ຊາວໜຸ່ມ ວລ ປາກປາສັກ ແລະ ໂຮງຮຽນ ວິຊາຊີບແຂວງບໍລິຄຳໄຊ ຮ່ວມແລກປ່ຽນບົດຮຽນດ້ານວິຊາການ

ສຶກສາ

Written by ຕຸ່ນຄຳ

ຊາວໜຸ່ມ ວລ ​ປາກປາສັກ ແລະ ໂຮງຮຽນ ວິຊາຊີບແຂວງບໍລິຄຳໄຊ

ຮ່ວມແລກປ່ຽນບົດຮຽນດ້ານວິຊາການ

25434211 1272658409502975 1354170900 o    ຮາກ​ຖານ​ໜຸ່ມ​ຊາວວິທະຍາ​ໄລ​ (ວລ)  ​ເຕັກ​ນິກປາກ​ປາ​ສັກ  ​​​ໄດ້​ໄປ​ທັດສະນະ​ສຶກສາແລກ
ປ່ຽນ​ບົດຮຽນດ້ານວິຊາການຮ່ວມກັບ ໂຮງຮຽນເຕັກນິກວິຊາຊີບ ແຂວງບໍລິຄຳໄຊ ​ໃນວັນ​ທີ
15 ທັນວາ ຜ່ານ​ມາ ທີ່​ໂຮງຮຽນ​ດັ່ງກ່າວ, ນໍາພາ​ໂດຍ​ ສະຫາຍ ຄໍາ​ເປີ ວົງ​ສີ​ປະສົມ ຮອງ​ເລຂາ​
ໜ່ວຍ​ພັກ​ຮາກ​ຖານ, ຮອງ​ຜູ້​ອໍານວຍ​ການ​ວິທະຍາ​ໄລ​ເຕັກນິກປາກ​ປາ​ສັກ ພ້ອມ​ດ້ວຍ​ຄະນະ
​ບໍລິຫານ​ງານ​ຮາກ​ຖານ​ຊາວ​ໜຸ່ມ, ​ກໍາມະບານ ແລະ ​ແມ່ຍິງ,

​ເຊິ່ງ​ໃຫ້​ກຽດ​ຕ້ອນຮັບ​ຂອງ ​ສະຫາຍ ບົວ​ສີ ອຸດົມ​ສຸກ ເລຂາ​ໜ່ວຍ​ພັກ ຜູ້​ອໍານວຍ​ການ​ໂຮງຮຽນ​ເຕັກນິກວິຊາ​ຊີບ ​ແຂວງ​ບໍລິ​ຄໍາ​ໄຊ  ພ້ອມ
​ດ້ວຍຄະນະ, ພະນັກງານ ​ແລະ ຄູ-ອາຈານ​ເຂົ້າ​ຮ່ວມ.ການແລກປ່ຽນ​ບົດຮຽນ​ໃນ​ຄັ້ງ​ນີ້,  ກໍ່​ເພື່ອ​ເປັນ​ການ​ສົ່ງ​ເສີມ​ຄວາມ​ສາມັກຄີ, ມິດຕະ
ພາບ​ໄມຕີລະຫວ່າງ​ພະນັກງານ, ຄູ-ອາຈານ  ​ແລະ ສະມາຊິກ​ຊາວ​ໜຸ່ມ  2  ພາກສ່ວນ ​ໃຫ້​ມີ​ຄວາມ​ສະ​ໜິດແໜ້ນ  ​ແລະ ຊ່ວຍ​ເຫຼືອ​ເຊິ່ງ
ກັນ​ແລະ​ກັນ.ພ້ອມ​ດຽວ​ກັນ, ຍັງ​ເຮັດ​ໃຫ້​ຄູ-​ອາຈານ 2 ພາກ​ສ່ວນ​ໄດ້​ແລກປ່ຽນ​ບົດຮຽນ​ຕາມ​ແຕ່​ລະ​ສາ​ຂາວິຊາ,ພ້ອມ​ທັງ​ປຶກສາ​ຫາລື​ເພື່ອ
​ເຮັດ​ໃຫ້ການ​ຮຽນ-ການ​ສອນ ​ໃນ​ສາຍ​ອາຊີວະ​ສຶກສາ ​ໃຫ້​​ໄດ້​ຮັບ​ທັງ​ດ້ານ​ປະລິມານ ​ແລະ ຄຸນະພາບ​ສູງ​ຂຶ້ນ​ເລື້ອງໆ.

