ລັດຖະບານລາວ ປະດັບຫຼຽນໄຊແຮງງານ ຊັ້ນ 1 ໃຫ້ ໂຮງຮຽນມິດຕະພາບ T78 ສສ ຫວຽດນາມ

ສຶກສາ

Written by ບຸນທະວີ ລາຍງານຈາກ ສສ ຫວຽດນາມ

ລັດຖະບານລາວ ປະດັບຫຼຽນໄຊແຮງງານ ຊັ້ນ 1 ໃຫ້ ໂຮງຮຽນມິດຕະພາບ

T78 ສສ ຫວຽດນາມ

26037895 1280142675421215 480499168 o

   ກະຊວງສຶກສາທິການ ແລະ ກິລາ ຕາງໜ້າໃຫ້ລັດຖະບານ ສປປ ລາວ ປະດັບຫຼຽນໄຊແຮງ
ງານຊັ້ນ 1 ໃຫ້ໂຮງຮຽນມິດຕະພາບ ເຕ 78 (T78) ເມືອງຟຸກທໍ້ ນະຄອນຫຼວງຮ່າໂນ້ຍ   ສສ
ຫວຽດນາມ ທີ່ໄດ້ປະກອບສ່ວນກໍ່ສ້າງນັກຮຽນ-ນັກສຶກສາລາວ  ໄດ້ຮຽນຮູ້ພາສາຫວຽດນາມ
ແລະຄວາມຮູ້ພື້ນຖານເພື່ອກຽມເຂົ້າມະຫາວິທະຍາໄລແຫ່ງຕ່າງໆໃນ ສສ ຫວຽດນາມມາຫຼາຍ
ຮຸ່ນຄົນ.

        ໃນວັນທີ 23 ທັນວາ ຜ່ານມາ ທີ່ໂຮງຮຽນມິດຕະພາບ T78 ສສ ຫວຽດນາມ ໄດ້ມີພິທີສະເຫຼີມສະຫຼອງວັນສ້າງຕັ້ງໂຮງຮຽນ T78
ແລະ ພິທີປະດັບຫຼຽນໄຊແຮງງານຊັ້ນ 1 ຂອງ ສປປ ລາວ, ໂດຍເປັນກຽດຕາງໜ້າ ປະດັບຫຼຽນໄຊຂອງ ສະຫາຍ ຮສ.ປອ ກອງສີແສງມະນີ
ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງສຶກສາທິການ ແລະ ກິລາ, ມີສະຫາຍ ສຈ.ປອ ຈະເລີນ ເຢຍປາວເຮີ  ກໍາມະ
ການສູນກາງພັກ, ລັດຖະມົນຕີປະຈໍາສໍານັກງານນາຍົກ, ໂຄສົກລັດຖະບານ ພ້ອມດ້ວຍພັນລະຍາ, ສະຫາຍ ປອ. ພິມມະສອນເລືອງຄໍາມາ
ອາດີດກໍາມະການສູນກາງພັກ, ອາດີດລັດຖະມົນຕີກະຊວງສຶກສາທິການ ແລະ ກິລາ, ສະຫາຍ ທອງສະຫວັນ ພົມວິຫານ  ເອກອັກຄະລັດ
ຖະທູດວິສາມັນຜູ້ມີອໍານາດເຕັມແຫ່ງ ສປປ ລາວ ປະຈໍາ ສສ ຫວຽດນາມ, ສະຫາຍ ຮສ.ປອ ຫງວຽນ ວັນຟຸກ ຮອງລັດຖະມົນຕີກະຊວງ
ສຶກສາ ແລະ ກໍ່ສ້າງຫວຽດນາມ ແລະ ສະຫາຍ ຫງວຽນ ຕວນເຫງຍ ເລຂາຄະນະພັກ ຜູ້ອໍານວຍການໂຮງຮຽນມິດຕະພາບ  T78  ພ້ອມ
ດ້ວຍຫົວໜ້າ-ຮອງຫົວໜ້າກົມ, ເລຂາຄະນະພັກເມືອງ, ຄະນະອໍານວຍການ, ອາດີດຜູ້ອໍານວຍການ, ອາດີດພະນັກງານ, ຄູ-ອາຈານທີ່ເຄີຍ
ເຮັດວຽກຢູ່ໂຮງຮຽນມິດຕະພາບ T78 ແລະ ນັກຮຽນ-ນັກສຶກສາທີ່ກໍາລັງກຽມພາສາຫວຽດນາມ 200 ກວ່າຄົນເຂົ້າຮ່ວມຢ່າງພ້ອມພຽງ.

