ມສ ວຽງຈັນ ເປີດແຂ່ງຂັນກິລາ ແລະ ສິລະປະສຶກສາທົ່ວໂຮງຮຽນ ສົກ 2017-2018

ສຶກສາ

Written by ອ້ວນດຳ

ມສ ວຽງຈັນ ເປີດແຂ່ງຂັນກິລາ ແລະ ສິລະປະສຶກສາທົ່ວໂຮງຮຽນ ສົກ 2017-2018

26062636 1280143045421178 964147353 o

   ເປີດສາກຢ່າງເປັນທາງການແລ້ວ ການແຂ່ງຂັນກິລາ ແລະ ສິລະປະ-ວັນນະຄະດີ ນັກຮຽນ
ທົ່ວໂຮງຮຽນມັດທະຍົມສຶກສາສົມບູນ (ມສ) ວຽງຈັນຄັ້ງທີ 19 ປະຈຳສົກຮຽນ2017-2018
ເພື່ອເປັນການປະຕິບັດ 5 ຫຼັກມູນການສຶກສາ ແລະ 3 ເນື້ອໃນຂໍ້ແຂ່ງຂັນຂອງກະຊວງສຶກສາ
ທິການ ແລະ ກິລາ ວາງອອກໃຫ້ປາກົດຜົນເປັນຈິງ,ສ້າງຂະບວນການຄຳນັບຮັບຕ້ອນວັນສ້າງ
ຕັ້ງກອງທັບປະຊາຊົນປະຕິວັດລາວຄົບຮອບ 69 ປີ ແລະ ຄັດເລືອກນັກກິລາດີເດັ່ນບັນຈຸເຂົ້າ
ສະໂມສອນກິລາ ມສ ວຽງຈັນ ກຽມເຂົ້າຮ່ວມແຂ່ງຂັນງານກິລາທົ່ວນະຄອນຫຼວງວຽງຈັນ.

       ພິທີເປີດການແຂ່ງຂັນຄັ້ງນີ້ ໄດ້ຈັດຂຶ້ນ ເມື່ອວັນທີ 22 ທັນວາ ຜ່ານມາ ທີ່ສະໜາມກິລາເຕະບານ ມສ ວຽງຈັນ ເມືອງຈັນທະບູລີ ນະ
ຄອນຫຼວງວຽງຈັນໃຫ້ກຽດເຂົ້າຮ່ວມຂອງທ່ານ ຄຳພັນ ອ່ອນພັນ ຮອງຫົວໜ້າກົມພະລະ ແລະ ສິລະປະສຶກສາກະຊວງສຶກສາທິການ ແລະ
ກິລາ, ທ່ານ ຄຳສະຫວັນ ໂຄດໄຊ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ທ່ານ ນາງ ວຽງສຸວັນພະໄຊ
ສົມບັດ ຜູ້ອຳນວຍການ ໂຮງຮຽນ ມສ ວຽງຈັນ ພ້ອມດ້ວຍຄະນະອຳນວຍການ, ຕາງໜ້າກົມມັດທະຍົມສຶກສາ, ພະນັກງານ, ຄູ-ອາຈານ,
ບັນດາຜູ້ໃຫ້ການສະໜັບສະໜູນ, ແຂກຖືກເຊີນ, ພໍ່-ແມ່ຜູ້ປົກນັກຮຽນ ແລະ ນ້ອງໆນັກຮຽນເຂົ້າຮ່ວມ. 

      ໂອກາດນີ້, ນາງ ວຽງສຸວັນ ພະໄຊສົມບັດ ກ່າວວ່າ: ດັ່ງທີ່ຮູ້ນຳກັນແລ້ວວ່າ ຂະບວນກິລາ, ສິລະປະ ແລະ ກິດຈະກຳຕ່າງໆໃນໂຮງຮຽນ
ແມ່ນກິດຈະກຳທີ່ສາມາດສ້າງນັກຮຽນມີການພັດທະນາ ຂະຫຍາຍຕົວຢ່າງຮອບດ້ານ ເຊັ່ນ: ດ້ານແນວຄິດ, ນໍ້າໃຈລວມໝູ່, ເສຍສະຫຼະ, ມີ
ສະຕິປັນຍາ, ຮູ້ແກ້ໄຂບັນຫາຢ່າງສອດຄ່ອງ, ດ້ານຮ່າງກາຍໄດ້ມີການພັດທະນາຢ່າງສົມສ່ວນ, ມີສຸຂະພາບແຂງແຮງຫ່າງໄກຈາກຢາເສບຕິດ
ແລະ ຕ້ານປາກົດການຫຍໍ້ທໍ້ໃນໂຮງຮຽນ ກໍ່ຄື ສັງຄົມ ດັ່ງຄຳເວົ້າທີ່ວ່າ “ກິລາເພື່ອສຸຂະພາບ ກິລາຄືມິດຕະພາບ   ສິລະປະເພື່ອຄວາມສີວິໄລ
ທາງດ້ານຈິດໃຈ” ໂຮງຮຽນພວກເຮົາປັດຈຸບັນມີພະນັກງານ ຄູ-ອາຈານ ທັງໝົດ167 ຄົນ, ຍິງ 115 ຄົນ, ນັກຮຽນ 3.216 ຄົນ, ຍິງ 1.853
ຄົນ ແລະ ມີຫ້ອງຮຽນ 84 ຫ້ອງ.