      ​ໂອກາດ​ດັ່ງກ່າວ, ສະຫາຍ ບົວ​ສີ ອຸດົມ​ສຸກ ​ໄດ້​ລາຍ​ງານ​ໃຫ້​ຮູ້​ວ່າ: ​ໂຮງຮຽນ​ເຕັກນິກວິຊາ​ຊີບ​ແຂວງ​ບໍລິ​ຄໍາ​ໄຊ ມີປັດສະຍາ ແລະວິໄສ
ທັດ ຄື: ປັດສະຍາ (PHILOSOPHY) ເຕັກນິກ-ວິຊາຊີບ  ບໍລິຄຳໄຊ  ມຸ່ງຫວັງກ້າວໄກໃນວິຊາ ເພື່ອພັດທະນາຊັບພະຍາກອນມະນຸດ.
ສ່ວນວິໄສທັດ (Vision) ​ແມ່ນເສີມຂະຫຍາຍ, ພັດທະນາການຮຽນ-ການສອນ ວິຊາຊີບໃຫ້ຜູ້ຮຽນມີຄວາມຮູ້ ຄວາມສາມາດແລະ ທັກ
ສະນຳໄປປະກອບການລ້ຽງຊີບໄດ້. ນອກຈາກ​ນັ້ນ, ຍັງມີໜ້າທີພັດທະນາຊັບພະຍາກອນມະນຸດບຳລຸງສ້າງກຳລັງສີມືແຮງງານໃຫ້ມີຄວາມ
ຮູ້ ຄວາມສາມາດປະກອບອາຊີບຫາລ້ຽງຕົນ ແລະ ຄອບຄົວ, ​ເຊິ່ງຂອບເຂດການຄຸ້ມຄອງນຳພາໂຮງຮຽນ ປະກອບມີ 4ຫ້ອງການແລະ 4
ພາກວິຊາສະເພາະ ຄື: ຫ້ອງການບໍລິຫານຄຸ້ມຄອງ, ຫ້ອງການຄຸ້ມຄອງວິຊາການ,  ຫ້ອງການຄຸ້ມຄອງກິດຈະການນັກສຶກສາ,  ຫ້ອງການ
ຄົ້ນຄວ້າວາງແຜນ ຄຸ້ມຄອງຂໍ້ມູນ ແລະ ຂ່າວສານ ​ໂດຍ​ມີຫຼັກສູດການຮຽນ-ການສອນ ປະກອບມີ 4 ພາກວິຊາ  ຄື:  ພາກວິຊາກະສິກຳ,
ພາກວິຊາອຸດສາຫະກຳ, ພາກວິຊາບໍລິຫານທຸລະກິດ, ພາກວິຊາ ຄະຫະກຳ ​ແລະ ດໍາ​ເນີນການຮຽນ-ການສອນປະກອບມີ 8  ສາຂາວິຊາ
ຮຽນ ຄື: ສາຂາ​ວິຊາ​ລ້ຽງສັດ, ກໍ່ສ້າງ​ເຄຫາ​ສະຖານ, ຊ່າງ​ໄມ້, ​ໄຟຟ້າ​ເຕັກນິກ, ລົດຍົນ, ບໍລິຫານ​ທຸລະ​ກິດ ​ແລະ ສາຂາ​ວິຊາຕັດຫຍິບ. ສໍາ
ລັບຜົນສໍາເລັດໃນໄລຍະຜ່ານມາສາມາດ​ສ້າງ​ນັກ​ສຶກສາ​ອອກ​ຮັບ​ໃຊ້​ສັງຄົມ ​ໄດ້​ເຖິງ 1.505 ຄົນ, ຍິງ 779 ຄົນ. ສໍາລັບ​ປັດ​ຈຸ​ບັນມີ​ນັກ​ສຶກ
ສາກໍາລັງ​ສຶກສາ​ຢູ່ 637 ຄົນ, ຍິງ 305 ຄົນ ​ແລະ ມີພະນັກງານທັງໜົດ 59 ຄົນ, ຍິງ 22 ຄົນ.

