ກົມອະນຸບານ-ປະຖົມ ເປີດບັ້ນດໍາເນີນຊີວິດການເມືອງປັບປຸງປົວແປງ ທົ່ວໜ່ວຍພັກ

19451730 1136774033091414 446159325 o

ກົມອະນຸບານ ແລະ ປະຖົມສຶກສາ ກະຊວງສຶກສາທິການ ແລະ
ກິລາ ເປີດບັ້ນດໍາເນີນຊີວິດການເມືອງປັບປຸງປົວແປງພາຍໃນພັກ ປະຈໍາ
ປີ 2017ພ້ອມທັງສໍາຫຼວດບຸກຄົນໃນຄະນະພັກ ແລະ ສະມາຊິກພັກເພື່ອ
ແກ້ໄຂຈຸດອ່ອນ, ຂໍ້ບົກຜ່ອງ ແລະ ສິ່ງທ້າທາຍພາຍໃນພັກຢ່າງເຖິງຖອງ
ແລະ ເດັດຂາດ, ສ້າງໃຫ້ພັກມີຄວາມປອດໃສ, ເຂັ້ມແຂງ,  ໜັກແໜ້ນ,
ສືບຕໍ່ນໍາພາ ພາລະກິດປົກປັກຮັກສາ ແລະ ພັດທະນາປະເທດຊາດ ຫຼຸດ
ພົ້ນອອກຈາກຄວາມດ້ອຍພັດທະນາຕາມທິດທີ່ກອງປະຊຸມໃຫຍ່ຄັ້ງທີ 10
ຂອງພັກໄດ້ກໍານົດໄວ້.

ພິທີດັ່ງກ່າວ, ໄດ້ຈັດຂຶ້ນໃນວັນທີ 19 ມິຖຸນາ ຜ່ານມາ ຫ້ອງປະ
ຊຸມກະຊວງສຶກສາທິການ ແລະ ກິລາ (ເຂດເຈົ້າອານຸວົງ), ໂດຍໃຫ້ກຽດ
ເປັນປະທານຂອງສະຫາຍ ປອ. ມີທອງ ສຸວັນວິໄຊ ຄະນະພັກກະຊວງ,
ເລຂາໜ່ວຍພັກກົມ, ຫົວໜ້າກົມອະນຸບານ ແລະ ກະຖົມສຶກສາກະຊວງ
ສຶກສາທິການ ແລະ ກິລາ ມີບັນດາຮອງເລຂາໜ່ວຍພັກກົມ ແລະ ສະ
ມາຊິກພັກພາຍໃນກົມເຂົ້າຮ່ວມຢ່າງພ້ອມພຽງ.

ສຳລັບບັ້ນດໍາເນີນຊີວິດການເມືອງປັບປຸງປົວແປງ  ພາຍໃນພັກ
ທົ່ວໜ່ວຍພັກ ກົມອະນຸບານ ແລະ ປະຖົມສຶກສາ  ແມ່ນດໍາເນີນໃນລະ
ຫວ່າງວັນທີ 19-23 ມິຖຸນາ ໂດຍໄດຮັບຟັງການເຜີຍແຜ່ເຊື່ອມຊຶມເນື້ອ
ໃນເອກະສານ ເດັດດ່ຽວປັບປຸງປົວແປງພັກໃຫ້ປອດໃສເຂັ້ມແຂງ ແລະ
ໜັກແໜ້ນ; ເຜີຍແຜ່ມະຕິກອງປະຊຸມໃຫຍ່ ຄັ້ງທີ 8 ຂອງອົງຄະນະພັກ
ກະຊວງສຶກສາທິການ ແລະ ກິລາ ແລະ ມະຕິກອງປະຊຸມໃຫຍ່ ຄັ້ງທີ
10 ຂອງພັກ.

ນອກຈາກນີ້, ສະມາຊິກພັກແຕ່ລະສະຫາຍຍັງໄດ້ຂຽນຄໍາຄິດຄໍາ
ເຫັນ, ຕິຊົມ, ສົ່ງຂ່າວ ໃຫ້ແກ່ບັນດາສະຫາຍໃນຄະນະພັກ.ຫຼັງຈາກນັ້ນ,
ບັນດາສະຫາຍໃນຄະນະບໍລິຫານງານພັກຈະໄດ້ຜ່ານ ບົດສໍາຫຼວດກວດ
ກາຕົນເອງ ແລະ ຕໍານິຕິຊົມກໍ່ສ້າງຊ່ວຍເຫຼືອເຊິ່ງກັນແລະກັນຄະນະພັກ
ແຕ່ລະສະຫາຍຈະໄດ້ທາບທາມລົງຄະແນນສຽງໄວ້ວາງໃຈຕໍ່ບັນດາສະ
ຫາຍໃນກໍາມະການສູນກາງພັກແລະຕໍ່ບັນດາສະຫາຍໃນຄະນະບໍລິຫານ
ງານພັກອີກດ້ວຍ.