     ການແຂ່ງຂັນກິລາ ແລະ ສິລະປະ-ວັນນະຄະດີ ນັກຮຽນ ທົ່ວໂຮງຮຽນມັດທະຍົມສຶກສາສົມບູນ (ມສ) ວຽງຈັນ ປະຈຳສົກຮຽນ 2017
-2018 ໄດ້ເລີ່ມແຂ່ງຂັນມາແຕ່ເດືອນຕຸລາ 2017 ແລະ ຄາດວ່າໃນເດືອນມີນາ 2018 ຈະສຳເລັດສຳລັບກິລາມີແຂ່ງຂັນທັງໝົດ 10 ປະເພດ
ປະກອບມີ ເຕະບານ, ກະຕໍ້, ເປຕັງ, ດອກປີກໄກ່, ບານບ້ວງ, ບານສົ່ງໃນຮົ່ມ, ບານສົ່ງຫາດຊາຍ, ດຶງເຊືອກ ແລະ  ປິ່ງປ່ອງ  ທັງປະເພດຍິງ
ແລະ ຊາຍ ສ່ວນການແຂ່ງຂັນສິລະປະວັນນະຄະດີ ມີ 6 ລາຍການ ຄື: ຂັບລໍາ, ຮ້ອງເພງ, ເສບດົນຕີເປັນວົງ, ເຕັ້ນເພື່ອສຸຂະພາບ,ຟ້ອນແລະ
ລະຄອນສັ້ນ. ນອກຈາກນັ້ນ, ກໍ່ຍັງມີກິດຈະກຳວາທະສິນ, ຖາມຕອບວິທະຍາສາດ ແລະ ການແຂ່ງຂັນຂຽນຂ່າວ, ອອກຂ່າວ-ແຕ້ມຮູບ,ໂຕ້
ວາທີ, ກິດຈະກຳພາສາຕ່າງປະເທດ, ອານຸລັກສິ່ງແວດລ້ອມ, ປ້ອງກັນ ແລະ ສິລະທຳ ອື່ນໆອີກ.

       ແນວໃດກໍ່ດີ, ຂໍຮຽກຮ້ອງມາຍັງພະນັກງານ ຄູ-ອາຈານ, ພໍ່-ແມ່ຜູ້ປົກຄອງນັກຮຽນ ແລະ ນ້ອງນັກຮຽນ ຈົ່ງພ້ອມກັນຕັ້ງໜ້າເອົາໃຈໃສ່
ເຂົ້າຮ່ວມຂະບວນການນີ້ໃຫ້ເກີດຜົນສຳເລັດຕາມເປົ້າໝາຍທີ່ວາງໄວ້ ແລະ ເຊື່ອວ່າປີນີ້ ຈະສາມາດສ້າງນັກກິລາດີເດັ່ນໄດ້ຈຳນວນຫຼວງຫຼາຍ
ຕາງໜ້າທັບນັກກິລາ ນະຄອນຫຼວງວຽງຈັນ ເຂົ້າຮ່ວມຮັກສາມູນເຊື້ອຍາດເອົາຜົນງານ ໃນຊຽງຂວາງ ເກມ 2018. ພ້ອມ ນັ້ນ, ຂໍຮຽກຮ້ອງ
ມາຍັງນັກກິລາຈົ່ງເສຍສະຫຼະ ແລະ ເອົາໃຈໃສ່ຢ່າງຕັ້ງໜ້າເຂົ້າຮ່ວມແຂ່ງຂັນຍາດເອົາຜົນງານໃນຄັ້ງນີ້ເພື່ອສ້າງຕົນເອງກາຍເປັນນັກກິລາດີເດັ່ນ
ບັນຈຸເຂົ້າຮ່ວມສະໂມສອນກິລາຕາມເປົ້າໝາຍທີ່ວາງໄວ້.