      ຂະນະ​ດຽວ​ກັນ, ສະຫາຍ ຄໍາ​ເປີ ວົງ​ສີ​ປະສົມ ​ໄດ້​ລາຍ​ງານ​​ໃຫ້​ຮູ້​ກ່ຽວ​ກັບ​ວິທະຍາ​ໄລ​​ເຕັກນິກ​ປາກ​ປາ​ສັກ ​ໃຫ້​ຮູ້​ບາງ​ຜົນງານ​ທີ່​ພົ້ນ​ເດັ່ນ ​
ໃນ​ໄລຍະ​ຜ່ານ​ມາ ວ່າ: ວິທະຍາ​ໄລ​ດັ່ງກ່າວ ​ໄດ້​ສ້າງ​ກໍາລັງ​ແຮງງານ​ໃນ​ລະດັບ​ນາຍ​ຊ່າງ​ສີມື, ນາຍ​ຊ່າງຊໍານານ​ງານ​ຈົນ​ຮອດ​ວິຊາ​ຊີບ​ຊັ້ນ​ສູງ ​ໃນ
ສາຂາ​ອາຊີບ​ຕ່າງໆ ອອກ​ສູ່​ຕະຫຼາດ​ແຮງ​ງານ​ຫຼາຍກວ່າ 2 ພັນ​ຄົນ​ຕໍ່​ປີ, ​ໄດ້​ຮ່ວມ​ມື​ທາງ​ດ້ານ​ວິຊາ​ການ​ຮ່ວມ​ອົງ​ອົງການ​ຈັດ​ຕັ້ງ​ອື່ນໆ ທັງ​ພາກ​
ລັດ ​ແລະ ​ເອກະ​ຊົນ​ຫຼາຍ​ກວ່າ 400 ​ແຫ່ງ​ໃນ​ທົ່ວ​ປະ​ເທດ ​ໄດ້​ຮ່ວມ​ມື​ກັບ​ອົງການ ລາ​ນິດ ​ເພື່ອ​ສ້າງ​ສະ​ຖາ​ບັນ​ເຝິກອົບຮົມ​ໂຮງ​ແຮມ  ​ແລະ
ທ່ອງ​ທ່ຽວ​​ແຫ່ງ​ຊາດ, ​ໄດ້​ຮ່ວມ​ມື​ກັບ​ບໍລິສັດ  TOSHIBA  ປະ​ເທດ​ໄທ ​ໃນ​ການ​ສ້າງ​ນັກວິຊາການ​ທາງ​ດ້ານ​ການ​ສ້ອມ​ແປງ​ເຄື່ອງ​ໃຊ້​ໄຟຟ້າ
​ແລະ ​ເອ​ເລັກ​ໂຕຣນິກ ​ແລະ ​ໄດ້​ປະກອບສ່ວນ​ການ​ເຄື່ອນ​ໄຫ​ວກິດຈະ​ກໍາ​ໃນ​ວັນ​ສໍາຄັນ​ຕ່າງໆ​ຂອງ​ຊາດ ​ແລະ ປະກອບສ່ວນ​ຊ່ວຍ​ເຫຼືອ​ສັງ
ຄົມ, ພັດທະ​ນາ​ຊຸມ​ຊົນ, ປັບປຸງ​ຊີວິດ​ການ​ເປັນ​ຢູ່​ໃຫ້​ດີ​ຂຶ້ນ, ສ້າງ​ວຽກ​ເຮັດ​ງານ​ທໍາ​ໃນ​ສາຂາ​ອາຊີບ​ຕ່າງໆ ​ເພື່ອ​ແກ​ເຂ​ຄວາມທຸກ​ຍາກ.

      ສໍາລັບ​ການ​ໄປ​ແລກປ່ຽນ​ບົດຮຽນ​ດັ່ງກ່າວ, ທາງ​ວິທະຍາ​ໄລ​ເຕັກ​ນິກປາກ​ປາ​ສັກ ຍັງ​ໄດ້​ມອບ​ປຶ້ມຄູ​ມື​ຄູ່ຈໍານວນ​ໜຶ່ງ ​ໃຫ້ໂຮງຮຽນເຕັກ
ນິກ ວິຊາຊີບ ແຂວງບໍລິຄຳໄຊ ​ເພື່ອ​ນໍາ​ໃຊ້​ເຂົ້າ​ໃນ​ການ​ຮຽນ-ການ​ສອນ ​ໃຫ້​ມີ​ຄຸນະພາບ​ສູງ​ຂຶ້ນ. ຫຼັງ​ຈາກ​ນັ້ນ, ກໍ່​ໄດ້​ຈັດ​ກິດຈະ​ກໍາ​ກິລາ ​ເພື່ອ​
ມິດຕະພາບ ລະຫວ່າງ 2 ພາກສ່ວນ ​ປະກອບ​ມີ ​ກິລາ​ເຕະບານຊາຍ, ບານສົ່ງ​ຍິງ, ​ເປ​ຕັງ​ປະສົມ ​ແລະ ກິລາ​ດຶງ​ເຊືອກ.