3 ອົງການຈັດຕັ້ງ

ເຂົ້າສູ່ລະບົບ

ຄົ້ນຫາ

Social Media

ຈົດໝາຍຂ່າວ

Publication1

ສະຖິຕິເຂົ້າຊົມ

043709
Today
Yesterday
This Week
Last Week
This Month
Last Month
All days
49
111
349
42658
1141
3827
43709

Your IP: 54.159.51.118
2018-12-12 04:23

Moe logo

ກົມ​ການ​ສຶກສາຊັ້ນ​ສູງ

ຄວາມ​ເປັນ​ມາ​ຂອງ​ກົມ​ການສຶກສາຊັ້ນສູງ

   ກົມການ​ສຶກສາ​ຊັ້ນສູງ ເປັນກົມວິຊາການໜຶ່ງ​ທີ່​ຂຶ້ນກັບ​ກະຊວງ​ສຶກສາ​ທິການ ແລະ ກິລາ ໂດຍ​ປະຕິບັດ​ໜ້າ​ທີ່​ຕົ້ນຕໍ​ໃນ​ການ​ຄຸ້ມ​ຄອງມະຫາ​ພາກ​ດ້ານ​ວຽກ​ງານການ​ສຶກສາ​ຊັ້ນສູງ ທັງ​ພາກ​ລັດ ​ແລະ ​ເອກະ​ຊົນໃນ​ຂອບ​ເຂດ​ທົ່ວປະ​​ເທດ.

    ໃນໄລຍະຜ່ານມາວຽກງານ​​ການ​ສຶກສາ​ຊັ້ນສູງ ​ໄດ້​ຂຶ້ນກັບ​ການຄຸ້ມຄອງ​​ ຂອງກະຊວງ​ສຶກສາ​ທິການກິລາ ​ແລະ ທຳ​ມະ​ການ ແລະ ກະຊວງ​ຖະ​ແຫ​ລ່ງຂ່າວ ​ແລະ ວັດທະນາ​ທຳ ໃນ​ປີ 1959 ເປັນຕົ້ນມາ. ນັບແຕ່ປີ 1975 ເຖິງປີ 1983 ​ການ​ສຶກສາ​ຊັ້ນສູງ ໄດ້​ຂຶ້ນກັບ​ຫຼາຍ​ກະຊວງ, ນັບແຕ່ປີ 1983 ເຖິງປີ 2001 ​ການ​ສຶກສາ​ຊັ້ນສູງ ​ໄດ້​ຂຶ້ນກັບ​ກົມ​ມະຫາວິທະຍາ​ໄລ ແລະ ອາຊີວະສຶກສາ ແລະ ໃນ​ປີ 2001 ໄດ້ມີການປ່ຽນຊື່ື່​ເປັນ​ກົມ​ອາຊີວະ​ສຶກສາ ​ແລະ ການ​ສຶກສາ​ຊັ້ນສູງ ຍ້ອນວ່າການສຶກສາຊັ້ນສູງ ແມ່ນໄດ້ກວມ ເອົາການສຶກສາໃນຫຼາຍລະດັບ ຊຶ່ງເລີ້ມແຕ່ລະດັບອະນຸປະລິນຍາ ຈົນເຖິງ ລະດັບປະລິນຍາເອກ ແລະ ສາມາດຈັດຕັ້ງການຮຽນ-ການສອນ ໃນສະຖາບັນການສຶກສາຊັ້ນສູງ ໃນນັ້ນລວມ ມີ: ໂຮງຮຽນວິຊາສະເພາະ ຊັ້ນສູງ, ສູນການສຶກສາ, ວິທະຍາໄລ, ສະຖາບັນສຶກສາ ແລະ ມະຫາ ວິທະຍາໄລ.