       ໂອກາດດັ່ງກ່າວ, ສະຫາຍຜູ້ອໍານວຍການໂຮງຮຽນມິດຕະພາບ T78 ໄດ້ຜ່ານບົດລາຍງານກ່ຽວກັບຜົນງານການສ້າງຕັ້ງໃນໄລຍະ 60
ປີ ພ້ອມກັນນັ້ນ, ສະຫາຍ ຮອງລັດຖະມົນຕີກະຊວງສຶກສາ ແລະ ກໍ່ສ້າງ ຫວຽດນາມກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ສາ
ມາດຍາດມາໄດ້ ໂດຍສະເພາະແຜນຜົນງານທີ່ປະກອບສ່ວນໃນການສ້າງຊັບພະຍາກອນມະນຸດໃຫ້ແກ່ສປປ ລາວ ພ້ອມທັງໃຫ້ສືບຕໍ່ຮັກສາ
ຜົນງານທີ່ຍາດມາໄດ້ ແລະ ໃຫ້ປັບປຸງແກ້ໄຂຫຼັກສູດການຮຽນ-ການສອນ ແລະ ສິ່ງອໍານວຍຄວາມສະດວກໃຫ້ດີກວ່າເກົ່າ ແລະ ທັນສະໄໝ
ຫຼາຍຂຶ້ນ.

      ໃນພິທີ, ໄດ້ມີການປະດັບຫຼຽນໄຊແຮງງານຊັ້ນ 1 ໃຫ້ 1 ກົມກອງ ກໍ່ຄືໂຮງຮຽນ ມິດຕະພາບT78. ນອກຈາກນັ້ນ,ຍັງໄດ້ປະດັບຫຼຽນ
ໄຊມິດຕະພາບໃຫ້ 1 ເມືອງ ແລະ 5 ຕາແສງ; ຫຼຽນໄຊແຮງງານຊັ້ນ 2 ຈໍານວນ 2 ທ່ານ, ຫຼຽນໄຊແຮງງານຊັ້ນ 3 ຈໍານວນ 4 ທ່ານ, ຫຼຽນ
ໄຊມິດຕະພາບ ຈໍານວນ 10 ທ່ານ ແລະ ຫຼຽນກາມິດຕະພາບ ຈໍານວນ 8 ທ່ານທີ່ໄດ້ປະກອບສ່ວນກໍ່ສ້າງນັກຮຽນ-ນັກສຶກສາລາວໄດ້ຮຽນ
ຮູ້ພາສາຫວຽດນາມ ແລະ ຄວາມຮູ້ພື້ນຖານເພື່ອກຽມເຂົ້າມະຫາວິທະຍາໄລແຫ່ງຕ່າງໆໃນ ສສ ຫວຽດນາມ.

       ໂອກາດດຽວກັນ, ສະຫາຍ ຮສ.ປອ ກອງສີ ແສງມະນີ ກໍ່ໄດ້ກ່າວເຖິງປະຫວັດຂອງໂຮງຮຽນດັ່ງກ່າວ, ເຊິ່ງເປັນໂຮງຮຽນແຫ່ງທໍາອິດ
ທີ່ໄດ້ຈັດຕັ້ງການຮຽນ-ການສອນກຽມພາສາຫວຽດນາມ ໃຫ້ແກ່ນັກສຶກສາລາວ ແຕ່ປີ 1958 ເປັນຕົ້ນມາ ແລະ ຍັງສືບຕໍ່ສອນພາສາຫວຽດ
ນາມ ແລະ ໃຫ້ຄວາມຮູ້ພື້ນຖານ ແກ່ນັກຮຽນ-ນັກສຶກສາລາວ ເພື່ອກຽມເຂົ້າມະຫາວິທະຍາໄລແຫ່ງຕ່າງໆຢູ່ ສສ ຫວຽດນາມ ຕະຫຼອດມາ
ແລະ  ໃນຈໍານວນນັກຮຽນທີ່ຮຽນຢູ່ໂຮງຮຽນແຫ່ງນີ້ກໍ່ມີຫຼາຍສະຫາຍໄດ້ຮັບໜ້າທີ່ອັນສູງສົ່ງ  ນັບແຕ່ຂັ້ນທ້ອງຖິ່ນຈົນເຖິງຈຸດສູງສຸດໃນຂັ້ນ
ສູນກາງ ພ້ອມທັງຮຽກຮ້ອງໃຫ້ຊາວໜຸ່ມນັກຮຽນ-ນັກສຶກສາລາວທີ່ກໍາລັງກຽມພາສາຈົ່ງສືບຕໍ່ມູນເຊື້ອອັນດີງາມ ແລະ ຮັກສາຄວາມສາມັກ
ຄີແບບພິເສດໃຫ້ຍືນຍົງຕະຫຼອດໄປ.

