ວພສ ເປີດກອງປະຊຸມ ປັບປຸງໂຄງສ້າງຫຼັກສູດ 12+2 ຊັ້ນສູງ

ສຶກສາ

Written by ອຳໄພວັນ

ວພສ ເປີດກອງປະຊຸມ ປັບ​ປຸງ​ໂຄງ​ສ້າງຫຼັ​ກສູດ 12+2 ຊັ້ນ​ສູງ

25434452 1272658122836337 1945194598 o

   ວິ​ທະ​ຍາ​ໄລ ພະ​ລະ​ສຶກ​ສາ ຫຼື ວພສ ເປີດກອງ​ປະ​ຊຸມ​ປັບ​ປຸງ​ໂຄງ​ສ້າງຫຼັກ​ສູດ 12+2 ຊັ້ນ​ສູງ
ຂອງວິ​ທະ​ຍາ​ໄລ​ ເພື່ອຄົ້ນ​ຄວ້າ, ຖອດ​ຖອນ​ບົດ​ຮຽນ ແລະ ປັບ​ປຸງ​ເນື້ອ​ໃນຫຼັກ​ສູດໃຫ້ມີ​ປະ​ສິດ
​ທິ​ພາບ ກ່ອນນຳເອົາໄປຈັດຕັ້ງປະຕິບັດໃຫ້ໄດ້ຄຸນະພາບຢ່າງແທ້ຈິງເມື່ອ​ວັນ​ທີ 15 ທັນ​ວາຜ່ານ​
ມາ ທີ່​ຫ້ອງ​ປະ​ຊຸມຣີ​ສອດແຫຼວ​ຄຳ​ປະ​ເສີດ ເມືອງວຽງ​ຄຳ ແຂວງວຽງ​ຈັນ, ວິ​ທະ​ຍາ​ໄລ​ ພະ​ລະ
​ສຶກ​ສາ ໄດ້​ຈັດ​ກອ​ງປະ​ຊຸມປັບ​ປຸງ​ໂຄງ​ສ້າງຫຼັກ​ສູດ 12+2 ຊັ້ນ​ສູງ,

ໂດຍໃຫ້​ກຽດ​ເຂົ້າ​ຮ່ວມ​ຂອງ ທ່ານ ປອ. ອິນ​ຕອງ ເລີດ​ສິນ​ໄຊ ຜູ້​ອຳ​ນວຍ​ການ​ວິ​ທະ​ຍາ​ໄລ​ພະ​ລະ​ສຶກ​ສາ ແລະ ທ່ານ ພຸດ​ລຳ​ໄພ ທຽມ​ພ​ຣະ​ສອນ
ຫົວ​ໜ້າ​ພະ​ແນກ​ພະ​ລະ ແລະ ສິ​ລະ​ປະ​ສຶກ​ສາ ປກ​ສ-ປກ​ຊ ກົມ​ພະ​ລະ ແລະ ສິ​ລະ​ປະ​ສຶກ​ສາ ກະ​ຊວງ​ສຶກ​ສາ​ທິ​ການ ແລະ ກິ​ລາ, ມີ​ຄະນະ​ອຳ​
ນວຍ​ການ, ຫົວ​ໜ້າ​ພະ​ແນກ, ຄູ-ອາ​ຈານ, ວິ​ຊາ​ການ ແລະ ຜູ້ຕາງ​ໜ້າ​ຈາກ​ວິ​ທະ​ຍາ​ໄລ​ຄູຫຼວງ​ພະ​ບາງ, ວິ​ທະ​ຍາ​ໄລ​ຄູ​ຄັງ​ໄຂ ແລະ ​ວິ​ທະ​ຍາ​ໄລ​ຄູ​
ປາກ​ເຊ ເຂົ້າ​ຮ່ວມ.

