ສຶກສາ

ສຶກສາ

Written by Super User

ສຶກສາ-ກິລາ ນວ ເລືອກໄດ້ 11 ນັກຮຽນເກັ່ງ ເປັນຕົວແທນຮ່ວມສອບເສັງລະດັບຊາດ

 30070808 1368752836560198 494901154 oພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ສາມາດເລືອກຕົວແທນນັກຮຽນເກັ່ງ ຈຳນວນ 11 ນ້ອງ, ເປັນຍິງ 7 ນ້ອງ ເພື່ອກຽມເຂົ້າຮ່ວມສອບເສັງນັກຮຽນເກັ່ງລະດັບຊາດໃນທ້າຍເດືອນເມສານີ້ ທີ່ນະຄອນຫຼວງວຽງຈັນ ພາຍຫຼັງໄດ້ສຳເລັດການສອບເສັງນັກຮຽນເກັ່ງ ປ5, ມ4 ແລະ ມ7ທົ່ວນະຄອນຫຼວງວຽງຈັນ ປະຈໍາປີ 2017-2018.

    

      ພິທີສະຫຼຸບການສອບເສັງນັກຮຽນເກັ່ງ ປ5, ມ4 ແລະ ມ7 ທົ່ວນະຄອນຫຼວງວຽງຈັນ ປະຈໍາປີ 2017-2018 ໄດ້ຈັດຂຶ້ນເມື່ອວັນທີ 31 ມີນາ ຜ່ານມາ ທີ່ສະໂມສອນໃນຮົ່ມ ໂຮງຮຽນ ມສ ວຽງຈັນ ໂດຍເປັນກຽດເຂົ້າຮ່ວມຂອງທ່ານ ຮສ.ປອ ຄຳຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະກິລາ, ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ພ້ອມດ້ວຍເຈົ້າເມືອງ-ຮອງເຈົ້າເມືອງ, ຄະນະພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ຫົວໜ້າຫ້ອງການສຶກສາທິການ ແລະ ກິລາ ເມືອງ, ພະນັກງານ, ຄູ-ອາຈານ ແລະ ນັກຮຽນຢ່າງພ້ອມພຽງ.

