິງສຳນັກກະຊວງສຶກສາທິການ ແລະ ກິລາ ເວລາເຈັບເປັນນອນໂຮງໝໍ ຜ່າຕັດກ້ອນເບົ້າ ແລະ ຜ່າຕັດເກີດລູກ ຈຳນວນ 05  ຄັ້ງ ຈຳນວນເງິນ 700.000 ກີບ.

6.         ການຈັດຕັ້ງປະຕິບັດຂໍ້ແຂ່ງຂັນ 03 ດີ :

            ໜ່ວຍສະຫະພັນແມ່ຍິງກົມໄດ້ຖືເອົາຂໍ້ແຂ່ງຂັນ 03 ດີ ຄື: (1) ພົນລະເມືອງດີ, (2) ພັດທະນາດີ ແລະ (3) ສ້າງຄອບຄົວດີ   ເພຶ່ອເປັນແຂ່ງຂັນຢັ້ງຢືນຜົນງານແຕ່ລະປີ, ຊື່ງໄດ້ຈັດຂຶ້ນພາຍໃນກົມ ແລະ ໄດ້ເຊື້ອເຊີນບັນດາອົງການຈັດຕັ້ງຕ່າງເຊັ່ນກຳມະບານ  ຊາວໜຸ່ມ,   ຕາງໜ້າໜ່ວຍພັກ  ເຂົ້າຮ່ວມເພຶ່ອເປີດບັ້ນແຂ່ງຂັນດັ່ງກ່າວຊື່ງໄດ້ໃຫ້ເອື້ອຍນ້ອງແຕ່ລະຄົນຂຽນຜົນງານຕົນເອງໃນການປະຕິບັດວຽກງານຜ່ານມາ  ແລະ  ຜ່ານກັນໃນກອງປະຊຸມໂດຍອີງຕາມມາດຖານ ແລະ ເງື່ອນໄຂຂອງຮາກຖານສະຫະພັນແມ່ຍິງສຳນັກກະຊວງສຶກສາທິການ ແລະ ກິລາ. ນອກນັ້ນຍັງໄດ້ຄັດເລືອກຕົວເດັ່ນຂອງສະມະຊິກໜ່ວຍແມ່ຍິງກົມການສຶກສາຊັ້ນສູງ ໃນໄລຍະ 01  ປີ,  03  ປີ  ຜ່ານມາ ຊຶ່ງສາມາດຈັດປະເພດ 01 ແລະ ປະເພດ 02. ມາຮອດປະຈຸບັນໃບຍ້ອງຍໍດັ່ງກ່າວກໍ່ໄດ້ຮັບມາແລ້ວ ແລະ ຈະມອບໃຫ້ສະມະຊິກທຸກຄົນ ໃນວັນທີ 26 /05/17 ເພື່ອຢັ້ງຢືນເຖິງຜົນງານທີ່ຍາດມາໄດ້ໃນໄລຍະຜ່ານມາ.

7.         ການຈັດຕັ້ງແຜນພັດທະນາແມ່ຍິງ ແລະ ວິຊາສະເພາະ:

ກົມໄດ້ມີແຜນພັດທະນາເອື້ອຍນ້ອງແມ່ຍິງ ທີ່ຍັງບໍ່ທັນໄດ້ຍົກລະດັບຄວາມຮູ້ຄວາມສາມາດທາງດ້ານວິຊາສະເພາະໃນລະດັບປະລິນຍາໂທ ລວມມີ ຈຳນວນ  03  ຄົນເພຶ່ອໃຫ້ສອດຄ່ອງກັບໜ້າວຽກທ່ີ່ກຳລັງດຳເນີນໃຫ້ມີປະສິດທິພາບ ແລະ ມີປະສິດທິຜົນ. ນອກນັ້ນ, ເອື້ອຍນ້ອງແມ່ຍິງທຸກຄົນຍັງໄດ້ມີໂອກາດໄປຝຶກອົບຮົມ, ເຂົ້າຮ່ວມກອງປະຊຸມຕາມແຜນພັດທະນາວຽກງານການສຶກສາຊັ້ນສູງໃນແຕ່ລະປີເພຶ່ອເພີ້ມຄວາມຮູ້  ແລະ  ທັກສະໃໝ່ເພື່ອນຳໃຊ້ເຂົ້າໃນວຽກງານຂອງຕົນ, ຊື່ງມັນໄດ້ສະແດງອອກເຖິງການເຂົ້າຮ່ວມກອງປະຊຸມແຕ່ລະຄັ້ງຄື:

ໄດ້ລົງຕິດຕາມການລົງຈັດຕັ້ງການສອບເສັງຄັດເລືອກນັກສຶກສາເຂົ້າຮຽນ ທີ່ ມສ ປະຈຳສົກຮຽນ 2016-17 ຄັ້ງວັນທີ 03/08/2016

            -  ໄດ້ເຂົ້າຮ່ວມເປັນຄະນະກຳມະການຮັບຮອງເອົາຜົນການປະເມີນການສົມທຽບລາຄາ ຈັດຊື້ເຄື່ອງໃຊ້ຫ້ອງການອຸປະກອນໄອທີ, ເຄື່ອງເຟີນີເຈີ, ອຸປະກອນຫ້ອງທົດລອງ, ເຄື່ອງກວດຫົວບົດສອບເສັງໃຫ້ແກ່ 04 ມະຫາວິທະຍາໄລ ທີ່ຂຶ້ນກັບກະຊວງສຶກສາທິການ ແລະ ກິລາ. ຄັ້ງວັນທີ 11-12/08/2016

            -  ໄດ້ລົງຕິດຕາມຍົກລະດັບຂອງພະນັກງານຈາກກົມການສຶກສາຊັ້ນສູງ ແລະ ຄູ-ອາຈານ ຂອງ ມຊ, ມຈ ແລະ ມສ ພາຍໃຕ້ທຶນສະໜັບສະໜູນ ຂອງໂຄງການ SHEP ຄັ້ງວັນທີ 24-26/08/2016  

            -  ຕິດຕາມການຂໍອະນຸມັດຂໍ້ຕົກລົງວ່າດ້ວຍຕຳແໜ່ງວິຊາການຄູຢູ່ສະຖາບັນການສຶກສາຊັ້ນສູງ

            -  ຄົ້ນຄວ້າຂໍ້ຕົກລົງວ່າດ້ວຍລະບຽບການສ້າງຕັ້ງ ແລະ ຮັບຮອງສະຖາບັນການສຶກສາຊັ້ນສູງ

            -  ຄົ້ນຄວ້າຮ່າງຂໍ້ຕົກລົງວ່າດ້ວຍການປະເມີນຜົນການຮຽນ ຂອງສະຖາບັນການສຶກສາຊັ້ນສູງ

            -  ຕິດຕາມການຂໍອະນຸມັດຮ່າງຍຸດທະສາດສຳລັບການຄົ້ນຄວ້າວິທະຍາສາດ ແລະ ການຄຸ້ມຄອງການຄົ້ນຄວ້າ ວິທະຍາສາດ ໃນ ສປປ ລາວ  ຮອດປີ 2025  ກັບກະຊວງວິທະຍາສາດ ແລະ ເຕັກໂນໂລຊີ

            ເຂົ້າຮ່ວມກອງປະຊຸມແນະນຳຂັ້ນຕອນການກຳນົດໂຄງການຂອງທິມຊ່ຽວຊານທີ່ຈະມາຂຽນໂຄງການສ້າງຄວາມເຂັ້ມແຂງໃຫ້ແກ່ຂະແໜງກົດໝາຍໄລຍະສອງ ວັນທີ 05/07/2016 ທີ່ກົມຮ່ວມມືສາກົນກະຊວງແຜນການ ແລະ ການລົງທຶນ

            -  ເຂົ້າຮ່ວມກອງປະຊຸມສ້າງຂອບພັດທະນາວຽກງານປະກັນຄຸນນະພາບການສຶກສາໃນລະຫວ່າງວັນທີ 01-02/2016 ທີ່ ເຮືອນພັກຄູນຊັບ ທ່າລາດ ແຂວງວຽງຈັນ

            ເຂົ້າຮ່ວມກອງປະຊຸມພັດທະນາຂອບວຸດທິການສຶກສາແຫ່ງຊາດ ໃນລະຫວ່າງວັນທີ 11-13/07/2016 ທີ່ລີສອດນາປ່າກວາງ  ເມືອງແກ້ວອຸດົມ ແຂວງວຽງຈັນ.