      ໂອ​ກາດ​ດັ່ງ​ກ່າວ, ທ່ານ ປອ. ອິນ​ຕອງ ເລີດ​ສິນ​ໄຊ ກ່າວວ່າ:  ກອງ​ປະ​ຊຸມໃນ​ຄັ້ງ​ນີ້  ​ຈະ​ແບ່ງ​ອອກ​ເປັນ 2  ໄລ​ຍະປະ​ກອບ​ມີ ໄລ​ຍະທີ​ 1
ແມ່ນພວກ​ເຮົາຈະສະ​ເໜີ​​ເອົາບົດ​ຮຽນ​ທີ່​ຖອດ​ຖອນ​ໄດ້​ຈາກ​ການ​ປະ​ຕິ​ບັດຫຼັກ​ສູດ ແລະ ການ​ປະ​ກອບ​ຄຳ​ເຫັນ​ດ້ານ​ດີ​, ດ້ານ​ອ່ອນແລະວິ​ທີ​ແກ້
​ໄຂ. ຫຼັງ​ຈາກ​ນັ້ນ, ຈະ​ນຳ​ເອົາ​ແນວ​ຄິດ​ຈິດ​ໃຈ​ທັງ​ໝົດເຂົ້າ​ໄປ​ປັບ​ປຸງຫຼັກ​ສູດ​ໃຫ້​ກັບ​ວິ​ທະ​ຍາ​ໄລ ແລ້ວ​ນຳ​ເອົາ​ມາ​ຄົ້ນ​ຄວ້າ, ແລກ​ປ່ຽນ​ແນວ​ຄິດ​ເຊິ່ງ
​ກັນ​ແລະ​ກັນໃຫ້​ເປັນ​ເອ​ກະ​ພາບ. ຂະ​ນະ​ທີ່​ໄລ​ຍະ​ທີ 2 ແມ່ນ​ຈະ​ໃຫ້​ບັນ​ດາ​ຜູ້​ຮັບ​ຜິດ​ຊອບ​ລາຍ​ວິ​ຊາຂອງຫຼັກ​ສູດນຳ​ເອົາ​ເນື້ອ​ໃນ​ຂອງກອງ​ປະ​ຊຸມ​
ໄລ​ຍະທີ ​1 ໄປ​ຂຽນ​ເປັນ​ຫຼັກ​ສູດ​ລາຍ​ວິ​ຊາ​ໃຫ້​ລະ​ອຽດ ແລ້ວ​ເອົາມາ​ຜ່ານກອງ​ປະ​ຊຸມ​ອີກ​ຄັັ້ງ. ພ້ອມ​ກັນ​ນັ້ນ, ທ່ານ​ຍັງ​ແນະ​ນຳຫຼາຍບັນຫາ ໂດຍ
​ສະ​ເພາະ​ດ້ານ​ຄວາມ​ຮູ້​ພື້ນ​ຖານແລະເຕັກ​ນິກວ່າ​ສິ່ງ​ໃດ​​ສຳ​ຄັນ​ກັບ​ນັກ​ສຶກ​ສາ​ຂອງ​ພວກ​ເຮົາທີ່​ຈະ​ເອົາ​ໄປ​ສອນ​ຢູ່ຕາມ​ສະ​ຖາ​ບັນ​ການ​ສຶກ​ສາ​ຕ່າງໆ
ເພື່ອ​ໃຫ້​ນັກ​ສຶກ​ສາ​ໄດ້​ຖ່າຍ​ທອດ​ ແລະ​ ປະ​ຕິ​ບັດ​ໄດ້​ຢ່າງ​ແທ້​ຈິງ ພ້ອມ​ກັບ​ໃຫ້​ທຸກ​ຄົນ​ເນັ້ນ​ກິ​ລາ​ ທີ່​ຢູ່​ໃນຫຼັກ​ສູດ​ພາຍ​ໃນ​ໂຮງ​ຮຽນ​ເປັນຫຼັກ ແລະ
ໃຫ້​ເກັ່ງ​ແທ້.

