ສຳເລັດການແຂ່ງຂັນໝາກເສິກ ຊີງຂັນຮອງປະທານປະເທດ ປະຈຳປີ 2017

ສຶກສາ

Written by Super User

ສຳເລັດການແຂ່ງຂັນໝາກເສິກ ຊີງຂັນຮອງປະທານປະເທດ ປະຈຳປີ 2017

26062720 1280142342087915 1084170706 o

   ປິດ​ສາກ​ລົງ​ຢ່າງ​ເປັນ​ທາງ​ການ ສຳລັບການແຂ່ງຂັນກິລາໝາກເສິກ  ທົ່ວປະເທດ ຊີງຂັນ
ທ່ານຮອງປະທານປະເທດແຫ່ງ ສປປ ລາວ ປະຈໍາປີ 2017 ​ໃນວັນທີ 23 ທັນວາຜ່ານ​ມາ
ທີ່ສູນກິລາລ້ານຊ້າງ ອິນດໍ ນະຄອນຫຼວງ​ວຽງ​ຈັນ,ໂດຍໃຫ້ກຽດເຂົ້າຮ່ວມ ແລະ ມອບລາງ
ວັນຂອງ ທ່ານ ພັນຄໍາ ວິພາວັນ ຮອງປະທານປະເທດແຫ່ງ  ສປປ ລາວ 

       ທ່ານ ປອ. ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ທັງເປັນປະທານສະຫະພັນກິລາໝາກເສິກແຫ່ງຊາດ, ມີ
ປະທານສູນກິລາ ລ້ານຊ້າງ ອິນດໍ ພ້ອມດ້ວຍພາກສ່ວນທີ່ກ່ຽວຂ້ອງ ແລະ ນັກກິລາ. ໂອກາດດັ່ງກ່າວ, ທ່ານ ປອ. ຄໍາມະນີ ອິນທິລາດ ກ່າວ
ວ່າ: ສະຫະພັນກິລາໝາກເສິກແຫ່ງຊາດ ໄດ້ຈັດການແຂ່ງຂັນກິລາໝາກເສິກ ທົ່ວປະເທດຊີງຂັນທ່ານຮອງປະທານປະເທດແຫ່ງສປປ ລາວ
ປະຈໍາປີ 2017 ເພື່ອລະນຶກວັນຄ້າຍວັນເກີດຂອງ  ທ່ານປະທານ  ໄກສອນ ພົມວິຫານ  ຄົບຮອບ 97  ປີ ແລະ ວັນສໍາຄັນອື່ນໆ ລວມເຖິງ
ການກຽມກ້າວເຂົ້າສູ່ປີໃໝ່ສາກົນ 2018 ແລະ ປີທ່ອງທ່ຽວລາວ 2018 ດ້ວຍບັນຍາກາດເບີກບານມ່ວນຊື່ນຢູ່ໃນຂະນະນີ້. ພິເສດການຈັດ
ແຂ່ງຂັນຄັ້ງນີ້ ກໍ່ເພື່ອເປັນການສົ່ງເສີມ, ຄັດເລືອກ ແລະ ສັນຫານັກກິລາໝາກເສິກດີເດັ່ນ  ເປັນຕົວແທນ ກະກຽມເຂົ້າຮ່ວມງານກິລາໝາກ
ເສິກ ອາຊຽນ, ພາກພື້ນ ແລະ ສາກົນໃນອະນາຄົດ ໂດຍສະເພາະແມ່ນກຽມຄວາມພ້ອມໃສ່ງານ ລາວ  ໂອເພັນ  ທີ່ຈະຈັດຂຶ້ນໃນເດືອນມັ
ງກອນ 2018 ແລະ ສ້າງຄວາມພ້ອມໃຫ້ກັບນັກກິລາໃນການເຂົ້າຮ່ວມ ງານມະຫາກໍາກິລາແຫ່ງຊາດລາວ ຄັ້ງທີ 11 ທີ່ແຂວງຊຽງຂວາງ ໃນ
ທ້າຍປີ 2018.

