ພະນັກງານຫຼັກແຫຼ່ງ ສສກ 50 ສະຫາຍ ຮັບການຍົກລະດັບທິດສະດີການເມືອງ-ການປົກຄອງ ໄລຍະສັ້ນ 45 ວັນ

ສຶກສາ

Written by ຕຸ່ນຄຳ

ພະນັກງານຫຼັກແຫຼ່ງ ສສກ 50 ສະຫາຍ ຮັບການຍົກລະດັບທິດສະດີການເມືອງ-ການປົກຄອງ

ໄລຍະສັ້ນ 45 ວັນ

26037866 1280142812087868 851727496 o

  ພະນັກງານຫຼັກແຫຼ່ງ, ພະນັກງານ​ລະດັບ​ຜູ້​ບໍລິຫານ​ຂັ້ນ​ຕ່າງໆ​ທັງ​ພາຍ​ໃນ​ສໍານັກ​ກະຊວງ ​ແລະ
ທຸກ​ພາກສ່ວນ​ອ້ອມ​ຂ້າງ​ກະ​ສຶກສາ​ທິການ ​ແລະ ກິລ ຈຳນວນ 50 ສະຫາຍ ໄດ້ຮັບການ​ຍົກ​ລະ
ດັບ​ທາງ​ດ້ານທິດ​ສະ​ດີກາ​ນ​ເມືອງ-ການ​ປົກຄອງ​ ໄລຍະ​ສັ້ນ 45 ວັນຊຸດ​ທີ 8 ​ຈາກຫ້ອງການຄະ
ນະພັກກະຊວງ ສສກເພື່ອ​ຍົກ​ສູງ​ຄຸນະພາບ​ຂອງ​ວຽກ​ງານ​ແນວ​ຄິດ​ການ​ເມືອງ​ໃຫ້ມີຄວາມ​ໜັກ
​ແໜ້ນ-​ເຂັ້ມ​ແຂງ ແນໃສ່ນຳມາໝູນໃຊ້ເຂົ້າໃນການປະຕິບັດໜ້າທີ່ການເມືອງ, 

ວຽກງານຕົວຈິງ, ເຂົ້າໃນການຈັດຕັ້ງການຮຽນ-ການສອນ, ວຽກງານບໍລິຫານ, ການນໍາພາ ແລະ ການຄຸ້ມຄອງຂອງຕົນຮັບຜິດຊອບໃຫ້ເກີດ
ຜົນປະ​ໂຫຍ​ດສູງ​ສຸດ.ພິທີເປີດຊຸດເຝິກອົບຮົມຄັ້ງນີ້ ໄດ້ມີຂຶ້ນໃນວັນ​ທີ 25 ທັນວາ ຜ່ານ​ມາ ທີ່​ສະ​ໂມ​ສອນ​ວິທະຍາ​ໄລ​ຄູ​ດົງ​ຄໍາ​ຊ້າງ ນະຄອນ
ຫຼວງ​ວຽງ​ຈັນ, ​ໂດຍ​ໃຫ້​ກຽດ​ເຂົ້າຮ່ວມ​ຂອງ​ ສະຫາຍ ຮສ.ປອ ກອງ​ສີ ​ແສງ​ມະນີ ຄະນະ​ປະ​ຈໍາ​ພັກ, ຮອງ​ລັດຖະມົນຕີກະຊວງ​ສຶກສາ​ທິການ
​ແລະ ກິລາ, ສະຫາຍ ຈອມ​ແສງ ສະ​ຫຼີພົນ ຕາງໜ້າ​ຄະນະ​ພັກ, ຄະນະ​ນໍາສະ​ຖາ​ບັນ​ການ​ເມືອງ-ການ​ປົກຄອງ​ແຫ່ງ​ຊາດ ແລະ ສະຫາຍ ນາງ
ວິລາ ແສງສະຫວ່າງ ເລຂາໜ່ວຍພັກ, ຜູ້ອໍານວຍການວິທະຍາໄລຄູ ດົງຄໍາຊ້າງ ພ້ອມ​ດ້ວຍ​ຄະນະ​ພັກ​ກະຊວງ ສສກ, ພະ​ນັກ​ງານ​ຫຼັກ​ແຫຼ່ງ,
ພະນັກງານ​ລະດັບ​ຜູ້​ບໍລິຫານ​ຂັ້ນ​ພະ​ແນ​ກ ​ແລະ ວິຊາ​ການ ​ທີ່​ເປັນ​ເປົ້າ​ໝາຍ​ສືບ​ທອດ​ສໍານັກ​ກະຊວງ, ສູນ, ສະ​ຖາ​ບັນ, ໂຮງຮຽນ​ອ້ອມ​ຂ້າງ
​ທັງ​ພາກ​ລັດ ​ແລະ ​ເອກະ​ຊົນ ຕະຫຼອດ​ຮອດທຸກ​ພາກສ່ວນ​ອ້ອມ​ຂ້າງ​ກະ​ຊວງ ສສກ ຈໍານວນ 50 ສະຫາຍ.