      ສຳ​ລັບກອງ​ປະ​ຊຸມ​ໃນ​ຄັ້ງ​ນີ້ ແມ່ນຈະດຳ​ເນີນ​ເປັນ​ເວ​ລາ 5 ວັນ ລະຫວ່າງວັນ​ທີ 15-19  ທັນ​ວາ 2017  ໂດຍ​ຈະແບ່ງ​​ເປັນ 2 ໄລ​ຍະ​ ປະ
​ກອບ​ມີ: ​ໄລ​ຍະທີ 1 ກອງ​ປະ​ຊຸມຈະ​ໃຫ້​ສາ​ມາຊິກ​ທີ່​ເຂົ້າ​ຮ່ວມນຳ​ສະ​ເໜີ​ໂຄງ​ສ້າງຫຼັກ​ສູດລະ​ບົບ 12+2 ຊັ້ນ​ສູງ ທີ່​ໄດ້​ນຳ​ໃຊ້​ຜ່ານ​ມາ (ສົກ​ຮຽນ
2013-2014) ພ້ອມ​ກັບ​ຖອດ​ຖອນ​ບົດ​ຮຽນດ້ານ​ດີ, ດ້ານ​ອ່ອນແລະວິ​ທີ​ແກ້​ໄຂ;ນຳ​ສະ​ເໜີ​ຮ່າງ​ໂຄງ​ສ້າງຫຼັກ​ສູດ​ສະ​ບັບ​ປັບ​ປຸງ(2017-2018)
ພ້ອມ​ກັບ​ປະ​ກອບ​ຄຳ​ເຫັນ​ໃສ່​ໂຄງ​ສ້າງຫຼັກ​ສູດ​ສະ​ບັບ​ປັງ​ປຸງ ແລະ ສັງ​ລວມ​ຄຳ​ເຫັນແຕ່​ລະ​ດ້ານ; ສະ​ເໜີຫຼັກ​ສູດ​ລາຍ​ວິ​ຊາ ແລະປັບ​ປຸງ​ເນື້ອ​ໃນ
ຫຼັກ​ສູດ​ລາຍ​ວິ​ຊາໝວດ​ວິ​ຊາ​ຄວາມ​ຮູ້​ທົ່ວ​ໄປ; ສະ​    ເໜີຫຼັກ​ສູດລາຍ​ວິ​ຊາໝວດ​ວິ​ຊາ​ຄວາມ​ຮູ້​ພື້ນ​ຖານ​ວິ​ຊາ​ສະ​ເພາະ, ຄົ້ນ​ຄວ້າ, ປະ​ກອບ​ຄຳ
​ເຫັນ ແລະ ປັບ​ປຸງ​ເນື້ອ​ໃນຫຼັກ​ສູດ​ລາຍ​ວິ​ຊາ ​ໝວດ​ວິ​ຊາ​ຄວາມ​ຮູ້​ພື້ນ​ຖານ​ວິ​ຊາສະ​ເພາະ;ສະ​ເໜີຫຼັກ​ສູດ​ລາຍ​ວິ​ຊາໝວດ​ວິ​ຊາ​ສະ​ເພາະຄົ້ນ​ຄວ້າ,
ປະ​ກອບ​ຄຳ​ເຫັນ ແລະ ປັບ​ປຸງ​ເນື້ອ​ໃນຫຼັກ​ສູດ​ລາຍ​ວິ​ຊາ ​ໝວດ​​ວິ​ຊາສະ​ເພາະ; ສະ​   ເໜີ​ຄົ້ນ​ຄວ້າ​ລາຍ​ວິ​ຊາໝວດ​ວິ​ຊາ​ເລືອກ, ຄົ້ນ​ຄວ້າ, ປະ​
ກອບ​ຄຳ​ເຫັນ ແລະ ປັບ​ປຸງ​ເນື້ອ​ໃນຫຼັກ​ສູດ​ລາຍ​ວິ​ຊາ ​ໝວດ​ວິ​ຊາ​ຄວາມ​ຮູ້​ພື້ນ​ຖານ​ວິ​ຊາ​ເລືອກ; ສະ​ຫຼຸບ ແລະ ສັງ​ລວມ​ຄວາມ​ຄິດ​ເຫັນ ແລະ
ຜ່ານ​ບົດ​ບັນ​ທຶກກອງ​ປະ​ຊຸມ. ຂະ​ນະ​ທີ່ ໄລ​ຍະທີ 2 ແມ່ນ​ຈະ​ເປັນ​ການ​ຂຽນ​ບົດທີ່​ໄດ້​ຈາກ​ການ​ຖ​ອດ​ຖອນ​ບົດ​ຮຽນ​ໃນ​ໄລ​ຍະທີ 1ເຂົ້າ​ໃນຫຼັກ​
ສູດ 12+2 ຊັ້ນ​ສູງ ເພື່ອ​ເອົ​າມາ​ສະຫຼຸບ​.