ການເຄື່ອນໄຫວຕ່າງໆ

ພິທີການເປີດ ຫ້ອງວາງສະແດງ ອຸປະກອນວິທະຍາສາດ ແລະ ອຸປະກອນການຮຽນ -​ ການສອນ ວັນທີ 13/10/2017
This bridge is very long
ພິທີການເປີດ ຫ້ອງວາງສະແດງ ອຸປະກອນວິທະຍາສາດ ແລະ ອຸປະກອນການຮຽນ -​ ການສອນ ວັນທີ 13/10/2017
This slideshow uses a JQuery script adapted from Pixedelic

22015253 1209625715806245 1592370208 o

 

          ຄະນະຊາວໜຸ່ມ ປະຊາຊົນ ປະຕິວັດລາວ ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມ​ສ່ອງ​ແສງປະ​ຈໍາ​ໄຕ​ມາດ​ທີ
3 ​ເພື່ອຕີ​ລາຄາ​ສະພາບ​ການຈັດ​ຕັ້ງ​ປະຕິບັດ​ແຜນການ 3 ເດືອນ (ກໍລະກົດ ຫາ ກັນຍາ 2017) ​ແລະ ສືບ​ຕໍ່​ຈັດ​ຕັ້ງ​ປະຕິບັດວາງ​ທິດ​ທາງແຜນ
ການ​ປະ​ຈໍາ​ໄຕ​ມາດ​ທີ 4 ​ໃນ​ໄລຍະ 3 ​ເດືອນ(ຕຸລາ ຫາ ທັນວາ 2017)ແນ​ໃສ່​ເຮັດ​ໃຫ້ການສືບ​ຕໍ່ເຄື່ອນ​ໄຫວ​ວຽກ​ງານ​ໃນ​ແຕ່​ລະ​ດ້ານສາມາດ​
ບັນລຸ​ຕາມ​ເປົ້າ​ໝາຍ​ທີ່​ຕັ້ງ​ໄວ້.

         ກອງ​ປະຊຸມ​ດັ່ງກ່າວ, ​ໄດ້​ຈັດ​ຂຶ້ນ​ເມື່ອ​ວັນທີ 22 ກັນຍາ ຜ່ານ​ມາ ທີ່ຕຶກອະທິການບໍດີ ມະຫາວິທະຍາໄລແຫ່ງຊາດ (ມຊ)  ນະຄອນ
ຫຼວງວຽງຈັນ​, ພາຍໃຕ້​ການ​ເປັນ​ປະທານ​ຂອງ​ສະຫາຍ ປອ. ສໍາລານ ພັນ​ຄະ​ວົງ ຄະນະ​ພັກກະຊວງ​ສຶກສາ​ທິການ​ແລະ ກິລາ, ​ຄະນະ​ບໍລິຫານ
​ງານ​ສູນ​ກາງ​ຊາວໝຸ່ມປະຊາຊົນ ​ປະຕິວັດ​ລາວ,ທັງ​ເປັນ​ເລຂາຄະນະ​ບໍລິຫານ​ງານ​​ຊາວໝຸ່ມປະຊາຊົນປະຕິວັດ​ລາວກະຊວງ​ສຶກສາ​ທິການ​ແລະ
ກິລາ, ມີສະຫາຍ ຮສ. ​ໂພ​ສີ ທິບ​ດາ​ວັນ ຄະນະ​ພັກ ມຊ, ທັງ​ເປັນ​ຜູ້​ຊີ້​ນໍາ​ວຽກ​ງານ​ອົງການ​ຈັດ​ຕັ້ງ​ຊາວ​ໜຸ່ມ ມຊຄະນະບໍລິຫານ​ງານ​​​ຊາວໝຸ່ມ
ປະຊາຊົນ​ປະຕິວັດ​ລາວ ກະຊວງ​ສຶກສາ​ທິການ ​ແລະ ກິລາ,  ຕາງໜ້າໜ່ວຍຮາກ​ຖານຊາວໜຸ່ມສໍານັກ ກະຊວງ,​ມະ​ຫາ​ວິທະຍາ​ໄລ​ແຫ່ງ​ຊາດ,
​ວິທະຍາ​ໄລ​ພາກ​ເອກະ​ຊົນ,ວິທະຍາ​ໄລອ້ອມຂ້າງກະຊວງ ​ແລະ ​ສະມາຊິກ​ຊາວ​ໝຸ່ມ​ແຕ່ລະ​ຮາກ​ຖານເຂົ້າຮ່ວມ 60 ສະຫາຍ.    