        ສໍາລັບການແຂ່ງຂັນຄັ້ງນີ້ ດໍາເນີນເປັນເວລາ 2 ວັນລະຫວ່າງວັນທີ 22-23 ທັນວາ 2017 ໂດຍມີການແຂ່ງຂັນ 2 ປະເພດ ຕາມຫຼັງ
ການສາກົນຄື: ບລີຕິຊ 2 (Blitz) ນາທີ ແລະ ຣາປິດ (Rapid) 10 ນາທີ, ເຊິ່ງປະກອບດ້ວຍ 8 ລາຍການ ໂດຍມີຜູ້ລົງແຂ່ງຂັນລະດັບປະ
ຖົມສົມບູນ, ມັດທະຍົມສົມບູນ, ມະຫາວິທະຍາໄລ ແລະ ລະດັບການນໍາພັກ-ລັດ ຈາກນະຄອນຫຼວງວຽງຈັນ ແລະ ຕ່າງແຂວງ  ເຂົ້າແຂ່ງ
ຂັນເກືອບ 100 ຄົນ. ຜ່ານການແຂ່ງຂັນຜົນປາກົດວ່າ: ຄູ່ກິດຕິມະສັກ: ທ່ານ ພັນຄໍາ ວິພາວັນ ຊະນະ ທ່ານ ປອ. ຄໍາມະນີ ອິນທິລາດ; ປະ
ເພດມັດທະຍົມ 3 ນາທີ: ຊະນະເລີດເປັນຂອງ ທ້າວ ຄອນສະຫວັນ ແສງເລກ, ຮອງຊະນະເລີດ ນາງ ກັນລະຍາ ວັນດວງແກ້ວ ແລະ ອັນ
ດັບ 3 ທ້າວ ວັນນະໄຊ ວົງຊາຕີ; ປະເພດມະຫາວິທະຍາໄລ 49 ປີ 7 ນາທີ: ຊະນະເລີດເປັນຂອງ ທ້າວ ນັດຕະຄີ ອິນສີສຸພັນ, ຮອງຊະນະ
ເລີດ ທ້າວ ສົມມິດ ວົງພະຈິດ ແລະ ອັນດັບ 3 ທ້າວ ວິຍາສອນ ມຸນນະລາດ; ປະເພດມັດທະຍົມ 7 ນາທີ ຊະນະເລີດເປັນຂອງ ທ້າວ ດາວ
ຄໍາ, ຮອງຊະນະເລີດ ທ້າວ ສິລິບຸນທອງ ໄພໂລດ ແລະ ອັນດັບ 3 ທ້າວ ສີຊາຊົນ ປິເຕີ; ປະເພດຜູ້ຍິງທົ່ວໄປ 7 ນາທີ ຊະນະເລີດ ນາງ ດາວ
ພະສຸກ, ຮອງຊະນະເລີດ ນາງ ອຸໄລວັນ ທຸມມະວົງ ແລະ ອັນດັບ 3 ນາງ ວິໄລເພັດ ຊະນະມີໄຊ; ປະເພດຊັ້ນປະຖົມ 7 ນາທີ ຊະນະເລີດ
ທ້າວ ວຸດທິໄຊ ແສງພູວົງ, ຮອງຊະນະເລີດ ນາງ ພອນພະຈັນ ພົມມະໄຊສີ ແລະ ອັນດັບ 3 ທ້າວ ອາມ໋ອນ ກອງແກ້ວ; ປະເພດທີມຍິງ ຊະ
ນະເລີດເປັນຂອງ ດີເຄ, ຮອງຊະນະເລີດ ແຂວງຈໍາປາສັກ ແລະ ອັນດັບ 3 ESS Girls ​ແລະ ປະເພດທີມຊາຍ ຊະນະເລີດເປັນຂອງ ທີມ
ປາກງຽບ, ຮອງຊະນະເລີດ DS ແລະ ອັນດັບ 3 One Peace.