      ໃນໂອກາດນີ້, ທ່ານ ຊົມພູ ແກ້ວປັນຍາ ໄດ້ກ່າວວ່າ: ການຈັດບັ້ນສອບເສັງນັກຮຽນເກັ່ງແມ່ນກິດຈະກຳທີ່ສຳຄັນ ແລະ ເປັນບູລິມະສິດໜຶ່ງຂອງພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ເຊິ່ງໄດ້ຈັດຕັ້ງປະຕິບັດມາຢ່າງຕໍ່ເນື່ອງໃນແຕ່ລະສົກຮຽນ ເພື່ອກະຕຸກຊຸກຍູ້ຂະບວນການຮຽນ-ການສອນຂອງຄູ-ອາຈານ ແລະ ນັກຮຽນໃຫ້ມີຄວາມເບີກບານມ່ວນຊື່ນ ຕັ້ງໜ້າເອົາໃຈໃສ່ຕໍ່ການສິດສອນ ແລະ ຮໍ່າຮຽນ ຮັບປະກັນໄດ້ໃນການປະຕິບັດໂຄງການຫຼັກສູດ ພ້ອມຈັດຕັ້ງປະຕິບັດ 3 ຂໍ້ແຂ່ງຂັນທີ່ກະຊວງສຶກສາທິການ ແລະ ກິລາ ວາງອອກ ຄື: ສອນດີ-ຮຽນເກັ່ງ ປັບປຸງຄຸນະພາບການຮຽນ-ການສອນຢູ່ນະຄອນຫຼວງວຽງຈັນໃຫ້ມີບັນຍາກາດຟົດຟື້ນ, ມີລັກສະນະແຂ່ງຂັນ, ສົ່ງເສີມໃຫ້ນັບມື້ນັບໄດ້ຮັບການປັບປຸງ ແລະ ພັດທະນາດີຂຶ້ນ, ພ້ອມທັງຄົ້ນຫານັກຮຽນທີ່ມີພອນສະຫວັນແຕ່ລະວິຊາ ກໍ່ຄື ໄດ້ຄະແນນສູງສຸດ ຈະໄດ້ເປັນຕົວແທນນັກຮຽນນະຄອນຫຼວງວຽງຈັນ ເຂົ້າຮ່ວມແຂ່ງຂັນສອບເສັງນັກຮຽນເກັ່ງລະດັບຊາດສຳລັບຊັ້ນມັດທະຍົມຕອນຕົ້ນ (ມ4) ແລະ ຊັ້ນມັດທະຍົມຕອນປາຍ (ມ7).ການຄັດເລືອກນັກຮຽນເກັ່ງ ແມ່ນພວກເຮົາໄດ້ເລີ່ມຕົ້ນມາຕັ້ງແຕ່ເດືອນຕຸລາ 2017 ໂດຍໂຮງຮຽນແຕ່ລະແຫ່ງໄດ້ຈັດຕັ້ງການແຂ່ງຂັນຄັດເລືອກເອົານັກຮຽນເກັ່ງ ພ້ອມທັງຈັດຕັ້ງບຳລຸງໃຫ້ແກ່ນັກຮຽນດັ່ງກ່າວ ເພື່ອເປັນຕົວແທນຂອງແຕ່ລະໂຮງຮຽນ, ຕາງໜ້າແຕ່ລະເມືອງເຂົ້າຮ່ວມການສອບເສັງຂັ້ນນະຄອນຫຼວງວຽງັຈນ.

    ສ່ວນການສອບເສັງຂັ້ນນະຄອນຫຼວງວຽງຈັນ ແມ່ນໄດ້ຈັດຂຶ້ນໃນວັນທີ 14 ມີນາ ຜ່ານມາ, ເຊິ່ງມີຕົວແທນນັກຮຽນເກັ່ງຂອງແຕ່ລະເມືອງເຂົ້າຮ່ວມທັງໝົດ 461 ນ້ອງ, ຍິງ 312 ນ້ອງ. ຜ່ານການສອບເສັງສາມາດຄັດເລືອກຕົວແທນນັກຮຽນເກັ່ງທົ່ວນະຄອນຫຼວງວຽງຈັນ ຂັ້ນ ປ5, ມ4 ແລະ ມ7 ເພື່ອເຂົ້າຮ່ວມແຂ່ງຂັນລະດັບຊາດ ທີ່ຈະຈັດຂຶ້ນໃນເດືອນເມສານີ້ ຈຳນວນ 11 ຄົນ, ຍິງ 7 ຄົນ ຄື: ຂັ້ນ ປ5 ວິຊາ ພາສາລາວ ແມ່ນນາງ ວຽງມະນີ ບຸນຍະເສນ ໂຮງຮຽນປະຖົມສົມບູນ ສັນທະລັກ, ວິຊາຄະນິດສາດ ທ້າວ ພິລະພົນ ພົນເສນາ ໂຮງຮຽນປະຖົມສົມບູນ ປາດຖະໜາ ແລະ ວິຊາໂລກອ້ອມຕົວ ນາງ ວະນິດາໄຊຍະສິດ ໂຮງຮຽນປະຖົມສົມບູນ ຊະນະພົນ; ຂັ້ນ ມ4 ວິຊາຄະນິດສາດ ທ້າວ ພອນປະເສີດ ທຳມະລາດ ໂຮງຮຽນ ມສ ອິດສະເຕີນສະຕາ, ວິຊາພາສາລາວ-ວັນນະຄະດີ ນາງ ຈັນສະໄໜ ໄຊປັນຍາໂຮງຮຽນ ມ ຕົ້ນ ສິນໄຊ, ວິຊາເຄມີສາດ ນາງ ສີສົມພອນ ພັດທະນາ ໂຮງຮຽນ ມສ ພອນສະຫວັນຊົນເຜົ່າ ແລະ ວິຊາຟິຊິກສາດ ນາງ ທິບພະພອນ ລຽງສອນ ໂຮງຮຽນ ມ ຕົ້ນ ນິຣະດາ ຈອມເພັດ ແລະ ນັກຮຽນເກັ່ງ ຂັ້ນ ມ7 ວິຊາຄະນິດສາດ ທ້າວ ເຢັ້ງຊົ່ງເນັ່ງທ້ອງ ໂຮງຮຽນ ມສ ວຽງຈັນ, ວິຊາພາສາລາວ-ວັນນະຄະດີ ນາງ ຈັນຕຸລາ ພົນວິໃສ ໂຮງຮຽນ ມສ ພອນສະຫັວນຊົນເຜົ່າ, ວິຊາເຄມີສາດ ທ້າວເນັ້ງເຮີເລ່ຍມາ ໂຮງຮຽນ ມສ ພອນສະຫວັນຊົນເຜົ່າ ແລະ ວິຊາຟິຊິກສາດ ນາງ ລັດດາວອນ ມານະທຳ ໂຮງຮຽນ ມສ ວຽງສະຫວັນ.

