qr code

​​     ທ່ານ ​ບຸນ​ທະວີ ​ໂສພາ​ ​ຜູ້ອຳນວຍການສູນ​ໄອ​ຊີ​ທີ ​​ພະແນກສຶກສາທິການ ແລະ ກິລາ ແຂວງ​ໄຊ​ຍະ​ບູລີ ໄດ້​ຂື້ນ ຜ່ານ​ບົດ​ສະຫຼຸບ ການຈັດ​ຕັ້ງການ​ຮຽນ-ການ​ສອນ ຈຸດປະ​ສົງ​ເພື່ອ​ສ້າງ​ໃຫ້ ຜູ້​ບໍລິຫານ​ການ​ສຶກສາ ​ແລະ ພະນັກ ງານ​ວິຊາ​ການ​ຂອງ​ຂະ​ແໜງການ​ສຶກ ສາ​ ​ເວົ້າລວມ​ເວົ້າສະ​ເພາະ​ຫ້ອງການສຶກສາທິການ ແລະ ກິລາ ເມືອງໄຊຍະບູລີ, ໂຮງຮຽນມັດທະຍົມສຶກສາສົມອອ້ມຂ້າງເທດສະ ບານເມືອງໄຊຍະບູລີ ແລະ ໂຮງຮຽນປະຖົມສຶກສາ​ໃຫ້​ມີ​ຄວາມ​ຮູ້​ຄວາມ​ສາມາດ​ໃນ​ການ​ນຳ​ໃຊ້​ຄອມ​ພິວ​ເຕີ ​ແລະ ລະບົບ​ໄອ​ທີ ​ເຂົ້າ​ໃນ​ການ​ພັດທະນາ​ວຽກງານ​ຂອງ​ຕົນຮັບຜິດ ຊອບເພື່ອເປັນການເສີມສ້າງຄວາມຮູ້ຄວາມສາມາດໃນການສຶກສາຄົ້ນຄວ້າຮໍ່າຮຽນ ດ້ວຍຕົນເອງຈາກບັນດາແຫຼ່ງ ຂໍ້ມູນຕ່າງໆທັງພາຍໃນ ແລະ ຕ່າງປະເທດ ​ເຊິ່ງ​ສູນໄອຊີທີ ໄດ້​ເລີ່​ມ​ການຮຽນ-ການ​ສອນມາ​ແຕ່​ເດືອນ ມີນາຫາ ເດືອນ​ ພຶດສະພາ 2018 ​ໂດຍ​ມີ​ຜູ້​ເຂົ້າຮຽນທັງໝົດ 23 ຄົນ, ຍິງ 15 ຄົນ ໃນນີ້ມາຈາກໂຮງຮຽນເທດສະບານ ເມືອງໄຊ ຍະບູລີ 10 ແຫ່ງ​ແລະ ປະກອບ​ມີ 1 ຫ້ອງ​ຮຽນ ຜູ້​ເຂົ້າຮຽນຄັ້ງນີ້​ໄດ້​ສຶກສາ​ຮຽນຮູ້ ​ໂຄງ​ການ​ຫຼັກສູດທັງ ໝົດ 72 ຊົ່ວ​ໂມງ ຄື: ຄວາມ​ຮູ້​ພື້ນຖານ​ກ່ຽວກັບ​ຄອມ​ພິວ​ເຕີ ​ແລະ ການ​ນຳ​ໃຊ້ ​ໄມ​ໂຄ​ຊອບ​ເວີ​ດ (Microsoft word), ​ໄມ​ໂຄ​ຊອບ​ເອັກ​ຊຽວ(Microsoft Excel), ​ໄມ​ໂຄ​ຊອບ​ພາ​ເວີ​ພອຍ (Microsoft powerpoint), ການ​ນຳ​ໃຊ້​ອິນ​ເຕີ​ເນັດ (internet),ການນໍາໃຊ້ອາດູບີ Adobe Acrbat, ຄວາມຮູ້ພື້ນຖານກ່ຽວກັບການບຳລຸງ ຮັກສາ ຫຼັງຈາກ​ນັ້ນກໍ​ມີ​ການ​ສອບ​ເສັງ​ຈົບ​ໂຄງ​ການຫຼັກສູດສາມາດ​ສະຫຼຸບ​ໄດ້​ດັ່ງນີ້: ໄດ້ປະເພດດີຫຼາຍ 6 ຄົນ, ຍິງ 4 ຄົນ, ​​ປະ​ເພດ​ດີ 10 ຄົນ​, ຍິງ 7 ຄົນ, ​ປະ​ເພດ​ກາງ 6 ຄົນ, ຍິງ 4 ຄົນ ແລະ ໄດ້ຮັບໃບຍ້ອງຍໍ ຈຳນວນ 6 ຄົນ.

​     ໂອກາດດຽວກັນນີ້ທ່ານ ກາບແກ້ວ ສີບຸນມາ ຫົວໝ້າພະ​ແນ​ກສຶກສາ​ທິການ ​ແລະ ກິລາ ​ແຂວງໄຊຍະ ບູລີ ​ໄດ້​ໃຫ້ກຽດມອບ​-ຮັບ​ໃບຢັ້ງຢືນ ແລະ ​ໂອ້​ລົມ​ຕໍ່​ພິທີ​​ ເຊິ່ງກ່ອນອື່ນໝົດທ່ານກໍ່​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ ມາ​ຍັງ​ຄະນະ​ຮັບຜິດຊອບສູນ, ພະນັກ​ງານ​ວິຊາ​ການ, ຜູ້ທີ່​ສຳ​ເລັດ​ການ​ຮຽນໃນຄັ້ງນີ້ຈົ່ງນຳໃຊ້ຄວາມຮູ້, ຄວາມ​ສາມາດ ​ແລະ ບົດຮຽນທີ່ໄດ້ຮຽນມານັ້ນໄປໝູນໃຊ້​ເຂົ້າ​ໃນ​ວຽກງານ​ທີ່​ຕົນເອງ​ຮັບຜິດຊອບໃຫ້​ມີຜົນສຳ​ເລັດດີຂື້ນ ເພື່ອປະກອບສ່ວນສ້າງສາພັດທະນາແຂວງໄຊຍະບູລີ ໃຫ້ມີຜົນສຳ ເລັດຕາມຄາດໝາຍ ພ້ອມ​ທັງ​ມອບ​ຍ້ອງຍໍໃຫ້ສຳລັບຜູ້ທີ່ມີຄະແນນດີເດັ່ນ ຂັ້ນ​ຫົວໜ້າພະ​ແນ​ກສຶກສາ​ທິການ ​ແລະ ກິລາ​ແຂວງຕື່ມອີກ. ​

​ໂດຍ: ນາລີ ​ແພງ​ວິ​ໄລ

020 9999 4226