         ກອງ​ປະຊຸມດັ່ງ​ກ່າວ​, ໄດ້ຕີ​ລາ​​ຄາ​ຄືນການຈັດ​ຕັ້ງ​ປະຕິບັດ​ວຽກ​ງານ 3 ​ເດືອນ​ ​ໃນ​ແຕ່​ລະ​ດ້ານ ​ເປັນ​ຕົ້ນ​ແມ່ນ ດ້ານ​ວຽກງານ​ສຶກສາ​ອົບ
ຮົມ​ການ​ເມືອງ​ແນວ​ຄິດ, ດ້ານວຽກ​ງານ​ປັບປຸງ​ການຈັດ​ຕັ້ງ,  ດ້ານ​ວຽກ​ງານ​ວິຊາ​ສະ​ເພາະ  ​ແລະ  ​ດ້ານ​ການ​ນໍາພາ​ຊາວ​ໜຸ່ມເຂົ້າ​ຮ່ວມ​ຂະ​ບວນ
ການ​ຕ່າງໆ. ​ໃນນັ້ນ, ຕາງໜ້າ​ຮາກ​ຖານ ຊປປລ ສໍານັກ ກະຊວງ ສສກ ​ໄດ້​ລາຍ​ງານ​ວຽກ​ງານ​ທີ່​ພົ້ນ​ເດັ່ນໃນ​ໄລຍະ​ຜ່ານ​ມາ, ​ເຊິ່ງ​ໄດ້ມີ​ການຈັດ​
ຕັ້ງ​ເຄື່ອນ​ໄຫວ​ວຽກ​ງານ​ດ້ວຍ​ຫຼາຍ​ຮູບ​ການ ​ເປັນ​ຕົ້ນ​ແມ່ນ​ໄດ້​ເຂົ້າ​ຮ່ວມ​ຮໍ່າຮຽນ, ​ເຊື່ອມ​ຊຶມ,​ເຜີຍ​ແຜ່​ມະຕິ, ຄໍາ​ສັ່ງ, ລະບຽບ,ກົດໝາຍ​ຕ່າງໆ
​ແລະ ນິຕິ​ກໍາ​ອື່ນໆ​ຂອງພັກຂອງ​ລັດ ​ແລະ ​ເຂົ້າ​ຮ່ວມ​ອວຍພອນ​ເນື່ອງ​ໂອກາດວັນ​ສໍາຄັນ​ຕ່າງໆ​ຂອງ​ຊາດ​ຫຼາຍຄັ້ງ​ຫຼາຍ​ເທື່ອ​ຄົນ. ນອກຈາກ​ນັ້ນ,
ຍັງ​ໄດ້​ລາຍ​ງານ​ການ​ເຄື່ອນ​ໄຫວ​ບັນດາ​ກິດຈະ​ກໍາ​ທີ່​ພົ້ນ​ເດັ່ນ ​ແລະ ສະຫຼຸບ​ຖອດ​ຖອນ​ບົດຮຽນ,ພ້ອມ​ທັງ​ຄົ້ນຄວ້າ​ແກ້​ໄຂ​ບາງ​ວຽກ​ງານທີ່​ຍັງ​ຄົງ
​ຄ້າງ​ຂອງ​ຄະນະ​ບໍລິຫານ​ງານ​ຊາວ​ໜຸ່ມ​ປະຊາຊົນ​ ປະຕິວັດ​ລາວ ກະຊວງ​ສຶກສາ​ທິການ ​ແລະ ກິລາ.