​      ໃນ​ພິທີ, ທ່ານ ຮສ.ປອ ຄຳຜາຍ ສີສະຫວັນ ໄດ້​ສະ​ແດງຄວາມ​ຍ້ອງຍໍ​ຊົມ​ເຊີຍ​ຕໍ່ຄະນະ​ພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ຫ້ອງການສຶກສາທິການ ແລະ ກິລາເມືອງ, ຜູ້ບໍລິຫານໂຮງຮຽນທັງພາກລັດ ແລະ ເອກະຊົນ, ຄູ-ອາຈານ ແລະ ນ້ອງນັກຮຽນແຕ່ລະໂຮງຮຽນທົ່ວນະຄອນຫຼວງວຽງຈັນ ພ້ອມດ້ວຍອຳນາດການປົກຄອງ, ສະມາຄົມພໍ່-ແມ່ນັກຮຽນ, ຜູ້ປົກຄອງນັກຮຽນ ແລະ ພາກສ່ວນຕ່າງໆໃນສັງຄົມ ທີ່ໄດ້ໃຫ້ການເອົາໃຈໃສ່ສະໜັບສະໜູນຈັດຕັ້ງປະຕິບັດການສອບເສັງນັກຮຽນເກັ່ງແຕ່ລະຂັ້ນຈົນໄດ້ຮັບຜົນສຳເລັດ. ນອກຈາກນັ້ນ, ທ່ານຍັງໄດ້ເນັ້ນໜັກໃຫ້ກົມກອງ, ຄູ-ອາຈານ, ນ້ອງນັກຮຽນ, ອຳນາດການປົກຄອງ, ສະມາຄົມພໍ່-ແມ່ນັກຮຽນສຸມໃສ່ທຸກເຫື່ອແຮງ, ສະຕິປັນຍາ, ຫົວຄິດປະດິດສ້າງ ເພື່ອສ້າງນັກຮຽນດັ່ງກ່າວໃຫ້ເປັນຄົນເຂັ້ມແຂງ ໜັກແໜ້ນທາງດ້ານຄວາມຮູ້ວິຊາການ ແລະ ທຸ່ນທ່ຽງໃນການສອບເສັງ ເພື່ອກຽມພ້ອມໃນການເຂົ້າຮ່ວມການສອບເສັງດັບຊາດໃນທ້າຍເດືອນເມສານີ້. ໃນຂະນະດຽວກັນ, ທ່ານຍັງໄດ້ມອບໃບຢັ້ງຢືນ, ໃບຊົມເຊີຍ ແລະ ໃບຍ້ອງຍໍໃຫ້ຄູ-ອາຈານ, ໂຮງຮຽນທີ່ໄດ້ນັກຮຽນເກັ່ງ ແລະ ນັກສອບເສັງແຕ່ລະຄົນ ເພື່ອເປັນຂວັນກໍາລັງໃຈໃນການສິດສອນ ແລະ ສຶກສາຮໍ່າຮຽນຕໍ່ໄປໃນອະນາຄົດ.

