ພະແນກສຶກສາທິການແລະກິລາແຂວງເຊກອງ (ສກຂ) ຈັດອົບຮົມການ ສ້າງຄວາມເຂັ້ມແຂງດ້ານຄອມພິວເຕີໃຫ້ຄູ - ອາ ຈານ ໃນຂະແໜງການສຶກສາ ທົ່ວແຂວງຄັ້ງທີ 4 ເພື່ອເປັນການ ພັດທະນາ ໃຫ້ພະນັກງານລັດທະກອນ ໃນຂະ ແໜງ ການສຶກສາໄດ້ຫຍັບໝໍ່ເຂັ້າກັບວຽກງານ ICTຫຼາຍຂຶ້ນ, ພ້ອມນັ້ນກໍ່ເພື່ອເປັນການຮັບປະກັນການກືກຄອມພິວເຕີ ໃຫ້ບຸກຄະລາ ກອນສຶກສາ ສາມາດ ນໍາໃຊ້ຄອມພິວເຕີເຂົ້າໃນວຽກງານຂອງຕົນເອງໄດ້ໃນລະດັບພື້ນຖານ.

ໃນວັນທີ 14 ພຶກສະພາ ຜ່ານມາ ພະແນກສຶກສາທິການ ແລະກິລາແຂວງ ໄດ້ຈັດອົບຮົມສ້າງຄວາມເຂັ້ມແຂງດ້ານຄອມ ພິວເຕີ ໃຫ້ ຄູ - ອາຈານ ໃນຂະແໜງການສຶກສາທົ່ວແຂວງ ທີ່ສູນ ICT ພະແນກສຶກສາທິການແລະກິລາແຂວງ ພາຍໃຕ້ການເຂົ້າ ຮ່ວມແລະເປັນປະທານຂອງ ທ່ານ ນ.ວັນເພັງ ທອງສີ ຮອງຫົວໜ້າພະແນກສຶກສາທິການແລະກິລາແຂວງ,ທ່ານ ເທບພະລັກ ນ້ອຍມະໄລພັນ ຜູ້ອໍານວຍການ ສູນ ICT ພະແນກສຶກສາ ທິການ ແລະ ກິລາແຂວງພ້ອມຄະນະ,ຄູຝຶກແລະພະນັກງານຄູ-ອາຈານໃນຂະແໜງການສຶກສາ ທົ່ວແຂວງຫຼາຍກ່ວາ 30 ຄົນ ເຂົ້າຮ່ວມ,ໃນການເປີດອົບຮົມຄັ້ງນີ້ ທ່ານ ນ. ວັນເພັງທອງສີ ໄດ້ກ່າວຕ້ອນຮັບແຂກພ້ອມທັງສະເໜີຈຸດປະສົງຂອງກອງປະຊຸມອົບຮົມ ແນໃສ່ເພື່ອສ້າງໃຫ້ພະນັກງານ ຄູ - ອາຈານໃນຂະແໜງການສຶກສາທົ່ວແຂວງສາມາດນໍາໃຊ້ຄອມພິວເຕີເຂົ້າໃນການເຮັດວຽກຂອງຕົນເອງໃນລະດັບພຶ້ນຖານແລະຮູ້ຄ່ອຍໆພັດທະນາຂຶ້ນໄປເລື້ອຍໆຈາກນັ້ນ ທ່ານຍັງໄດ້ໂອ້ລົມ ຕໍ່ກອງປະ ຊຸມ ເຊິ່ງ: ໄດ້ເນັ້ນໃຫ້ ຄູ-ອາຈານ ກໍາໄດ້ທິດສະດີ ແລະ ຫຼັກການໃນການນໍາໃຊ້ຄອມພິວເຕີແມ່ນເປັນວຽກງານໜຶ່ງທີ່ຫຼໍ່ແຫຼມແລະສໍາຄັນໃນປະຈຸບັນນີ້, ພ້ອມນັ້ນທ່ານຍັງເນັ້ນ ໃຫ້ສໍາມະນາກອນທຸກພາກສ່ວນ,ເອົາໃຈໃສ່ແລະພ້ອມ ກັນ ຕັ້ງໜ້າຮໍ່າຮຽນແລະແລກປ່ຽນບົດຮຽນໃຫ້ຫຼາຍນໍາເອົາເນື້ອໃນທີ່ໄດ້ ອົບຮົມມານັ້ນໄປຜັນຂະຫຍາຍໃນທ້ອງຖິ່ນໃຫ້ໄດ້ຮັບຜົນສໍາເລັດຕາແຜນ ການທີ່ວາງໄວ້.

ສໍາລັບກອງປະຊຸມດັ່ງກ່າວ ແມ່ນໄດ້ດໍາເນີນເປັນເວລາ 10 ວັນ ( ວັນທີ 14 ຫາ 23 ພຶດສະພາ 2019 ),ເຊິ່ງ ໃນກອງປະຊຸມໄດ້ດໍາເນີນໄປຄື: ຮຽນຮູ້ຄວາມໝາຍ ຄວາມສໍາຄັນຂອງ ໂປຼແກຼມປະ ມວນສັບ,ການສ້າງເອກະສານແລະເກັບຮັກສາເອກະສານ,ການ ຈັດຮູບແບບຂໍ້ຄວາມຕ່າງໆ, ຮຽນຮູ້ການສ້າງຕາຕະລາງ ຄວາມຮູ້ເບື້ອງຕົ້ນກ່ຽວກັບ Micr0s0ft Excell, ການນໍາໃຊ້, Funti0n tool,ໜ້າທີ່ຂອງເຄື່ອງມືຕ່າງໆ, ການສ້າງແຜນພູມ, ຮຽນຮູ້ໂປຼແກມP0wer pi0nt,ການສ້າງແລະຈັດການ presentation,ການຈັດຮູບແບບ Slide, ການຈັດຮູບແບບຂໍ້ຄວາມ ແລະ ການຕົບ ແຕ່ງ slide ຮູບພາບຕ່າງໆ.

ໂດຍ: ພູຜ່ານ ( ຂ. ເຊກອງ )