ພະແນກ ສກຂ ຫົວພັນ ສຳເລັດງານແຂ່ງຂັນ ສິລະປະ-ວັນນະຄະດີ ສາຍນັກຮຽນສາມັນສຶກສາທົ່ວແຂວງຫົວພັນ ຄັ້ງທີ I ປະຈຳປີ 2019

 ງານແຂ່ງຂັນ ສິລະປະ-ວັນນະຄະດີ ສາຍນັກຮຽນສາມັນສຶກສາທົ່ວແຂວງຫົວພັນ ຄັ້ງທີ I ປະຈຳປີ 2019 ໄດ້ເປີດຂຶ້ນເປັນທາງການ ໃນລະຫວ່າງຄໍ່າຄືນຂອງວັນທີ 8-9 ກຸມພາ 2019 ຜ່ານມານີ້ ໂດຍພາ່ຍໃຕ້ການເປັນປະທານຂອງ ທ່ານ ມົນທອງ ລຽນຕິຄຸນ ຫົວໜ້າ ພະແນກສຶກສາທິການ ແລະ ກິລາແຂວງຫົວພັນ ເປັນກຽດເຂົ້າຮ່ວມຂອງ ທ່ານ ພູໂຊນ ທຳມະວິໄຊ ຄະນະປະຈຳພັກແຂວງ ຮອງເຈົ້າແຂວງຫົວພັນ, ມີຫົວໜ້າ ຫ້ອງການສຶກສາທິການ ແລະ ກິລາ ມາຈາກ ເມືອງທົ່ວແຂວງ, ຜູ້ ອຳນວຍການ ໂຮງຮຽນອ້ອມຂ້າງແຂວງ ຕະຫຼອດຮອດທີມນັກສິລະປະທີ່ເຂົ້າປະກວດ ແລະ ພໍ່-ແມ່ ປະຊາຊົນບັນດາເຜົ່າເຂົ້າຮ່ວມຢ່າງຫຼວງຫຼາຍ
ໃນພິທີ ທ່ານ ມົນທອງ ລຽນຕິຄຸນ ຫົວໜ້າ ພະແນກສຶກສາທິການື ແລະ ກິລາແຂວງ ໃນນາມປະທານພິທີ ໄດ້ຂຶ້ນມີຄຳເຫັນຕໍ່ງານແຂ່ງຂັນໃນຄັ້ງນີໃຫ້ຮູ້ວ່າ: ການຈັດງານແຂ່ງຂັນ ສິລະປະ-ວັນນະ ຄະດີ ສາຍນັກຮຽນສາມັນສຶກສາທົ່ວແຂວງຫົວພັນ ຄັ້ງທີ I ປະຈຳປີ2019 ໃນຄັ້ງນີ້ ແມ່ນເພື່ອເປັນການຊຸກຍູ້-ສົ່ງເສີມ ການຮຽນ-ການສອນ ສິລະປະ-ວັນນະຄະດີ, ສົ່ງເສີມນັກຮຽນຜູ້ທີ່ມີພອນສະຫວັນ ໄດ້ສະແດງອອກທາງດ້ານຄວາມສາມາດຂອງຕົນເອງ, ເປັນການແລກປ່ຽນບົດຮຽນລະຫວ່າງເມືອງກັບເມືອງ, ໂຮງຮຽນກັບໂຮງຮຽນ ເພື່ອພັດທະນາ ສິລະປະ-ວັນນະຄະດີ ເຊັ່ນ: ບົດຂັບລຳທ້ອງຖິ່ນ, ບົດເພງ, ບົດຟ້ອນ ໃຫ້ມີຄຸນນະພາບດີຂຶ້ນ ແລະ ຢູ່ຄຽງຄູ່ກັບຊາວແຂວງຫົວພັນ ຕະຫຼອດໄປ, ການດຳເນີິນການແຂ່ງຂັນໄດ້ດຳເນີນໄປເປັນເວລາ 2 ວັນ ຈິ່ງໄດ້ສຳເລັດລົງຢ່າງເປັນທາງການ, ຜ່ານການແຂ່ງຂັນຕົວຈິງສາມາດສະຫຼຸບຜົນການແຂ່ງຂັນໄດ້ດັ່ງນີ້ຄື: ລາງວັນຊະນະເລີດ ປະເພດບົດຟ້ອນທົ່ວໄປ ໄດ້ແກ່ ບົດຟ້ອນ: ກ້ຽວສາວໄຕດຳຕໍ່າຜ້າ ຈາກ ເມືອງຊຳໃຕ້ ໄດ້ຮັບຂັນ 1 ໜ່ວຍ ພ້ອມດ້ວຍເງິນສົດ 5.000.000 ກີບ, ອັນດັບທີ 2 ໄດ້ແກ່ ບົດຟ້ອນ: ຄວາມສາມມັກຄີແດນແຫ່ງວິລະຊົນ ຈາກ ເມືອງແອດ ໄດ້ຮັບເງິນສົດ 4.000.000 ກີບ, ອັນດັບທີ 3 ໄດ້ແກ່ ບົດຟ້ອນ: ເທີດທູນບຸນຄຸນພັກ ຈາກ ເມືອງວຽງໄຊ ໄດ້ຮັບເງິນສົດ 3.000.000 ກີບ ແລະ ລາງວັນທີ 4 ໄດ້ແກ່ ບົດຟ້ອນ: ນໍ້າມ່າແສນງາມ ຈາກເມືອງຊຽງຄໍ້ ໄດ້ຮັບເງິນສົດ2.000.000 ກີບ, ປະເພດບົດຟ້ອນ: ບັນດາເຜົ່າ: ລາງວັນຊະນະເລີດ ໄດ້ແກ່ ບົດຟ້ອນ: ສວນມອນເຜົ່າໄຕແດງ ຈາກ ໂຮງຮຽນມໍປາຍຕົວແບບແຂວງ ໄດ້ຮັບຂັບ 1 ໜ່ວຍ ພ້ອມດ້ວຍເງິນສົດ 5.000.000 ກີບ ອັນດັບທີ 2 ໄດ້ແກ່ ບົດຟ້ອນ: ວິຖີການດຳລົງຊີວິດຂອງເຜົ່າໄຕດຳ ຈາກ ເມືອງແອດ ໄດ້ຮັບເງິນສົດ 4.000.000 ກີບ, ອັນດັບທີ 3 ໄດ້ແກ່ ບົດຟ້ອນ: ເຜົ່າກຶມມຸມ່ວນຊື່ນບຸນກະເລິ ຈາກ ໂຮງຮຽນ ມສ ພັນຊຳ ໄດ້ຮັບເງິນສົດ 3.000.000 ກີບ ແລະ ລາງວັນທີ 4 ໄດ້ແກ່ ບົດຟ້ອນ: ສຽງແຄນມົ້ງ ຈາກ ເມືອງວຽງໄຊ ໄດ້ຮັບເງິນສົດ2.000.000 ກີບ, ປະເພດບົດຂັບລຳທ້ອງຖິ່ນ: ລາງວັນຊະນະເລີດ ໄດ້ແກ່ ບົດຂັບ: ເຊີນທ່ຽວເມືອງແອດ ຈາກ ເມືອງແອດ ໄດ້ຮັບຂັບ1 ໜ່ວຍ ພ້ອມດ້ວຍເງິນສົດ 2.000.000 ກີບ, ອັນດັບທີ 2 ໄດ້ແກ່ ບົດຂັບ: ເຊີນທ່ຽວເມືອງວຽງໄຊ ຈາກ ເມືອງວຽງໄຊ ໄດ້ຮັບເງິນສົດ1.500.000 ກີບ, ອັນດັບທີ 3 ໄດ້ແກ່ ບົດຂັບ: ຊຳໃຕ້ສວຍງາມ ແລະ ຮັ່ງມີິ ຈາກ ເມືອງຊຳໃຕ້ ໄດ້ຮັບເງິນສົດ 1.000.000 ກີບ ແລະ ລາງວັນທີ 4 ໄດ້ແກ່ ບົດຂັບ: ພັນລະນາຕົວເມືອງຊຳເນືອ ຈາກ ໂຮງຮຽນມໍປາຍຕົວແບບແຂວງ ໄດ້ຮັບເງິນສົດ 500.000 ກີບ, ປະເພດບົດເພງ: ລາງວັນຊະນະເລີດ ໄດ້ແກ່ ບົດເພງ: ບຸນຄຸນຄູ ຈາກ ເມືອງຮ້ຽມ ໄດ້ຮັບຂັບ 1 ໜ່ວຍ ພ້ອມດ້ວຍເງິນສົດ 2.000.000 ກີບ ອັນດັບທີ 2 ໄດ້ແກ່ ບົດເພງສຽງນີ້ຈາກເມືອງວຽງໄຊ: ຈາກ ເມືອງວຽງໄຊ ໄດ້ຮັບເງິນສົດ 1.500.000 ກີບ, ອັນດັບທີ 3 ໄດ້ແກ່ ບົດເພງ: ສະຫຼອງ 7 ຕຸລາ ຈາກ ເມືອງແອດ ໄດ້ຮັບເງິນສົດ 1.000.000 ກີບ ແລະ ລາງວັນທີ 4 ໄດ້ແກ່ ບົດເພງ: ສະບາຍດີຊຳເໜືອ ຈາກໂຮງຮຽນ ມສ ພັນຊຳ ໄດ້ຮັບເງິນສົດ 500.000 ກີບ, ໃຫ້ກຽດຂຶ້ນມອບລາງວັນໂດຍ: ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ ແລະ ທ່ານ ສົມເພັດ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາແຂວງ ຢ່າງສົມກຽດຕາມລຳດັບ.
ໂອກາດນີ້ການນຳ ພະແນກສຶກສາທິການ ແລະ ກິລາສແຂວງ ຍັງໄດ້ມອບໃບຍ້ອງໃຫ້ແຕ່ລະຫົວໜ່ວຍສິລະປະທີ່ໄດ້ເຂົ້າຮ່ວມງານປະກວດໃນຄັ້ງນີ້ນຳອີກ.

You May Also Like

Leave a Reply

Your email address will not be published. Required fields are marked *