            ໄດ້ເຂົ້າຮ່ວມພິທີຮັບສາມະຊິກແມ່ຍິງ ແລະ ປະຊຸມສ່ອງແສງປະຈຳ 03 ເດືອນໃນວັນທີ 15/09/2016 ທີ່ຫ້ອງປະຊຸມ 425 ຕຶກຫລັງໃໝ່ ສຳນັກກະຊວງສຶກສາທິການແລະ ກິລາ.

            -  ໄດ້ເຂົ້າຮ່ວມກິດຈະກຳຍ່າງເພຶ່ອສັນຕິພາບ ຄັ້ງວັນທີ 17/09/2016 ໃນໄລຍະທາງແຕ່ປະຕູໄຊ-ຫໍຄຳ.

            ໄດ້ເຂົ້າຮ່ວມກອງປະຊຸມຄົ້ນຄວ້າ ແລະ ປຶກສາຫາລືກ່ຽວກັບການເຮັດປຶ້ມອານຸສອນຊຸດເຝຶກອົບຮົມທິດສະດີການເມືອງການປົກຄອງໄລຍະສັ້ນ 45 ວັນຊຸດທີ 06 ໃນວັນທີ 28/09/2016 ທີ່ຫ້ອງປະຊຸມ  ICT ຊັ້ນ 04 ກະຊວງສຶກສາທິການແລະ ກິລາ.

            -  ໄດ້ເຂົ້າຮ່ວມຮັບຟັງການເຜີຍແຜ່ສິດຜົນໄດ້ຮັບທາງດ້ານສະຫວັດດີການສັງຄົມ ແລະ ການກະກຽມສະເຫລີມສະຫລອງວັນຄູແຫ່ງຊາດ 07 ຕຸລາ ຄົບຮອບ 22 ປີ ໃນຄັ້ງວັນທີ 30/09/2016 ທີ່ ຫ້ອງປະຊຸມໃຫຍ່ສະຖາບັນຄົ້ນຄວ້າວິທະຍາສາດການສຶກສາ (ສວສ)

            -  ໄດ້ເຂົ້າຮ່ວມກິດຈະກໍາຍ່າງເພຶ່ອສຸຂະພາບສະເຫລີມສະຫລອງວັນຄູແຫ່ງຊາດ ( 07 ຕຸລາ1994-07 ຕຸລາ 2016 ) ທີ່ສວນປະຕູໄຊ ໃນຄັ້ງວັນທີ 01 ຕຸລາ 2016.

            -  ໄດ້ເຂົ້າຮ່ວມຟັງການໂອ້ລົມຂອງພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ເນຶ່ອງໃນວັນຄູແຫ່ງຊາດ ຄົບຮອບ 22 ປີ ( 07 ຕຸລາ 1994-07 ຕຸລາ 2016 ) ໃນຄັ້ງວັນທີ 07 ຕຸລາ 2016 ທີ່ຫໍວັດທະນະທຳແຫ່ງຊາດ.

            -  ສຳເລັດການລົງກວດກາພິມປຶ້ມຕຳລາຮຽນປີທີ 1 ຂອງມະຫາວິທະຍາໄລ ຈໍານວນ14 ວິຊາ ກັບບໍລິສັດຮ່າໂນ້ຍ ປະເທດຫວຽດນາມ ວັນທີ 18-22/10/2016.

            -  ວຽກງານພົ້ນເດັ່ນໃນການໃຫ້ຄວາມສຳຄັນແກ່ເອື້ອຍນ້ອງແມ່ຍິງຄື:  ໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງ ໄດ້ສະຫນັບສະຫນູນສ້າງຫໍພັກຈຳນວນ 02 ຫລັງສຳລັບເປັນບ່ອນພັກໃຫ້ແກ່ເອື້ອຍນ້ອງແມ່ຍິງທີ່ມາສຶກສາຕໍ່ທີ່ມະຫາວິທະຍາໄລຈຳປາສັກ ແລະ ອົງການ  KOICA  ກໍ່ໄດ້ສະຫນັບສະຫນູນສ້າງຫໍພັກ ຈຳນວນ  02  ຫລັງ ສຳລັບເປັນບ່ອນພັກໃຫ້ແກ່ເອື້ອຍນ້ອງແມ່ຍິງທີ່ມາສຶກສາຕໍ່ ທີ່ມະຫາວິທະຍາໄລສຸພານຸວົງ.