       ຂະນະດຽວກັນ, ສະຫາຍ ສຈ.ປອ ຈະເລີນ ເຢຍປາວເຮີ ກໍ່ໄດ້ມີຄຳເຫັນ ໂດຍໄດ້ຫວນຄືນອາດີດ ແລະ ສະແດງຄວາມຂອບໃຈ ຕໍ່ຄູ-
ອາຈານຫວຽດນາມທີ່ໃຫ້ຄວາມຮູ້ ບົດຮຽນ ແລະ ທິດສະດີມາກເລນິນ, ຮຽນຮູ້ສິ່ງທີ່ເປັນແບບຢ່າງທີ່ປະທານໂຮ່ຈິມິນໄດ້ຖ່າຍທອດໃຫ້ຈົນ
ເຕີບໃຫຍ່ ແລະ ກາຍເປັນຜູ້ນໍາໃນປັດຈຸບັນ ພ້ອມກັນນັ້ນ,ກໍ່ຮຽກຮ້ອງໃຫ້ ຄູ-ອາຈານ ຫວຽດນາມຊ່ວຍສ້າງຖັນແຖວນັກຮຽນຊາວໜຸ່ມສືບ
ຕໍ່ຜັນຂະຫຍາຍໃຫ້ມີຜົນງານທີ່ດີຕະຫຼອດໄປ.

      ພາຍຫຼັງສໍາເລັດພິທີແລ້ວ, ຂະບວນອາດີດນັກສຶກສາລາວ ທີ່ມາຈາກຫຼາກຫຼາຍກະຊວງແລະກົມກອງ 100 ກວ່າທ່ານນໍາໂດຍສະຫາຍ
ສຈ.ປອ ຈະເລີນ ເຢຍປາວເຮີ ໄດ້ໄປທັດສະນະສຶກສາ ຢ້ຽມຊົມຖານທີ່ໝັ້ນ K9, ເຊິ່ງເປັນສະຖານທີ່ໆສໍາຄັນ ໂດຍສະເພາະແມ່ນເປັນສະ
ຖານທີ່ໆປະທານໂຮ່ຈິມິນ ໄດ້ປະຊຸມປຶກສາຫາລືກ່ຽວກັບວຽກງານຕ່າງໆຂອງກົມການເມືອງໃນໄລຍະ 1962-1969.​ ນອກຈາກນີ້ຍັງເປັນ
ສະຖານທີ່ຮອງຮັບໃນໄລຍະມີເສິກສົງຄາມ, ເຊິ່ງໃນປັດຈຸບັນ ໄດ້ເປີດໃຫ້ປະຊາຊົນຫວຽດນາມ  ແລະ  ນັກທ່ອງທ່ຽວທົ່ວໂລກໄດ້ເຂົ້າຊົມ
ແລະ ຮັບຮູ້ເຖິງສະຖານທີ່ໝັ້ນຂອງປະທານໂຮ່ຈິມິນ.

      ການເຂົ້າຮ່ວມຂອງຄະນະຜູ້ແທນລາວໃນຄັ້ງນີ້, ແມ່ນເປັນການຮ່ວມມືລະຫວ່າງ 2 ກະຊວງ ກໍ່ຄື ກະຊວງສຶກສາທິການ ແລະ ກິລາ ສ
ປປ ລາວ ແລະ ກະຊວງສຶກສາ ແລະ ກໍ່ສ້າງ ສສ ຫວຽດນາມ ເນື່ອງໃນໂອກາດປີສາມັກຄີພິເສດແລະສະເຫຼີມສະຫຼອງ 2 ວັນປະຫວັດສາດ
ລາວ-ຫວຽດນາມ ຄື: ວັນສ້າງຕັ້ງສາຍພົວພັນການທູດ ຄົບຮອບ 55 ປີ ແລະ ວັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດ
ນາມ ຄົບຮອບ 40 ປີ.