qr code

ໃນ​ພິທີ​ທ່ານ ​ບຸນ​ທະວີ ​ໂສພາ​ ​ຜູ້ອຳນວຍການສູນ​ໄອ​ຊີ​ທີ ​ທີ ​ພະແນກສຶກສາທິການ ແລະ ກິລາ ແຂວງ​ໄຊ​ຍະ​ບູລີ ໄດ້​ຂື້ນຜ່ານ​ບົດ​ສະຫຼຸບການຈັດ​ຕັ້ງການ​ຮຽນ-ການ​ສອນ ຈຸດປະ​ສົງ​ເພື່ອ​ສ້າງ​ໃຫ້ ຜູ້​ບໍລິຫານ​ການ​ສຶກສາ ​ແລະ ພະນັກງານ​ວິຊາ​ການ​ຂອງ​ຂະ​ແໜງການ​ສຶກສາ​ ​ເວົ້າລວມ​ເວົ້າສະ​ເພາະ​ຫ້ອງການສຶກສາທິການ ແລະ ກິລາ ເມືອງໄຊຍະບູລີ, ໂຮງຮຽນມັດທະຍົມສຶກສາ ສົມບູນອ້ອມຂ້າງເທດເມືອງໄຊຍະບູລີ ແລະ ໂຮງຮຽນປະຖົມສຶກສາ​ໃຫ້​ມີ​ຄວາມ​ຮູ້​ຄວາມ​ສາ ມາດ​ໃນ​ການ​ນຳ​ໃຊ້​ຄອມ​ພິວ​ເຕີ ​ແລະ ລະບົບ​ໄອ​ທີ ​ເຂົ້າ​ໃນ​ການ​ພັດທະນາ​ວຽກງານ​ຂອງ​ຕົນ​ຮັບຜິດຊອບ ​ເຊິ່ງ​ໄດ້​ເລີ່​ມ​ການຮຽນ-ການ​ສອນມາ​ແຕ່​ເດືອນ ກັນຍາ 2017 ຫາ ​ເດືອນ​ມັງກອນ 2018 ​ໂດຍ​ມີ​ຜູ້​ເຂົ້າຮຽນ ທັງໝົດ 46 ຄົນ, ຍິງ 31 ຄົນ ໃນນີ້ມາຈາກໂຮງຮຽນເທດສະບານ ເມືອງໄຊຍະບູລີ ​ແລະ ປະກອບ​ມີ 2 ຫ້ອງ​ຮຽນ ດ້ວຍ​ໄດ້​ຈັດ​ແບ່ງ​ຕາມ​ຄວາມ​ຮູ້​ຂັນພື້ນຖານ​ດ້ານ​ການ​ນຳ​ໃຊ້​ຄອມ​ພິວ​ເຕີ​ມາ​ກ່ອນ ຜູ້​ເຂົ້າຮຽນຄັ້ງນີ້​ໄດ້​ສຶກສາ​ຮຽນຮູ້ ​ໂຄງ​ການ​ຫຼັກສູດທັງໝົດ 72 ຊົ່ວ​ໂມງ ຄື: ຄວາມ​ຮູ້​ພື້ນຖານ​ກ່ຽວກັບ​ຄອມ​ພິວ​ເຕີ ​ແລະ ການ​ນຳ​ໃຊ້ ​MicrosoftOffice (MS Word, MS Excel, MS PowerPoint), ການ​ນຳ​ໃຊ້​ອິນ​ເຕີ​ເນັດ (Internet), ການນຳໃຊ້ Adobe Acrobat ແລະ ຄວາມຮູ້ພື້ນຖານກ່ຽວກັບການບຳລຸງຮັກສາ ຫຼັງຈາກ​ນັ້ນກໍ​ມີ​ການ​ສອບ​ເສັງ​ຈົບ​ໂຄງ​ການຫຼັກສູດສາມາດ​ສະຫຼຸບ​ໄດ້​ດັ່ງນີ້: ​ໄດ້​ປະ​ເພດ​ດີຫຼາຍມີ: ໄດ້ປະເພດດີຫຼາຍ 18 ຄົນ, ຍິງ 12 ຄົນ, ​ໄດ້​ປະ​ເພດ​ດີ 16 ຄົນ​, ຍິງ 12 ຄົນ, ​ໄດ້​ປະ​ເພດ​ກາງ 12 ຄົນ, ຍິງ 7 ຄົນ ແລະ ໄດ້ຮັບໃບຍ້ອງຍໍ ຈຳນວນ 18 ຄົນ.

​ຕອນ​ທ້າຍ​ພິທີ​ທ່ານ ກາບແກ້ວ ສີບຸນມາ ຫົວໝ້າພະ​ແນ​ກສຶກສາ​ທິການ ​ແລະ ກິລາ ​ແຂວງໄຊຍະບູລີ ​ໄດ້​ໃຫ້ກຽດມອບ​-ຮັບ​ໃບຢັ້ງຢືນ ແລະ ​ໂອ້​ລົມ​ຕໍ່​ພິທີ​​ ກ່ອນອື່ນໝົດທ່ານກໍ່​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ ມາ​ຍັງ​ຄະນະ​ຮັບຜິດ ຊອບສູນ, ພະນັກ​ງານ​ວິຊາ​ການ, ຜູ້ທີ່​ສຳ​ເລັດ​ການ​ຮຽນ ​ແລະ ເໜັ້ນໜັກ​ໃຫ້ຜູ້​ທີ່​ສຳ​ເລັດ​​ຮຽນໃນຄັ້ງນີ້ ຈົ່ງນຳໃຊ້ຄວາມຮູ້, ຄວາມ​ສາມາດ ​ແລະ ບົດຮຽນ​ເຂົ້າ​ໃນ​ວຽກງານ​ທີ່​ຕົນເອງ​ຮັບຜິດຊອບໃຫ້​ມີຜົນສຳ​ເລັດ ພ້ອມ​ທັງ​ມອບໃບ​ຍ້ອງຍໍໃຫ້ສຳລັບຜູ້ທີ່ມີຄະແນນດີເດັ່ນ ຂັ້ນ​ຫົວໜ້າພະ​ແນ​ກສຶກສາ​ທິການ ​ແລະ ກິລາ​ແຂວງ ​

​ໂດຍ: ນາລີ ​ແພງ​ວິ​ໄລ

020 9999 4226