            -  ໄດ້ເຂົ້າຮ່ວມກອງປະຊຸມຮັບຮອງວຽກງານກ່ຽວກັບພິທີຮັບໃບປະກາສະນິຍະບັດໃນສາຍການສຶກສາຊັ້ນສູງ ໃນວັນທີ

15-17/12/2016 ທີ່ແຂວງວຽງຈັນ.

            -  ໄດ້ເຂົ້າຮ່ວມການລົງຕິດຕາມຂໍ້ມູນສິດເກົ່າ ທີ່ຈົບຈາກມະຫາວິທະຍາໄລສຸພານຸວົງຕັ້ງແຕ່ສົກປີ 2007-2008 ຮອດປະຈຸບັນຢູ່ 08 ແຂວງພາກເໜືອ ໃນລະຫວ່າງວັນທີ 10-29/10/2016

            -  ໄດ້ເຂົ້າຮ່ວມກອງປະຊຸມຖອດຖອນບົດຮຽນກ່ຽວກັບການຈັດຕັ້ງການສອບເສັງທີ່ມະຫາວິທະຍາໄລແຫ່ງຕ່າງໆທີ່ຂິ້ນກັບກະຊວງສຶກສາທິການ ແລະ ກິລາປະຈຳສົກຮຽນ 2016-17  ໃນລະຫວ່າງວັນທີ 31(10) ຫາ04 (11) 2016 ທີ່ແຂວງວຽງຈັນ

            -  ໄດ້ຕິດຕາມການຈັດພິມປຶ້ມຕຳລາຮຽນປີທີ 1 ຈຳນວນ 14 ສາຂາວິຊາ ຂອງມະຫາວິທະຍາໄລກັບບໍລິສັດ HPC ປະເທດ ສສ ຫວຽດນາມ.

            -  ໄດ້ເຂົ້າຮ່ວມກອງປະຊຸມສ່ອງແສງປະຈຳໄຕມາດທີ່ຫ້ອງປະຊຸມ 425 ໃນວັນທີ 19 ທັນວາ 2016

            -  ໄດ້ເຂົ້າຮ່ວມກອງປະຊຸມສ່ອງແສງປະຈຳ 03 ເດືອນ ປີ 2015 ທີ່ຫ້ອງປະຊຸມ 425 ໃນວັນທີ 15 ມິຖຸນາ 2016     

            -  ໄດ້ເຂົ້າຮ່ວມກອງປະຊຸມສະຫລຸບປະຈຳປີ ຂອງສະຫະພັນແມ່ຍິງກະຊວງສຶກສາທິການ ແລະ ກິລາໃນວັນທີ 27 /01/2017  ທີ່ຫ້ອງປະຊຸມສະຖາບັນຄົ້ນຄວ້າວິທະຍາສາດການສຶກສາ (ສວສ). 

            -  ໄດ້ເຂົ້າຮ່ວມການຝຶກອົບຮົມທິດສະດີການເມືອງ - ການປົກຄອງໄລຍະສັ້ນ  45  ວັນ  ຄັ້ງທີ 6   ຊຶ່ງໄດ້ຈັດຂຶ້ນທີ່ ວິທະຍາໄລເຕັກນິກກະສິກຳດົງຄຳຊ້າງ ປີ 2016.

            -  ໄດ້ເຂົ້າຮ່ວມ ແລະ ປະກອບສ່ວນຮັບໃຊ້ກອງປະຊຸມຜູ້ບໍລິຫານການສຶກສາຊັ້ນສູງ ທົ່ວປະທດ ໃນປີ 2014,2015 ແລະ ປີ 2016  ທີ່ ແຂວງ ຈຳປາສັກ, ແຂວງສະຫັວນນະເຂດ ແລະ ແຂວງຫລວງພະບາງ.

