qr code

 

​   ໃນ​ພິທີ​ທ່ານ ​ບຸນ​ທະວີ ​ໂສພາ​ ​ຜູ້ອຳນວຍການສູນ​ໄອ​ຊີ​ທີ ​ ​ພະແນກສຶກສາທິການ ແລະ ກິລາ ແຂວງ​ໄຊ​ຍະ​ບູລີ ໄດ້​ຂື້ນຜ່ານ​ບົດ​ສະຫຼຸບຜົນສຳເລັດການຈັດ​ຕັ້ງການ​ຮຽນ-ການ​ສອນ ໂດຍປະຕິບັດຕາມທິດຊີ້ນຳຂອງທ່ານລັດທະມົນຕີກະຊວງສຶກສາທິການ ແລະ ກິລາ ກໍ່ຄືຂອງພະແນກສຶກສາທິການ ແລະ ກິລາ ແຂວງ ກ່ຽວກັບການນຳໃຊ້ໄອຊີທີເຂົ້າໃນການປັບປຸງຄຸນນະພາບການສຶກສາ ຈຸດປະ​ສົງ​ເພື່ອ​ສ້າງ​ໃຫ້ ຜູ້​ບໍລິຫານ​ການ​ສຶກສາ ​ແລະ ພະນັກງານ​ວິຊາ​ການ​ຂອງ​ຂະ​ແໜງການ​ສຶກສາ​ ​ເວົ້າລວມ​ເວົ້າສະ​ເພາະ​ຫ້ອງການສຶກສາທິການ ແລະ ກິລາ ເມືອງໄຊຍະບູລີ, ໂຮງຮຽນມັດທະຍົມສຶກສາສົມອອ້ມຂ້າງເທດເມືອງໄຊຍະບູລີ ແລະ ໂຮງຮຽນປະຖົມສຶກສາ​ໃຫ້​ມີ​ຄວາມ​ຮູ້​ຄວາມ​ສາມາດ​ໃນ​ການ​ນຳ​ໃຊ້​ຄອມ​ພິວ​ເຕີ ​ແລະ ລະບົບ​ໄອ​ທີ ​ເຂົ້າ​ໃນ​ການ​ພັດທະນາ​ວຽກງານ​ຂອງ​ຕົນ​ຮັບຜິດຊອບ ​ເຊິ່ງ​ໄດ້​ເລີ່​ມ​ການຮຽນ-ການ​ສອນມາ​ແຕ່​ເດືອນ ກຸມພາ ເຖິງ ​ເດືອນ​ພຶດສະພາ 2019 ​ໂດຍ​ມີ​ຜູ້​ເຂົ້າຮຽນ ທັງໝົດ 32 ທ່ານ, ຍິງ 20 ທ່ານ ໃນນີ້ມາຈາກໂຮງຮຽນເທດສະບານເມືອງໄຊຍະບູລີ 09 ແຫ່ງ ​ແລະ ປະກອບ​ມີ 02 ຫ້ອງ​ຮຽນ ດ້ວຍ​ໄດ້​ຈັດ​ແບ່ງ​ຕາມ​ຄວາມ​ຮູ້​ຂັນພື້ນຖານ​ດ້ານ​ການ​ນຳ​ໃຊ້​ຄອມ​ພິວ​ເຕີ​ມາ​ກ່ອນ ຜູ້​ເຂົ້າຮຽນຄັ້ງນີ້​ໄດ້​ສຶກສາ​ຮຽນຮູ້ ​ໂຄງ​ການ​ຫຼັກສູດທັງໝົດ 72 ຊົ່ວ​ໂມງ ຄື: ຄວາມ​ຮູ້​ພື້ນຖານ​ກ່ຽວກັບ​ຄອມ​ພິວ​ເຕີ ​ແລະ ການ​ນຳ​ໃຊ້ ​ໄມ​ໂຄ​ຊອບ​ເວີ​ດ (Microsoft word), ​ໄມ​ໂຄ​ຊອບ​ເອັກ​ຊຽວ(Microsoft Excel), ​ໄມ​ໂຄ​ຊອບ​ພາ​ເວີ​ພອຍ (Microsoft powerpoint), ການ​ນຳ​ໃຊ້​ອິນ​ເຕີ​ເນັດ (internet) ຫຼັງຈາກ​ນັ້ນກໍ​ມີ​ການ​ສອບ​ເສັງ​ຈົບ​ໂຄງ​ການຫຼັກສູດສາມາດ​ສະຫຼຸບ​ໄດ້​ດັ່ງນີ້: ​ໄດ້​ປະ​ເພດ​ດີຫຼາຍມີ 11 ທ່ານ, ຍິງ 5 ທ່ານ, ​ປະ​ເພດ​ດີ 21 ທ່ານ ​, ຍິງ 15 ທ່ານ,

        ຕອນ​ທ້າຍ​ພິທີ​ທ່ານ ພັນ ດວງຕາ ຮອງຫົວໝ້າພະ​ແນ​ກສຶກສາ​ທິການ ​ແລະ ກິລາ ​ແຂວງໄຊຍະບູລີ ​ໄດ້​ໃຫ້ກຽດມອບ​-ຮັບ​ໃບຢັ້ງຢືນ, ໃບຍ້ອງຍໍໃຫ້ສຳລັບຜູ້ທີ່ມີຄະແນນດີເດັ່ນ ແລະ ​ໂອ້​ລົມ​ຕໍ່​ພິທີ​​ ກ່ອນອື່ນໝົດທ່ານກໍ່​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ ມາ​ຍັງ​ຄະນະ​ຮັບຜິດຊອບສູນ, ພະນັກ​ງານ​ວິຊາ​ການ, ຜູ້ທີ່​ສຳ​ເລັດ​ການ​ຮຽນ ​ແລະ ຮຽກຮອ້ງ​ໃຫ້ຜູ້​ທີ່​ຜ່ານການຮໍ່າຮຽນໃນຄັ້ງນີ້ ຈົ່ງໝູນໃຊ້ຄວາມຮູ້, ຄວາມ​ສາມາດ ​ແລະ ບົດຮຽນ​​ທີ່ໄດ້ຮຽນໄປຈັດຕັ້ງປະຕິບັດນຳໃຊ້ເຂົ້າໃນ​ວຽກງານ​ທີ່​ຕົນເອງ​ຮັບຜິດຊອບ, ປະກອບສ່ວນສ້າງສາພັດທະນາວຽກງານການສຶກສາ ແລະ ກິລາ ຂອງແຂວງໄຊຍະບູລີໃຫ້​ມີຜົນສຳ​ເລັດຕາມຄາດໝາຍ.

​ໂດຍ: ນາລີ ​ແພງ​ວິ​ໄລ

020 9999 4226