         ນອກຈາກ​ນັ້ນ, ​ ຕາງໜ້າ​ຈາກຄະນະ​ບໍລິຫານ​ງານ​ຊາວ​ໜຸ່ມ ​ມະຫາວິທະຍາ​ໄລ​ແຫ່ງ​ຊາດ  ​ໄດ້​ລາຍ​ງານ​ຜົນງານ​ການ​ເຄື່ອນ​ໄຫວ​ວຽກ​
ງານ, ​ໂດຍໄດ້​ຖື​ເອົາ​ການ​ສຶກສາ​ອົບຮົມ​ການ​ເມືອງ​ແນວ​ຄິດ​ເປັນ​ບັນຫາ​ສໍາຄັນ ​ແລະ ​ຕິດ​ພັນ​ກັບ​ຂະ​ບວນການ​ເຄື່ອນ​ໄຫວຂອງ​ວຽກ​ງານ​ຊາວ​
ໜຸ່ມ ​ໂດຍ​ສະ​ເພາະ​ແມ່ນ​ສະມາຊິກ​ຊາວ​ໜຸ່ມ​ທີ່​ເປັນ​ນັກຮຽນ-ນັກ​ສຶກສາ​ໃຫ້​ມີ​ແນວ​ຄິດ​ອຸ່ນ​ອ່ຽງທຸມ​ທ່ຽງ,ມີ​ຄວາມ​ເຊື່ອ​ໝັ້ນ​ຕໍ່​ການ​ນໍາພາ, ມີ​
ຄວາມ​ສາມັກຄີ​ຮັກ​ແພງ​ຊ່ວຍ​ເຫຼືອ​ເຊິ່ງກັນ​ແລະ​ກັນ. ນອກຈາກ​ນັ້ນ,ໄດ້​ຖື​ເອົາ​ວຽກງານ​ວິຊາ​ສະ​ເພາະ​ເປັນ​ວຽກ​ງານ​ໃຈກາງ​ທີ່​ສໍາຄັນໂດຍ​ການ
​ເສີມ​ຂະຫຍາຍ​ບົດບາດ​ການ​ນໍາພາ​ໃນ​ຖັນ​ແຖວ​ຊາວ​ໜຸ່ມ​ພະນັກງານ ຄູ-ອາຈານ,ນັກຮຽນ-ນັກ​ສຶກສາ, ​ເຊິ່ງສະ​ແດງ​ອອກ​ໃນ​ການ​ເອົາ​ໃຈ​ໃສ່​​
ສຶກສາ​ຄົ້ນຄ​ວ້າການ​ຮຽນ-ການ​ສອນຢ່າງ​ເປັນ​ປົກກະຕິການ​ຍົກ​ລະດັບ​ຄວາມ​ຮູ້​ຄວາມ​ສາມາ​ດ​ໃນ​ດ້ານ​ຕ່າງໆ​ຕາມ​ຄໍາ​ຂວັນ“ສອນ​ດີ-ຮຽນ​ເກັ່ງ”
ທີ່​ກະຊວງ​ສຶກສາ​ທິການ ​ແລະ ກິລາ​ວາງ​ອອກໂດຍ​ເນັ້ນ​ໃສ່ 5 ຫຼັກ​ມູນ​ການ​ສຶກສາ.

        ຫຼັງ​ຈາກ​ນັ້ນໃນ​ກອງ​ປະຊຸມ​ຍັງ​ໃຫ້​ແຕ່ລະ​ຮາກ​ຖານ​ຜັດປ່ຽນ​ກັນ​ລາຍ​ງານ​ການຈັດ​ຕັ້ງ​ເຄື່ອນ​ໄຫວວຽກ​ງານ​ໃນ​ໄລຍະ 3 ​ເດືອນ​ຜ່ານ​ມາ ​
ແລະ ​ແຜນການ 3 ​ເດືອນ​ຕໍ່ໜ້າ, ພ້ອມ​ທັງ​ປະກອບ​ຄໍາ​ເຫັນ​ຢ່າງ​ເປັນ​ເອກະ​ພາບ​ກັນເພື່ອ​​ເປັນ​ທິດ​ທາງ​ໃນ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ດັ່ງ
ກ່າວ​ໃຫ້​ມີ​ປະສິດທິ​ຜົນ​ ​ແລະ ປະສົບຜົນ​ສໍາ​ເລັດ.