ໜ່ວຍພັກກົມແຜນການ ດໍາເນີນບັ້ນຊີວິດການເມືອງ ປັບປຸງປົວແປງພາຍໃນພັກ ປະຈໍາປີ 2017

19402599 1136774189758065 469398625 o

      ໜ່ວຍພັກກົມແຜນການ ກະຊວງສຶກສາທິການ ແລະ ກິລາ ໄດ້
ຈັດກອງປະຊຸມດໍາເນີນບັ້ນຊີວິດການເມືອງປັບປຸງປົວແປງພາຍໃນໜ່ວຍ
ພັກປະຈໍາປີ
2017ເພື່ອປັບປຸງທາງດ້ານການເມືອງແນວຄິດ, ການຈັດຕັ້ງ
,ແບບແຜນວິທີນໍາພາ ແລະ ວິທີເຮັດວຽກຂອງຄະນະພັກ, ຄະນະນໍາພະ
ນັກງານແລະ ສະມາຊິກພັກ ໃຫ້ສໍາເລັດພາຍໃນເດືອນມິຖຸນາ.

      ກອງປະຊຸມດັ່ງກ່າວ, ໄດ້ຈັດຂຶ້ນໃນວັນທີ 21 ມິຖຸນາ ຜ່ານມາ
ທີ່ຫ້ອງປະຊຸມຕຶກ ໄອຊີທີ ກະຊວງສຶກສາທິການ ແລະ ກິລາໂດຍພາຍ
ໃຕ້ການເປັນປະທານຂອງສະຫາຍ ປອ.  ບຸນປັນໄຊມຸນຕຣີຄະນະພັກ
ກະຊວງເລຂາໜ່ວຍພັກ, ຫົວໜ້າກົມແຜນການ ກະຊວງສຶກສາທິການ
ແລະກິລາ,ມີບັນດາຄະນະໜ່ວຍພັກ, ຜູ້ກວດກາໜ່ວຍພັກຈຸພັກແລະສະ
ມາຊິກພັກພາຍໃນກົມເຂົ້າຮ່ວມ.

      ໂອກາດດັ່ງກ່າວ, ສະຫາຍ ປອ. ບຸນປັນ ໄຊມຸນຕຣີ ກ່າວໃຫ້ຮູ້
ວ່າການຈັດກອງປະຊຸມບັ້ນດໍາເນີນຊີວິດການເມືອງປັບປຸງປົວແປງພາຍໃນ
ໜ່ວຍພັກ ປະຈໍາປີ
2017 ຄັ້ງນີ້,ກໍ່ເພື່ອປັບປຸງທາງດ້ານການເມືອງແນວ
ຄິດການຈັດຕັ້ງແບບແຜນວິທີນໍາພາ  ແລະ ວິທີເຮັດວຽກຂອງຄະນະພັກ
ຄະນະນໍາພະນັກງານແລະສະມາຊິກພັກໃຫ້ສໍາເລັດພາຍໃນເດືອນມິຖຸນາ
2017.ສະນັ້ນ,ເພື່ອກະກຽມໃຫ້ແກ່ບັ້ນປັບປຸງດັ່ງກ່າວ  ຄະນະໜ່ວຍພັກຈຸ
ພັກ ແລະສະມາຊິກພັກທັງໝົດຈະຕ້ອງໄດ້ກະກຽມເນື້ອໃນ  ຄື:  ຄະນະ
ໜ່ວຍພັກສັງລວມຄືນການຊີ້ນໍາ-ນໍາພາຂອງໜ່ວຍພັກໃນ 1 ປີ ຜ່ານມາ;
ໃຫ້ແຕ່ລະຈຸພັກດໍາເນີນຊີວິດການເມືອງປະຈຳປີ  2017 ຂອງຈຸພັກຕົນ
ກ່ອນວັນທີ 21 ມິຖຸນາ2017
ແລ້ວລາຍງານຜົນການດຳເນີນຊີວິດການ
ເມືອງໃຫ້ຄະນະພັກກົມ;ໃຫ້ຄະນະໜ່ວຍພັກ,ຄະນະຈຸພັກແລະສະມາຊິກ
ພັກແຕ່ລະສະຫາຍຂຽນໃບສຳຫຼວດຕົນເອງ ໃນ
1 ປີ (2017)ຜ່ານມາ
ໂດຍອີງໃສ່ 4 ເນື້ອໃນ ຄື: ດ້ານຄຸນທາດການເມືອງ ແລະ ຄຸນສົມບັດ
ສິນທຳປະຕິວັດຄວາມຮັບຜິດຊອບຕໍ່ໜ້າທີ່ການເມືອງທີ່ໃດ້ຮັບມອບໝາຍ
ວິທີເຮັດວຽກຂອງຕົນເອງ,ແບບແຜນການດຳລົງຊີວິດ,ທິດທາງ ແລະວິ
ທີປັບປຸງແກ້ໄຂຈຸດອ່ອນ, ຂໍ້ບົກຜ່ອງແລະຕີລາຄາຈັດປະເພດຂອງຕົນເ
ປັນ 4 ປະເພດຄື: ແຂງ, ກາງ,ອ່ອນ ແລະ ເສຍທາດ.