    ມາຮອດປີ 2008  ກົມການ​ສຶກສາ​ຊັ້ນສູງໄດ້ຖືກສ້າງຕັ້ງຂຶ້ນ ໂດຍ​​ແຍກ​ອອກ​ຈາກ​ກົມ​ອາຊີວະ​ສຶກສາ​  ແລະ ກົມການການ​ສຶກສາ​ຊັ້ນສູງ​ ຕາມ​ດຳລັດຂອງນາຍົກລັດຖະມົນຕີ ​ວ່າ​ດ້ວຍ​ການຈັດຕັ້ງ​ ແລະ ການ​ເຄື່ອນ​ໄຫວ ຂອງ​ກະຊວງ​ສຶກສາ​ທິການ ​ສະບັບ​ເລກທີ 62/ນຍ, ລົງ​ວັນ​ທີ 07/04/ 2008 ແລະ ​ຂໍ້​ຕົກລົງ​ ຂອງ​ ລັດຖະມົນຕີ​ ວ່າດ້ວຍ​ການຈັດຕັ້ງ ​ແລະ​ ການ​ເຄື່ອນ​ໄຫ​ວ ຂອງ​ ກົມ​ການ​ສຶກສາ​ຊັ້ນສູງ ສະບັບເລກທີ 1416/ສສ.2008, ລົງ​ວັນ​ທີ 07/04/ 2008 ແລະ ​ຂໍ້​ຕົກລົງ​ ຂອງ​ ລັດຖະມົນຕີ​ ວ່າດ້ວຍ​ການຈັດຕັ້ງ ​ແລະ​ ການ​ເຄື່ອນ​ໄຫ​ວ ຂອງ​ ກົມ​ການ​ສຶກສາ​ຊັ້ນສູງ ສະບັບເລກທີ 1416/ສສ.2008, ລົງ​ວັນ​ທີ 08 /07/ 2008, ມາ​ຮອດ​ຕົ້ນປີ 2011 ສະພາ​ແຫ່ງ​ຊາດ​ໄດ້​ຮັບຮອງ​ເອົາ​ແຜນການ​ປັບປຸງ ກົງຈັກ​ການ​ບໍລິຫານ​ລັດ​ ຂອງລັດຖະບານ, ​ໂດຍ​ໄດ້ສ້າງຕັ້ງກະຊວງ​ໃໝ່​ຈຳນວນ​ໜຶ່ງ ​ແລະ ນອກຈາກ​ນັ້ນ ກໍ່​ມີ​ການ​ເຕົ້າ​ໂຮມ​ກະຊວງ ຫລື​ ອົງການ​ທຽບ​ເທົ່າ​ກະຊວງ​ເຂົ້າກັນ​ຈຳນວນ​ໜຶ່ງ, ໃນ​ນັ້ນ ກະຊວງ​ສຶກສາ​ທິການ​ໄດ້ເຕົ້າ​​​ໂຮມ​​ກັບຄະນະ​ກຳມະການ​ກິລາ - ກາຍຍະ​ສຶກສາ​ແຫ່ງ​ຊາດແລ້ວ​ ປ່ຽນ​ຊື່​ໃໝ່​ມາ​ເປັນ ກະຊວງ​ສຶກສາ​ທິການ ແລະ​ ກິລາ. ກົງຈັກ​ການຈັດຕັ້ງ ຂອງ​ ກະຊວງ​ໃໝ່​ນີ້ ປະກອບ​ດ້ວຍ 20 ກົມ ​ແລະ​ ຫົວໜ່ວຍ​ເທົ່າ​ກົມ ຄື:  ຫ້ອງການ​ກະຊວງ, ກົມ​ຈັດຕັ້ງ​ ແລະ ​ພະນັກງານ, ກົມ​ກວດກາ, ກົມ​ແຜນການ, ກົມ​ການ​ເງິນ, ກົມ​ພົວພັນ​ຕ່າງປະ​ເທດ, ກົມ​ອະນຸບານ ​ແລະ​ ປະຖົມ​ສຶກສາ, ກົມ​ມັດທະຍົມ​ສຶກສາ, ກົມ​ສ້າງ​ຄູ, ກົມ​ອາຊີວະ​ສຶກສາ, ກົມ​ການ​ສຶກສາ​ຊັ້ນສູງ, ກົມການ​ສຶກສານ​ອກ​ໂຮງຮຽນ, ກົມ​ພະລະ ​ແລະ ​ສິລະ​ປະ​ສຶກສາ, ກົມກິລາ​ມວນ​ຊົນ, ກົມ​ກິລາ​ລະດັບ​ສູງ, ກົມ​ກິດຈະການ​ນັກ​ສຶກສາ, ສະ​ຖາ​ບັນ​ຄົ້ນຄວ້າ​ວິທະຍາສາດ​ ການ​ສຶກສາ, ສະ​ຖາ​ບັນ​ພັດທະນາການ​ບໍລິຫານ​ການ​ສຶກສາ, ຫ້ອງການເລຂາ ທິການຄະນະກຳມາທິການ​ແຫ່ງ​ຊາດ​ລາວ ເພື່ອ​ອຸຍແນ​ດ ສະໂກ​ ແລະ ຫ້ອງການ​ປະສານ​ງານ​ກິລາ​ໂອ​ແລມປິກ​ແຫ່ງ​ຊາດ​ລາວ.

ໂຄງ​ປະກອບການ​ຈັດ​ຕັ້ງ

     ກົມ​ການ​ສຶກສາ​ຊັ້ນ​ສູງ ​ເປັນ​ກົມ​ໜື່ງ​ໃນ​ຈຳນວນ 20 ກົມ ​ແລະ ອົງການ​ເທົ່າ​ກົມ​ທີ່​ນອນ​ຢູ່​ໃນ​ໂຄງ​ປະກອບ​ຂອງ​ກົງຈັກ​ ການຈັດ​ຕັ້ງ​ຂອງ​ກະຊວງ​ສຶກສາ​ທິການ ​ແລະ ກິລາໃນ​ປີ 2011 ຊຶ່ງ​ມີ​ການ​ເຕົ້າ​ໂຮມ​ກັນ​ລະຫວ່າງ ກະຊວງ​ສຶກສາ​ທິການ ​ແລະ ຄະນະ​ກຳມາ​ທິການ​ກິລາ-ກາຍຍະກຳ​ແຫ່ງ​ຊາດ.

ກົມການ​ສຶກສາ​ຊັ້ນສູງປະກອບ​ດ້ວຍ 05 ພະ​ແນ​ກ

1.ພະແນກ ບໍລິຫານ

 2.ພະແນກ ວິຊາການ 

3.ພະແນກ ຄົ້ນຄວ້າ ແລະ ພັດທະນາ 

4.ພະແນກ ປະເມີນຜົນ  

5.ພະແນກ  ມາດຕະຖານ

D6

ຄະນະນຳພ້ອມດ້ວຍພະນັກງານວິຊາການ ກົມການສຶກສາຊັ້ນສູງ ກະຊວງສຶກສາທິການ ແລະ ກິລາ (2015)