                        ໂດຍ: ສີວອນ (ສຶກສາ-ກິລາ ນວ)

Written by Super User

ກົມ​ແຜນການ-ໂຮງພິມສຶກສາ ຄອງ​ແຊ໋ມ​ເປ​ຕັງຍິງ-ຊາຍ ​ອ້ອມ​ຂ້າງ ກະຊວງ ສສກ ຕ້ອນຮັບວັນສ້າງຕັ້ງ ຄຊປປລ ຄົບຮອບ 63 ປີ

 29920689 1368753203226828 1969209034 nທີມກົມ​ແຜນການ ​ໂຊ​ຟອມ​ເກັ່ງ​ເອົາຊະນະ ທີມສູນ​ສະຖິຕິ ​​ໃນ​ນັດ​ຊີງ​ຊະຊະ​​ເລີດ ໄປ​ແບບ​ຂາດ​ຮອຍ 11-6 ຄະ​ແນນ ຄວ້າ​ແຊ໋ມການ​ແຂ່ງຂັນ​ກິລາ​ເປ​ຕັງ​ທີ​ມຊຸດ​ຍິງໄປຄອງ. ຂະນະ​ທີ່ ບໍລິສັດ ລັດ​ວິ​ສາ​ຫະກິດ ​ໂຮງພິມ​ສຶກສາ ຄອງແຊ໋ມ​ເປ​ຕັງ​ທີ​ມຊຸດ​ຊາຍ ໃນການແຂ່ງຂັນກິລາເປຕັງທີມຊຸດຍິງ-ຊາຍ ຊີງຂັນສະຫາຍເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານສຳນັກກະຊວງສຶກສາທິການ ແລະ ກິລາ ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ຫຼື ຄຊປປລ ຄົບຮອບ 63 ປີ (14 ເມສາ 1955 ຫາ 14 ເມສາ 2018).

      ການ​ແຂ່ງຂັນ​ຄັ້ງ​ນີ້ ຈັດ​ຂຶ້ນ ​ເມື່ອ​ວັນ​ທີ 30 ມີນາ ຜ່ານ​ມາ ທີ່​ສະໜາມກິລາ​ເປ​ຕັງ ​ໂຮງຮຽນ​ກະສິກຳ​ດົງ​ຄຳ​ຊ້າງ ​ເມືອງ​ຫາດ​ຊາຍຟອງ ນະຄອນຫຼວງ​ວຽງ​ຈັນ, ​ໃຫ້​ກຽດ​ເຂົ້າ​ຮ່ວມ ​ແລະ ມອບ​ລາງວັນ​ຂອງ ທ່ານ ສຸ​ພີ ​ເພັດ​ດາ​ວົງ ​ເລຂາ​ຊາວ​ໜຸ່ມ​ຮາກ​ຖານ ສຳນັກ​ກະຊວງ ສສກ ​ແລະ ທ່ານ   ບຸ​ນຂົງ ​ເພັດ​ວົງສາ ຄະນະ​ບໍລິຫານ​ງານ​ຊາວ​ໜຸ່ມ​ຮາກ​ຖານ ສຳນັກ​ກະຊວງ ສສກ, ມີ​ບັນດາ​ຜູ້ອຳນວຍການສະຖາບັນ, ກົມ, ສູນ, ພະ​ແນ​ກ ​ແລະ ຂະ​ແໜງ​ການ ທີ່​​ເປັນ​ສະມາຊິກ​ຊາວ​ໜຸ່ມ​ຮາກ​ຖານ​ ​ສຳນັກງານ​ກະຊວງ ສສກ ​ເຂົ້າ​ຮ່ວມ​ຢ່າງ​ເປັນຂະບວນການຟົດຟື້ນ.