ນອກຈາກນັ້ນ,  ສະຫາຍເລຂາໜ່ວຍພັກຍັງໄດ້ເຜີຍແຜ່ເອກະ
ສານເດັດດ່ຽວປັບປຸງປົວແປງພັກ  ໃຫ້ປອດໃສເຂັ້ມແຂງ ແລະ ໜັກ
ແໜ້ນໃຫ້ຮູ້ວ່າ: ພັກປະຊາຊົນປະຕິວັດລາວ ເປັນພັກກໍາອໍານາດ,ເປັນ
ແກນນໍາໃນລະບົບການເມືອງຂອງລະບອບປະຊາທິປະໄຕປະຊາຊົນ,
ມີພາລະກໍາປະຫວັດສາດໃນການນໍາພາປະເທດຊາດ ໃຫ້ຫຼຸດພົ້ນຈາກ
ຄວາມດ້ອຍພັດທະນາ ເຮັດໃຫ້ປະຊາຊົນຮັ່ງມີຜາສຸກ,ປະເທດຊາດມັ່ງ
ຄັ່ງເຂັ້ມແຂງ, ສັງຄົມມີຄວາມສາມັກຄີປອງດອງ, ປະຊາທິປະໄຕ,ຍຸຕິ
ທໍາ ແລະ ສີວິໄລ ກ້າວຂຶ້ນສູ່ຈຸດໝາຍສັງຄົມນິຍົມ ແລະ ການພັດທະ
ນາປະເທດຊາດໃນເງື່ອນໄຂເສດຖະກິດຕະຫຼາດ,ການເຊື່ອມໂຍງພາກ
ພື້ນ ແລະ ສາກົນ ທີ່ມີທັງກາລະໂອກາດເອື້ອອໍານວຍ ແລະ ສິ່ງທ້າ
ທາຍທົດສອບຫຼາຍປະການ, ການປັບປຸງພັກ, ການຈັດຕັ້ງພັກ,  ຄະ
ນະພັກທຸກຂັ້ນ ແລະ ສະມາຊິກພັກ ໃຫ້ມີຄວາມປອດໃສ, ເຂັ້ມແຂງ,
ໜັກແໜ້ນ ແມ່ນຄວາມຈໍາເປັນພາວະວິໄສແມ່ນຄວາມຮຽກຮ້ອງຕ້ອງ
ການອັນຮີບດ່ວນທີ່ສຸດ ແລະ ກອງປະຊຸມໃຫຍ່ ຄັ້ງທີ
10 ຂອງພັກ
ໄດ້ໃຫ້ການສັງເກດຕີລາຄາວ່າ: ໜຶ່ງໃນຈໍານວນຂໍ້ຄົງຄ້າງທີ່ຕ້ອງເອົາ
ໃຈໃສ່ແກ້ໄຂແມ່ນ “ຄຸນທາດການເມືອງ, ຄຸນສົມບັດສິນທໍາປະຕິວັດ,
ແບບແຜນວິທີເຮັດວຽກ, ນໍ້າໃຈຮັບໃຊ້ປະຊາຊົນ ແລະ ຄວາມເສຍ
ສະຫຼະ ເພື່ອສ່ວນລວມ  ຂອງສະມາຊິກພັກ-ພະນັກງານຈໍານວນບໍ່
ໜ້ອຍ ໄດ້ມີການເສື່ອມຖອຍ; ພະຍາດອາດຍາສິດ, ຫ່າງເຫີນຈາກ
ປະຊາຊົນ, ການສວຍໃຊ້ໜ້າທີ່ຕໍາແໜ່ງ ເພື່ອຫາຜົນປະໂຫຍດສ່ວນ
ຕົວຂອງພະນັກງານຍັງປະກົດໃຫ້ເຫັນຢູ່ຫຼາຍຂັ້ນການຂໍ້ລາດບັງຫຼວງ
ຍັງມີລັກສະນະແຜ່ລາມທົ່ວໄປແລະຍັງບໍ່ທັນໄດ້ຮັບການແກ້ໄຂຢ່າງ
ເຂັ້ມງວດເດັດຂາດ, ເຊິ່ງສິ່ງເຫຼົ່ານັ້ນພວມເປັນບັນຫາທ້າທາຍຕໍ່ບົດ
ບາດອິດທິພົນຂອງພວກເຮົາ”.