ຄະນະນຳ ສສກ ແລກປ່ຽນບົດຮຽນໃນຂະແໜງການສຶກສາ ທີ່ສິງກະໂປ

ສຶກສາ

Written by Super User

ຄະນະ​ນຳ ສສກ ແລກປ່ຽນບົດຮຽນໃນຂະແໜງການສຶກສາ ທີ່ສິງກະໂປ

25434166 1271897966245686 231118456 o

   ຄະນະ​ນຳກະຊວງສຶກສາທິການ ແລະ ກິລາ (ສສກ) ຮ່ວມ​ກັບກະຊວງແຜນການ ແລະ
ການລົງທຶນ ແລະ ສະຫະພາບຢູໂຣບ(EU)ຄູ່ຮ່ວມພັດທະນາໄດ້​ໄປ​ທັດ​ສະ​ນະສຶກສາ​ແລກ
ປ່ຽນ​ບົກ​ຮຽນໃນພັດທະນາຊັບພະຍາກອນມະນຸດ  ທີ່ປະ​ເທດສິງກະໂປ  ລະຫວ່າງວັນທີ
5-7ທັນວາ ຜ່ານ​ມາ, ນໍາ​ໂດຍ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງ
ສຶກສາທິການ ແລະ ກິລາ.

      ການ​​ໄປທັດສະນະສຶກສາແລກປ່ຽນບົດຮຽນໃນຄັ້ງນີ້ ກໍ່ເພື່ອເປັນການກະກຽມຄວາມພ້ອມໃນການລົງນາມບົດທຶກຄວາມເຂົ້າໃຈ ລະ
ຫວ່າງ ກະຊວງສຶກສາ ສິງກະໂປ ແລະ ກະຊວງສຶກສາທິການ ແລະ ກິລາ ສປປ ລາວ ໃນປີ 2018  ໃນການພັດທະນາຊັບພະຍາກອນມະ
ນຸດ ເວົ້າລວມ, ເວົ້າສະເພາະແມ່ນການການພັດທະນາຂະແໜງການສຶກສາ ເປັນຕົ້ນແມ່ນບົດຮຽນໃນການພັດທະນາການສຶກສາ, ການພັດ
ທະນາຫຼັກສູດ, ການ​ເຝິກອົບຮົມຄູ, ພາສາອັງກິດ, ຜູ້ບໍລິຫານການສຶກສາ, ວຽກງານອາຊີວະສຶກສາ, ການສຶກສາຊັ້ນສູງ ແລະ ອື່ນໆ.

​       ໂອກາດ​ນີ້, ທ່ານ ນາງ​ ​ແສງ​ເດືອນ ຫຼ້າ​ຈັນທະ​ບູນ ​​ກ່າວ​ວ່າ: ການ​ເຂົ້າ​ຮ່ວມ​ແລກປ່ຽນ​ບົດຮຽນຄັ້ງນີ້ ​ໃນນາມຕາງໜ້າໃຫ້ຄະນະນໍາກະ
ຊວງສຶກສາທິການ ແລະ ກິລາ ສປປ ລາວ ຂໍສະແດງຄວາມຂອບໃຈມາຍັງ ທ່ານ ອືນ ຈີ ເມັງ ລັດຖະມົນຕີ ກະຊວງສຶກສາ ສິງກະໂປ ທີ່ໄດ້
ໃຫ້ການຕ້ອນຮັບຄະນະຜູ້ແທນຈາກ ສປປ ລາວ ຢ່າງອົບອຸ່ນ ແລະ ເຂົ້າຢ້ຽມຢາມ. ຄຽງ​ຄູ່​ກັນ​ນັ້ນ, ທ່ານລັດຖະມົນຕີກະຊວງ  ສສກ  ໄດ້
ແລກປ່ຽນວ່າ: ໃນໄລຍະຜ່ານມາ ປະ​ເທດສິງກະໂປ ໄດ້ສະໜັບສະໜູນ ແລະ ການຊ່ວຍເຫຼືອ ແກ່ສປປ ລາວໃນການພັດທະນາຊັບພະຍາ
ກອນມະນຸດ ໂດຍເນັ້ນໃສ່ການສຶກສາ ເປັນຕົ້ນແມ່ນ ກິດຈະກໍາແລກປ່ຽນນັກຮຽນ, ການພັດທະນາຊຸມຊົນໃນທ້ອງຖິ່ນ,ການ​ເຝິກອົບຮົມ
ຄູ-ອາຈານພາສາອັງກິດ, ວິຊາຊີບ ແລະ ອື່ນໆ. ທັງນີ້, ສິງກະໂປ ໄດ້ກາຍເປັນປະເທດທີ່ມີການພັດທະນາສູງ  ໃນ​ເອ​ເຊຍຕາເວັນອອກສຽງ
​ໃຕ້ ໂດຍສະເພາະແມ່ນໃນຂະແໜງການສຶກສາ. ສະນັ້ນ, ສ ປປ ລາວ ມີຄວາມສົນໃຈໃນການຮຽນຮູ້ ແລະ ແລກປ່ຽນປະສົບການ ນໍາປະ
ເທດ ສິງກະໂປ ​ໃນການວາງແຜນ ແລະ ການຄຸ້ມຄອງການສຶກສາໃນທຸກລະດັບ, ແຕ່ໂຮງຮຽນເຖິງມະຫາວິທະຍາໄລ  ທັງພາກລັດ  ແລະ
ເອກະຊົນ. ພ້ອມນັ້ນ, ຄະນະຜູ້ແທນລາວຍັງໄດ້ໄປຢ້ຽມຢາມສະຖາບັນການສຶກສາທີ່ມີຊື່ສຽງຕ່າງໆຂອງສິງກະໂປ ເພື່ອແລກປ່ຽນປະສົບ
ການ ແລະ ຄວາມສໍາເລັດຂອງເຂົາເຈົ້າ ໂດຍສະເພາະໃນການສຶກສາຊັ້ນສູງ, ການສຶກສາຄູ ແລະ TVET ແລະ  ຂົງເຂດອື່ນໆ ທີ່ມີຄວາມ
ສົນໃຈ.

     ສຳລັບການຮ່ວມມືກັນໃນຕໍ່ໜ້ານີ້ ທາງກະຊວງສຶກສາທິການ ແລະ ກິລາ ສປປ ລາວ ຮຽກຮ້ອງມາຍັງກະຊວງສຶກສາສິງກະໂປຊ່ວຍ
ເຫຼືອກ່ຽວກັບການພັດທະນາສຶກສາ ໂດຍສະເພາະໃນການຄຸ້ມຄອງ ແລະ ການວາງແຜນດ້ານການສຶກສາທີ່ມີຄຸນະພາບສູງ;  ປຶກສາຫາລື
ກ່ຽວການຢ້ຽມຢາມແລກປ່ຽນຂອງຄະນະນໍາ ແລະ ພະນັກງານວິຊາ​ການ​;  ການ​ເຝິກອົບຮົມສໍາລັບຄູພາສາອັງກິດ  ແລະ  ພະນັກງານ;
ການພັດທະນາຫຼັກສູດ ແລະ ການປະເມີນຜົນການຮຽນຮູ້; ການສຶກສາຄູ; ການບໍລິຫານ-ການຄຸ້ມຄອງ; ການສຶກສາສາມັນ ແລະ  ເຂດ
ອື່ນໆທີ່ມີຄວາມສົນໃຈຂອງທັງ 2 ຝ່າຍ ຫຼື 3 ຝ່າຍຖ້າເປັນໄປໄດ້ໃນຕໍ່ໜ້າ.