      ການ​ແຂ່ງຂັນ​ລາຍການ​ດັ່ງກ່າວ ຈັດ​ຂຶ້ນ ​ກໍ່​ເພື່ອ​ເປັນ​ການ​ສ້າງ​ຂະ​ບວນການ​ຄຳນັບ​ຮັບ​ຕ້ອນ​ວັນ​ສ້າງ​ຕັ້ງ​ຄະນະຊາວ​ໜຸ່ມປະຊາຊົນ ປະຕິວັດ​ລາວ ຄົບຮອບ​ 63 ປີ ​ແລະ ວັນ​ສ້າງ​ຕັ້ງ​ພັກ​ປະຊາ​ຊົນ ປະຕິວັດ​ລາວ ຄົບຮອບ 63 ປີ. ສຳລັບ​ທີ​ມຊາຍ​ ມີ​ທີ​ມ​ເຂົ້າ​ຮ່ວມ 26 ທີ​ມ ​ແລະ ທີ​ມຍິງ​ ມີ 17 ທີມ​ເຂົ້າ​ຮ່ວມ ຜ່ານ​ການ​ແຂ່ງຂັນນັດ​ຊີງ​ຊະນະ​ເລີດ​ປະ​ເພດ​ທີ​ມຊຸດ​ຍິງ​ຜົນ​ປາກົດ​ວ່າ: ທີ​ມສາວ​ກົມ​ແຜນການ ສາມາດ​ໂຊຟອມ​ເກັ່ງ​ໄລ່​ເອົາ​ຊະນະ ທີ​ມສູນ​ສະຖິຕິ ​ໄປ​ແບບ​ຂາດ​ຮອຍ 11-6 ຄະ​ແນນ ຄວ້າ​ແຊ໋ມ​ໄປ​ຄອງ. ສ່ວນ​ສູນ​ສະຖິຕິ ​ໄດ້​ພຽງ​ອັນ​ດັບ​ 2, ອັນດັບ 3 ກົມ​ພະລະ ​ແລະ ສິລະ​ປະ​ສຶກສາ ​ແລະ ອັນດັບ 4 ສູນ​ໂຄສະນາ​ຂ່າວສານ​ການ​ສຶກສາ ​ແລະ ກິລາ. ສ່ວນຜົນ​ການ​ແຂ່ງຂັນ​ນັດ​ຊີງ​ຊະນະ​ເລີດ​ປະ​ເພດ​ທີ​ມຊຸດ​ຊາຍ ທີມບໍລິສັດ ລັດ​ວິ​ສາ​ຫະກິດ ​ໂຮງພິມ​ສຶກສາ ຊະນະ ກົມ​ສ້າງ​ຄູ 11-7 ຄະ​ແນນ ຄວ້າແຊ໋ມໄປຄອງ, ອັນດັບ 2 ກົມສ້າງຄູ, ອັນດັບ 3 ກົມພະລະ ແລະ ສິລະປະສຶກສາ ແລະ ອັນດັບ 4 ກົມສາມັນສຶກສາ. ​