           -   ໄດ້ເຂົ້າຮ່ວມຂະບວນການອອກແຮງງານຮ່ວມກັບ 03 ອົງການຈັດຕັ້ງມະຫາຊົນ

            -   ໄດ້ເຂົ້າຮ່ວມສ່ອງແສງວຽກສະຫະພັນແມ່ຍິງ ທີ່ຫ້ອງປະຊຸມ 425 ແລະ ຫ້ອງປະຊຸມໂອແລັມປິກ

            -   ໄດ້ເຂົ້າຮ່ວມພິທີເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານວິຊາການ ( MOU ) ລະຫວ່າງ ສູນພັດທະນາສິມືແຮງງານ ນະຄອນຫລວງວຽງຈັນ ແລະ ບໍລິສັດ ລາວວີຕ້າພັດທະນາ ຈຳກັດ. ທີ່ ເຂດເສດຖະກິດອຸດສະຫະກຳໂນນທອງ ເມືອງໄຊທານີ ນະຄອນຫລວງວຽງຈັນ.           

            -  ໄດ້ເຂົ້າຮ່ວມພິທີສອບຈັດຕັ້ງການສອບເສັງນັກຮຽນເກັ່ງຊັ້ນປະຖົມສຶກສາປີທີ 5 ທົ່ວປະເທດ ປະຈຳສົກຮຽນ 2016-17 ຄັ້ງທີ 8 ໃນວັນທີ 26 ເມສາ 2017 ທີ່ສະຖາບັນຄົ້ນຄວ້າວິທະຍາສາດການສຶກສາ.

8.         ວຽກງານພົວພັນແລະ ຮ່ວມມືສາກົນ:

            ເນື່ອງຈາກວ່າກົມການສຶກສາຊັ້ນສູງເປັນກົມວິຊາການເອື້ອຍນ້ອງແມ່ຍິງໄດ້ມີສ່ວນຮ່ວມທາງດ້ານວິຊາສະເພາະເຊັ່ນ: ການຄົ້ນຄວ້າເອກະສານຕາມໜ້າວຽກ, ການກະກຽມກອງປະຊຸມຫລາຍກອງປະຊຸມເຊັ່ນ: ກອງປະຊຸມຮ່ວມມືລາວ-ໄທ , ກອງປະຊຸມຮ່ວມມືລາວ-ມາເລເຊຍ  ການຄົ້ນຄ້ວາເອກະສານຮ່ວມມຶດ້ານວິຊາການ ລະຫວ່າງ ມະຫາວິທະຍາໄລ ໃນ ສປປ ລາວ  ແລະ  ມະຫາວິທະຍາໄລຂອງຕ່າງປະເທດ.   ນອກນັ້ນ,   ໄດ້ເຂົ້າຮ່ວມ ກອງປະຊຸມຕ່າງໆຕາມການມອບໝາຍຂອງ  ຄະນະກົມ.

9.         ວຽກງານການກວດກາການຈັດຕັ້ງສະຫະພັນແມ່ຍິງລາວ:

            ມີການສຳຫລວດກວດກາ ແລະ ຕຳນິສົ່ງຂ່າວໃນການດຳເນີນຊີວິດການເມືອງຂອງຈຸສະຫະພັນແມ່ຍິງເປັນປະຈຳໂດຍຖື

ເອົາອາທິດທີ 03 ຂອງທຸກໆເດືອນເປັນມື້ຕຳນິສົ່ງຂ່າວ  ແລະ ໄດ້ເສຍເງິນສະຕິ  ແລະ  ເສຍເງິນບຳລຸງໃຫ້ສະຫະພັນແມ່ຍິງສຳນັກກະຊວງເປັນປົກກະຕິ ການນຸ່ງຖື ຂອງເອື້ອຍນ້ອງສະມາຊິກສະຫະພັນແມ່ຍິງເຫັນວ່າຖືກຕ້ອງຕາມຮີດຄອງປະເພນີລາວ  ແລະ ຖືກຕ້ອງ ຕາມກາລະເທສະ, ການເວົ້າຈາສຸພາບ, ການພົວພັນຕິດຕໍ່ວຽກງານ ລະຫວ່າງຍິງ-ຊາຍແມ່ນຖືກຕ້ອງຕາມຮີດຄອງປະເພນີ, ມີຄວາມສາມັກຄີພາຍໃນ ແລະ ພາຍນອກໄດ້ດີ, ມີການຊ່ວຍເຫລືອວຽກງານເຊິ່ງກັນ ແລະ ກັນ ເພື່ອໃຫ້ມີຄວາມກ້າວໜ້າບໍ່ວ່າຈະເປັນທາງດ້ານຕ່າງໆ ການເຮັດວຽກແມ່ນເຮັດເປັນໝູ່ຄະນະລວມສູນປະຊາທິປະໄຕມີຄວາມເຄົາລົບນັບຖືເຊິ່ງກັນ ແລະ ກັນ, ເຮັດສຳເລັດ ທຸກວຽກງານມີຄວາມຮັບຜິດຊອບສູງ, ໜ່ວຍສະຫະພັນແມ່ຍິງກົມການສຶກສາຊັ້ນສູງ ບໍ່ໄດ້ມີການຂະຫຍາຍສະມາຊິກໃໝ່ເພາະວ່າໜ່ວຍພວກເຮົາບໍ່ມີມະຫາຊົນ  ແລະ  ການສ້າງຄັງຂອງໜ່ວຍສະຫະ

