22197500 1214831655285651 1996565716 o

         ສະຖາບັນຂົງຈື່ ມຊ ວາງສິລາເລິກການກໍ່ສ້າງອາຄານຫຼັງໃໝ່ສະຖາບັນຂົງຈື່  ມະຫາວິທະຍາໄລແຫ່ງຊາດ (ມຊ) ໄດ້ຈັດພິ
ທວາງສີລາເລິກ  ໂຄງການກໍ່ສ້າງອາຄານສະຖາບັນຫຼັງໃໝ່ ທີ່ໄດ້ຮັບການຊ່ວຍເຫຼືອຈາກ  ສປ ຈີນ ໃນວັນທີ 30 ກັນຍາ  ຜ່ານມາ
ທີ່ມະຫາວິທະຍາໄລແຫ່ງຊາດນະຄອນຫຼວງວຽງຈັນ,ໂດຍໃຫ້ກຽດເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນ
ຕີກະຊວງສຶກສາທິການ ແລະ ກິລາ, ທ່ານ ຫວາງເວິນທ່ຽນ ເອກອັກຄະລັດຖະທູດຈີນປະຈໍາ ສປປ ລາວ ທ່ານ ສຈ.ປອ ສົມສີ ຍໍ
ພັນໄຊວ່າການອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍບັນດາແຂກທີ່ຖືກເຊີນຈາກພາກສ່ວນຕ່າງໆ, ຕາງໜ້າຄະນະ
ຮັບຜິດຊອບທັງຝ່າຍລາວ-ຈີນ ແລະ ພະນັກງານ ຄູ-ອາຈານອ້ອມຂ້າງ ມະຫາວິທະຍາໄລແຫ່ງຊາດ.

         ໂອກາດດັ່ງກ່າວ, ທ່ານ ສຈ.ປອ ສົມສີ ຍໍພັນໄຊ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງອາຄານສະຖາບັນຂົງຈື ມະຫາວິທະ
ຍາໄລແຫ່ງຊາດ ເປັນອີກໂຄງການໜຶ່ງທີ່ສໍາຄັນຫຼັງຈາກໂຄງການກໍ່ສ້າງຫໍປະຊຸມແຫ່ງຊາດ, ໂຄງການກໍ່ສ້າງຕຶກອາຄານສູນກາງພັກ ສ
ປປ ລາວ ທີ່ຝ່າຍຈີນຊ່ວຍເຫຼືອຝ່າຍລາວ ແລະ ເປັນອີກສັນຍາລັກໜຶ່ງທີ່ໃຫ້ເຫັນເຖິງສາຍພົວພັນການຮ່ວມມື ແລະໄມຕິຈິດມິດຕະ
ພາບທີ່ເປັນມູນເຊື້ອ ລະຫວ່າງ ປະຊາຊົນ 2 ຊາດ ລາວ-ຈີນ ແລະສາຍພົວພັນມິດຕະພາບຢ່າງແໜ້ນແຟ້ນລະຫວ່າງ ລາວ-ຈີນ ເປັນ
ຕົ້ນແມ່ນ ແນວຄວາມຄິດການພົວພັນກັບບັນດາປະເທດອ້ອມຂ້າງຂອງຝ່າຍຈີນ ຄື: ສະໜິດສະໝົມ, ໃກ້ສິດ,  ຕ່າງຝ່າຍຕ່າງມີຜົນ
ປະໂຫຍດ ແລະ ຊ່ວຍເຫຼືອເຊິ່ງກັນແລະກັນ. ນອກຈາກນັ້ນ,  ໂຄງການດັ່ງກ່າວບໍ່ພຽງແຕ່ໄດ້ປັບປຸງເງື່ອນໄຂການສິດສອນຂອງ ສະ
ຖາບັນຂົງຈື່ເທົ່ານັ້ນ, ຍັງເປັນຂີດໝາຍອັນສໍາຄັນໜຶ່ງຂອງການຮ່ວມມືດ້ານການສຶກສາ ແລະການແລກປ່ຽນວັດທະນະທໍາລະຫວ່າງ
ລາວ-ຈີນ.

        ສະເພາະເນື້ອໃນສັນຍາປະຕິບັດໂຄງການດັ່ງກ່າວ, ຝ່າຍລາວ ແມ່ນຮັບຜິດຊອບສະໜອງສະຖານທີ່ປຸກສ້າງ, ອໍານວຍຄວາມ
ສະດວກດ້ານນໍ້າປະປາ, ໄຟຟ້າ, ຍົກເວັນພາສີ-ອາກອນການນໍາເຂົ້າອຸປະກອນການກໍ່ສ້າງ,ວັດສະດຸກໍ່ສ້າງ, ເຮັດວິຊາບັດພັກເຊົາແລະ
ມີຄະນະຮັບຜິດຊອບປະສານງານພາກສະໜາມ ເພື່ອປະສານງານກັບຝ່າຍຈີນ.  ສ່ວນຝ່າຍຈີນ  ແມ່ນຮັບຜິດຊອບດ້ານງົບປະມານ
ແລະ ດໍາເນີນການຕ່າງໆ ຄື: ການສໍາຫຼວດອອກແບບ, ການຈັດການປະມູນຄັດເລືອກເອົາບໍລິສັດກໍ່ສ້າງ, ບໍລິສັດທີ່ປຶກສາການກໍ່ສ້າງ
ແລະ ການດໍາເນີນການກໍ່ສ້າງໃຫ້ສໍາເລັດຕາມວັນເວລາທີ່ກໍານົດໄວ້ ແລະ ມາຮອດປັດຈຸບັນ ບໍລິສັດ ວິສະວະກໍາກໍ່ສ້າງ ແຂວງຈ່ຽງຊູ
ຈໍາກັດ ແລະ ບໍລິສັດ ສຶກສາໂຄງການເສັ້ນທາງລົດໄຟ ເປັນບໍລິສັດທີ່ປຶກສາ ກໍ່ໄດ້ເຂົ້າມາກະກຽມ ແລະ ດໍາເນີນການກໍ່ສ້າງແລ້ວ.

        ສໍາລັບສະຖາບັນຂົງຈື່ ມະຫາວິທະຍາໄລແຫ່ງຊາດ ໄດ້ສ້າງຕັ້ງຂຶ້ນບົນພື້ນຖານການຕົກລົງຮ່ວມມືຂອງ 2 ລັດຖະບານ ສປປ
ລາວ ແລະ ສປ ຈີນ ຈຸດປະສົງເພື່ອການເພີ່ມທະວີແລະເສີມຂະຫຍາຍການພົວພັນຮ່ວມມືແບບຄູ່ຮ່ວມຍຸດທະສາດຮອບດ້ານໂດຍ
ສະເພາະແມ່ນການຮ່ວມມືການເຝິກອົບຮົມ, ຄົ້ນຄວ້າວິໄຈ ແລະ ເສີມຂະຫຍາຍທາງດ້ານພາສາ ແລະ ວັດທະນະທໍາ ລະຫວ່າງ 2
ຊາດ ລາວ-ຈີນ.