      ​ໂດຍ ສົງການ     

Written by Super User

ມສ ວຽງຈັນ ສຳ​ເລັດງານສັບປະດາການຮຽນຮູ້ດ້ານວິທະຍາສາດ ຄັ້ງທີ IV

30070426 1368753059893509 623124558 oໂຮງຮຽນມັດທະຍົມສົມບູນວຽງຈັນ (ມສ ວຽງຈັນ) ຈັດພິທີສະຫຼຸບງານສັບປະດາການຮຽນຮູ້ດ້ານວິທະຍາສາດ ຄັ້ງທີ 4 ໃນວັນທີ 29 ມີນາ ຜ່ານມາ ທີ່ສະໂມສອນກິລາໃນຮົ່ມຂອງໂຮງຮຽນດັ່ງກ່າວ, ໂດຍເປັນກຽດເຂົ້າຮ່ວມຂອງ ທ່ານ ໄຊຍະເດດ ຊົງມີໄຊ ຫົວໜ້າພະແນກມັດທະຍົມປາຍ ກົມ​ສາມັນສຶກສາ ກະຊວງສຶກສາທິການ ແລະ ກິລາ, ທ່ານ ບຸນທັນ ແສງມະນີ ຫົວໜ້າຂະແໜງການມັດທະຍົມປາຍ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ທ່ານ ນາງ ວຽງສຸວັນ ພະໄຊສົມບັດ ຜູ້ອຳນວຍການໂຮງຮຽນ ມສ ວຽງຈັນ, ມີຜູ້ຕາງໜ້າຈາກມະຫາວິທະຍາໄລແຫ່ງຊາດ, ອຳນວຍການ-ຮອງອຳນວຍການໂຮງຮຽນອ້ອມຂ້າງ, ຫົວໜ້າກົມ, ຮອງກົມ, ພະນັກງານ, ຄູ-ອາຈານ ແລະ ແຂກທີ່ຖືກເຊີນ ຕະຫຼອດຮອດນ້ອງນັກຮຽນເຂົ້າຮ່ວມຢ່າງພ້ອມພຽງ.

      ​ໂອກາດ​ດັ່ງກ່າວ, ທ່ານ ນາງ ວຽງສຸວັນ ພະໄຊສົມບັດ ກ່າວວ່າ: ຈຸດປະສົງຂອງງານສັບປະດາການຮຽນຮູ້ດ້ານວິທະຍາສາດ ຄັ້ງທີ 4 ແມ່ນໄດ້ຈັດຂຶ້ນຢ່າງຍິ່ງໃຫຍ່ກວ່າປີຜ່ານມາ ເພື່ອຈັດຕັ້ງຜັນຂະຫຍາຍແຜນຍຸດທະສາດປະຕິຮູບການສຶກສາແຫ່ງຊາດ ແລະ ປະຕິບັດຕາມແຜນການກະຊວງສຶກສາທິການ ແລະ ກິລາ ທີ່ໃຫ້ຈັດຕັ້ງການຮຽນ-ການສອນ ພາກທິດສະດີ ແລະ ພາກປະຕິບັດຕົວຈິງ, ການຮຽນຮູ້ໃນຫ້ອງ ແລະ ນອກຫ້ອງຮຽນ ຄຽງຄູ່ກັນ, ການສຶກສາຮຽນຮູ້ດ້ານວິທະຍາສາດ ແມ່ນວຽກງານໜຶ່ງທີ່ສຳຄັນໄດ້ສ້າງໂອກາດໃຫ້ນັກຮຽນໄດ້ເຝິກຝົນ, ສະແດງຄວາມຮູ້ຄວາມສາມາດ, ສະຕິປັນຍາ, ຫົວຄິດປະດິດສ້າງທາງດ້ານວິທະຍາສາດທຳມະຊາດ, ວິທະຍາສາດສັງຄົມ ແລະ ວັດທະນະທຳອັນດີງາມຂອງຊາດ. ສຳລັບງານສັບປະດາການຮຽນຮູ້ວິທະຍາສາດປະຈຳປີ 2018 ແມ່ນຈັດຂຶ້ນລະຫວ່າງວັນທີ 5-29 ມີນາ 2018 ຈຶ່ງສໍາເລັດ, ເຊິ່ງການແຂ່ງຂັນດັ່ງກ່າວປະກອບມີ: ການຖາມ-ຕອບວິທະຍາສາດ, ການແຂ່ງຂັນທົດລອງຟີຊິກສາດ, ເຄມີສາດ, ຊີວະສາດ, ການແຂ່ງຂັນຈະຫຼວດນ້ຳ, ການສະເໜີບົດຂອງນັກຮຽນ 1 ຫົວຂໍ້ 1 ຊັ້ນ 1 ວິຊາ, ການຄິດເລກໄວ, ການສາທິດ, ການຫຼິ້ນເກມ, ສະແດງຜົນງານຂອງແຕ່ລະຈຸຕ່າງໆ. ນອກຈາກນີ້, ຍັງມີການວາງສະແດງວັດທະນະທຳລາວ-ອາຊຽນ, ການແຕ່ງອາຫານ, ສິ່ງປະດິດສ້າງຂອງນັກຮຽນ, ການສະແດງຄວາມສາມາດດ້ານສິລະປະ, ຮ້ອງເພງ, ຂັບລຳຕ່າງໆຂອງນ້ອງນັກຮຽນ.