ພັນແມ່ຍິງກົມແມ່ນໄດ້ຈາກການເກັບເງິນຂອງສະມະຊິກເດືອນລະ 1.000 ກີບ/ຄົນ/ເດືອນ , ການຂາຍໜັງສືພິມໃຫ້ອ້າຍນ້ອງຊາຍຜູ້ທີ່ມີຄວາມສົນໃຈ  ແລະ  ມັກຕິດຕາມວຽກງານການເຄື່ອນໄຫວຂອງ ເອື້ອຍນ້ອງແມ່ຍິງ  ແລະ  ໄດ້ຈາກການປະກອບ ສ່ວນຈາກພາກສ່ວນອື່ນໆ ທີ່ໄດ້ຮ່ວມວຽກງານກັບກົມ ເຊັ່ນ: ມະຫາວິທະຍາໄລແຫ່ງຕ່າງໆ ເວລາມີກິດຈະກຳຮ່ວມກັນ.

            ສະຫະພັນແມ່ຍິງກົມການສຶກສາຊັ້ນສູງສາມາດສະສົມເງິນຄັງທັງໝົດມາຮອດປະຈຸບັນຈຳນວນ:   2,837.500     ກີບ    ການຈ່າຍເງິນສະຕິ ໃຫ້ສະຫະພັນແມ່ຍິງສຳນັກກະຊວງສຶກສາທິການ   ແລະ   ກິລາ   ຂອງພວກເຮົາແມ່ນໄດ້ຈ່າຍ 01 ຄັ້ງ/ປີ. ນອກນັ້ນ, ຍັງໄດ້ປະກອບ ສ່ວນ ຊື້ປຶ້ມວາລະສານແມ່ຍິງລາວ, ໜັງສືພິມແມ່ຍິງ, ຕາມການແບ່ງປັນຂອງສະຫະພັນແມ່ຍິງສຳນັກກະຊວງສຶກສາທິການ ແລະ ກິລາ.

10.        ສັງເກດຕີລາຄາດ້ານດີ, ດ້ານອ່ອນ :

ດ້ານດີ :  ຍ້ອນມີການຊີ້ນຳຈາກສະຫະພັນແມ່ຍິງສຳນັກກະຊວງສຶກສາທິການ  ແລະ  ກິລາ ຢ່າງເປັນປົກກະຕິ,    ຄະນະນຳຂອງກົມ ຍາມໃດກໍ່ມີຄວາມເປັນຫ່ວງເປັນໄຍເອື້ອຍນ້ອງທຸກຄົນໃຫ້ມີຄວາມກະຕືລືລົ້ນ   ໃນການປະຕິບັດວຽກງານ    ແລະ ໜ້າທີ່ຂອງຕົນຫລ້ອນໜ້າທີ່ ແລະໄດ້ຮັບຜົນສຳເລັດ. ນອກນັ້ນ, ກໍ່ຍັງເຫັນໄດ້ເຖິງຄວາມສາມັກຄີຊ່ວຍເຫລືອເຊິ່ງກັນແລະ ກັນເຂົ້າຮ່ວມການສ້າງຂະບວນການຕ່າງໆໃນວັນສຳຄັນຂອງຊາດ.

ດ້ານອ່ອນແລະ ຂໍ້ຄົງຄ້າງ : ການດຳເນີນຊີວິດການເມືອງຂອງຈຸສະຫະພັນແມ່ຍິງບາງຄັ້ງຍັງບໍ່ກ້າຕໍານິສົ່ງຂ່າວກໍ່ສ້າງເຊິ່ງກັນແລະ ກັນ.

