22014516 1209625395806277 1247177146 n

 

     ສູນປະກັນຄຸນະພາບການສຶກສາ ຮ່ວມກັບ ກົມການສຶກສາຊັ້ນສູງ ກະຊວງສຶກສາທິການ ແລະ ກິລາ (ສສກ) ສປປ ລາວ  ​ເປັນ​ເຈົ້າພາບ
ຈັດກອງປະຊຸມໂຕະມົນ ແລະ ສໍາມະນາເຄື່ອຂ່າຍປະກັນຄຸນະພາບການສຶກສາ ອາຊຽນປະຈໍາປີ 2017(ASEAN Quality Assurance
Network (AQAN) ເພື່ອເສີມສ້າງການຮ່ວມມືດ້ານການປະກັນຄຸນະພາບການສຶກສາຊັ້ນສູງໃນ ສປປ ລາວ ແລະ ອາຊຽນ ໂດຍສະເພາະ
ແມ່ນການປະກັນຄຸນະພາບ ແລະ ການສຶກສາຊັ້ນສູງ.

       ກອງປະຊຸມດັ່ງກ່າວ, ໄດ້ຈັດຂຶ້ນໃນລະຫວ່າງວັນທີ 25-26 ກັນຍາ ຜ່ານມາ ,ທີ່ໂຮງແຮມຈໍາປາສັກແກຣນແຂວງ​ຈຳປາ​ສັກ ,ໂດຍໃຫ
ກຽດເປັນປະທານຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ,   ມີທ່ານ ຮສ.ປອ ສາຍຂອງ
ສາຍນາສິນຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ, ທ່ານ  ວັດຊາລະ ກາລຸນຍາວັນນິດ  ຜູ້ອໍານວຍການສະຖາບັນ
ຮັບຮອງມາດຕະຖານການສຶກສາໄທ ແລະການປະເມີນຄຸນະພາບແຫ່ງຣາຊະອານາຈັກໄທທ່ານ ວັນໄຊນໍລະແສງ ຜູ້ອໍານວຍການສູນປະກັນ
ຄຸນະພາບການສຶກສາ ກະຊວງສຶກສາທິການແລະກິລາ ແລະ ທ່ານ ປອ. ບຸນມີ ພອນສະຫວັນ ອະທິການບໍດີ  ມະຫາວິທະຍາໄລຈໍາປາສັກ
ພ້ອມ​ດ້ວຍຮອງຫົວໜ້າຫ້ອງການ, ກົມ, ສູນ, ສະຖາບັນມະຫາວິທະຍາໄລ, ວິທະຍາໄລຈາກພາກລັດ ແລະ ເອກະຊົນທົ່ວປະເທດແລະບັນ
ດາສະມາຊິກອາຊຽນ ບວກ 3 ເຂົ້າຮ່ວມຢ່າງພ້ອມພຽງ.

     ກອງປະຊຸມດັ່ງກ່າວ,ໄດ້ຈັດຂຶ້ນເພື່ອເປັນເວທີໃນການແລກປ່ຽນລະຫວ່າງບັນດາສະມາຊິກເຄືອຂ່າຍການປະກັນຄຸນະພາບຂອງອາຊຽນ
ກ່ຽວກັບການປະກັນຄຸນະພາບໃນພາກພື້ນໃນປັດຈຸບັນ, ສືບຕໍ່ສ້າງຄວາມເຂັ້ມແຂງການຮ່ວມມືລະຫວ່າງບັນດາປະເທດໃນຂະແໜງການປະ
ກັນຄຸນະພາບ ແລະ ການສຶກສາຊັ້ນສູງ, ເປັນການປຶກສາຫາລືຕໍ່ກັບທິດທາງໃນອະນາຄົດ ແລະ ບັນຫາທີ່ກ່ຽວຂ້ອງກັບການຄຸ້ມຄອງຂອງອົງ
ການ AQAN ແລະ ເຮັດໃຫ້ຮັບຮູ້ ແລະ ເຂົ້າໃຈພາລະບົດບາດຂອບວຸດທິການສຶກສາ ແລະ  ການເຄື່ອນຍ້າຍນັກສຶກສາພາຍໃນຂົງເຂດອາ
ຊຽນ ບວກ 3 ທີ່ປະກອບມີ 13 ປະເທດເຂົ້າຮ່ວມ ຄື: ລາວ, ໄທ, ຫວຽດນາມ, ກໍາປູເຈຍ, ມຽນມາ, ມາເລເຊຍ, ອິນໂດເນເຊຍ,ຟີລິບປິນ,
ບຣູໄນ, ສິງກະໂປ, ຈີນ, ສ ເກົາຫຼີ ແລະ ປະເທດຍີ່ປຸ່ນ.

