ສົກນີ້ ທົ່ວແຂວງຫົວພັນ ມີນັກສອບເສັງຈົບຊັ້ນ ມ7 ເຖິງ 4 ພັນກວ່າຄົນ

21.6.2017 5

   ພະແນກສຶກສາທິການ ແລະ ກິລາແຂວງຫົວພັນ ເປີດພິທີສອບເສັງ
ຈົບຊັ້ນມັດທະຍົມສຶກສາຕອນປາຍປີທີ 7 (ມ7) ສົກຮຽນ 2016-2017
ຢ່າງເປັນທາງການ ເອກະພາບໃນທົ່ວປະເທດ ໃນວັນທີ 19ມິຖຸນາຜ່ານ
ມາທີ່ສະໂມສອນໂຮງຮຽນ ມປາຍ ຕົວແບບ ແຂວງຫົວພັນໂດຍພາຍໃຕ້
ການເປັນປະທານຂອງທ່ານແສງຈັນ ລິນທະລາດຮອງເຈົ້າເມືອງຊຳເໜືອ
ທັງເປັນປະທານສູນສອບເສັງໂຮງຮຽນມປາຍຕົວແບບ, ມີ ທ່ານ ທິບປະ
ຄອງ ວັນສີລາລົມ ຫົວໜ້າພະແນກກວດກາ ກົມການເງິນ ກະຊວງສຶກ
ສາທິການ ແລະ ກິລາ ແລະ  ທ່ານ ມອນສິງເພັດວຽງສີ ຮອງຫົວໜ້າ
ພະແນກສຶກສາທິການ ແລະ ກິລາແຂວງ ພ້ອມດ້ວຍຄະນະຮັບຜິດຊອບ
ການສອບເສັງ ແລະ ຄະນະກຳມະການຍາມຫ້ອງເສັງຕະຫຼອດຮອດນັກ
ສອບເສັງເຂົ້າຮ່ວມ.

      ໃນພິທີ, ທ່ານ ທອງວັນ ບຸນທະວົງ ຮັກສາການຫົວໜ້າຂະແໜງ
ບໍລິຫານ ພະແນກສຶກສາທິການ ແລະ ກິລາແຂວງ ທັງເປັນຄະນະຮັບຜິດ
ຊອບການສອບເສັງມັດທະຍົມສຶກສາຕອນປາຍມ7ປະຈຳສູນ ໂຮງຮຽນ ມ
ປາຍຕົວແບບແຂວງກ່າວວ່າໃນສົກຮຽນ 2016-2017 ທົ່ວແຂວງຫົວພັນ
ມີນັກສອບເສັງຊັ້ນ ມ7 ທັງໝົດ 4.074ຄົນ, ຍິງ 1.711 ຄົນ,ໂດຍແບ່ງ
ອອກເປັນ  13 ສູນສອບເສັງໃນທົ່ວແຂວງ, ປະກອບມີຫ້ອງສອບເສັງທັງ
ໝົດ 188 ຫ້ອງ,ມີກໍາມະການຍາມຫ້ອງເສັງແລະຄະນະຮັບຜິດຊອບປ້ອງ
ກັນສູນ 402ທ່ານ, ມີຄະນະປະທານຄະນະຊີ້ນຳຂັ້ນແຂວງ,ຂັ້ນເມືອງແລະ
ມາຈາກກະຊວງສຶກສາທິການ ແລະ ກິລາ ລວມທັງໝົດ 93 ທ່ານເຊິ່ງຈະ
ໄດ້ສອບເສັງທັງໝົດ
4 ວິຊາຄື:ວິຊາພາສາລາວ-ວັນນະຄະດີຄະນິດສາດ,
ຟີຊິກສາດ ແລະ ປະຫວັດສາດ.

ໂອກາດດຽວກັນ, ທ່ານ ນິນທອງ ທອງລາວອນ  ຮອງຫົວໜ້າ
ຫ້ອງການສຶກສາທິການ ແລະ ກິລາເມືອງຊຳເໜືອທັງເປັນຄະນະຮັບຜິດ
ຊອບການສອບເສັງ ຍັງໄດ້ຜ່ານກົດລະບຽບແລະບັນດາຂໍ້ຫ້າມຕ່າງໆສຳ
ຫຼັບນັກສອບເສັງ ແລະ ຄະນະກຳມະການທີ່ຮັບຜິດຊອບທຸກຂັ້ນເປັນຕົ້ນ
ແມ່ນ ຫ້າມເດັດຂາດນັກສອບເສັງບໍ່ໃຫ້ເອົາໂທລະສັບເຄື່ອງເອເລັກໂທຣ
ນິກແລະສື່ສານທາງອິນເຕີເນັດເຂົ້າຫ້ອງສອບເສັງເດັດຂາດ,ຫ້າມບໍ່ໃຫ້ມີ
ເຄື່ອງໝາຍ ຫຼືຂີດໝາຍສັນຍາໃສ່ເຈ້ຍສອບເສັງຫ້າມບໍ່ໃຫ້ເອົາເຈ້ຍກ່າຍ
ເຂົ້າຫ້ອງສອບເສັງນັກສອບເສັງທຸກໆນ້ອງຕ້ອງນຸ່ງເຄື່ອງເປັນລະບຽບ,ຜູ້
ຊາຍຕ້ອງຕັດຜົມສັ້ນ,ຜູ້ຍິງຕາມຈັດຊົງຜົມທີ່ຖືກກັບຮີດຄອງປະເພນີຂອງ
ລາວ, ປະຕິບັດຕາມໂມງເວລາຂອງຂັ້ນເທິງກຳນົດໄວ້ຢ່າງເຂັ້ມງວດແລະ
ອື່ນໆ.ສຳລັບຄະນະກໍາມະການຍາມຫ້ອງແລະຄະນະຮັບຜິດຊອບທຸກຂັ້ນ
ຕ້ອງໃຫ້ມີຄວາມຊື່ສັດບໍລິສຸດ,ບໍອ່ຽງຊ້າຍອ່ຽງຂວາຕ້ອງມີຈັນຍາບັນຂອງ
ກໍາມະການຍາມຫ້ອງເສັງ,ຕ້ອງມີຄວາມຮັບຜິດຊອບໃຫ້ລ້ອນໜ້າທີ່ຕາມ
ການມອບໝາຍ ປະຕິບັດໂມງເວລາຢ່າງເຂັ້ມງວດ, ຮັກສາຫົວບົດສອບ
ເສັງບໍ່ໃຫ້ມີການຮົ່ວໄຫຼ, ເຮັດຖືກຕ້ອງຕາມລະບຽບຫຼັກການບໍ່ໃຫ້ມີຊ່ອງ
ຫວ່າງ ແລະ ອື່ນໆ.