      ຂະນະ​ທີ່ ທ່ານ ທອງພັນ ອຸໄລທອນ ຮອງຜູ້ອຳນວຍການໂຮງຮຽນ ມສ ວຽງຈັນ ຮັບຜິດຊອບວຽກງານວິຊາການ ໄດ້ຜ່ານບົດລາຍງານ ກ່ຽວກັບງານສັບປະດາການຮຽນຮູ້ດ້ານວິທະຍາສາດ ຄັ້ງທີ 4 ປະຈໍາປີ 2018 ​ໃຫ້​ຊາບວ່າ: ການຈັດຕັ້ງປະຕິບັດງານສັບປະດາການຮຽນຮູ້ວິທະຍາສາດ ໃນສົກ 2017-2018 ແມ່ນໄດ້ດຳເນີນໄປຕາມແຜນການ ແລະ ບັນລຸຄາດໝາຍ ທີ່ກຳນົດໄວ້. ສໍາລັບງານແຂ່ງຂັນງານສັບປະດາການຮຽນຮູ້ດ້ານວິທະຍາສາດຄັ້ງນີ້, ແມ່ນໄດ້ຈັດຕັ້ງປະຕິບັດມາແຕ່ວັນທີ 5-29 ມີນາ 2018 ແລະ ການວາງສະແດງກິດຈະກຳຕ່າງໆ ແມ່ນເລີ່ມແຕ່ວັນທີ 26-29 ມີນາ 2018 ປະກອບມີ 2 ພາກສ່ວນຄື: ວາງສະແດງການຮຽນ-ການສອນແຕ່ລະວິຊາ ຈຳນວນ 13 ຈຸວິຊາ ແລະ ວາງສະແດງວັດທະນະທຳລາວ ແລະ ອາຊຽນ, ຮັບເຊີນຈາກພາກສ່ວນອື່ນມີທັງໝົດ 12 ຮ້ານ ແລະ ຮ້ານຂາຍອາຫານຂອງນັກຮຽນ 50 ຮ້ານ. ນອກຈາກນັ້ນພວກເຮົາຍັງມີການແຂ່ງຂັນເຄື່ອງປະດິດສ້າງສີໄມ້ລາຍມືຂອງນ້ອງນັກຮຽນ ແລະ ກໍ່ຍັງມີເວທີໃຫ້ນັກຮຽຂຶ້ນສະແດງຄວາມສາມາດໃນການຮ້ອງເພງ, ລຳ, ຟ້ອນ ແລະ ເຕັ້ນ, ແຕ່ລະຈຸວິຊາເປັນເຈົ້າການ ຈັດວາງສະແດງ, ກິດຈະກຳ, ຫຼິ້ນເກມ, ສາທິດຕ່າງໆຢູ່ຕໍ່ໜ້າບຸດ ແລະ ເທິງເວທີ.

ອຳ​ໄພ​ວັນ