      ໂອກາດດັ່ງກ່າວ, ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈທີ່ໄດ້ເປີດໂອກາດໃຫ້ກະ
ຊວງສຶກສາທິການ ແລະ ກິລາ ເປັນເຈົ້າພາບໃນການຈັດກອງປະຊຸມທີ່ມີຄວາມໝາຍຄວາມສໍາຄັນດັ່ງກ່າວ. ທັງນີ້, ກໍ່ເພື່ອເປັນການເສີມສ້າງ
ການຮ່ວມມືລະຫວ່າງສະຖາບັນການສຶກສາຊັ້ນສູງໃນ ສປປ ລາວ ແລະໃນຂົງເຂດອາຊຽນໂດຍສະເພາະແມ່ນຂົງເຂດການປະກັນຄຸນະພາບ
ແລະ ການສຶກສາຊັ້ນສູງ ​ໄດ້ແລກປ່ຽນບົດຮຽນທີ່ປະສົບຜົນສໍາເລັດໃນໄລຍະຜ່ານມາ ກອງປະຊຸມຍັງໄດ້ເປີດໂອກາດໃຫ້ແກ່ຜູ້ບໍລິຫານການ
ສຶກສາ, ພະນັກງານຂອງຂະແໜງປະກັນຄຸນະພາບການສຶກສາ ແລະ ການສຶກສາຊັ້ນສູງໄດ້ຮຽນຮູ້, ​ເສີມ​ສ້າງຄວາມສາມາດແລະປະສົບການ
ອັນໃຫຍ່ຫຼວງກ່ຽວກັບການປະກັນຄຸນະພາບກັບບັນດາປະເທດສະມາຊິກ AQAN ກໍ່ຄື ບັນດາປະເທດອາຊຽນ ບວກ 3 ແລະ ຫວັງວ່າບົດ
ຮຽນ ແລະ ປະສົບການທີ່ໄດ້ຮັບຈາກກອງປະຊຸມຄັ້ງນີ້, ຈະຊ່ວຍຂະແໜງການສຶກສາຢ່າງໃຫຍ່ຫຼວງໃນການປັບປຸງຄຸນະພາບການສຶກສາໃນ
ຂັ້ນຂອງຕົນ ເພື່ອກ້າວທັັນກັບສາກົນ.

      ກອງປະຊຸມໂຕະມົນ ແລະ ສໍາມະນາເຄື່ອຂ່າຍປະກັນຄຸນະພາບການສຶກສາ ອາຊຽນ ປະຈໍາປີນີ້, ໄດ້ດໍາເນີນໄປເປັນເວລາ 2 ວັນ (25-
26 ກັນຍາ 2017), ໂດຍໄດ້ມີ​ການຮັບຟັງການລາຍງານກ່ຽວກັບວຽກງານການສຶກສາຊັ້ນສູງເປັນລະບົບດຽວກັນໃນແຜນງານຂອງອາຊຽນ;
ບັນຫາ, ສິ່ງທ້າທາຍ ແລະ ຍຸດທະສາດຂອງການສຶກສາຊັ້ນສູງ ສປປ ລາວ; ພາລະບົດບາດຂອງການປະກັນຄຸນະພາບພາຍນອກ, ການປະຕິ
ບັດຜ່ານມາ ແລະ ສິ່ງທ້າທາຍໃນການຮຽນ-ການສອນ; ລະບົບປະກັນຄຸນະພາບການສຶກສາຊັ້ນສູງຂອງປະເທດໄທ; ການພັດທະນາລະບົບ
ການປະກັນຄຸນະພາບຂອງ ສປປ ລາວ; ການເຊື່ອມໂຍງຂອບວຸດທິການສຶກສາແຫ່ງຊາດ ເພື່ອໃຫ້ມີການຮັບຮູ້ ແລະ ເຂົ້າໃຈໃນການພັດທະ
ນາຂົງເຂດວຽກງານ; ກໍລະນີສຶກສາກ່ຽວກັບວຽກງານການປະກັນຄຸນະພາບພາຍໃນຫຼັກສູດການຮ່ວມມືສາກົນໃນຍີ່ປຸ່ນການພັດທະນາຄຸນະ
ພາບພາຍໃນຂອງສະຖາບັນຕົວແບບ;ລະບົບການປະກັນຄຸນະພາບພາຍໃນມະຫາວິທະຍາໄລແຫ່ງຊາດ ສປປ ລາວການຈັດຕັ້ງປະຕິບັດຜ່ານ
ມາ ແລະ ສິ່ງທ້າທາຍຕໍ່ວຽກງານປະກັນຄຸນະພາບໃນວິທະຍາໄລພາກເອກະຊົນຂອງ ສປປ ລາວ ແລະ ຮັບຮູ້ ກໍລະນີສຶກສາກ່ຽວກັບການຈັດ
ຕັ້ງປະຕິບັດ ການເຕົ້າໂຮມວຽກງານການສຶກສາຊັ້ນສູງໃຫ້ເປັນລະບົບດຽວກັນ ໃນໄລຍະຜ່ານມາ ທີ່ປະເທດອິນໂດເນເຊຍ ແລະ ປະເທດມາ
ເລເຊຍ.