ຄະນະນຳບໍລິຫານລັດ ກະຊວງ ສສກ ທົບທວນຄືນວຽກງານປະຈຳເດືອນທັນວາ

ສຶກສາ

Written by ຕຸ່ນຄຳ

ຄະນະນຳບໍລິຫານລັດ ກະຊວງ ສສກ ທົບທວນຄືນວຽກງານປະຈຳເດືອນທັນວາ

26038037 1280142498754566 701293945 o

   ຫ້ອງການ​ກະຊວງ​ສຶກສາ​ທິການ ​ແລະ ກິລາ (ສສກ) ​ໄດ້​ຈັດ​ກອງ​ປະຊຸມຄະນະນຳບໍລິຫານ
ລັດລະດັບ ກະຊວງ​ ສສກ ສະ​ໄໝ​ສາມັນ ປະຈຳເດືອນທັນວາ  2017  ເພື່ອກຽມລາຍງານໃນ
ກອງປະຊຸມຜູ້ບໍລິຫານການສຶກສາ ​ແລະ ກິລາ ທົ່ວປະເທດ ປະ​ຈໍາປີ 2017  ທີ່ຈະຈັດຂຶ້ນໃນ
ລະຫວ່າງວັນທີ 26-28 ທັນວານີ້ ທີ່ມະຫາວິທະຍາ​ໄລ​ແຫ່ງ​ຊາດ.

  ກອງ​ປະຊຸມ​ດັ່ງກ່າວ, ​ໄດ້​ຈັດ​ຂຶ້ນ​ເມື່ອ​ວັນ​ທີ 22 ທັນວາ ຜ່ານ​ມາ ທີ່​ຫ້ອງ​ປະຊຸມ​ສໍານັກ​ກະຊວງ​ສຶກສາ​ທິການ ​ແລະ ກິລາ, ​​ໂດຍ​ພາຍ​ໃຕ້​ການ
​ເປັນ​ປະທານ​ຂອງ​ ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ, ມີ​ຄະນະ​​ລັດຖະມົນຕີ, ຜູ້​ຊ່ວຍ​ລັດ
ຖະມົນຕີ ພ້ອມ​ດ້ວຍບັນດາ​ຫົວໜ້າ​ກົມ, ສະ​ຖາ​ບັນ, ອົງການ​ທຽບເທົ່າ​ກົມ, ສູນ, ມະຫາວິທະຍາ​ໄລ​ແຫ່ງ​ຊາດ, ບໍລິສັດ ລັດ​ວິ​ສາ​ຫະກິດ​ແລະ
ພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງ​ວຽງ​ຈັນ ​ເຂົ້າ​ຮ່ວມ.

      ​ໃນກອງ​ປະຊຸມ​ດັ່ງກ່າວ, ​ໄດ້ເນັ້ນໃສ່ເນື້ອໃນເອກະສານລາຍງານຂອງຂະແໜງການຍ່ອຍຕ່າງໆ ​​ໂດຍ​ສະ​ເພາະ​ແມ່ນ ລາຍ​ງານ​ກ່ຽວ​ກັບ​ຂະ
​ແໜງ​ການ​ຍ່ອນການ​ສຶກສາກ່ອນ​ໄວ​ຮຽນ,  ຂະ​ແໜງ​ການ​ຍ່ອຍ​ປະຖົມ​ສຶກສາ,  ຂະ​ແໜງ​ການ​ຍ່ອຍ​ການ​ສຶກສາ​ຊັ້ນ​ມັດທະຍົມ​ຕອນ​ຕົ້ນ, ຂະ
​ແໜງ​ການ​ຍ່ອຍ​ການ​ສຶກສາ​ຊັ້ນ​ມັດທະຍົມ​ຕອນ​ປາຍ, ຂະ​ແໜງ​ການ​ຍ່ອຍການ​ສຶກສານ​ອກ​ໂຮງຮຽນ, ຂະ​ແໜງ​ການ​ຍ່ອຍ ການ​ສຶກສາຄູ, ຂະ
​ແໜງ​ການ​ຍ່ອຍອາຊີວະ​ສຶກສາ, ຂະ​ແໜງ​ການ​ຍ່ອຍການ​ສຶກສາ​ຊັ້ນ​ສູງ, ຂະ​ແໜງ​ການ​ຍ່ອຍ ກິລາ-ກ​າຍະ​ກໍາ,ຂະ​ແໜງ​ການ​ຍ່ອຍບໍລິຫານ-ຄຸ້ມ
​ຄອງ ເພື່ອກຽມລາຍງານໃນກອງປະຊຸມຜູ້ບໍລິຫານການສຶກສາ ​ແລະ ກິລາ ທົ່ວປະເທດ ປະ​ຈໍາປີ 2017 ທີ່ຈະຈັດຂຶ້ນໃນລະຫວ່າງວັນທີ 26-
28 ທັນວາ ທີ່ມະຫາວິທະຍາ​ໄລ​ແຫ່ງ​ຊາດ.

   ນອກຈາກ​ນັ້ນ, ຜູ້​ເຂົ້າ​ຮ່ວມ​ໃນ​ກອງ​ປະຊຸມ​ຍັງ​ ໄດ້​ຮັບ​ຟັງ​ການລາຍ​ງານ​ການ​ກະກຽມ​ເນື້ອ​ໃນ, ​ການ​ບໍ​ລິ​ຫານ ​ແລະ ພິທີການ ​ເພື່ອ​ກຽມພ້ອມ
ໃນກອງປະຊຸມ​ດັ່ງກ່າວ. ຫຼັງ​ຈາກ​ນັ້ນ, ​ໃນ​ກອງ​ປະຊຸມ ຍັງ​ໄດ້​ປະກອບ​ຄໍາ​​ເຫັນ​ໃສ່​ເນື້ອ​ໃນ​ເອກະສານ​ໃນ​ແຕ່ລະ​ຂະ​ແໜງ​ການ​ຍ່ອຍ​ຕ່າງໆ​ເພື່ອ​ໃຫ້
​​ເປັນ​ເອກະ​ພາບ​ກັນ ທາງ​ດ້ານ​ເນື້ອ​ໃນ ​ແລະ ​ປຶກສາ​ຫາລືບັນຫາ​ອື່ນໆ ​ເພື່ອ​ເຮັດ​ໃຫ້​ວຽກ​ງານ​ໃນ​ຂະ​ແໜງ​ການ​ສຶກສາ ​ແລະ ກິລາ ​ໄດ້​ຮັບ​ທັງ​ດ້ານ​
ປະລິ​ມານ ​ແລະ ຄຸນະພາບ​ສູງ​ຂຶ້ນ​ເປັນ​ກ້າວໆ.