      ​ໃນ​ໂອກາດ​ດັ່ງກ່າວ, ສະຫາຍ ປອ. ສໍາລານ ພັນ​ຄະ​ວົງ  ຄະນະ​ພັກກະຊວງ,  ຮອງ​ຫົວໜ້າ​ຫ້ອງການ​ຄະນະ​ພັກ ກະຊວງ​ສຶກສາ​ທິການ
​ແລະ ກິລາ ລາຍ​ງານ​ໃຫ້​ຮູ້​ວ່າ: ການຈັດຊຸດເຝິກອົບຮົມຄັ້ງນີ້, ກໍ່ເພື່ອໃຫ້ສະມາຊິກພັກ,ພະນັກງານຫຼັກແຫຼ່ງທຸກສະຫາຍທີ່ເຂົ້າຮ່ວມເຝິກອົບ
ຮົມ ໄດ້ເຊື່ອມ ຊືມ, ກໍາແໜ້ນບັນດາເນື້ອໃນອັນສໍາຄັນພື້ນຖານຂອງທິດສະດີມາກ-ເລນິນ, ແນວຄິດ ປະທານ ໄກສອນ ພົມວິຫານ  ແລະ
ມູນເຊື້ອຊອງພັກ ປະຊາຊົນ ປະຕິວັດລາວ; ກໍາໄດ້ແນວທາງການເມືອງ, ແຜນນະໂຍບາຍຂອງພັກ, ລະບຽບກົດໝາຍ ແລະ  ແຜນພັດທະ
ນາເສດຖະກິດ-ສັງຄົມຂອງລັດທີ່ໄດ້ກຳນົດໄວ້ໃນແຕ່ລະໄລຍະ; ເຮັດໃຫ້ມີຄວາມຮູ້ພື້ນຖານທາງດ້ານທິດສະດີ ເພື່ອມາໝູນໃຊ້ເຂົ້າໃນການ
ປະຕິບັດໜ້າທີ່ການເມືອງ, ວຽກງານຕົວຈິງ, ເຂົ້າໃນການຈັດຕັ້ງການຮຽນ-ການສອນ, ວຽກງານບໍລິຫານ,  ການນໍາພາ, ການຄຸ້ມຄອງຂອງ
ຕົນຮັບຜິດຊອບໃຫ້ເກີດຜົນປະ​ໂຫຍ​ດສູງ​ສຸດ ​ແລະ ​ເພື່ອ​ເຮັດ​ໃຫ້​ແຜນການ​ດ້ານ​ການ​ບໍ​ລຸງ, ສ້າງ, ການ​ນໍາ​ໃຊ້, ການ​ຄຸ້ມ​ຄອງ​ພະນັກງານລັດ
ຖະກອນ ​ໃຫ້​ຕິດ​ພັນ​ກັບ​ວິ​ໄສ​ທັດ​ຍຸດ​ທະ​ສາດ ​ແລະ ​ແຜນ​ພັດທະນາ​ການ​ສຶກສາ​ແຫ່ງ​ຊາດ ​ແຕ່​ນີ້​ຫາ​ປີ 2020, 2025 ​ແລະ 2030.

      ສ່ວນ​ວິທີ​ຈັດ​ເຝິກອົບຮົມ​ນັ້ນ ​ແມ່ນ​ຈັດ​ຕັ້ງ​ການ​ຂຶ້ນ​ຫ້​ອງ, ມີ​ເອກະສານ​ກ່ຽວ​ກັບ​ທິດ​ສະ​ດີກາ​ນ​ເມືອງ-ການ​ປົກຄອງ ທັງ​ໝົດ 5 ພາກວິ
ຊາ​ ​ແລະ 39 ບົດ, ມີ​ວິທະຍາກອນ​ຂຶ້ນ​ບັນຍາຍ, ມີ​ການ​ສະຫຼຸບ, ຖອດ​ຖອນ​ບົດຮຽນ ​ແລະ ລາຍ​ງານ​ໃຫ້​ຂັ້ນ​ເທິງ. ​ແລະ  ການ​ຮຽນ ​ ແມ່ນ
​ຮຽນ​ທຸກໆ​ວັນ​ເຂົ້າ​ການ ຄົບ 45 ວັນ ບໍ່​ນັບ​ວັນ​ເສົາ-ອາທິດ, ວັນ​ບຸນ​ປະ​ເພນີ ​ແລະວັນ​ບຸນ​ປະຫວັດສາດ​ຕ່າງໆ​ເຊິ່ງ​ເລີ່ມເປີດ​ເຝິກອົບຮົມ​ທິດ
​ສະ​ດີ​ດັ່ງ​ກ່າວ ​ລະຫວ່າງວັນ​ທີ 25 ທັນວາ 2017 ຫາ​ ວັນ​ທີ 20 ມີນາ 2018.

      ສໍາລັບ​ເນື້ອ​ໃນ​ຂອງ​ການ​ເຝິກອົບຮົມ ປະກອບ​ມີ 5 ພາກວິຊາ, ມີ 39 ບົດ ຄື: ວິຊາ​ປັດ​ສະຍາ 8 ບົດ, ວິຊາ​ເສດຖະສາດ​ການ​ເມືອງ 8
ບົດ, ວິຊາ​ລັດທິ​ສັງຄົມ​ນິຍົມ​ວິທະຍາສາດ 10 ບົດ, ວິຊາ​ບໍລິຫານ​ສາດ 8 ບົດ ​ແລະ ວິຊາ​ກໍ່ສ້າງ​ພັກ 5 ບົດ. ນອກຈາກ​ນັ້ນ, ຍັງ​ມີ​ເອກະສານ
4 ບຸກທະລຸ​ຂອງ​ຂະ​ແໜງ​ການ​ສຶກສາ ​ແລະ ກິລາ ພ້ອມ​ທັງ​ເອກະສານ​ມະຕິ​ຕ່າງໆ​ຂອງ​ພັກ ​ແລະ ລັດ​ຈໍານວນ​ໜຶ່ງ.