11.         ສາເຫດທີ່ພາໃຫ້ມີຈຸດດີ ແລະ ຈຸດອ່ອນ:

ສາເຫດທີ່ພາໃຫ້ມີຈຸດດີ: ຍ້ອນມີຄະນະໜ່ວຍພັກ,   ສະຫະພັນແມ່ຍິງສຳນັກກະຊວງສຶກສາທິການແລະ ກິລາ ໄດ້ໃກ້ຊິດຕິດແທດໃຫ້ທິດຊີ້ນຳ ນຳພາໜ່ວຍແມ່ຍິງຂອງພວກເຮົາຢ່າງຕໍ່ເນຶ່ອງລຽນຕິດ.

ສາເຫດທີ່ພາໃຫ້ມີຈຸດອ່ອນ: ຍ້ອນມີການຈົ່ງຈຽມເຊິ່ງກັນແລະ ກັນພາໃຫ້ການຕຳນິສົ່ງຂ່າວບໍ່ທັນເລິກເຊິ່ງ.

11

II.         ແຜນການເຄຶ່ອນໄຫວໃນຕໍ່ໜ້າ

1.          ສືບຕໍ່ວຽກງານສຶກສາອົບຮົມການເມືອງແນວຄິດຂອງຈຸສະຫະພັນແມ່ຍິງເປັນປະຈຳທຸກໆເດືອນ.

2.         ສືບຕໍ່ວຽກງານປັບປຸງການຈັດຕັ້ງ ປະກອບສ່ວນໃນການສ້າງຂະບວນການເພື່ອຕ້ອນຮັບວັນສຳຄັນຕ່າງໆຂອງສະຫະພັນແມ່ຍິງສຳນັກ ແລະ ສະຫະພັນແມ່ຍິງກະຊວງສຶກສາທິການ ແລະ ກິລາສ້າງຂະບວນການໃຫ້ມີຂະບວນຟົດຟື້ນເຊັ່ນ: ການແຂ່ງຂັນກິລາລະຫວ່າງກົມຕໍ່ກົມ ເພື່ອຕ້ອນຮັບ ວັນສໍາຄັນຕ່າງໆສືບຕໍ່ປະຕິບັດວຽກງານວິຊາສະເພາະໃຫ້ປະສົບຜົນສຳເລັດ ແລະ ທ່ວງທັນກັບເວລາ

3.         ສືບຕໍ່ບໍາລຸງສ້າງໃນດ້ານຕ່າງໆເຊັ່ນ: ວິຊາສະເພາະ, ພາສາອັງກິດ, ອື່ນໆ ໃຫ້ສະມາຊິກໜ່ວຍສະຫະພັນແມ່ຍິງ

4.         ສືບຕໍ່ຈັດຈັ້ງປະຕິບັດຂໍ້ແຂ່ງຂັນ 03 ດີ ໃຫ້ໄດ້ຕາມຄາດໝາຍທີ່ວາງໄວ້

5.         ສືບຕໍ່ຈັດຕັ້ງແຜນພັດທະນາແມ່ຍິງ ແລະ ວິຊາສະເພາະໃຫ້ບັນລຸຕາມຄາດໝາຍ

6.         ສືບຕໍ່ວຽກງານການກວດກາ ການຈັດຕັ້ງສະຫະພັນແມ່ຍິງໃຫ້ເຂັ້ມງວດ ແລະ ຮັດກຸມ

7.         ສືບຕໍ່ວຽກງານພົວພັນຕ່າງປະເທດ

III.        ຂໍ້ສະເໜີ

            -  ສະເໜີໃຫ້ຄະນະໜ່ວຍສະຫະພັນແມ່ຍິງກົມການສຶກສາຊັ້ນສູງ ( ຊຸດໃໝ່ ) ຕັ້ງໜ້າເອົາໃຈໃສ່ປະຕິບັດວຽກງານໃຫ້ມີຄວາມສຳເລັດຢ່າງຈົບງາມ ພ້ອມນັ້ນກໍ່ໃຫ້ຄຽງຄູ່ ກັບການສ້າງຂະບວນການເພື່ອຕ້ອນຮັບ ວັນສໍາຄັນ ຕ່າງໆໃຫ້ເປັນຂະບວນລວມທີ່ຟົດຟື້ນ.

12

13

 14

15

16

17

18

19

20

21